سوناۋ قيىردان 3700 كيلومەتر جول باسۋعا ساعان قاراي جول الدىم

«اكەلەرىڭدى ساعىندىڭدار ما؟ ساعىندىم! ەرەكشە ساعىندىم!»

اسكەري جەڭگەي حۋاڭ رۇيشي ەگىز ۇلىن ەرتىپ، ادام اعىنى قايشالىسقان كوكتەم مەرەكەسى كەزىندەگى تاسىمال تولقىنىندا، 3700 كيلومەتر شالعايداعى بەلگىلى شەكارا قورعانىس ليانىنا قاراي جول الدى، ول ارا ءان — «اق تەرەكتىڭ» شىققان جەرى.

5 جىلدىڭ الدىندا، حۋاڭ رۇيشيدىڭ سۇيگەنى لي يحىڭ سول جەردەگى شەكارا بەلگىسىنىڭ الدىندا، وعان ماحاببات سەرتىن بەرگەن بولاتىن.

جولعا شىعاتىن كۇنى، اۋا رايى سەبەبىنەن بۇرىنعى كەزەكشى ۇشاق كۇشىنەن قالىپ، حۋاڭ رۇيشي جولعا شىعۋ جوباسىن شۇعىل وزگەرتىپ، ەكى ۇلىن ەرتىپ اۋەلى ۇشاققا، ونان سوڭ پويەزعا وتىردى.

ارادا ءبىر كۇن، ءبىر ءتۇن وتكەن سوڭ، پويەز كوزدەگەن سوڭعى بەكەتكە اقىرى جەتتى، ولاردى الىپ كەتپەك بولعان اۆتوكولىك تە الدە قاشان كەلىپ العان ەكەن، ليان-دۇيگە جەتۋ ءۇشىن ءالى جارتى كۇن جول ءجۇرۋ قاجەت.

اۆتوكولىك ىرعالىپ ءجۇرىپ، ەڭ سوڭعى ۇلكەن يرەكتەن ايلانعاندا، اق تەرەك قاراۋىل ورنى كوز الدارىنا كەلدى.

ليان-دۇي قاقپاسىنىڭ الدىنا جەتكەندە، ەرتە كەلىپ وسى ارادا كۇتىپ تۇرعان لي يحىڭ ايەلىنە گۇل ۇسىنىپ، ەكى ۇلىن باس سالىپ قۇشاعىنا الدى، حۋاڭ رۇيشي كوزىنە ىستىق جاس الىپ، ءبىر ءۇيلى جان اقىرى باس قوستى.

ساپتاستارى قۋانىشپەن ەكى بالانى كەزەك-كەزەك قۇشاقتاپ كوتەردى، لي يحىڭ ايەلىن اتقا مىنگىزىپ، اتپەن كازارماعا كىرگىزدى، بۇل ليان-دۇيدىڭ اسكەري جەڭگەيلەردى قارسى الۋداعى ەرەكشە سالتى ەدى.

ەكىنشى كۇنى، لي يحىڭ ايەلى مەن ەگىز بالاسىن ەرتىپ، ولار الا كەلگەن اۋىلىنىڭ ەرەكشە ونىمدەرىن ساپتاستارىنا تاراتىپ بەردى.

بالالار ءوز قولىمەن قازعان قىسقى بامبۋك وركەنىن اعايلارىنا جەتكىزىپ، ولارعا ومىردە ۇيرەنگەن تۇڭعىش اندەرى — «اق تەرەكتى» ايتىپ بەردى.

ءبىر ءۇيلى جان تاعى دا اق تەرەك قاراۋىل ورنىنا كەلدى، حۋاڭ رۇيشي كوپشىلىكپەن بىرگە تۇمشالامالى شام اسىپ، شوشىرە ءتۇيدى. اق تەرەكتىڭ الدىندا، لي يحىڭ اعاش دىڭىندەگى «اق تەرەك» دەگەن ءۇش ءارىپتى قىزىل ءتۇستى سىرمەن مۇقيات بويادى.

لي يحىڭ بىلاي دەدى: بيىل مەنىڭ اسكەر بولعانىما 10 جىل، سونداي-اق ونىمەن بىرگە بولعانىما 10 جىل، اق تەرەك — شەكارا قورعانىسىمىزعا سەرىك بولعان ءبىر ءتۇپ اعاش، سونداي-اق ءبىزدىڭ ماحابباتىمىزعا كۋا بولعان ءبىر ءتۇپ اعاش.

حۋاڭ رۇيشي بىلاي دەدى: وسى اراعا كەلگەندە، بەينە ۇيىمە قايتقانداي سەزىمدە بولامىن.

5 جىلدىڭ الدىنداعى جازدا، ول جالعىز ءوزى شينجياڭعا كەلىپ، لي يحىڭمەن ۋادەلەسىپ، كەلەسى جىلى ەگىز ۇل تاپتى، قازىر ەكى بالاسى 4 جاسقا كەلدى، ءبىراق اكەسىمەن كوكتەم مەرەكەسىن بىرگە وتكىزىپ كورمەدى.

قاسات قاردى كۇرت-كۇرت باسىپ، لي يحىڭ وتباسىنداعىلار شەكارا بەلگىسىنىڭ الدىنا كەلدى.

وسىندا وتكەن شاقتارىن ەسكە العاندا، كوزدەرىنە ىستىق جاس الدى، بۇل حۋاڭ رۇيشيدىڭ سان رەت قايتا ەسكە العان جەرى ەدى ءارى كوكەيىندە ماڭگى ساقتايتىن جەرى، «ويتكەنى، بۇل ارا ونىڭ ماعان باس قۇراۋ تالابىن قويعان جەر.......». 

شەكارا بەلگىسىنىڭ الدىندا، ولار تاعى ءبىر رەت قاۋىشىپ: ماحاببات جالىنىمىز ماڭگى مازداي بەرسىن،- دەدى ءوزدى وزىنە.

سەن شەكارانى كۇزەتسەڭ، مەن سەنىڭ وتباسىڭدى قورعايمىن.

اسكەري جەڭگەيلەرگە قۇرمەت بىلدىرەمىز، وتان شەكاراسىن قورعاۋشى اسكەرلەرگە وسكەلەڭ قۇرمەت بىلدىرەمىز!

اۋدارعان: ساعىنبەك رابات ۇلى

来源：人民网

翻译：萨恒别克

编辑、制作：阿依娜