جۇڭچيۋ مەرەكەسى تاياپ قالدى، مىناداي الدامشىلىقتان، ءسوز جوق، ساق بولۋ كەرەك

جۇڭچيۋ مەرەكەسى قارساڭىندا نەمەسە مەرەكە كەزىندە، كوپشىلىك ەرەكشە ساق بولۋى كەرەك، كەيبىر زاڭسىز ەلەمەنتتەر مەرەكە قارساڭىندا نەمەسە مەرەكە كەزىندە الداپ سوعۋدىڭ ءتۇرلى ايلا-شارعىسىن ىسكە قوسادى. 

كوپشىلىك قاي-قاشان دا قىراعىلىقتى ارتتىرىپ، جاڭادان وركەن جايعان ەلەكتروندى ينفورماتسيا، توراپ الدامشىلىق تاسىلىنەن ساقتانۋعا ەرەكشە نازار اۋدارىپ، اينالامىزعا جاسىرىنعان مىناداي الدامشىلىقتان توتەنشە ساق بولۋى كەرەك. 

الدامشىلىقتىڭ ءبىرىنشى ءتۇرى:

جەدەل جولداما جەتكىزۋشىنىڭ اتىن جامىلىپ، «اي كۇلشە جەتكىزۋ» ءارى «جەدەل جولداما جەتكىزۋ اقىسىن» العان سوڭ تايىپ تۇرۋ

زاڭسىز ەلەمەنتتەر جەدەل جولداما جەتكىزۋشىنىڭ اتىن جامىلىپ «اي كۇلشە» جەتكىزىپ بەرەدى ءارى «جەدەل جولداما جەتكىزۋ اقىسىن» الىپ تايىپ تۇرادى. ءىستىڭ شىن سىرىن بىلمەيتىن بۇقارا تۋىس-تۋعان، دوس-جاراندارىنىڭ پوچتا ارقىلى جولداعان اي كۇلشەسى ەكەن دەپ، وزىنە توسىن قۋانىش سيلاعانىنا دال بولىپ، «جەدەل جولداما جەتكىزۋ اقىسىن» تولەپ بولىپ، سالەمدەمەنىڭ اۋىزىن اشقاندا عانا، ونىڭ ىشىنە تۇگەلدەي جاراقسىز قاعاز سياقتى زات تولتىرىلعانىن ءبىر-اق بىلەدى.

ساقشى جاق مىنانى ەسكەرتتى: جەدەل جولدامانى تاپسىرىپ العاندا، الدىمەن جولداما جولداۋشىنىڭ كىم ەكەنىن، زاتتى تەكسەرىپ وتكىزىپ العاننان كەيىن بارىپ جەدەل جولداما اقىسىن تولەۋ كەرەك. سونىمەن بىرگە، مۇمكىندىكتىڭ بارىنشا سىرتتان كەلگەن جەدەل جولدامانى قابىلداۋدا ەرەكشە ساق بولۋ، بەيتانىس ادامعا دەرەۋ ەسىك اشپاۋ كەرەك. 

الدامشىلىقتىڭ ەكىنشى ءتۇرى:

تۋىس-تۋعان، دوس-جاراندارىنىڭ اتىن جامىلىپ ىزگى تىلەك، كەلتە حات جولداۋ ارقىلى الداپ سوعۋ

زاڭسىز ەلەمەنتتەر مەرەكە كەزىندە تۋىس-تۋعان، دوس-جاران، ساباقتاس-قىزمەتتەستەردىڭ ءبىر-بىرىنە ىزگى تىلەك، كەلتە حات جولداۋ ادەتىنەن پايدالانىپ، كەلتە حات، ۋيچاتتا سالەم حات، پوچتا جولداماسى قاتارلى فورما ارقىلى كومەسكى جاسىرىنعان اعاش ات ۆيرۋسى بار جالعانىمدى جالعايدى ءارى اعاش ات ۆيرۋسىن بارىنشا تاراتادى. ۆيرۋسپەن جۇعىمدالعان تەلەفونى ارقىلى تۇتىنۋشى توراپتا ساۋدا جاساعان كەزدە، زاڭسىز ەلەمەنتتەر تۇتىنۋشىنىڭ ەسەپ ءنومىرى مەن قۇپيا سيفرىنا يە بولادى، سونداي-اق ورايدان پايدالانىپ دەلو تۋدىرادى. 

ساقشى جاق مىنانى ەسكەرتتى: بەيتانىس ادام جولداعان عاجايىپ «مەرەكەلىك ىزگى تىلەكتى» ەلەپ-ەسكەرۋدىڭ قاجەتى جوق. 

الدامشىلىقتىڭ ءۇشىنشى ءتۇرى:

جالعان زات ساتىپ الۋ توراپ بەكەتىن قۇرىپ، «جۇڭچيۋ مەرەكەسىندە ەرەكشە ءتيىمدى باعادا زات ساتۋدى» جەلەۋ ەتىپ الداپ سوعۋ

بۇل ءبىرشاما ءداستۇرلى الدامشىلىق ءتاسىلىنىڭ وزگەرگەن ءبىر ءتۇرى. زاڭسىز ەلەمەنتتەر قالا تۇرعىندارىنىڭ ەلەكتروندىق ساۋدا تەكشەسى ارقىلى، زات ساتىپ الۋ ورايىنان پايدالانىپ، جۇيەلى توراپ دۇكەنىنە ۇقسايتىن ساۋدا توراپ بەكەتىن قۇرىپ، «جۇڭچيۋ مەرەكەسىندە ەرەكشە ءتيىمدى باعادا زات ساتۋ» دەگەن جەلەۋمەن تۇتىنۋشىنى تاۋار ساتىپ الۋعا شىرعالادى. تۇتىنۋشى ناقتى ەسەپ ءنومىرى مەن قۇپيا سيفرىن ەنگىزىپ اقى تولەگەن كەزدە، زاڭسىز ەلەمەنتتەر ناعىز توراپ بانكەسى نەمەسە بانكەنىڭ امانات اقشا كارتچكاسىن، ساۋدا كارتچكاسىن جالعاننان جاساۋ قاتارلى ءتاسىل ارقىلى، تۇتىنۋشىنىڭ قارجىسىن ۇپتەپ كەتەدى.

ساقشى جاق مىنانى ەسكەرتتى: رەسمي توراپ بەكەتىنە شىعۋ ادەتىن قالىپتاستىرىپ، توراپقا شىققان كەزدە توراپ ادرەسى رەسمي توراپ بەكەتىنىڭ توراپ ادرەسى مە، جوق پا مۇقيات تەكسەرۋ قاجەت، سونىمەن بىرگە، حاۋىپسىزدىك دارەجەسى ءبىرشاما جوعارى ءۇشىنشى جاق ساۋدا تەكشەسىن تاڭداۋ كەرەك.

الدامشىلىقتىڭ ءتورتىنشى ءتۇرى:

«كەزەكشى ۇشاق كۇشىنەن قالدى بەلەت قايتارۋ ءراسىمياتىن وتەۋ» دەگەندى جەلەۋ ەتۋ ارقىلى الداپ سوعۋ

مەرەكە كەزىندە، اۆياتسيا سەرىكتەستىگىنىڭ قاريدارلارعا قىزمەت وتەۋشىسى اتىن جامىلىپ الدامشىلىق ىستەيتىن زاڭسىز ەلەمەنتتەردەن ساقتانۋ كەرەك. زاڭسىز ەلەمەنتتەر جولاۋشىلارعا الدامشى كەلتە حات جولداپ: كەزەكشى ۇشاق كۇشىنەن قالدى، اقىسىز بەلەت قايتارۋ ءراسىمياتىن وتەيمىز، الايدا قاتىستى ءراسىميات اقىسىن تاپسىرۋ كەرەك،- دەيدى. ونان سوڭ، جولاۋشىلارعا بەلەت اقشاسىن قايتارعاندا، بانكە كارتچكاڭىزدا ماسەلە بار ەكەن دەپ، تەلەفون ارقىلى بايلانىس جاساۋعا ۇقىق بەرىپ، جولاۋشىنىڭ قۇپيا ماتەريالى قاتارلىلاردى الداپ الادى. 

ساقشى جاق مىنانى ەسكەرتتى: مۇنداي ينفورماتسيانى تاپسىرىپ العاننان كەيىن، دەرەۋ اۆياتسيا سەرىكتەستىگىنىڭ ۇكىمەت جاق تەلەفونى نەمەسە بەلەت ساتىپ الاتىن توراپ بەكەتى ارقىلى تۇراقتاندىرۋ كەرەك، كەلۋ قاينارى انىق بولماعان ينفورماتسياعا وڭاي-وسپاق سەنە سالماۋ قاجەت، اداقتاماي تۇرىپ ءوزىنىڭ بانكە ەسەپ ءنومىرى، كارتچكا ءنومىرى قاتارلى ينفورماتسياسىن بەرۋىنە استە بولمايدى. 

ءۇرىمجى قالالىق ەلەكتروندى ينفورماتسيا، توراپ الدامشىلىعىنا قارسى تۇرۋ ورتالىعى مىنانى ەسكەرتەدى: ەلەكتروندى ينفورماتسيا، توراپ الدامشىلىق ءتاسىلىنىڭ تەحنيكاسى ۇزدىكسىز جوعارىلاپ، جاڭالانىپ، ويدان ويىپ، قىردان قيىستىرىلعان كوپتەگەن الداۋ سەبەبى دە ءداۋىر اۋقىمىنا تىعىز ىلەسىپ كەلەدى. مەيلى قانداي الدامشىلىق تاسىلگە جولىقساڭىز دا، «ەسەپ اۋدارماۋ، اقشا جوتكەمەۋ» عانا بۇلجىماس قاعيدا. ەگەر كۇدىكتى جاعدايعا تاپ بولساڭىز، 7654321-0991 نومىرىنە تەلەفون شالىپ اقىل-كەڭەس سۇراڭىز.

اۋدارعان: ساعىنبەك رابات ۇلى

来源： 天山网

翻译：萨恒别克

审稿、制作：古丽美热