شينجياڭدا مىنا تاس جولدا اۆتوموبيل قاتىناۋ قالپىنا كەلدى

اۋا رايىنىڭ جىلىنۋىنا ىلەسە، ساياحاتتىڭ قاۋىرت مەزگىلى دە كەلىپ جەتتى، ساياحاتشىلارمەن بۇقارانىڭ ءجۇرىس-تۇرىسىنا قولايلى بولۋ ءۇشىن، ولكە تاس جولىنىڭ 249-لەنياسى 2023-جىلى 5-ايدىڭ 22-كۇنىنەن باستاپ قاتىناستى باسقارۋ ءتۇزىمىن كۇشىنەن قالدىرىپ، اۆتوكولىك قالىپتى قاتىنادى.

ۇعىسۋعا قاراعاندا، ولكە جولىنىڭ 249-لەنياسى 2022-جىلى 10-ايدىڭ 13-كۇنىنەن باستاپ، قىسقى قاتىناستى مەڭگەرۋدى اتقارعان. بيىل ەڭبەكشىلەر مەرەكەسى دەمالىسىنان قازىرگە دەيىن، قۇمىل تاس جول بولىمشە مەكەمەسى، جابىق جول بولىكتەرىندەگى 52 مىڭ 500 تەكشەمەتر قاردى تازالادى، سونىمەن بىرگە جول جاعدايىن تەكسەرۋ، جول بەتىندەگى شاعىل-ىلايلاردى تازالاۋ سياقتى قىزمەتتەردى باستادى. قۇمىل تاس جول بولىمشە مەكەمەسى، قۇمىل قالاسى ەۋىرعۇل رايوندىق قاتىناس باسقارۋ ۇلكەن اترەتىمەن، زاڭ اتقارۋ ۇلكەن اترەتىمەن بىرلەسىپ جۇمىس باسىندا بارلاۋ جۇرگىزگەننەن كەيىن، وسى جول بولىگى اۆتوموبيل قاتىناۋ شارت-جاعدايىن ازىرلەپ، 5-ايدىڭ 22-كۇنىنەن باستاپ قوس باعىتتى قاتىناستى باسقارۋدى كۇشىنەن قالدىردى.

ولكە جولىنىڭ 249-لەنياسى، قۇمىلدىڭ وڭتۇستىك تاۋ ساعاسىنان تيانشان تاۋىن كەسىپ وتەدى، قۇمىل قالاسىنىڭ باركول اۋدانىن، اراتۇرىك اۋدانىن تۇتاستىراتىن ماڭىزدى ساياحات تاس جولى، جالپى ۇزىندىعى 61.94 كيلومەتر، «ەڭ كوركەم تيانشان تاس جولى» دەگەن اتقا يە. 

ولكە جولىنىڭ 249-لەنياسىنىڭ جالپى جولىندا 44 بۇرىلما جول بار، مۇنىڭ ىشىندە K0-K26 بولەگى شىعىس تيانشان تاۋ سىلەمىندەگى تاۋلى وڭىردە، قىستا ۇنەمى قار جاۋاتىندىقتان، قورعاۋ قىزمەتىن جانە جولدى قوعامدىق اۆتوكولىكتەردىڭ قاتىناۋ شارت-جاعدايىن ازىرلەمەيدى، ءار جىلى 10-ايدىڭ الدى-ارتىندا قىسقى قاتىناس باسقارۋدى اتقارادى.

ىپ حاباردىڭ  كەسكىنىن كورىڭىز