جالپىنىڭ بۇنداي ىستەرگە وسىنشا نازار اۋدارۋىنىڭ، كۇدىكتى كوزبەن قاراۋىنىڭ سەبەبى سول، بيىل وقۋ باستالعاننان بەرى بۇنداي ىستەر ءار قايسى جەرلەردەگى مەكتەپتەردە ءجيى بايقالا باستادى. شىنجىن قالاسىنداعى ءبىر مەكتەپ مەكتەپ تاماعىن زاكاز ەتپەگەن وقۋشىنى ساباقحانادان قۋىپ شىعىپ جاڭبىردا تاماقتانۋعا ماجبۇرلەگەن، دۇڭگۋانداعى ءبىر مەكتەپ تۇسكى دەمالىستا پارتاعا ەكپەتتەپ دەمالاتىن وقۋشىلاردان ٴار ماۋسىمدا 200 يۋان اقى العان، حىنان ولكەسى شۇيچاڭ قالاسىنداعى ءبىر مەكتەپ وقۋشىلاردان بەلگىلەنگەن كىتاپحانادان قىمبات باعاداعى پىسىقتاۋ ماتەريالىن ساتىپ الۋدى تالاپ ەتكەن. بۇل ىستەر اڭىس قوزعاعان سوڭ، قاتىستى تاراۋلار مەن مەكتەپتەر ءار ءتۇرلى سىلتاۋلارمەن جاۋاپ قايتاردى، كوپ ساندىسى بۇنى «وقىتۋشىنىڭ جەكە ارەكەتى» دەپ جەڭىل قۇتىلا سالماقشى بولدى، الايدا توراپتاستار بۇعان نانا قويعان جوق. 

مەكتەپ دارىندىلاردى تاربيەلەيتىن ورىن، وقىتۋشىنىڭ قىزمەتى ادام تاربيەلەۋ، دەسەدە كەيبىر مەكتەپتەر وقۋشى مەن اتا-انانى «اقشا قاينارى» ەتىپ، وزىمەن ءوزىن جالداپ وتىر، ءتىپتى ادەتتەگى نەگىزدىك جۇمىستاردىڭ  وزىنەن اقى الاتىن، ماجبۇري ىستەتەتىن، سالىق سالاتىن بولعان، «ٴبارى دە وقۋشىلاردىڭ قامى ءۇشىن» دەگەن سىلتاۋمەن «الباتى اقى الۋدى» بۇركەمەلەپ كەلەدى. ءسوزدى تۇيىندەيتىن بولساق، مەكتەپ ۇقتىرۋ ءتۇسىرىپ مۇنداي ىستەردى وقىتۋشىلارعا مىندەتتەمەگەن بولسا، ولاردىڭ دا بۇلاي ىستەۋى ناعايبىل ەدى، حابارلاندىرۋدا ولار «ءىشىنارا جىلدىقتار جوعارىنىڭ حۇجات رۋحىن تۋرا تۇسىنە الماعان» دەپ، جاۋاپكەرشىلىكتى باسقاعا يتەرە سالادى، بۇعان بالكىم كوپ ادام يلانا قويماسا كەرەك. جاۋاپكەرشىلىك اتاۋلىنىڭ ءبارىن وقىتۋشىعا يتەرە بەرۋگەدە بولمايدى عوي. 

اۋدارعان: جەڭىس جىكباس ۇلى

来源：光明网

翻译：金额斯

审稿、制作：古丽美热