جايشىلىقتاعىمەن سالىستىرعاندا، كوكتەم مەرەكەسى كەزىندە اراق ءىشىپ كولىك جۇرگىزەتىندەر سانىنىڭ بارلىق اراق ءىشىپ كولىك جۇرگىزۋدەن قولعا تۇسەتىندەر سانىندا ۇستايتىن سالىستىرماسى قاۋىرت جوعارىلايدى. 

1-ايدىڭ 20-كۇنىنەن 23-كۇنىنە دەيىن، بەيجيڭ قالالىق قاتىناس باسقارۋ مەكەمەسى 55 رەتكى اراق ءىشىپ كولىك جۇرگىزۋ ءىسىن تەكسەرىپ ءبىر جاقتى ەتكەن، مۇنىڭ ىشىندە، ماس بولىپ كولىك جۇرگىزۋ 23 رەتكە جەتكەن. اراق ءىشىپ كولىك جۇرگىزۋشىلەردىڭ جالپى سانى كوپ بولماعانىمەن، الايدا، ماس بولىپ كولىك جۇرگىزۋ سەبەبىنەن قىلمىستىق ىستەر سوتىنا تارتىلاتىندار سالىستىرماسى از ەمەس.

22-كۇنى ساعات 20:17 مينتۋت وتكەندە، تۇڭجوۋ رايونى يۇيچياۋ باتىس داڭعىلى تەمىر جول كوپىرىنىڭ استىندا، تۇڭجوۋ قاتىناس بولىمشە اترەتىنىڭ حالىق ساقشىلارى تەكسەرۋ بارىسىندا، ءبىر شاعىن جولاۋشىلار اۆتوموبيلىنىڭ شوفەرىندە اراق ءىشىپ موتورلى كولىك جۇرگىزۋ كۇمانى بارلىعىن بايقاپ، شوفەردى دەرەۋ مەڭگەرۋگە الادى. سوڭىنان تىنىس شىعارۋ فورماسىنداعى سپيرت قۇرامىن تەكسەرۋ ءتاسىلى ارقىلى تەكسەرگەندە، كولىك جۇرگىزۋشى ۋاڭ فاميليالىنىڭ ءار 100 ميلليليتر قانىنداعى سپيرت قۇرامى 75 ميلليگرامعا جەتكەن بولىپ، اراق ءىشىپ موتورلى كولىك جۇرگىزۋگە جاتاتىندىعىن بايقايدى. ساقشىلار سۇراعان سوڭ، ول تۇندە دوسىمەن داستارحانداس بولعانىن، كوڭىلىن قيماي شامامەن 2 ءسارى اق اراق ىشكەندىگىن مويىندايدى. حالىق ساقشىلارى ۋاڭ فاميليالىنىڭ شوفەرلىك كۋالىگىن زاڭ بويىنشا ۇستاپ قالدى، ەندى ۋاڭ فاميليالىعا اقشالاي ايىپ سالىنادى جانە شوفەرلىك كۋالىگىن 6 اي ۇستاپ قالۋ جازاسى بەرىلەدى، سونىمىن بىرگە، شوفەرلىك كۋالىگىنەن 12 ءنومىر تارتىلادى.

23-كۇنى ساعات 21:30 مينۋت وتكەندە، فىڭتاي رايونى ليۋشياڭ داڭعىلىندا، ءبىر شاعىن جولاۋشىلار اۆتوكولىگى تۇنگى تەكسەرۋ تۇيىنىنەن ءوتىپ بارا جاقتاندا ساقشىلار جاعىنان توقتاتىلادى. شوفەر سپيرت قۇرامىن تەكسەرۋ اسپابىن جەڭىل عانا ۇرلەپ قالعاندا، اسپاپ دەرەۋ ساقتىق سيگنالىن شالادى. ساقشىلار شوفەردى دەرەۋ زاڭ اتقارۋ كولىگىنە الىپ كىرىپ، تىنىس شىعارۋ فورماسىنداعى سپيرت قۇرامىن تەكسەرۋ ءتاسىلى ارقىلى ىشكەرىلەي تەكسەرگەندە، كولىك جۇرگىزۋشىنىڭ ءار 100 ميلليليتر قانىنداعى سپيرت قۇرامى 45 ميلليگرامعا جەتىپ، اراق ءىشىپ موتورلى كولىك جۇرگىزۋگە جاتاتىندىعى انىقتالادى. بۇل ناتيجەنى كورگەن شوفەر قاتتى وپىق جەيدى. ونىڭ ايتۋىنشا، اراق ىشكەن ورنىنان ۇيىنە دەيىنگى ارالىق نە بارى نەشە كيلومەتر عانا ەكەن. ول قوناعاسىدان تاراعان سوڭ، ەشقانداي شىرعالاڭ تۋىلا قويماتىندىعىنا سەنىمدى بولعان، سونىمەن بىرگە، قاتىناس ساقشىلارىنىڭ كوزىنە دە تۇسە قويمايمىن دەگەن، قىسقاسى، بۇگىن مەنى قىرسىق شالا قويماس دەيتىن مارقا كوڭىلمەن تىزگىنگە وتىرعان. مىندەت اتقارىپ جۇرگەن حالىق ساقشىلارى شوفەرگە زاڭ بويىنشا جازا بەردى.

 23-كۇنى ساعات 21:20 مينۋت وتكەن مولشەردە، حايديان رايونى ۋ-كىسۇڭ كوپىرىنىڭ سولتۇستىك جاعىندا، حايديان رايوندىق قاتىناس بولىمشە اترەتىنىڭ ساقشىلارى تۇنگى تەكسەرۋدە جۇرگەندە، ءبىر قارا ءتۇستى شاعىن جولاۋشىلار اۆتوكولىگىنىڭ جول شەتىنە بۇرىلىپ، تۇنگى كۇزەت ورنىنىڭ الدىنا توقتاعانىن كورگەن سوڭ، دەرەۋ بارىپ شوفەردەن جاعداي سۇرايدى. سوندا ول ەكى سوزگە كەلمەستەن: مەن بۇگىن ازىراق ۇرتتاپ قويعان ەدىم،ـ دەپ مويىندايدى. ساقشىلار شوفەردى تىنىس شىعارۋ فورماسىنداعى سپيرت قۇرامىن تەكسەرۋ ءتاسىلى ارقىلى تەكسەرگەن سوڭ، ونىڭ قان قۇرامىنداعى سپيرت مولشەرى ماس بولىپ كولىك جۇرگىزۋ ولشەمىنە جەتكەندىگىن بايقايدى. سوڭىنان قان الىپ تەكسەرۋ ارقىلى، ءار 100 ميلليليتر قانداعى سپيرت قۇرامى 115 ميلليگرامعا جەتىپ، ماس بولىپ كولىك جۇرگىزۋگە جاتاتىندىعى انىقتالادى. كولىك جۇرگىزۋشى ەندى 1 دە 6 اي ۋاقىت قاماقتا جۇمىس ىستەتۋ جازاسىنا ۇكىم ەتىلەدى، وعان قوسا اقشالاي ايىپ سالىنادى، سونىمەن بىرگە، شوفەرلىك كۋالىگى كۇشىنەن قالدىرىلادى ءارى 5 جىل ىشىندە شوفەرلىك كۋالىكتى قايتادان الۋىنا بولمايدى.

قالالىق قاتىناس باسقارۋ مەكەمەسى بىلاي دەدى: مەرەكە كەزىندە اراق ءىشىپ كولىك جۇرگىزۋ زاڭعا قايشى ارەكەتى سالىستىرمالى تۇردە كوپ تۋىلادى، قوعام حاۋىپسىزدىگى مينيسترلىگى قاتىناس باسقارۋ مەكەمەسىنىڭ ساناعىنا قاراعاندا، سوڭعى 2 جىلداعى كوكتەمگى تاسىمال مەزگىلىندە، شاعىن جولاۋشىلار اۆتوكولىگى تۋدىرعان قاتىناس شىرعالاڭدارىندا، ءولىم-ءجىتىم سالىستىرماسى تەڭ جارتىسىنان اسادى. اراق ءىشىپ كولىك جۇرگىزۋ مەن ماس بولىپ كولىك جۇرگىزۋ قاتىناس شىرعالاڭى تۋىلۋداعى باستى سەبەپتەردىڭ ءبىرى. مۇنىڭ ىشىندە، ءبىر رەتتە 3 ادامنان جوعارى، 5 ادامنان جوعارى ادام شىعىنى بولعان قاتىناس شىرعالاڭدارىندا، اراق ءىشىپ كولىك جۇرگىزۋ مەن ماس بولىپ كولىك جۇرگىزۋ ـ قاتىناس ۋاقيعاسى تۋىلۋداعى باستى سەبەپ بولىپ كەلدى. كوكتەم مەرەكەسى دەمالىسى كەزىندە، قالالىق قاتىناس باسقارۋ مەكەمەسى ارناۋلى قىزمەت جوباسىن جاساپ، ساقشى كۇشىن ورنالاستىرۋدى يكەمدى رەتتەپ، اراق ءىشىپ كولىك جۇرگىزۋ زاڭعا قايشى ارەكەتى كوپ تۋىلاتىن جەرلەر مەن كوپ تۋىلاتىن مەزگىلگە تۋرالاپ، اراق ءىشىپ كولىك جۇرگىزۋ زاڭعا قايشى ارەكەتىن شوعىرلى جونگە سالۋ قيمىلىن ۇزدىكسىز ۇيىمداستىرىپ جانە ورىستەتىپ، اراق ءىشىپ كولىك جۇرگىزۋدى قاتاڭ تەكسەرىپ، قاتاڭ باسقارۋ سىندى سوققى بەرۋ تەبىنىن ساقتاپ كەلەدى.

اۋدارعان: نۇرگۇل قۇمارقان قىزى 

来源：北京日报

翻译：努尔古丽

审稿、制作：古丽美热