وقۋ–اعارتۋ مينيسترلىگى: 2023-جىلى ورتا، باتىس بولەكتەردىڭ اۋىل-قىستاقتارعا باعىتتامالى تاپسىرىس بويىنشا مەديتسينا كاسىبىنە تەگىن تولىق كۋرسكە وقۋشى قابىلداۋى باستالادى، جوسپار بويىنشا 6150 وقۋشى قابىلدانادى 

وقۋ-اعارتۋ مينيسترلىگى جۋىردا ۇقتىرۋ جاريالاپ، بيىل اۋىل – قىستاقتا تاپسىرىس بويىنشا مەديتسينا كاسىبىنە وقۋشىلاردى باعىتتامالى تەگىن تاربيەلەۋدى جالعاستى اتقارۋدى، جەر-جەردىڭ 2023-جىلى ورتالىق قازىنادان ورتا، باتىس بولەكتەگى اۋىل – قىستاقتارعا باعىتتالعان تولىق كۋرس وقۋشىلارىن باعىتتامالى تەگىن قابىلداۋ، تاربيەلەۋ قىزمەتىن ويداعىداي ىستەۋىن تالاپ ەتتى.

تانىستىرۋعا قاراعاندا، 2023-جىلى ورتالىق قازىنا جوعارى دارەجەلى مەديتسينا مەكتەپتەرىنىڭ ورتا، باتىس بولەكتەگى اۋىل-قالاشىق شيپاحانالارىنا تاپسىرىسپەن 5 جىلدىق تەگىن تولىق كۋرس شيپاگەرلىگى بويىنشا جيىنى 6150 وقۋشى تاربيەلەۋىنە قولداۋ كورسەتەدى ەكەن، مۇندا كلينيكالىق مەديتسينا، جۇڭگوشا مەديتسينا، موڭعۇل شيپاگەرلىگى، ۇيعۇر شيپاگەرلىگى سياقتىلارقامتىلادى. قاتىستى ولكە دارەجەلى وقۋ-اعارتۋ اكىمشىلىك تاراۋلار مەديتسينا كاسىبىنىڭ تولىق كۋرس وقۋشىلارىن تاپسىرىس بويىنشا باعىتتامالى قابىلداۋ تەگىن تاربيەلەۋ جوسپارىن 2023-جىلعى ادەتتەگى جوعارى مەكتەپتەردىڭ وقۋشى قابىلداۋ كولەمىنە ەنگىزۋمەن قاتار مەديتسينا كاسىبىنە وقۋشىلاردى اقىسىز تاربيەلەۋ مىندەتىن ۇستىنە العان جوعارى مەكتەپتەر سايكەستى كاسىپتىك وقۋشى قابىلداۋ كولەمىن ارتتىرماۋ نەگىزىندە وقۋشى قابىلداۋ قۇرىلىمىن رەتتەۋى قاجەت.

باعىتتامالى تەگىن تاربيەلەنەتىن تولىق كۋرس وقۋشىلارى وقۋعا قابىلداعاننان كەيىن، وقۋعا ٴتۇسۋ ۇقتىرۋىن تاپسرىپ الۋدان بۇرىن، جوعارى مەكتەپتەرمەن جانە باعىتتامالى كاسىپتەنەتىن جەردەگى اۋدان دارەجەلى دەنساۋلىق ساقتاۋ، ادام كۇشى بايلىعى قوعامدىق قامتاماسىزداندىرۋ اكىمشىلىك تاراۋلارىمەن باعىتتامالى تاربيەلەۋ جانە كاسىپتەندىرۋ كەلىسىمىنە قول قويىسادى. مەديتسينا كاسىبىنە باعىتتامالى تەگىن تاربيەلەنەتىن تولىق كۋرس وقۋشىلارىنىڭ نوپوسى وقۋ مەزگىلىندە بۇرىنعى نوپوسى تۇرعان جەرىندە ساقتالادى، وقۋ تاۋىسقاننان كەيىن قاتىستى بەلگىلەمەلەر بويىنشا باعىتتامالى كاسىپتەنەتىن جەرىنە جوتكەلەدى. 

مەديتسينا كاسىبىنە باعىتتامالى تەگىن تاربيەلەنەتىن تولىق كۋرس وقىتۋىنا تەك اۋىل-قىستاق وقۋشىلارى قابىلدانادى، ەمتيحان تاپسىراتىن وقۋشىلار مىناداي شارتتارعا ۇيلەسۋى كەرەك: 

(1) 2023-جىلعى جوعارى مەكتەپ ەمتيحانىنا ٴبىر تۇتاس تىزىمدەلۋ شارتىنا ۇيلەسۋى كەرەك؛

(2) ٴوزى، اكەسى، شەشەسى نەمەسە زاڭدىق قامقورشىسىنىڭ نوپوسى تۇرعان جەرى اۋىل-قىستاقتا بولۋى، ٴوزىنىڭ نوپوسى سول جەردە ٴۇرتىس 3 جىلدان جوعارى تۇرعان بولۋى كەرەك؛

(3) سول ولكە بەلگىلەگەن باسقا دا شارتتارعا ۇيلەسۋى كەرەك. ايتالىق: اۋداندى بىرلىك ەتىپ باعىتتامالى وقۋشى قابىلدايتىن جەرلەردە، وقۋشى ەمتيحان بەرۋدە جوعارىداعى شارتتارعا ۇيلەسۋدەن سىرت، ٴوزى جانە اكەسى، شەشەسى نەمەسە زاڭدىق قامقورشىسىنىڭ نوپوسى تۇرعان جەرى، باعىتتامالى بەلگىلەنگەن جۇمىس ورنى قاراستى اۋدانداعى اۋىل-قىستاقتا بولۋى كەرەك.

来源：央视新闻

翻译、视频制作：伯塔

微信制作：阿依娜

تومەندەگى 阅读原文 جالعانىمىن باسىپ حاباردىڭ  كەسكىنىن كورىڭىز