وسى ٴۇش ىستە قۇنتتى بولساڭىز وكىنبەيسىز
وسى ٴۇش ىستە قۇنتتى بولساڭىز وكىنبەيسىز
سىرتقى سىمباتىڭىزدى تۇزەي ٴبىلىڭىز
تۇرمىستا كەي ادامدار كوپ جاقتان ۇزدىك بولعانىمەن، سىرتقى ءتۇر-تۇلعاسىنا انشا ءمان بەرىپ كەتپەيدى. كوڭىل كۇيى ناراۋ، ولپى-سولپى كيىنگەن ادام ەل نازارىن تىم اۋدارىپ كەتە الماسا كەرەك.
ادامنىڭ سىرتقى سىمباتى ءوزىن تانىتاتىن تانىسقى ەسەپتەلەدى. سىرتقى سىمباتقا ءمان بەرۋ، ادامنىڭ ءبىلىم ورەسىنە، سالاۋاتى مەن ونەگەسىنە ۇلكەن ءار قوسىپ تۇرادى.
سىرتقى سىمباتتى تۇزەۋ بارىن كيىپ، باقانىن قولعا الىپ ءجۇرۋ دەگەندىك ەمەس، قايتا رەتتى كيىنىپ، مۇنتازداي تازا ءجۇرۋ دەگەندىك. سونىمەن قاتار، ءسوزىڭ سىپايى دا ورىندى بولسا، وزگەلەر دە سەنىڭ يبالى ەكەنىڭدى بىردەن اڭعاراتىن بولادى. ءار كۇنى ازدا بولسا سىرت تۇزەپ رەتتەلىپ جۇرەتىن بولساڭ، وزىڭە دەگەن سەنىمىڭ ارتا تۇسەتىن بولادى.
جاقسى ادەت قالىپتاستىرا ٴبىلىڭىز
تۇندەلەتىپ جۇمىس ىستەيتىن ادەتى بار ادامدار ۇنەمى شارشاپ جۇرەتىندىكتەن، نە ىستەسەدە قالجىراپ جۇرەدى. سوزبۇيدالىققا سالىناتىن ادەتى بار ادامدار كوپ جۇمىستى ۋاعىندا تىندىرا المايتىندىقتان، كوپ ورايدى قولدان جىبەرىپ قويادى. كەيدە، تۇرمىس بىزگە قىم-قۋىت كۇردەلى سەزىلە بەرەتىنى سول، بۇل ىستەر قولىمىزدان كەلمەيدى ەمەس، قايتا بويىمىزداعى كەي ناشار ادەتتەر ءبىزدى ىرقىنا كوندىرىپ العان.
ادەتتى كوزبەن كورىپ قولمەن ۇستاۋعا بولماعانىمەن، تۇرمىسىمىزعا ىقپالىن كورسەتە الادى. ورىنداۋ قابىلەتىڭدى ءوسىرىپ، بۇگىنگى شارۋانى بۇگىن تامامداپ وتىرساڭ، كۇردەلى كورىنگەن مىندەتتە ىڭعايىن تاۋىپ وتىرادى. قىزمەت پەن دەمالىستى رەتكە سالىپ، تىم زورىعىپ كەتپەسەڭ، ماشاقاتتى كورىنگەن سايىستارعا دا توتەپ بەرەرلىك كۇش-قايرات جيناي الاسىڭ.
جاقسى ادەت ارقانعا ۇقسايدى، جاقسى ادەتتەرىمىز كوبەيە بەرسە، ارقان جۋانداي بەرەدى. سول ارقانعا جاڭا ارقاۋ قوسىپ وتىراتىن بولساق، كوپ وتپەي-اق، مىقتى ءبىر ارقانعا يە بولامىز-دا، بىرتە-بىرتە توپتان وزىپ شىعاتىن بولامىز.
كوڭىل كۇيدى تەڭگەرە ٴبىلىڭىز
تۇرمىستا ءار كىم ءار ءتۇرلى قيىندىقتارعا جولىعىپ جاتادى، كەيدە ءتىپتى سەنى تەرىستەگەن لەبىزدەردى ەستىپ قالاسىڭ. مۇشكىل حالدى قولما قول وزگەرتە الماساق تا، وسىنداي حال-كۇيگە بولعان پوزەتسيامىزدى وزگەرتىپ، وعان بەتپە بەت كەلە الامىز.
مىناداي ءبىر ءسوز بار: «روزا گۇلى بولا الماساڭدا، جاسمين گۇلى بولۋعا قۇلشىن، اتسىز ۇساق گۇل دە بولا الاسىڭ». بىرەر تياناقسىز ىسكە بولا ەڭسەڭ ءتۇسىپ قالماسىن، ازعانتاي ساتسىزدىككە بولا تورىعىپ قالماعايسىڭ.
شىنتۋايتىندا، سەنى قيىندىقتان ءمۇدىرتىپ قوياتىن نارسە سەنىڭ قورعانشاقتىعىڭ. كوڭىل كۇيىڭدى تەڭگەرە بىلسەڭ بولعانى، باسا المايتىن جول، اسا المايتىن اسۋ جوق. قاشاندا جادىراپ جۇرسەڭ، تۇرمىسىڭ ٴماندى دە ءساندى بولماق.
اۋدارعان: جەڭىس جىكباس ۇلى
来源：人民日报
翻译：金额斯
审稿、制作：古丽美热
