ءۇرىمجى قالاسى «اس-سۋ كاسىبىنىڭ باعا ساياساتى جونىندەگى ەسكەرتۋ حاتىن» تاراتتى

5-ايدىڭ 23-كۇنى ءۇرىمجى قالالىق بازار باقىلاۋ-باسقارۋ مەكەمەسى ءۇرىمجى اس-سۋ قىزمەت وتەۋ كاسىبى قوعامىن جانە 60 نەشە اس-سۋ كاسىبى تيجاراتشىلارىنىڭ ۋاكىلدەرىن «جۇڭحۋا حالىق رەسپۋبليكاسىنىڭ باعا زاڭى»، «باعا جاعىنداعى زاڭعا قايشى ارەكەتتەرگە اكىمشىلىك جازا بەرۋ بەلگىلەمەسى»، «باعانى اشىق جازۋ جانە باعا الدامشىلىعىنا تيىم سالۋ بەلگىلەمەسى» سياقتى زاڭداردى، زاڭ-ەرەجەلەردى ۇيرەنۋگە ۇيىمداستىردى ءارى بۇكىل قالاداعى اس-سۋ كاسىبى تيجاراتشىلارىنا «اس-سۋ كاسىبىنىڭ باعا ساياساتى جونىندەگى ەسكەرتۋ حاتىن» جولدادى.

«ەسكەرتۋدە» تيجاراتشىلار اس-سۋ باعاسىن اشىق جازۋ، باعاسى تولىق، كورنەكتى ورىندا بولۋدى، كەيدە «ۋاقىتتىق باعا» سياقتى كۇڭگىرت ەسكەرتۋلەردى پايدالانباۋ، باعاعا باعا قوسىپ تاۋار ساتپاۋ، باعاعا قوسىپ بەلگىسىز اقى الماۋدى، ءارى كاسىپتىك قوعامدار مەن تيجاراتشىلاردان باعانى تەجەۋدى كۇشەيتىپ، زاڭ بويىنشا تيجارات جۇرگىزۋ، ادال، سەنىمدى بولۋ تانىمىن كۇشەيتۋدى تالاپ ەتتى. 

ىشكى باعا باسقارۋ مەحانيزمى مەن قاتەلىكتى تۇزەتۋ مەحانيزمىن كەمەلدەندىرىپ، باعا داۋ-شارىن دەركەزىندە ۇيلەسىمدى شەشۋدى، ءوزارا ءتىل بىرىكتىرىپ، بازار باعاسىن شەڭگەلىنە الۋعا، باعانى وسىرۋگە قاتىستى ينفورماتسيالاردى ويدان شىعارۋعا، تاراتۋعا، باعانى دۇرمەككە ىلەسىپ وسىرۋگە، تاۋار باعاسىنىڭ جوعارى بولۋىنا قاراي باعانى وسىرۋگە، بازار باعاسى ءتارتىبىن بىلىقتىرۋعا بولمايتىندىعىن ەسكەرتتى.