ا ق ش جەرگىلىكتى ۋاقىتى بويىنشا 2022-جىلى 12-ايدىڭ 10-كۇنى سپارتاك باتىر بالالار جارىسىنىڭ دۇنيە جۇزىلىك جۇلدەلى جارىسىندا جۇڭگوعا ۋاكىل بولىپ قاتىناسقان ۋاڭ زىجين 9 دا 11 جاس ارالىعىنداعى قىزدار گرۋپپاسىنىڭ جارىسىندا، ەڭ سوڭعى ساتتەگى كەرى اينالىمدا اعا جۇلدەگەرلىكتى قانجىعاسىنا بايلادى. مىنە بۇل جۇڭگو كىشكەنتاي باتىرلارىنىڭ تۇڭعىش رەت وسى تۇردەگى جارىستا اعا جۇلدەگەر بولۋى ەدى. 

سپارتاك باتىرلار جارىسى دەگەنىمىز نە؟ قاراپايىمداستىرىپ ايتقاندا، ول كەدەرگى ساقتالعان دالالىق جۇگىرىس ارەكەتى بولىپ، كونە اسكەري جاتتىعۋ ساباعىنان الىنعان ۇلگى. مۇندا جارىس جولىنا بەلگىلى مولشەردە كەدەرگى ورناتىلىپ، جارىسقا قاتىناسۋشىلار جۇگىرۋ بارىسىندا بارلىق كەدەرگىلەردى باعىندىرادى، جۇگىرۋ قابىلەتىنەن تىس، جارىسقا قاتىناسۋشىلار جالپىلىق دەنە ساپاسىن سىننان وتكىزەدى. 

ەرەسەكتەر قاتىناسقان جارىس سپارتاك باتىرلار جارىسى دەپ اتالادى، ال سپارتاك باتىر بالالار جارىسى ارناۋلى جاسوسپىرىم بالالارعا جوبالانعان جارىس.

ۋاڭ زىجين وسى رەت قاتىناسقان دۇنيە جۇزىلىك جۇلدەلى جارىستى مىسالعا الساق، جارىستىڭ جالپى قاشىقتىعى 2.78 اعىلشىن ميلى (مولشەرمەن 4.47 كيلومەتر) بولىپ، جيىنى 27 كەدەرگى بار. ول سوڭىنان ساناعانداعى ەكىنشى كەدەرگىدەن كەرى سەكىرۋدى ءساتتى ورىنداعان. 

دۇنيە جۇزىلىك اعا جۇلدەگەر اتاعىن جەڭىپ الۋدان ءبىر اي بۇرىن، ۋاڭ زىجين سپارتاك اتىنداعى بولمە ءىشى دەنە قابىلەتى جارىسىندا 10 دا 13 جاستاعىلار گرۋپپاسىنىڭ قىزدار دۇنيە جۇزىلىك رەكوردىن جاڭالاعان بولاتىن. ەلىمىز ىشىندەگى بالالار جارىسىندا، ول ءتىپتى «سيقىرلىق پاتشاسى» اتاعىن ساقتاۋشى، ونىڭ جاقىنعى ەكى جىلداعى جارىستاردا ويسىراي جەڭىلۋى نەكەن-ساياق كەزدەسەدى. 

وزىمەن جاسى شامالاستار اراسىندا «دۇنيە جۇزىلىك ەڭ بيىك ورەگە» قول جەتكىزگەن ۋاڭ زىجين بۇگىنگى كۇندەرى جاڭا نىساناعا تالپىنۋدا. ول: جاڭا ءبىر جىلدا قاسىمداعى كىشكەنتاي دوستارىمدى باستاپ، دەنە شىنىقتىرۋعا ءتىپتى دە كوپ اتسالىسىپ، ارەكەت ارقىلى دەنە قۋاتىمىزدى كۇشەيتىپ، دەنە ارەكەت الا كەلگەن شاتتىققا بىرلىكتە بولەنسەك،-دەگەن كوكەيتەستى ارمانىن ايتا كەتتى. 

ۋاڭ زىجيندا باستاۋىش مەكتەپ وقۋدان بۇرىن، دەنە تاربيەلىك تۋما تالانت جوق ەدى، ونىڭ اكەسى ۋاڭ دۇڭ وتكەندى ەسكە الا، بىلاي دەدى: بالالار باقشاسى ۇيىمداستىرعان قىزىمنىڭ تۇڭعىش رەتكى دەنە تاربيە جارىسىنا قاتىناسقانىمدا، كلاسىنداعى 20 نەشە بالانىڭ بارلىعى جۇگىرىسكە قاتىناستى، ۋاڭ زىجين ارتىنان ساناعاندا ەكىنشى ورىندى يەلەدى، ءتىپتى جۇگىرىستە دەنەسىن دە رەتكە سالا المادى. سونىمەن دەنە تاربيە اۋەسكەرى بولعان مەن وعان شارت-جاعداي جاراتۋعا بەلدى بەكەم بۋىپ، بالامنىڭ دەنە ارەكەت قابىلەتىن جوعارلاتۋعا كومەكتەستىم. سودان باستاپ، ۋاڭ زىجين تايكۋانداۋ جۇدىرىقكەرلىگى، قاۋىرسىن دوپ قاتارلى نىساندارمەن ارالاسا باستادى. 

7 جاس كەزىندە، اكەسى ونى ەرتىپ تۇڭعىش رەت سپارتاك باتىرلار جارىسىنا قاتىناسادى، ول سول كەزدەن باستاپ وسى نىساندى ۇناتىپ قالادى. سونىمەن جالپىلىق قابىلەتتى كۇشەيتۋمەن بىرگە، ۇقساماعان كەدەرگى قاراۋىلدارىنا بەينە ويىن ويناعانداي بەرىلەدى، ءسويتىپ، باسەكەگە جانە قىزىققا تولى رۋح ونى بىردەن باۋرايدى. 

ارەكەت قابىلەتى ۇزدىكسىز جوعارلاعان ۋاڭ زىجيننىڭ كوز جۇگىرتۋ نىساندارىنا بولعان قابىلەتى دە بارعان سايىن كەڭەيىپ، مالتاۋ، تاياق دوپ، ۆاليبول، فۋتبول، جاياۋ ءجۇرۋ، بالىق اۋلاۋ سياقتى دەنە تاربيەلەرگە قىزىعا باستايدى.....

تاماشا ارەكەت نەگىزى ونى جاڭا نىسانعا قاراي جاقىنداستىرعاندا، ول ءتىپتى دە قاعىلەزدىكپەن ۇيرەنەدى، قازىر ول قايسارلىققا باستايتىن ءۇش ءتۇرلى دەنە ارەكەتتىك جاتتىعۋى مەن جارىسىنا بەلسەنە قاتىناسادى، ونىڭ ەڭ ۇناتاتىن دەنە ارەكەتى جۇگىرىس. 

اكە-شەشەسىنىڭ قولداۋىندا، بۇگىنگى كۇندەرى ۋاڭ زىجين دەنە تاربيە قيمىلىنان اقاۋسىز دەنساۋلىققا قول جەتكىزىپ قالماستان، مىنەزى اشىق-جارقىن، وزىنە سەنىم ارتاتىن جاقسى ازاماتشا بولىپ ەرجەتتى. اكە-شەشەسىمەن بىرگە ءار جەردە ۇزدىكسىز جارىسقا قاتىناسۋ بارىسىندا، ونىڭ ءومىر كەشىرمەلەرى دە بارعان سايىن بايىپ، دامي ءتۇستى. 

بۇل كۇندەرى، ۋاڭ زىجيننىڭ باستاماشىلىعىندا، وزىنەن ءۇش جاس كىشى ءىنىسى ۋاڭ زىجىڭ دا دەنە ارەكەتتى قاتتى ۇناتادى. ول كۇندەردىڭ بىرىندە شىركىن اپەكەم سياقتى سيلىق تورىنەن كورىنسەم،- دەپ ارمانداۋدا. 

ۋاڭ زىجين: كوپشىلىككە باستاماشى بولىپ، كوپتەگەن ادامدارعا كومەكتەسسەم،- دەپ ارماندايدى. 2019-جىلى ول كىشكەنتاي سەرىكتەرىمەن بىرلىكتە «كۇن ساۋلەسىندەگى كەمپىر قوساق» الەۋمەتتىك يگىلىك قيمىلىن العا قويىپ، ەستۋ قابىلەتى كەدەرگىگە ۇشىراعان 8 بالانى بالالار جارىسىنا ۇيىمداستىرىپ قاتىناستىردى. 

ۋاڭ زىجين اكە-شەشەسىمەن اقىلداسقاننان كەيىن، دۇنيە جۇزىلىك رەكورد جاراتقاندا يە بولعان 10 مىڭ يۋان سيلىق اقشانى بۇكىلدەي ساڭىراۋ-مىلقاۋ بالالار مەكتەبىنە جىلۋعا اتاپ، سول جەردەگى كىشكەنتاي دوستارعا كومەكتەسۋدى جوسپارلادى.

ءيا، 11 جاستاعى ۋاڭ زىجيننىڭ بولاشاعى ءتىپتى دە نۇرلى بولماق! 

اۋدارعان: مارالبەك ابدىكارىم ۇلى 

来源： 新华社

翻译：马然力

审稿、制作：古丽美热