اكىمشىلىك تەكسەرىپ بەكىتۋ ٴتۇزىمى رەفورماسىن تەرەڭدەتىپ، ۇكىمەت ورىندارىن ىقشامداپ، ۇقىقتى تومەنگە بەرۋدى ىلگەرىلەتۋ؛ ۇقىق تىزىمدىگىن، جاۋاپكەرشىلىك ٴتىزىمىن باسقارۋدى تەرەڭدەتۋ؛ سونىمەن بىرگە، ٴىس بارىسىنداعى، ىستەن كەيىنگى باقىلاۋ-باسقارۋدى كۇشەيتۋ كەرەك.

پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ سوتسياليستىك بازار شارۋاشىلىعى ٴتۇزىلىسى اناعۇرلىم جۇيەلىلەنە، كەمەلدەنە، اناعۇرلىم تولىسا ٴتۇستى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى ۇزدىكسىز جوعارىلادى. «جاڭا ٴداۋىر كۋالارى» اتتى ەرەكشە دايىنداعان حاباردىڭ بۇگىنى كەزەگىندە «109 تاڭبانىڭ پەشەتتەلۋى رەفورمانى تەرەڭدەتۋ زور وزگەرىسىنە كۋا بولدى» دەگەن مازمۇن بەرىلەدى.

2014-جىلى 5-ايدىڭ 20-كۇنى، تيانجين قالاسىنىڭ بينحاي جاڭا رايونى جونىنەن العاندا، «ٴداۋىر بولگىش» ٴبىر كۇن بولدى. وسى كۇنى بينحاي جاڭا رايونىندا مەملەكەت بويىنشا تۇڭعىش رەت «اكىمشىلىك تەكسەرىپ بەكىتۋ مەكەمەسى» قۇرىلىپ، بۇرىن ۇقساماعان 18 ورىندا بىتىراپ كەتكەن 216 ٴتۇرلى تەكسەرىپ بەكىتۋ مىندەتى ٴبىر تاراۋعا بىرىكتىرىلدى. بۇرىنعى 109 ٴمور تاڭباسى وسىمەن كۇشىنەن قالدى. سول كەزدەگى تيانجين قالاسى بينحاي جاڭا رايونى اكىمشىلىك تەكسەرىپ بەكىتۋ مەكەمەسىنىڭ باستىعى جاڭ تيەجۇن بىلاي دەدى: «بۇرىنعى 18 مەكەمەنىڭ تەكسەرىپ بەكىتۋ تاڭباسى ٴبىر تەكسەرىپ بەكىتۋ مەكەمەسىنىڭ تەكسەرىپ بەكىتۋ تاڭباسىنا جيناقتالىپ، ٴبىر تاراۋ تۇتاس تەكسەرىپ بەكىتۋدى باسقاراتىن بولدى».

وسىدان 4 ايدان كەيىن، تيانجين قالاسى بينحاي جاڭا رايونى اكىمشىلىك تەكسەرىپ بەكىتۋ مەكەمەسىنىڭ ٴىس ٴبىتىرۋ زالىندا وسى 109 تاڭباعا اق ٴتۇستى پەشەت جاپسىرىلىپ، ماڭگى پەشەتتەلگەن ساندىقتىڭ ىشىنە سالىنىپ ساقتالدى. تيانجين قالاسى بينحاي جاڭا رايونى اكىمشىلىك قىزمەت وتەۋ كەڭسەسى تەكسەرىپ بەكىتۋ 1 – كەڭسەسىنىڭ مەڭگەرۋشىسى بو ۋىنفۋ بىلاي دەدى: رەفورمادان بۇرىن نىسان تۇرعىزۋدان قۇرىلىس جۇرگىزۋ رۇقسات كۋالىگىن العانعا دەيىن مولشەرمەن 200 كۇننەن استام ۋاقىت كەتەتىن، ونداعان تاراۋعا سابىلۋعا تۋرا كەلەتىن ەدى. وسى 109 تاڭبانى پەشەتتەگەننەن كەيىن سابىلۋ اياقتالدى، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ رەفورماسى جولىندا تەك العا باسۋعا تۋرا كەلەدى، كەرى قايتۋعا بولمايدى.

تاڭبانىڭ استارىندا بىلەكتى كەسىپ قولدى ساقتاپ قالۋداي اسقان باتىلدىق جاتىر. تيانجين بينحاي جاڭا رايونىندا 100 دەن ارتىق تەكسەرىپ بەكىتۋ ۇقىعىن الىپ تاستاۋ ارقىلى اكىمشىلىك بەكىتۋ تارتىبى رەفورماسىندا الدىمەن اتقارۋ-الدىمەن سىناق ەتۋ ۇندەۋى كوتەرىلدى.

بۇگىنگى تاڭدا بينحاي جاڭا رايونىندا تەك شارتقا ۇيلەسسە بولعانى، بارلىق رەسىميات ٴبىر تەرەزەدە دەرەۋ بىتىرىلەدى. ۇقساس ينجەنەريا نىساندارى تياناقتانۋدان تەكسەرىپ بەكىتۋگە دەيىن كەتەتىن ۋاقىت 30 كۇن اينالاسىندا قىسقاردى.

«ٴبىر تەرەزەدە قابىلداۋ» جۇزەگە اسقاننان كەيىن، بينحاي جاڭا رايونىندا بۇدان تىس تاعى دا زەيىندەسكەن قىزمەت وتەۋ تەكشەسىنەن پايدالانۋ ارقىلى، كەستە تالوندارى بىرىكتىرىلىپ، كوپ تاراۋ بىرلەسىپ ارەكەتتەنىپ، رۇقسات ەتىلگەن ينفورماتسيالاردى جيناقتاپ، توتەنشە ىقشامدالعان جەلىدە «سەكۋندتىق بەكىتۋ» ىسكە استى.

قازىر 109 تاڭبا جۇڭگو مەملەكەتتىك مۇراجايىندا ساقتالۋدا. ال تاڭبانىڭ استارىنداعى كەڭ كولەمدى رەفورما تاجىريبەلەرى جانە ودان تۋىنداعان يگىلىكتەر بۇكىل مەملەكەتتىڭ جەر-جەرىنە الدەقاشان جالپىلاستى. پارتيا 18-قۇرىلتايىنان بەرى، ۇكىمەت فۋنكتسياسىندا بۇرىلىس جاساۋدىڭ جەدەل ىلگەرىلەتىلۋىنە بايلانىستى، ٴتۇرلى اكىمشىلىك تەكسەرىپ بەكىتۋ بارىنشا ىقشامدالىپ، اكىمشىلىك رۇقساتقا جاتپايتىن تەكسەرىپ بەكىتۋلەر تاريح ساحناسىنان شەگىنىپ، بازارعا كىرۋ رۇقسات ٴتىزىمىدىگىن باسقارۋ ٴتۇزىمى جالپى بەتتىك اتقارىلىپ، ۇكىمەتتىڭ «ازايتۋ امالى» ارقىلى بازاردىڭ ومىرشەڭدىك كۇشىنە شىن مانىندە «كوبەيتۋ امالىندىق» فونكتسيالار قوسىلدى.

پارتيانىڭ 20-قۇرىلتاي بايانداماسىندا «جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتۋ»، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ رەفورماسىن تەرەڭدەتۋ كەرەك دەپ تالاپ ەتىلدى. مۇنىڭ جەبەۋىندە كاسىپورىندار اناعۇرلىم ناقتى يگىلىككە، بۇقارا اناعۇرلىم مول باقىتقا كەنەلەتىن بولادى، بولاشاقتا ەلىمىزدە رەفورما تەرەڭدەي ٴتۇسۋ ارقىلى دامۋ ۇدەي تۇسەتىن، جۇڭگو ەكونوميكاسىنىڭ ورنىقتى قاداممەن باياندى دامۋىنا دەم بەرىلتىن بولادى. 

来源：中央广播电视总台

微信制作：古丽美热