تىنىس جولىن قابىندىرعان بۇل قانداي ۆيرۋس؟ وعان قالاي توتەپ بەرۋ كەرەك؟  

جۋىقتان بەرى، تىنىس جولى بىرىككەن كلەتكا ۆيرۋسى (RSV) كوپ تارالۋدا. تىنىس جولى سينتەزدىك كلەتكا ۆيرۋسىمەن جۇعىمدالۋ ءاسىلى ءبىر ءتۇرلى «نارەستەلەر وڭاي شالدىعاتىن» اۋرۋ ەدى، ءبىراق بۇل جولى كوپتەگەن ەرەسەك ادامدار بۇل اۋرۋعا كىرىپتار بولعان.

RSV مەن جۇعىمدالۋ «بالالار وڭاي شالدىعاتىن» اۋرۋ بولعانىمەن، ءبىراق قازىر ول تەك بالالارعا  عانا ەمەس (تومەندە قىسقارتىلىپ «RSV» دەپ اتالادى) ۇنەمى كەزدەسەتىن تىنىس جولىن قابىندىراتىن ۆيرۋسقا اينالدى. ۆيرۋسپەن جۇعىمدالعان كلەتكالار ءوزارا توعىسىپ، «بىرىككەن كلەتكا دەنەشىگى» سياقتى ۇلكەن كلەتكا قۇرىلىمىن قالىپتاستىراتىندىقتان، تىنىس جولى «بىرىككەن كلەتكا» ۆيرۋسى دەپ اتالعان. RSV ءبىر ءتۇرلى RNA ۆيرۋسى، ول ۇشپا كوبىرشىك نەمەسە تىعىز جاناسۋ ارقىلى تارالادى، ادامدار جۇعىمدالعاننان كەيىن تىنىس جولىندا قابىنۋ پايدا بولادى. ول ادەتتە 2 جاستان تومەنگى سابيلەردى كوپ كەزىگەدى، ەرەسەكتەردە يممۋنيتەتتىك قۋات تومەندەگەندە نەمەسە كەمىستىك پايدا بولعاندا دا وڭاي جۇعىمدالىپ، ‎ قىزۋ، جوتەلۋ، مۇرىن بىتەلۋ، مۇرىننان سۋ اعۋ سىندى اۋرۋ بەلگىلەرى بايقالادى. 

 

ايتا كەتەر ءبىر جايت، ادامنىڭ جاسى شاماسىنا قاراي، اۋرۋ بەلگىلەرى دە كورنەكتى بولادى، مىسالى، 2 جاستان تومەنگى بالالاردىڭ جۇعىمدالعاننان كەيىن دەمىگۋ جاعدايى بايقالۋى مۇمكىن، 6 ايدان تولماعان نارەستەلەر ينفەكسيالانعاننان كەيىن تىنىس الاماي قىسىلۋى، ءتىپتى تىنىس الۋى السىرەپ، ادام جانىنا حاۋىپ ءتونۋى دە مۇمكىن. جۇعىمدالعان بالالاردىڭ اۋرۋ جاعدايى جەڭىل بولسا دا، دەر كەزىندە ەمدەلمەسە، دەمىكپە سىندى باسقا سوزىلمالى تىنىس جولى اۋرۋلارىنا اينالۋى مۇمكىن. 

كوپ ادامدار RSV مەن جۇعىمدالعاننان كەيىن وزدەرىن  جاڭا تيپتى ايدارشا ۆيرۋس وكپە قابىنۋىمەن قايتالاي جۇعىمدالىپ قالدىم با دەپ كۇدىكتەنەدى، ءبىراق RSV جاڭا تيپتى ايدارشا ۆيرۋسىمەن ۇقسامايتىن جەرى RSV جايشىلىقتا ۇنەمى كەزىگەدى. ادامدار ءبىر-ەكى رەت جۇعىمدالعاننان كەيىن، دەنەسىندە وعان قارسى انتيدەنە پايدا بولادى، قايتالاي جۇعىمدالعاندا اۋرۋ بەلگىسى كورنەكتى بولمايدى، ءارى ءتىپتى دە تەز اۋرۋدان ايىعادى. RSV جاڭا تيپتى ايدارشا ۆيرۋسى، جۇقپالى تۇماۋ اۋرۋلارىنا دا ۇقساپتا قالادى. ولاردىڭ پارقى تەك: RSV جۇعىمدالعان ادامداردىڭ جاس شاماسىنا قاراي اۋرۋ جاعدايىندا دا پارقى ءبىرشاما كورنەكتى، جاسى كىشى بولعان جۇعىمدالۋشىلاردا اۋرۋ بەلگىسى نەعۇرلىم اۋىر بولسا، كەرىسىنشە بولعاندا، اۋرۋ بەلگىسى سولعۇرلىم جەڭىل بولادى. ال بيىلعى ەرەكشە جاعدايدا، جاڭا تيپتى ايدارشا ۆيرۋسىمەن جۇعىمدالۋ اياقتالعاننان كەيىن عانا RSV ۆيرۋسىمەن جۇعىمدالعان ادام سانى بىرتىندەپ ارتۋ اۋقىمى جارىققا شىقتى. ءاسىلى RSV دىڭ تارالاتىن قاۋىرت مەزگىلى ادەتتە قىس، كوكتەم ماۋسىمدارىندا بولادى. الايدا بيىلعى جاڭا تيپتى ايدارشا ۆيرۋس وكپە قابىنۋىنان ساقتانۋ تىزگىندەۋ شارالارىمەن بايلانىستى RSV دىڭ دە تارالۋى كەشەۋىلدەگەن. 

سوندىقتان كۇندەلىكتى تۇرمىستا ماسكى تاعۋ، قول جۋۋ، تەرەزەنى كوبىرەك اشىپ اۋا الماستىرۋ سياقتى تاسىلدەر ارقىلى ساقتانعانىمىز ابزال. RSV مەن جۇعىمدالۋ وزدىگىنەن شەكتەلەتىن اۋرۋ، قازىر ونى ەمدەۋگە ەرەكشە ءونىمدى ءدارى جوق، ادەتتە اۋرۋ جاعدايىنا قاراي ءبىر جايلى ەتىپ، دەمالۋعا كوڭىل بولسە بولعانى، مىسالى، قىزعان كەزدە ىستىقتى قايتاراتىن ءدارى ءىشۋ، جوتەلگەن كەزدە قاقىرىقتى ءتۇسىرىپ، جوتەلدى باساتىن ءدارى ءىشۋ كەرەك، ارتىقشا الاڭداپ كەتۋدىڭ قاجەتى جوق.