ينفورماتسيا اشكەرەلەۋ: mzjubao@cnr.cn

وزەكتى ماقالالار

ۋكراينا الداعى ٴبىر اپتا ىشىندە قايتارما شابۋىلعا وتپەكشى

来源:央广网     |责编:阿依娜|     发布日期: 2023-05-30 15:40

ۋكراينا الداعى ٴبىر اپتا ىشىندە قايتارما شابۋىلعا وتپەكشى

 

ۋكراينا الداعى ٴبىر اپتا ىشىندە قايتارما شابۋىلعا وتپەكشى

رەيتەر حابار اگەنتتىگىنىڭ 5-ايدىڭ 27-كۇنگى حابارىنا قاراعاندا، ۋكراينا ٴمانساپتىسى جاريالاعان ەڭ جاڭا حاباردا ايتىلۋىنشا، رەسەي ارمياسى اسكەري قوسىندى قايتادان توپتاۋ جانە جاۋىنگەرلىك كۇشىن جوعارىلاتۋ ٴۇشىن، باحمۋتقا جاساعان شابۋىلىن قازىرشە دوعارا تۇرعان. ەندى ٴبىر جاعىنان ۋكراينا ارمياسى قايتارما شابۋىلعا ازىرلىك كورگەن، قايتارما شابۋىلعا ٴوتۋ الداعى ٴبىر اپتا ىشىندە بولادى ەكەن. 

حابارعا قاراعاندا، ۋكراينا قورعانىس مينيسترلىگىنىڭ ورىنباسار مينيسترى اننا مرۆيا سەنبى كۇنى (5-ايدىڭ 27-كۇنى)، قوعامدىق قارىم-قاتىناس تەكشەسى «تەلەگراممادا» قۇجات تاراتىپ، رەسەي ارمياسىنىڭ الىدە توقتاۋسىز شابۋىل جاساۋدا ەكەندىگىن، الايدا، جالپى بەتتىك شابۋىلدىڭ باسەيگەندىگىن ايتىپ بىلاي دەگەن: كەشە جانە بۇگىن قالا ىشىندە، الدە، قالا تۇبىندە بولسىن، ەشقانداي بەلسەندى شابۋىل بولعان جوق. ول بىلاي دەپ جازدى جانە تولىقتاپ تۇسىنىك جاسادى: رەسەي ارمياسى باحمۋت قالا ماڭىن جانە باحمۋتقا باراتىن جولداردى زەڭبىرەكپەن اتقىلادى. 

مرۆيا بىلاي دەدى: رەسەي ارمياسى اسكەري كۇشتەرىن الماستىرىپ جانە قايتادان كۇش قۇراپ، ارميانىڭ جاۋىنگەرلىك قۋاتىن جوعارىلاتۋعا كۇش سالۋدا. 

ۋكراينانىڭ كيەۆ قالاسىنىڭ قالا باستىعى اۋە قورعانىس ارمياسى جيىرمادان استام ۇشقىشسىز ۇشاقتى كۇيرەتكەندىگىن ايتتى

جەرگىلىكتى ۋاقىت، 5-ايدىڭ 28-كۇنى، ۋكراينانىڭ كيەۆ قالاسىنىڭ قالا باستىعى اۋە قورعانىس ارمياسىنىڭ سول كۇنى تاڭ سارىدە، كيەۆ قالاسىنا قاراي ۇشقان جيىرمادان استام ۇشقىشسىز ۇشاقتى كۇيرەتكەندىگىن ٴارى ۇشقىشسىز ۇشاق شابۋىلى ٴالى دە تولاستاماعاندىعىن ايتقان.

جانارماي قۇيۋ ورنىنىڭ ماڭىندا، 35 جاستاعى ٴبىر ايەلدىڭ باسىنا ۇشقىشسىز ۇشاقتىڭ قيراندىسى ٴتۇسىپ جارالانىپ، شيپاحاناعا جەتكىزىلگەن، تاعى ٴبىر 41 جاستاعى ەر ادام جازىم بولعان. مۇنان سىرت، كيەۆ قالاسىنداعى بيىك عيماراتتار بۇلىنگەن.

سول كۇنى تاڭەرتەڭ ەرتەرەك، ۋكراينانىڭ كيەۆ قالاسىنان قوپارىلىس داۋىسى ەستىلىپ تۇردى.

ۋكراينا ٴمانساپتىسى قايتارما شابۋىلعا وتۋگە دايىنبىز، ٴبىراق، ناقتىلى قاشان بولاتىندىعىن الدىن-الا جاريالامايمىز دەدى

ۋكراينا مەديالارىنىڭ 5-ايدىڭ 27-كۇنگى حابارىنا قاراعاندا، ۋكراينا مەملەكەت حاۋىپسىزدىگى جانە مەملەكەت قورعانىس كوميتەتىنىڭ حاتشىسى دانيلوۆ، انگليا راديو سەرىكتەستىگىنىڭ تىلشىلىگىن قابىلداعاندا، ۋكراينا قارۋلى قوسىندارى قايتارما شابۋىلعا ٴوتۋ دايىندىعىن جاساپ بولعاندىعىن ٴارى ۋكراينا قولباسشىسى، الدا، «ەڭ تاماشا جەڭىسكە قول جەتكىزۋ» ورايى كەلگەندە، ولارعا شابۋىلعا وتۋگە بۇيرىق بەرەتىندىگىن ايتقان.

ول بىلاي دەدى: ۋكراينانىڭ قايتارما شابۋىلى ەرتەڭ، بۇرسىگۇنى، بولماسا، الداعى ٴبىر اپتا ىشىندە باستالۋى مۇمكىن، الايدا، ناقتىلى قاشان ەكەندىگىن ايتۋ ورىنسىز ٴىس، مۇمكىن دە ەمەس. 

ۋكراينا قارۋلى قوسىندارىنىڭ باس قولباسشىسى قايتارما شابۋىلعا ٴوتۋ ۋاقىتى كەلگەندىگىن يشارات ەتتى

ۋكراينا مەملەكەتتىك حابار اگەنتتىگىنىڭ 5-ايدىڭ 27-كۇنگى حابارىنا قاراعاندا، ۋكراينا قارۋلى قوسىندارىنىڭ باس قولباسشىسى زىلۋحاينت سول كۇنى ۇكىمەت جاقتىڭ قوعامدىق قارىم-قاتىناس ەسەبات نومىرىندە، ۋكراينا قارۋلى قوسىندارىنىڭ كەسكىنىن جاريالاعان. كەسكىندە، ۋكراينا اسكەرلەرى بىركەلكى كوتەرىڭكى داۋىسپەن قايتارما شابۋىلعا وتۋگە سەرت بەرىپ تۇرعاندىعى كورسەتىلگەن. كەسكىننەن باتىس ەلدەرى كومەككە بەرگەن «قابىلان» اتتى تانكىنى دە كورۋگە بولادى. زىلۋحاينت ٴسوز قالدىرىپ بىلاي دەگەن: وزىمىزگە ٴتان بولعان نارسەلەردى قايتارىپ الاتىن كەز جەتتى. ۋكرايناداعى ٴبىر مەديا بىلاي دەدى: زىلۋحاينت قايتارما شابۋىلعا وتەتىن كەز كەلگەندىگىنەن يشارات بەردى.

ۋكراينا مەملەكەت قورعانىس مينيسترلىگى اقپار باس مەكەمەسىنىڭ مەكەمە باستىعى قارۋ-جاراق سايلانىپ بولدى، كوپ وتپەي قايتارما شابۋىلعا وتەمىز،-دەدى

جاپونيا راديو قوعامىنىڭ (NHK) 5-ايدىڭ 23-كۇنگى حابارىنا قاراعاندا، ۋكراينا مەملەكەت قورعانىس مينيسترلىگى اقپار باس مەكەمەسىنىڭ مەكەمە باستىعى بۋدانوۆ ارناۋلى تىلشىلىكتى قابىلداعاندا، ۋكراينا جاق كوپ ۇزاماي قايتارما شابۋىلعا وتەتىندىگىن، قايتارما شابۋىلعا وتۋگە قاجەتتى ەڭ نەگىزگى قارۋ-جاراقتاردىڭ ازىرلەنىپ بولعاندىعىن بىلدىرگەن. 

حابارعا قاراعاندا، بۋدانوۆ تىلشىلىكتى قابىلداعاندا، «قايتارما شابۋىلعا وتۋگە قاجەتتى ەڭ نەگىزگى قارۋ-جاراقتار سايلانىپ بولدى، سىزدەرگە قايتارما شابۋىلدىڭ كوپ وتپەي باستالاتىندىعىن ايتا كەتكىم كەلەدى» دەگەن.

بۋدانوۆ بىلاي دەدى: قايتارما شابۋىل ٴساتتى جالعاسۋ ٴۇشىن، ٴبىز بارلىق كۇشتەردەن جانە تاسىلدەردەن پايدالانىپ بۇل ماقساتتى جۇزەگە اسىرامىز.......ٴبىز قىرۋار زاپاس قارۋ-جاراققا جانە وق-دارىگە مۇقتاجبىز. 

سۋرەتتىڭ كەلۋ قاينارى: جاپونيا راديو قوعامى (NHK) حابارىنىڭ قيما سۋرەتى

حاباردا، بۋدانوۆتىڭ رەسەي ارمياسىنىڭ قاسارىسا قارسىلىق كورسەتەتىندىگىن، بۇل ۇزاق ۋاقىتتىق قيان-كەسكى شايقاس بولۋى مۇمكىن ەكەندىگىن بىلدىرگەندىگى ايتىلعان. 

رەسەيدىڭ ورىنباسار سىرتقى ىستەر مينيسترى: ۋكراينانى «قايتارما شابۋىلعا وتۋگە» جەلىكتىرۋ، باتىس ەلدەرىنىڭ ۋكراينانىڭ مۇددەسىمەن مۇلدە ساناسپايتىندىعىن تاعى ٴبىر رەت دالەلدەپ بەردى دەدى 

رەسەي سىرتقى ىستەر مينيسترلىگىنىڭ ورىنباسار مينيسترى گالۋزن 5-ايدىڭ 25-كۇنى بىلاي دەدى: باتىس ەلدەرىنىڭ ۋكراينانى ايتىلمىس «قايتارما شابۋىلعا وتۋگە» جەلىكتىرۋى، ولاردىڭ ۋكراينانىڭ سونداي-اق ۋكراينا حالقىنىڭ الاپات اپاتقا دۋشار بولۋى مۇمكىن ەكەندىگىمەن مۇلدە ساناسپايتىندىعىن تاعى ٴبىر رەت دالەلدەپ بەردى. باتىس ەلدەرى قاقتىعىستىڭ «ەڭ سوڭعى ٴبىر ۋكراينالىق» قالعانعا دەيىن جالعاسۋىن كوكسەيدى. 

اۋدارعان: اناربەك ٴابىلماجىن ۇلى 

来源:央视新闻

编辑,制作:阿依娜

中央广播电视总台 央广网 版权所有

ۋكراينا الداعى ٴبىر اپتا ىشىندە قايتارما شابۋىلعا وتپەكشى

رەسەي ارمياسى اسكەري قوسىندى قايتادان توپتاۋ جانە جاۋىنگەرلىك كۇشىن جوعارىلاتۋ ٴۇشىن، باحمۋتقا جاساعان شابۋىلىن قازىرشە دوعارا تۇرعان. ەندى ٴبىر جاعىنان ۋكراينا ارمياسى قايتارما شابۋىلعا ازىرلىك كورگەن، قايتارما شابۋىلعا ٴوتۋ الداعى ٴبىر اپتا ىشىندە بولادى ەكەن.