زەرەك بولامىن دەسەڭ ءوزىڭدى الۋەتتەندىرە ءبىل

ءومىر جولى كەدەرگىسىز بولمايدى، باسقاعا تەلمەڭدەگەنشە ءوزىڭ مىقتى بول. ءوزىن الۋەتتەندىرە بىلگەن ادام عانا تاعدىردىڭ سيىنا يە بولا الادى.

دەنە شىنىقتىرۋعا تاباندى بولۋ كەرەك

دەنساۋلىقتىڭ مىقتى بولۋى وتە كەرەمەت جۇمساق كۇش ەسەپتەلەدى. قىزمەت پەن دەمالىس ءتارتىپتى بولسا، دەنەنى شىنىقتىرىپ تۇرساق، دەنە مەن كوڭىل كۇي اقاۋسىزدىعىن ساقتاي بىلسەك، سوندا عانا جەڭىمپاز بولا الامىز.

ءومىر دەگەن ۇزاققا جۇگىرۋ، دەنساۋلىق مىقتى بولسا،ءبىر مەزەت ارتتا قالساڭدا، قۋىپ جەتىپ الدىعا ءوتۋىڭ عاجاپ ەمەس؛ دەنساۋلىق مىقتى بولماسا، ءدال قازىر اعالاپ تۇرعانىڭمەن، كۇندەردىڭ بىرىندە مۇرتتاي ۇشاتىن بولاسىڭ.

«جاسپىن دەپ ەلەۋرەمە، دەنساۋلىقتان ايىرىلعان كۇنى وكىنىش ارقالاپ قالاسىڭ» دەمەكشى، دەنەڭدى الۋەتتەندىرىپ، مىقتى دەنساۋلىقپەن تۇرمىس كەشىرەتىن بول، سەنىڭ ناعىز ءداسمياڭ مەن كۇش قاينارىڭ وسى.

كوڭىل كۇيدى مەڭگەرە ءبىلۋ كەرەك

توراپتاعى «ادامنىڭ ەڭ ماڭىزدى قابىلەتى نە؟» دەگەن سۇراۋعا القاۋدى ەڭ كوپ العان جاۋاپ: «كوڭىل كۇيدى مەڭگەرە ءبىلۋ قابىلەتى، اشۋدى جەڭە ءبىلۋ، سابىر ساقتاۋ».

كىمدە-كىم ساسقاندا سابىر ساقتاي السا، شامىرقانعاندا اقىلى الدا بولسا، قىزبا تاباندا ءوزىن سەرگەك ۇستاي السا، سول ادامدى ناعىز باتىر دەۋ كەرەك. كەڭ پەيىل ادام اشۋ شاقىرمايدى ەمەس، قايتا كوڭىل كۇيدىڭ تۇمانىنان اداسپاي ورىندى تالعام جاساي الادى.

ەسەيۋ جولى جۇبانىش پەن قۋانىشقا تولى بولادى. ىلگەرىلەۋ جولىندا گۇل توگىلىپ، شاپالاق ءۇنى جاڭعىرىپ تۇرۋى ەكىتالاي، بوران-شاشىن مەن باتپاقتى جول تاعى بار. ناعىز مىقتىلىق دەگەنىمىز جەڭىلىستەن كەيىندە سەنىمدى جوعالتپاۋ، دارمەنسىز قالعاندا ۇمىتسىزدەنبەۋ، الجاسقان كەزدە باعداردان جازىپ قالماۋ.

ءبىلىمدى وسىرە ءبىلۋ كەرەك

دۇنيەنىڭ كەڭدىگى ايامىزدان الدەقاشان اسىپ كەتتى. كوز ايانى كەڭەيتىپ،ءبىلىمدى وسىرسەك قانا ماڭگى ارتتا قالمايمىز.

«تاما-تاما كول بولار» دەيتىن ءسوز بار. ءبىلىمدى مولايتۋ ءۇشىن كوپ وقۋ كەرەك. كىتاپ وقۋ دۇنيەنى تانۋدىڭ،ءبىلىم الۋدىڭ كىلتى دەيدى. كىتاپتى قانشا كوپ وقىساڭ ءبىلىمىڭ مەن تاجىريبەڭ سونشا مولىعادى. كىتاپتى كوپ وقى، جاڭا ءبىلىمدى كوپ قابىلدا، ويلاۋدىڭ تىڭ جولىن سوندا عانا تابا الاسىڭ.

تۇرمىسقا قاتاڭ پوزەتسيا ۇستامايىق، نەگە دەسەڭ كەيدە ويلاماعان وزگەرىستەر كوزقاراسىمىزدى بۇزىپ كەتەدى ەكەن. ەسەيۋگە باتىل بولايىق، كەلەشەككە اپاراتىن جول سوندا عانا جۇرگەن سايىن داڭعىل بولا تۇسەدى.

قابىلەتتى كۇشەيتۋ كەرەك

ەسىك پەن تابالدىرىق دەگەنىمىز قابىلەتىڭ جەتسە ەسىك اشىق، قابىلەتىڭ جەتپەسە تابالدىرىقتان سۇرىنەسىڭ. ومىردەگى سۇرىنۋلەردىڭ كوبى قابىلەتتىڭ ازدىعىنان بولادى.

ومىردە قابىلەتتى وسىرمەي بولمايدى. قابىلەتىڭنىڭ ارمانىڭدى ورىنداۋعا قاۋقارى جەتپەسە، وندا توقتاي قالىپ كۇش جينا؛ قاۋقارىڭ نىساناعا جەتۋگە دارمەنسىزدىك ەتسە، وندا اسىقپاي توسەلە ءتۇس.

سايىس پەن وراي ەگىز داۋىردە، الۋەتتى بولساڭ عانا بيىككە ورلەي الاسىڭ.

مىنە ءدال قازىردان باستاپ، قابىلەتىڭدى ءوسىرىپ، ءوزىڭدى الۋەتتەندىرۋگە كۇش سال. الۋەتتى بولا تۇسسەك، كەزىندە اياقتان قاققان تابالدىرىق ەسىك بولىپ ايقارا اشىلارى حاق.

اۋدارعان: جەڭىس جىكباس ۇلى

来源：人民日报

编辑、制作：阿依娜