فرانسيا اقپارات اگەنتتىگىنىڭ حابارىنا قاراعاندا، جەرگىلىكتى ۋاقىت 9-ايدىڭ 13-كۇنى گەرمانيانىڭ كولون قالاسىنداعى قاتىستى تاراۋلاردىڭ ايتۋىنشا، سول جەردەگى ٴبىر مۇراجايدا قۇنى ٴبىر ميلليون ەۆرو ( شامامەن 7 ميلليون 800 مىڭ يۋان حالىق اقشاسىنا بارابار ) جۇڭگونىڭ ميڭ، چيڭ پاتشالىعى داۋىرىندەگى 9 فارفور ىدىس ۇرلانعان.

حابارعا قاراعاندا، ۇرلىق وقيعاسى تۋىلعان ورىن شىعىس ازيا كوركەمونەر مۇراجايى بولىپ، سول ورىنداعى ساقشىلار: سالاۋاتى انىق بولماعان بىر توپ ادام تەرەزەنى شاعىپ كىرىپ، ونان كەيىن سورەدەن فارفور ىدىستاردى ۇرلاپ اكەتكەن،-دەدى. 

كولون قالالىق اكىمشىلىك مەكەمەسىنىڭ ٴبىر مالىمدەمەسىندە بىلاي دەلىنگەن: ۇرلانعان 9 فارفور ىدىس جۇڭگونىڭ ميڭ پاتشالىعى داۋىرىندەگى ەكى گۇل قۇمىرا مەن ٴبىر شىنى، سونداي-اق چيڭ پاتشالىعى داۋىرىندەگى كەيبىر زاتتاردى قامتيدى، جاسالعان ۋاقىتى 16-عاسىردان 19-عاسىرعا دەيىنگى مەزگىل.

حابارعا قاراعاندا، ۇرلانعان زاتتاردىڭ تولىق ەستەلىگى بولعاندىقتان، بۇل زاتتاردى وڭاي تانىپ الۋعا بولادى. وسى مۇراجايدىڭ باستىعى حەتتەر جوعالعان بارلىق زاتتاردىڭ تابىلۋىن ٴۇمىت ەتەتىندىگىن ايتتى. 

ۋاقيعا تۋىلعاننان كەيىن، كولون قالاسىنىڭ كوركەمونەر مەن مادەنيەت ىستەرىنە جاۋاپتى قالالىق پارلامەنت مۇشەسى چارلز مۇراجايدىڭ حاۋىپسىزدىگىنە تەكسەرۋ جۇرگىزەتىندىگىن جاريالادى.

اۋدارعان: مۇقامادي ٴشارىپ ۇلى 

来源：央广网

翻译：木哈买提

审稿、制作：古丽美热