شي جينپيڭ مەن ەريتەريانىڭ زۇڭتۇڭى جۇڭگو مەن ەريتەريانىڭ ديپلوماتيالىق قاتىناس ورناتقاندىعىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامما جولدادى 

ءوز حابارىمىز. 5-ايدىڭ 24-كۇنى مەملەكەت ءتوراعاسى شي جينپيڭ مەن ەريتەريانىڭ زۇڭتۇڭى يساياس ءوزارا تەلەگرامما جولداپ، ەكى ەل ديپلوماتيالىق قاتىناس ورناتقاندىعىنىڭ 30 جىلدىعىن قۇتتىقتادى. 

شي جينپيڭ بىلاي دەپ انىق ايتتى: ديپلوماتيالىق قاتىناس ورناتقان 30 جىلدان بەرى، جۇڭگو-ەريتەريا قاتىناسى حالىقارالىق الماعايىپ وزگەرىستەردى باستان وتكەردى، ەكى جاق باستان-اياق شىنايى دوستاسىپ، قول ۇستاسا ورتاق ىلگەرىلەپ، ءبىر-ءبىرىنىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولدادى. تاياۋدا يساياس زۇڭتۇڭ جۇڭگودا مەملەكەتتىك ساپاردا بولدى، ءبىز ەكى ەل قاتىناسىن ونان ارى تەرەڭدەتۋ، سونداي ـ اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، كوپتەگەن ماڭىزدى ورتاق تانىمعا كەلدىك. 

شي جينپيڭ بىلاي دەپ باسا دارىپتەدى: مەن جۇڭگو-ەريتەريا قاتىناسىن دامىتۋعا ايرىقشا ءمان بەرەمىن، يساياس زۇڭتۇڭمەن بىرلىكتە قۇلشىنىپ، ەكى ەل ديپلوماتيالىق قاتىناس ورناتقاندىعىنىڭ 30 جىلدىعىن وراي ەتە، ءوزارا قولداۋدى بەكەمدەپ، جالپى بەتتىك سەلبەستىكتى كۇشەيتىپ، جۇڭگو مەن ەريتەريانىڭ ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن جەبەۋدى قالايمىن. 

يساياس مىنالاردى ايتتى: ەريتەريا مەن جۇڭگونىڭ دوستىعى ارىدان جالعاسقان، جۇڭگو ەريتەريا حالقىنىڭ ۇلت تاۋەلسىزدىگىنە قول جەتكىزۋىنە ادامگەرشىلىك جانە زاتتىق جاقتان قولداۋ كورسەتتى. وتكەن 30 جىلدا ەريتەريا مەن جۇڭگونىڭ قاتىناسى ۇزدىكسىز دامىدى. تاياۋدا مەن جۇڭگودا ءساتتى تۇردە مەملەكەتتىك ساپاردا بولىپ، ءتوراعا شي جينپيڭمەن ىشكەرىلەي كەڭەس وتكىزدىم. ەريتەريا مەن جۇڭگونىڭ دوستىق سەلبەستىك قاتىناسىنىڭ اناعۇرلىم جوعارى دەڭگەيگە كوتەرىلگەندىگىن، ءار سالانى قامتىعان جالپى بەتتىك سەلبەسۋ مەن سايكەسۋدى كورىپ قاباعات قۋانۋدامىن. يساياس مىنالاردى باسا دارىپتەدى: مەن وسى قۋانىشتى ساتتە ەريتەريا مەن جۇڭگونىڭ ستراتەگيالىق قاتىناسىنىڭ بولاشاعىنا دەگەن بەرىك سەنىمىمدى جانە تاماشا تىلەگىمدى قايتالاي بىلدىرگىم كەلەدى.

来源：中央广播电视总台

微信制作：阿依娜