ينفورماتسيا اشكەرەلەۋ: mzjubao@cnr.cn

وزەكتى ماقالالار

التايدىڭ مينەرالدى سۋى اراب بىرىككەن امىرلىگىنە شىعارىلدى

来源:央广网     |责编:阿依娜|     发布日期: 2023-05-30 15:39

التايدىڭ مينەرالدى سۋى اراب بىرىككەن امىرلىگىنە شىعارىلدى

التايدىڭ مينەرالدى سۋى شەتەلگە ەكسپورت ەتىلدى

5-ايدىڭ 25-كۇنى، 25.78 توننا تومەن دەيتەريلى مينەرالدى سۋ قوراپتاپ تاسيتىن اۆتوموبيلگە تيەلىپ، «جاسىل ارنا» ارقىلى اراب بىرىككەن امىرلىگىنە جەتكىزىلدى. بۇل التاي مينەرالدى سۋىنىڭ تۇڭعىش اراب بىرىككەن امىرلىگىنە ەكسپورت ەتىلۋى.

التاي كەدەن قىزمەتكەرلەرى شينجياڭ قارلى مەكەن مۇزدى القاپ سۋى شەكتى سەرىكتەستىگىنە كەلىپ ەكسپورت ەتىلەتىن مينەرالدى سۋدى تەكسەرۋدە 

اتالعان تومەن دەيتەريلى مينەرالدى سۋدى التاي قالاسىنداعى شينجياڭ قارلى مەكەن مۇزدى القاپ سۋى شەكتى سەرىكتەستىگى وندىرگەن، التاي تاۋ سىلەمىندەگى قىران وزەنى الابى ەل ىشىندەگى تابيعي تومەن دەيتەريلى سۋلاردىڭ ىشىندە «دەيتەري» ەڭ تومەن وڭىرگە جاتادى، دەيتەري قۇرامى وتە تومەن بولىپ، ورتاشا ءمانى ‰120.

تۇنىق سۋ، جاسىل تاۋ _ باعالى بايلىق. التاي شينجياڭنىڭ تەرىستىگىنە ورنالاسقان بولىپ، «سولتۇستىك شينجياڭداعى سۋ مۇناراسى» دەگەن اتى بار. التاي ايماعىنىڭ سۋ بۋى قاينارى باستىسى سولتۇستىك اتلانت مۇحيتتان، از ءبولىمى سولتۇستىك مۇزدى مۇحيتتان كەلەدى، الىس ارالىقتاعى سۋ بۋى قاينارى، ءبىر شاما تومەن تەمپەراتۋرا جانە ءتيىمدى مۇزدى القاپ پەن قارلى ورتا التاي ايماعىنداعى قار-مۇز سۋىنىڭ دەيتەري قۇرامىن تومەندەتكەن. تومەن دەيتەريلى سۋ دەگەنىمىز جەڭىل مولەكۋلالى سۋ بولىپ، وڭاي سىمىرىلەدى، كلەتكالاردىڭ زات الماستىرۋىن تەزدەتەدى، سول سەبەپتى «التىن تاۋداعى عاجايىپ سۋ» دەگەن ات العان. كەزەكتە، التاي قالاسىنداعى ۇلكەن قىران سۋ قاينارىنىڭ تومەن دەيتەريلى سۋى حالىقاراداعى ماڭداي الدى ساپالى تابيعي تومەن دەيتەريلى سۋ قاينارى بولىپ، وراسان زور بازار يەلەۋ كەڭىستىگىنە يە بولىپ وتىر.

التاي كەدەنى التاي ايماعىنىڭ ابزال ەرەكشە ونىمدەرىنىڭ شەتەلگە شىعۋىن قولداۋ ءۇشىن، كاسىپورىنداردىڭ قاجەتىن باعدار ەتىپ، كەدەن مەن كاسىپورىننىڭ بايلانىس مەحانيزمىن ورناتتى، باعىتتامالى سۇيەمەلدەۋ جوباسىن جاسادى،ءبىر تۇلعالانعان «قامقورشى ۇلگىسىندەگى» قىزمەت وتەۋ ارقىلى، باقىلاپ باسقارۋ مەن قىزمەت وتەۋدىڭ ورگانيكالى ۇشتاسۋىن كورنەكتىلەندىردى. سونىمەن بىرگە تەكسەرۋدىڭ «جاسىل ارناسىن» اشىپ، كاسىپورىننىڭ كەدەننەن ءوتۋ ۋاقىتىن قىسقارتىپ، كاسىپورىندارعا سىرتقى ساۋداداعى ءتيىمدى ورايلاردى جاراتىپ بەردى. 

«بۇل جولى كەدەن قىزمەتكەركەرىنىڭ باستاپقى كەزەڭدە جەتەكشىلىك ەتىپ، ەكسپورتتىڭ ءار قايسى بۋىندارىندارىنىڭ ىركىلىكسىز بولۋىنا كومەك كورسەتكەنىنە راقىمەت ايتامىز، جاسىل ارنا ارقىلى، ءبىزدىڭ زاتىمىز تەكسەرۋدەن تولىمدى بولعان سوڭ، ەلەكتروندىق ەسەپ داپتەرىنە يە بولدىق، بۇنىمەن كوپ ۋاقىتىمىز ۇنەمدەلىپ قالدى» دەيدى شينجياڭ قارلى مەكەن مۇزدى القاپ سۋى شەكتى سەرىكتەستىگىنىڭ جاۋاپتىسى جوۋ فىڭ.

التاي كەدەن مەكەمەسىنىڭ باستىعى حۋاڭ چۇن بىلاي دەيدى: جەرلىك ابزال ەرەكشە ونىمدەردىڭ ەكسپورت ەتىلۋىنە كومەكتەسىپ، كاسىپورىنداردىڭ شەتەل بازارىنا شىعۋىن شىنايى قولداۋ ءۇشىن، ارناۋلى ادام بەلگىلەپ جان-جاقتىلى جەتەكشىلىك ەتىپ، قيىن ماسەلەلەردى شەشتىك، كەدەننەن ءوتۋ ءتارتىبىن جالعاستى كەمەلدەندىردىك، سول ارقىلى كاسىپورىننىڭ ەكسپورت كاسىبىن كەڭەيتۋىنە دەم بەرىپ، بازارداعى باسەكەلىك قۋاتىن جوعارىلاتتىق.

اۋدارعان: جەڭىس جىكباس ۇلى

来源:新疆日报

编辑,制作:阿依娜

中央广播电视总台 央广网 版权所有

التايدىڭ مينەرالدى سۋى اراب بىرىككەن امىرلىگىنە شىعارىلدى

5-ايدىڭ 25-كۇنى، 25.78 توننا تومەن دەيتەريلى مينەرالدى سۋ قوراپتاپ تاسيتىن اۆتوموبيلگە تيەلىپ، «جاسىل ارنا» ارقىلى اراب بىرىككەن امىرلىگىنە جەتكىزىلدى. بۇل التاي مينەرالدى سۋىنىڭ تۇڭعىش اراب بىرىككەن امىرلىگىنە ەكسپورت ەتىلۋى.