نوسەردىڭ كوك ءتۇستى ساقتىق سيگنالىن جاريالادى، 7 ولكەگە قالىڭ جاڭبىر نەمەسە نوسەر جاۋادى

ورتالىق اۋا رايى ستانسياسى 5-ايدىڭ 28-كۇنى ساعات 6:00 دا نوسەردىڭ كوك ءتۇستى ساقتىق سيگنالىن جالعاستى جاريالادى: 

مەجەمەن 5-ايدىڭ 28-كۇنى ساعات 8:00 دەن 29-كۇنى ساعات 8:00 گە دەيىن، شانشي ولكەسىنىڭ وڭتۇستىك بولەگى، سىچۋان ولكەسىنىڭ شىعىس سولتۇستىك بولەگى، چۇڭچيڭ قالاسىنىڭ باتىس سولتۇستىك بولەگى، حىنان ولكەسىنىڭ شىعىس بولەگى مەن وڭتۇستىك بولەگى، انحۇي ولكەسىنىڭ باتىس سولتۇستىك بولەگى مەن ورتا شىعىس بولەگى، جياڭسۋ ولكەسىنىڭ سولتۇستىك بولەگى مەن ورتا بولەگى، جىجياڭ ولكەسىنىڭ باتىس سولتۇستىك بولەگى قاتارلى جەرلەردىڭ ءىشىنارا وڭىرلەرىندە قالىڭ جاڭبىر نەمەسە نوسەر جاۋادى. مۇنىڭ ىشىندە، انحۇي ولكەسىنىڭ شىعىس بولەگى، جياڭسۋ ولكەسىنىڭ ورتا بولەگى قاتارلى جەرلەردىڭ ءىشىنارا وڭىرلەرىندە ەرەكشە قاتتى نوسەر جاۋادى (100 ـ 150 ميلليمەتر). جوعارىدا اتالعان جەرلەردىڭ ءىشىنارا ورىندارىندا قىسقا ۋاقىتتىق كۇشتى جاۋىن-شاشىن قوسانجارلايدى (ەڭ جوعارى ساعاتتىق جاۋىن-شاشىن مولشەرى 20 ـ 50 ميلليمەتر بولادى، ءىشىنارا وڭىرلەردە 60 ميلليمەتردەن اسادى)، ءىشىنارا جەرلەردە ناجاعايلى بوران سياقتى كۇشتى كونۆەكسيالىق اۋا رايى جارىققا شىعادى. 

قورعانۋ باعدارناماسى:

1. ۇكىمەت جانە قاتىستى تاراۋلار مىندەت جاۋاپكەرشىلىگى بويىنشا، نوسەردەن ساقتانۋدىڭ دايىندىق قىزمەتىن ويداعىداي ىستەۋى كەرەك؛

2. مەكتەپتەر مەن بالا باقشالارى ۇيلەسىمدى شارالار قولدانىپ، وقۋشىلار مەن بالالاردىڭ اماندىعىنا كەپىلدىك ەتۋى كەرەك؛

3. شوفەرلەر جولعا سۋ جيىلىپ قالۋ جانە قاتىناس توسىلىپ قالۋ سياقتى جايتتەرگە نازار اۋدارۋى، حاۋىپسىزدىككە شىنايى كەپىلدىك ەتۋى كەرەك.

4. قالالاردىڭ، اتىزداردىڭ، بالىق كولشىكتەرىنىڭ سۋ ىعىستىرۋ جۇيەسىن تەكسەرىپ، جاۋىن سۋىن ىعىسترۋعا ويداعىداي دايىندالۋ قاجەت. 

اۋدارعان: نۇرگۇل قۇمارقان قىزى

来源：中国天气网

编辑，制作：阿依娜