جاقىننان بەرى جاپونيادا التىننىڭ باعاسى ءۇرتىس ورلەپ تاريحتاعى جاڭا ورەنى جاراتتى. 8-ايدىڭ 29-كۇنى، التىننىڭ بولشەك ساتۋ باعاسى تۇڭعىش رەت ءار گرامى 10 مىڭ يەن (جاپونيا اقشا بىرلىگى) بولۋداي قامالدى بۇزدى، حالىق اقشاسىنا سىندىرعاندا 496 يۋان بولادى. التىن باعاسىنىڭ ءۇرتىس قىمباتتاۋىنا ساي، جاپونياداعى زاتتاي التىننىڭ ساۋداسى قىزا باستادى. 

حالىقارالىق التىن باعاسى مەن يەننىڭ قۇنسىزدانۋى سىندى ەكى جاقتىلى ىقپالعا ۇشىراۋ سەبەبىنەن، جاقىننان بەرى جاپونيادا التىننىڭ باعاسى ءۇرتىس ورلەپ تاريحتاعى جاڭا ورەنى جاراتتى.

التىن باعاسى ءۇرتىس قىمباتتاعاندىقتان، ورايدان پايدالانىپ قالعىسى كەلگەن كوپتەگەن ادامدار ۇيىندە تۇرعان التىن زەرگەرلىك بۇيىمدارىن ساتا باستادى. ءتىلشىنىڭ ءبىر التىن دۇكەنىنەن ۇعىسۋىنشا، التىن باعاسى كۇرت وسكەن 8-ايدان بەرى قاراي، دۇكەنگە كەلىپ التىن بۇيىمدارىن ساتۋشىلار 5 ەسە ارتقان. ساۋجيان تويە كاسىپتەن سىرتقى التىنعا قارجى قوسۋشى بولاتىن، ون جىلدىڭ الدىنان باستاپ التىنعا قارجى قوسقان، ونىڭ قاراۋىنشا جارنا بازارىنا قارجى قوسۋعا سالىستىرعاندا، التىن ساۋداسىنىڭ كاسىپتىك تالابى ءبىرشاما تومەن، باعا جاقسى بولماعان كەزدە دەرەۋ ساتىپ جىبەرۋگە بولادى.

جاپونيالىق تۇتىنۋشى ساۋجيان تويە: 2018-جىلى، 2019-جىلى التىننىڭ ءار گرامىن 5000 يەننەن الاتىنبىز، قازىر 10000 يەنگە شىقتى، ءبىر ەسە دەرلىك ارتتى، بۇل مەن ويلاعاننان الدە قايدا جوعارى بولىپ وتىر، سوندىقتان بۇگىن ءبىر-اق ساتايىن دەپ وتىرمىن.

جاپونيا ەل ىشىندەگى التىن باعاسىنىڭ قىمباتتاۋىنا سەبەپ بولعان نەگىزگى نارسە جاقىنداعى يەننىڭ ءۇرتىس قۇنسىزداي ءتۇسۋى بولدى. جاقىندا، يەننىڭ سىندىرىلىمى قۇلدىراپ 1 دوللاردى 147 يەنگە ايىرباستاۋعا بولاتىن بولدى، بۇل بىلتىر 11-ايدان بەرگى ەڭ تومەن ورە. يەننىڭ قۇنسىزدانۋى جاپونيا ەل ىشىندەگى اقشانىڭ كوپ تارالۋىن كۇشەيتىپ، ازىق-تۇلىك، تۇتىنۋ بۇيىمدارى، جول قاتىناس قاتارلىلاردىڭ ءۇرتىس قىمباتتاۋىن كەلتىرىپ شىعاردى، بۇنىمەن تۇرمىستىق نارىق ۇزدىكسىز جوعارىلاي ءتۇستى. جوعارى پايداعا كەنەلۋمەن سالىستىرعاندا، كوپتەگەن قاتارداعى جاي تۇتىنۋشىلار  التىن ساتىپ الۋ جولىمەن مال-مۇلىكتىڭ قۇنىن ساقتاپ قالعىسى كەلەدى، كەيبىر جاستار زەرگەرلىك بۇيىمدارىن تاڭداعاندا التىن زەرگەرلىك بۇيىمدارىنا قاراي بەيىمدەلەتىن بولدى. 

زاتتاي التىننىڭ باعاسى قىمباتتاۋمەن قويماي، يەنمەن ەسەپتەلەتىن التىننىڭ كەسىكتى بۇيىم باعاسىدا وسە باستاپ، ءبىر مەزەت ءار گرامى 9000 يەن بولۋداي وتكەلدى بۇزدى، ءارى ءۇرتىس تاريحتاعى ەڭ جوعارى ورەنى جاراتتى. حاۋىپسىز مال-مۇلىك دەپ قارالعان التىن جاستاردىڭ نازارىنادا ىلىنە باستادى، كوپتەگەن ادامدار التىنعا زاكاز بەرۋ بانكە ەسەبىن اشتى، التىنعا بايلانىستى قارجىلاندىرۋ قورىنا قىزىعۋشىلاردا كوبەيدى. 

اۋدارعان: جەڭىس جىكباس ۇلى

来源：央视财经

翻译：金额斯

审稿、制作：古丽美热