شي جينپيڭ رەسەيدىڭ زۇڭليى ميشۋستينمەن كەزدەستى

ءوز حابارىمىز. 5-ايدىڭ 24-كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن رەسەيدىڭ زۇڭليى ميشۋستينمەن كەزدەستى. شي جينپيڭ ميشۋستينگە پۋتين زۇڭتۇڭعا ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ انىق ايتتى: بيىل 3-ايدا مەن رەسەيدە ءساتتى تۇردە مەملەكەتتىك ساپاردا بولىپ، پۋتين زۇڭتۇڭمەن بىرگە جۇڭگو-رەسەي قاتىناسىنىڭ دامۋىنىڭ جانە ءار سالاداعى سەلبەستىكتىڭ جوباسىن جاساعان ەدىك. جۇڭگو مەن رەسەيدىڭ قاتىناسىن ويداعىداي بەكەمدەۋ، ويداعىداي دامىتۋ ءارى حالىقتىڭ تىلەگى، ءارى جالپى جاعدايدىڭ بەتالىسى. ەكى جاقتىڭ جۇڭگو مەن رەسەيدىڭ سەلبەستىك اياسى كەڭ، بولاشاعى كەڭ، قوزعاۋشى كۇشى جەتكىلىكتى بولۋ ابزالدىلىعىن ۇزدىكسىز ساۋلەلەندىرىپ، ءار سالاداعى سەلبەستىكتى اناعۇرلىم جوعارى دەڭگەيگە كوتەرىپ، ەكى ەلدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ مازمۇنىن ۇزدىكسىز بايىتۋىن ءۇمىت ەتەمىن. 

شي جينپيڭ مىنالاردى دارىپتەدى: جۇڭگو جاق رەسەي جاقپەن بىرلىكتە وزەكتى مۇددەگە ساياتىن ماسەلەلەردە ءبىر-ءبىرىن باتىل جالعاستى قولداۋدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى كوپ جاقتى ساحنالاردا سەلبەستىكتى كۇشەيتۋدى قالايدى. ەكى جاق كومەسكى كۇشتى ۇزدىكسىز ىشكەرىلەي اشىپ، ەكونوميكا-ساۋدا، قارجى قوسۋ سەلبەستىك دەڭگەيىن جوعارىلاتىپ، ەكى جاقتى سەلبەستىك ءتۇزىلىس-مەحانيزمىن اقاۋسىزداندىرىپ، ەنەرگيا، ءوزارا بايلانىس سياقتى سەلبەستىك نەگىزگى جالپى جاعدايىن بەكەمدەپ جانە كەڭەيتىپ، اناعۇرلىم كوپ جاڭا ارتۋ تۇيىندەرىن قالىپتاستىرۋ كەرەك. گۋمانيتارلىق اۋىس-كۇيىستى ۇزدىكسىز كەڭەيتىپ، حالىق تىلەگىن توعىستىرۋ جاڭا جاعدايىن جاراتۋ كەرەك. جۇڭگو جاق رەسەي جاقپەن جانە ەۆروپا ازيا ەكونوميكا وداعىنداعى ەلدەرمەن بىرلىكتە «ءبىر بەلدەۋ، ءبىر جولدى» ورتاق قۇرۋدى ەۆروپا-ازيا ەكونوميكا وداعىمەن ۇشتاستىرۋدى، سەلبەسۋدى جەبەپ، اناعۇرلىم اشىق وڭىرلىك ءىرى بازاردىڭ قالىپتاسۋىن ىلگەرىلەتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىنا شىنايى كەپىلدىك ەتىپ، وڭىرلەس ەلدەرگە ناقتى پايدا جەتكىزۋدى قالايدى. 

ميشۋستين پۋتيننىڭ شي جينپيڭگە جولداعان ىقىلاستى سالەمىن جانە ىزگى تىلەگىن جەتكىزدى، ول بىلاي دەدى: بيىل 3-ايدا ءتوراعا شي جينپيڭنىڭ رەسەيدەگى مەملەكەتتىك تاريحي ساپارى ەرەكشە تابىستى بولدى، رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ جاڭا ءداۋىرى اشىلدى. رەسەي جاق جۇڭگو جاقپەن ەكى ەل مەملەكەت باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، ەكى ەل زۇڭليلارىنىڭ مەرزىمدى كەزدەسۋىنەن جانە قاتىستى سەلبەستىك مەحانيزمدەرىنەن تولىق پايدالانىپ، ءار سالاداعى ناقتى سەلبەستىكتى تەرەڭدەتۋدى قالايدى. رەسەي جاق جۇڭگو جاقپەن بىرلىكتە دۇنيە ءجۇزىنىڭ كوپ ۇيەكتەنۋ ءۇردىسىن ىلگەرىلەتىپ، حالىقارالىق زاڭدى نەگىز ەتكەن حالىقارالىق ءتارتىپتى بەكەمدەۋدى قالايدى. رەسەي جاق جۇڭگو جاقپەن گۋمانيتارلىق اۋىس-كۇيىستى اناعۇرلىم كۇشەيتىپ، رەسەي-جۇڭگو دوستىعىن ۇرپاقتان-ۇرپاققا جالعاستىرۋدى ءۇمىت ەتەدى.

ۋاڭ ي، حى ليفىڭ، چين گاڭ قاتارلىلار كەزدەسۋدە بىرگە بولدى.

来源：中央广播电视总台

微信制作：阿依娜