«جۇڭگو توراپ دىبىس-كەسكىن باعدارلاماسىنا قىزمەت وتەۋ قوعامى» ءۇنحات الەۋمەتتىك ءنومىرىنىڭ 1-ايدىڭ 22-كۇنگى حابارىنا قاراعاندا، توراپتا بايقالعان جازا مەرزىمى تولىپ بوساتىلعانداردىڭ قىسقا كەسكىن جانە توراپتاعى تىكە تاراتىلىم ارقىلى، توراپ بەكەتىنىڭ كورۋ مولشەرىن ارتتىرىپ، پايداعا كەنەلۋى سياقتى بەلگىلەمەگە قايشى ماسەلەلەرگە قاراتا، جۋىقتا راديو-تەلەۆيزيا باس مەكەمەسى بەيجيڭ، شاڭحاي، گۋاڭدۇڭ سياقتى ولكە، قالالارداعى راديو-تەلەۆيزيا مەكەمەلەرىنە ورنالاستىرۋ جاساپ، دوۋيىن، كۋايشوۋ، ميكرو بلوگ، شياۋحۇڭشۋ، بيلي بيلي، تىڭشۇن قاتارلى ءتۇيىندى توراپ دىبىس-كەسكىن تەكشەلەرىن دەرەۋ تەكسەرىپ، دەرەۋ وزگەرتۋگە ۇيىمداستىرىپ، «جازا مەرزىمى تولىپ بوساتىلعان» دەگەن ءسوزدى بەلگى ەتىپ، كۇلكىلى وبراز جاراتۋ ارقىلى نەمەسە قاساقانا ايانىشتى كەيىپكە كەلۋ ارقىلى كورەرمەن جيناپ، توراپ بەكەتىنىڭ كورۋ مولشەرىن ارتتىرىپ پايدا تاباتىن ناشار توراپتىق دىبىس-كەسكىن مازمۇندارىن جاپپاي تەكسەرىپ تازالاعان.

مۇندا 1-ايدىڭ 21-كۇنى كەشكە دەيىن، 222 ەرەجەگە قايشى ەسەپ ءنومىرىن تەكسەرىپ ءبىر جاقتى ەتكەن، 3345 بەلگىلەمەگە قايشى مازمۇندى وشىرگەن، 207 قاتىستى تاقىرىپتى توراپ بەتىنەن جوعالتقان، بۇلاردىڭ مازمۇنى باستىسى جازا وتەۋ كەشىرمەسىن ماقتان ەتۋ، جازا وتەگەن تۇستاعى تۇرمىسىن كورىكتەندىرىپ كورسەتۋ، مەملەكەتتىڭ ءادىليالىق ادىلدىگىنە كۇمان كەلتىرۋ، جازا وتەپ جاتقان تۇرمىسىن بەينەلەپ كۇلكىلى كەسكىندەر ءتۇسىرۋ، جازا مەرزىمى تولىپ بوساعانداردى كەيىپكەر ەتىپ تيجارات جۇرگىزۋ، زات ساتۋ سياقتى بەلگىلەمەگە قايشى ماسەلەلەرگە سايادى.

ورتالىق توراپ ينفورماتسياسى كەڭسەسى: «شابىت بەرۋشى توراپ جۇلدىزدارىنىڭ» جازا وتەۋ كەشىرمەسىن ماقتان ەتۋ ءىسى قاتاڭ تەكسەرىلەدى 

 18-كۇنى، ورتالىق توراپ ينفورماتسياسى كەڭسەسى حابار جاريالاپ، سول كۇننەن باستاپ 1 ايعا سوزىلاتىن توراپ ورتاسىن ارناۋلى تۇردە جونگە سالۋ قيمىلىن ورىستەتۋدى ۇيعاردى. سوندا بىلاي دەلىنگەن: جازا وتەۋ كەشىرمەسىن ماقتان ەتىپ، جازا وتەگەن تۇستاعى تۇرمىسىن كورىكتەندىرىپ كورسەتەتىن اتالمىش «شابىت بەرۋشى توراپ جۇلدىزدارىن» تەكسەرىپ ءبىر جاقتى ەتۋ كەرەك. 

راديو-تەلەۆيزيا باس مەكەمەسى: زاڭعا قايشىلىق جاساعان، ادامگەرشىلىكتەن بەزگەندەدىڭ ەكرانعا شىعىپ ءۇن قاتۋىنا قاتاڭ تيىم سالىنادى

ىلگەرىدە راديو-تەلەۆيزيا باس مەكەمەسى كوپ رەت ماقالا جاريالاپ، زاڭعا قايشىلىق جاساعانداردىڭ، ادامگەرشىلىكتەن بەزگەندەردىڭ ەكرانعا شىعىپ، ءۇن قاتۋىنا قاتاڭ تيىم سالعان بولاتىن. جۇرگىزۋشىلەر مەن ستۋدياعا شاقىرىلاتىن سيلى قوناقتاردى تاڭداۋدا وتكەلدى قاتاڭ يگەرىپ، ساياسي ساپانى، ءمورالدىق قۇلىقتى، كوركەمونەرلىك ورەنى، قوعامدىق باعانى ىستەتۋدىڭ ولشەمى ەتە وتىرىپ تاڭداۋعا تاباندى بولۋ كەرەك، ساياسي مايدانى دۇرىس بولماعان، زاڭ-ەرەجەلەرگە قايشىلىق جاساعان، الەۋمەتتىك تارتىپكە، تاماشا سالت-ساناعا قايشى كەلگەن، ادامگەرشىلىكتەن بەزگەن، بۇرىس جولعا تۇسكەن ادامدار مۇلدە ىستەتىلمەيدى دەگەن بولاتىن.

جۇڭگو توراپ دىبىس-كەسكىن باعدارلاماسىنا قىزمەت وتەۋ قوعامى بىلاي دەدى: ەرەجەگە قايشى مازمۇنداردى تەكسەرۋ، تازالاۋ تەبىنىن ونان ارى ارتتىرىپ، ارناۋلى رەتتەۋ-وڭاۋدى ۇدايىلاندىرىپ، نەگىزگى باسقارۋشى جاۋاپتى بولۋدى ۇزدىكسىز نىعايتۋ كەرەك. سونىمەن بىرگە، جازا مەرزىمى تولىپ بوساتىلعاندارعا ساياتىن بەلگىلەمەگە قايشى مازمۇنداردى مەرزىم بويىنشا قايتالاي كورىپ، قاتىستى تەكسەرىپ-بەكىتۋشىلەر مەن جۇرگىزۋشىلەردى ارناۋلى تاقىرىپتا ۇيرەنۋگە ۇيىمداستىرىپ، قىلمىستىق ىستەر دەلوسىن تۋدىرعان قىلمىسكەرلەردىڭ سالاۋاتىن تانۋ مەحانيزمىن ورناتۋ جونىندە ىزدەنىس جاساپ، مۇنداي ادامداردىڭ توراپتاعى دىبىس-كەسكىن باعدارلامالارى ارقىلى ناشار مازمۇندار جاريالاۋىنان قاتاڭ ساقتانۋ كەرەك. 

كوپتەگەن تەكشە حابارلاندىرۋ جاريالاپ، قاتاڭ سوققى بەرەتىندىگىن ايتتى، توراپكەرلەردى بەلسەنە اشكەرەلەۋگە شابىتتاندىردى

كەزەكتە تىڭشۇن، شياۋحۇڭشۋ قاتارلى تەكشەلەر قاتىستى حابارلاندىرۋلار جاريالاپ، اقاۋسىز، ءتارتىپتى توراپ كەڭىستىگىن قۇرۋدى دارىپتەيتىندىگىن، «جازا مەرزىمى تولىپ بوساتىلعان» دەگەن بەلگى ارقىلى كەيىپكەر جاساپ، جانكۇيەر جيناپ، توراپ بەكەتىنىڭ كورۋ مولشەرىن ارتتىرىپ پايدا تابۋ سىندى بەلگىلەمەگە قايشى ارەكەتتەرگە سوققى بەرەتىندىگىن ايقىن ءبىلدىردى ءارى توراپكەرلەردى بەلسەنە اشكەرەلەۋگە شابىتتاندىرىپ، ەرەجەگە قايشى ارەكەتتەرگە ءونىمدى تۇردە سەس كورسەتتى.

ينتەرنەتتە تەكسەرىپ-بەكىتۋمەن شۇعىلداناتىن ءبىر كاسىپتىك قايراتكەر تاياۋدا بىلاي دەدى: قىلمىس وتكىزۋ كەشىرمەسىن نەمەسە جازا وتەۋ كەشىىرمەسىن ماقتان ەتۋ، قىلمىستى ارەكەتتەن نەمەسە تۇرمەنىڭ ىشىندەگى حابارلاردان پايدالانىپ، بوتەن نيەتپەن دۇرمەك تۋدىرۋ سياقتى ورىنسىز ارەكەتتەرگە قاراتا، تەكشە قاتىستى زاڭ-ەرەجەلەرگە جانە الەۋمەتتىك اۋماق ەرەجەسىنە ساي، بەلگىلەمەگە قايشى مازمۇندارعا سايكەستى جازا بەرەدى.

شياۋحۇڭشۋ جاعى بىلاي دەدى: قاتاڭ تەكسەرىپ-بەكىتۋ مەحانيزمى بار، ماسەلە ساقتالعان ەسەپ نومىرلەرى دەر كەزىندە ءبىر جاقتى ەتىلەدى.

ال، دوۋيىن جاعى بىلاي دەدى: «جازا مەرزىمى تولىپ بوساتىلۋدى» مىسقىلعا اينالدىرىپ، ورىنسىز ساۋدالاسۋ ارەكەتىنە قاتاڭ سوققى بەرىپ كەلەمىز، قاتىستى ەسەپ نومىرلەرىنىڭ تىكە تاراتىلىممەن اينالىسۋ، زات ساتۋ ۇقىقتارىنا تيىم سالىنادى، قاتىستى ۇيلەسىمسىز ينفورماتسيالار وشىرىلەدى.

توراپتاستار: تيىم سالىنعانى جاقسى بولدى،ـ دەستى.

اۋدارعان: نۇرگۇل قۇمارقان قىزى

来源：央视网

翻译：努尔古丽

审稿、制作：古丽美热