ينفورماتسيا اشكەرەلەۋ: mzjubao@cnr.cn

وزەكتى ماقالالار

باقىتتى تۇرمىسقا باستايتىن 7 ادەت

来源:央广网     |责编:古丽美热·霍孜汗|     发布日期: 2023-03-23 10:21

قولداعى ءساتتى قادىرلەي ءبىلۋ

ايلار اۋناپ، جىلدار اۋىسىپ وتىرادى دەگەندەي، قولدا بار ءساتتىڭ ءبارى قاستەرلى. قولدا بار ءساتتىڭ قادىرىنە جەتىپ، ءار مينۋتىڭدى كوڭىلدى وتكىزسەڭ عانا ءومىرىڭ ءماندى دە ءساندى بولادى. 

 

ءوتىپ كەتكەن وكىنىشتەر كوز الداعى جوسپارىڭدى بۇزىپ كەتپەسىن، كەلەر-كەتەرمەن عانا ساناسامىن دەپ قادامىڭدى قاتا باسىپ الما. العاشقى كوكتەمنىڭ جايما-شۋاق كۇندەرىنەن لاززات تاۋىپ، كۇندەرىڭدى كوڭىلدى وتكىز، ىركىلمەي العا تارتا بەر. 

 

ۋادەگە بەرىك بولۋ

اۋىزدان شىققان ۋادەنى شاما بار ورىندا. ۋادەنىڭ ءبىر باسى وزگەلەر بولسا، ءبىر باسى ءوزىڭ. ادالدىق ادامنىڭ قوعامداعى جولحاتى، ادام بولۋ ادالدىقتى تياناق ەتەدى. بىرەۋگە ادال بولساڭ، ول دا ادالدىعىمەن قارىمجى قايتارادى. بارىس-كەلىستە ادالدىقتى ۇستانساڭ عانا، وزگەلەردىڭ قۇرمەتىنە يە بولاسىڭ. 

 

ۇيرەنۋدى جالعاستىرا ءبىلۋ

كىتاپ وقۋ رۋحىڭدى بايىتادى، بۇل بەينە دەنە شىنىقتىرۋدىڭ دەنساۋلىقتى كۇشەيتكەنى سياقتى. جالعاستى ۇيرەنۋ قابىلەتىنە يە بولۋ ەسەيۋدىڭ كىلتى ەسەپتەلەدى. 

 

جاستىق شاققا قوش ايتۋ ەسەيۋگە قوش ايتقاندىق ەمەس. ۇيرەنۋ ءومىردىڭ ءار ساتىسىندا كەم بولسا بولمايتىن ادەت. دۇنيەگە قىزىعا قاراعاندا عانا، جاستىق كوڭىل كۇيدى ساقتاپ قالۋعا بولادى، جاڭا بىلىمدەردى ۇزبەي ۇيرەنىپ وتىرعاندا عانا، داۋىرگە ىلەسەتىن قابىلەتكە يە بولا الاسىڭ.

 

ىزگى نيەت كورسەتە ءبىلۋ

دۇنيەدەگى قۋانىشتار مەن تالەيلەر، ايلانىپ كەلگەندە ءوزىڭنىڭ جاساعان جاقسىلىقتارىڭنىڭ جينتىعى.

 

اق كوڭىلدىلىك دۇنيەگە ورتاق ءتىل، كوڭىلى اق ادامنىڭ جۇرەگى مەيىرىمگە تولى بولادى، مۇزدى ەرىتىپ، ايازدى ايداي الادى. اق كوڭىلدىلىك ءارى وتكەرمەلەگىشكە ۇقسايدى، اق نيەتىڭدى ارناۋعا پەيىل بولساڭ بولعانى، ەرتە مە كەش پە، باسقا ءبىر جولمەن قارىمجى بولىپ الدىڭنان شىعاتىن بولادى.

 

وزگەنىڭ ورنىندا تۇرىپ ويلاي ءبىلۋ

ومىردە سايكەسپەۋشىلىكتەر بولىپ تۇرادى، كەيدە نەنىڭ اق نەنىڭ قارا ەكەنىن ايىرا المايسىڭ، تەك ماسەلەگە قاراۋ تۇرعىمىز باسقاشا بولادى.

 

وزگەلەردىڭ ورنىندا تۇرىپ ويلاۋدىڭ،ء وزارا ءتۇسىنىسۋدىڭ زيانى جوق. قارسى جاعىمىزدىڭ تۇرعىسىندا تۇرىپ ماسەلەگە ۇڭىلەتىن بولساق، قارسى جاعىمىزدى سوندا عانا تۇسىنە الامىز. ومىرگە ۇقساماعان تۇرعىدان قارايتىن بولساق، ومىردە وراي مولايىپ، ۋايىم ازاياتىن بولادى.

 

ەندىگارى قاشقالاقتاي بەرمەۋ

ەسەيۋ جولىندا كەدەرگى بولارى ءسوزسىز، دەسەدە ساعان انىقتاما بەرەتىن نارسە سەن جولىققان ماسەلە ەمەس، قايتا سونى شەشۋ ءتاسىلىڭ.

 

قاشقالاقتاۋ ماسەلەنى جوعالتا المايدى، ماسەلەنى جاسىرعان سايىن ۇلعايا تۇسەدى. ەندىگارى قاشقالاقتاي بەرمە، قولىڭنان كەلگەنشە قۇلشىنىپ كور، باعىتىڭ تۋرا بولسا بولعانى، قاشاندا ءبىر امالى تابىلادى.

 

ءلاززات الا ءبىلۋ

باسقالارعا سۇيىنە ءبىلۋ-ءوزارا تولىقتاۋدىڭ، جاراسىمدىلىقتىڭ بەلگىسى. باسقالاردىڭ بويىنداعى ارتىقشىلىقتى بايقاي بىلسەك، وزگەدەن ونەگە الىپ، ءوزىمىزدى تولىقتاي الامىز، وزگەلەردى ماقتاپ وتىرساق، ادام مەن ادامنىڭ اراسى جاقىنداي تۇسەدى.

 

باقىت دەگەن انە-مىنە دەگەنشە قولعا كەلە سالاتىن نارسە ەمەس، ۋاقىتتىڭ اعىسىندا باياۋ جىلجىپ، بولماشى تىلەك بولسادا شىنايى ورىندالا بەرسىن دەيىك. قولداعى ءساتتى قادىرلەيىك، جادىراپ جۇرەيىك، باقىتتان كۇدەر ۇزبەي، بولاشاقتى بەتكە الايىق!

اۋدارعان: جەڭىس جىكباس ۇلى

来源:人民日报

 

译:金额斯

审稿、制作:古丽美热

 

中央广播电视总台 央广网 版权所有

باقىتتى تۇرمىسقا باستايتىن 7 ادەت

دۇنيەدەگى قۋانىشتار مەن تالەيلەر، ايلانىپ كەلگەندە ءوزىڭنىڭ جاساعان جاقسىلىقتارىڭنىڭ جينتىعى.