ەڭ جىلى رەكوردتى بۇزۋى مۇمكىن، ەرنينو قۇبىلىسى الدە قاشان قالىپتاستى

مەملەكەتتىك كليمات ورتالىعىنىڭ ەڭ جاڭا باقىلاپ، ولشەۋىنە نەگىزدەلگەندە، ءبىر رەتكى ورتاشا كۇشەمەلىلىكتەگى ەرنينو قۇبىلىسى الدە قاشان قالىپتاسىپ، كەلەر جىلى كوكتەمگە دەيىن جالعاسادى ەكەن. سونىڭ ىقپالىنا ۇشىراۋدان، بۇكىل جەر شارىنىڭ جىلىنۋعا وزگەرۋ قۇبىلىسى قاباتتاسىپ، 2023-جىلى بۇكىل جەر شارىنىڭ ورتاشا اۋا تەمپەراتۋراسى نەمەسە 2016-جىلعى ەڭ جىلى رەكوردتى بۇزادى. 

مەجەمەن بيىل قىستان كەلەر جىلى كوكتەمگە دەيىن ەلىمىزدىڭ باسىم كوپ ساندى رايونىنىڭ اۋا تەمپەراتۋراسى ادەتتەگى جىلعى ۇقساس مەزگىلدەگىگە تاياۋ نەمەسە ودان جوعارىراق بولادى، ءبىراق كەزەڭدىك سۋىق اعىس جاندانىپ، وڭتۇستىك رايونداردا جاۋىن-شاشىن كوبىرەك بولىپ، كۇردەلى اۋا رايى اپاتىنىڭ حاۋىپ-قاتەرى ارتادى.

ءبىر رەتكى ورتاشا كۇشەمەلىلىكتەگى ەرنينو قۇبىلىسى الدە قاشان قالىپتاستى

2023-جىلى 5-ايدا، ەكۆاتورداعى ورتا شىعىس تىنىق مۇحيت ەرنينو كۇيىنە وتكەننەن بەرى، 5-ايدان 10-ايعا دەيىن شەشۋشى رايوننىڭ تەڭىز تەمپەراتۋراسى كورسەتكىشىندە تەز قارقىنمەن جىلىنۋدىڭ ءۇرتىس ارتۋ اۋقىمى جارىققا شىعىپ، ءۇرتىس 5 اي 0.5 سەلتسي گرادۋستان اسىپ، ءبىر رەتكى ەرنينو قۇبىلىسىن قالىپتاستىرۋ ولشەمىنە جەتتى، ونىڭ كۇشەمەلىلىگى ورتاشا، تيپى شىعىس بولەك تيپتى (ياعني تەڭىزدىڭ جىلىنۋ ورتالىعى ەكۆاتوردىڭ شىعىسىنداعى تىنىق مۇحيتتا) بولدى.

مەجەمەن وسى رەتكى ەرنينو قۇبىلىسى 2024-جىلى كوكتەمگە دەيىن جالعاسادى، شەشۋشى رايوننىڭ تەڭىز تەمپەراتۋراسى كورسەتكىشىنىڭ ەڭ جوعارى شەگى 2023-جىلى 11-ايدان 2024-جىلى 1-ايعا دەيىن جارىققا شىعادى.

ەرنينو بۇكىل جەر شارى كليماتىنىڭ قالىپسىزدىعىنا ىقپال جاسايتىن ماڭىزدى فاكتور

ەرنينو قۇبىلىسى ىستىق بەلدەۋدەگى تىنىق مۇحيت رايونىندا نەگىزىنەن اتموسفەرانى قىزدىرۋ ارقىلى، بۇكىل جەر شارىنىڭ اۋا تەمپەراتۋراسىن جوعارىلاتادى. زەرتتەۋلەردىڭ كورسەتۋىنشە، ەكۆاتوردىڭ شىعىسىنداعى تىنىق مۇحيتتا تەڭىز تەمپەراتۋراسى رايونىندا ءار 1 سەلتسي گرادۋس جوعارىلاعان سايىن، بۇكىل جەر شارىنىڭ جىلدىق ورتاشا اۋا تەمپەراتۋراسى 0.12 سەلتسي گرادۋس جوعارىلايدى ەكەن. ءبىر رەتكى ورتاشا نەمەسە ودان جوعارى كۇشەمەلىلىكتەگى ەرنينو قۇبىلىسى ادەتتە جىلىنا ورتا ەسەپپەن بۇكىل جەر شارى بەتىنىڭ ورتاشا اۋا تەمپەراتۋراسىن 0.1 سەلتسي گرادۋستان 0.22 سەلتسي گرادۋسقا دەيىن جوعارىلاتادى.

2023-جىلى 5-ايدان بەرگى اي سايىن ەڭ جىلى رەكوردتىڭ جارىققا شىعۋىنا بايلانىستى، 2016-جىلعى ەڭ جىلى جىل سىندى رەكوردتى بۇزۋى مۇمكىن، 2023-جىلى نەمەسە 1850-جىلدان بەرگى ەڭ جىلى جىل بولادى.

ەرنينو قۇبىلىسىنىڭ سول جىلعى قىس ماۋسىمى مەن كەلەسى جىلعى جاز ماۋسىمىنا جاسايتىن ىقپالى سول جىلعى جاز بەن كۇزدەن كۇشتى بولادى. ەرنينو قۇبىلىسى تۋىلعان قىس ماۋسىمىندا ەلىمىزدىڭ حۋايحى، چاڭجياڭ، جۋجياڭ اعارلارىندا جاۋىن-شاشىن توتەنشە كوپ بولىپ، ەلىمىزدىڭ شىعىس سولتۇستىك رايونىنىڭ اۋا تەمپەراتۋراسى توتەنشە جوعارى بولادى، ياعني وڭتۇستىكتە قىس ماۋسىمىندا جاڭبىر كوپ جاۋادى، ال سولتۇستىكتە قىس جىلى بولادى.

بيىل قىس پەن كەلەر جىلى كوكتەمدە تۋىلۋى مۇمكىن اۋا رايى اپاتىنان الدىن الا ساقتانۋ كەرەك

ەرنينو قۇبىلىسى مەن كليمات جۇيەسىنىڭ باسقا فاكتورلارىنىڭ ىقپالىن جيناقتاعاندا، مەجەمەن قىس ماۋسىمىندا سولتۇستىك پەن چيڭحاي-شيزاڭ ۇستىرتىندە تومەن تەمپەراتۋرالى قار اپاتى تۋىلۋى مۇمكىن، جىلۋمەن قامداۋعا قاجەتتى ەنەرگيا قاجەتى تاريحتاعى ۇقساس مەزگىلدەگىدەن جوعارى بولۋى ءارى كەزەڭدىك ەنەرگيا ىستەتۋ جوعارى ءمانى جارىققا شىعۋى مۇمكىن.

قىس ماۋسىمىندا وڭتۇستىك جۇڭگودا كەزەڭدىك تومەن تەمپەراتۋرالى قار جاۋىپ، مۇز قاتاتىن اۋا رايى ءجۇز بەرۋى مۇمكىن، ورتا جۇڭگونىڭ وڭتۇستىك بولەگى، شىعىس جۇڭگونىڭ وڭتۇستىك بولەگى، وڭتۇستىك جۇڭگونىڭ سولتۇستىك بولەگى جانە باتىس وڭتۇستىك رايوننىڭ شىعىس وڭتۇستىك بولەگىندە كەزەڭدىك سيپاتتى تومەن تەمپەراتۋرا جانە قار جاۋىپ، مۇز قاتۋ اۋقىمى بايقالىپ، توك جەتكىزۋ جەلىسى، ەنەرگيا تاسىمالى، قاتىناس ءجۇرىس-تۇرىسى قاتارلىلارعا نەداۋىر زور ىقپال جاساۋى مۇمكىن، اۋا تەمپەراتۋراسىنىڭ كەزەڭدىك سيپاتتى تومەندەۋىنەن ەگىس داقىلدارىنىڭ ۇسىككە شالدىعۋ قاتەرى ءبىرشاما جوعارى بولادى. الايدا وسىنداي جاعداي 2008-جىلى 1-ايدىڭ سوڭىنان 2-ايدىڭ باسىنا دەيىنگى ارالىقتا جارىققا شىققاندا، وڭتۇستىكتە جالعاسقان ۋاقىتى ۇزاق، ىقپال كولەمى كەڭ بولعان تومەن تەمپەراتۋرا، جاڭبىر، قار، مۇز اپاتى تۋىلۋ مۇمكىندىگى ءبىرشاما از بولعان.

قىس، كوكتەم ماۋسىمىندا باتىس وڭتۇستىك رايونداردىڭ ورتا، باتىس وڭىرلەرىندە قىس ماۋسىمىنداعى اۋا تەمپەراتۋراسى جوعارى، جاۋىن-شاشىن از بولعاندا، ورمان-توعايعا ءورت كەتۋ قاتەرىنىڭ دارەجەسى ءبىرشاما جوعارى بولادى. باتىس سولتۇستىك رايوننىڭ شىعىس وڭتۇستىك بولەگى، باتىس وڭتۇستىك رايوننىڭ سولتۇستىك بولەگىنىڭ اۋا رايىندا قۋاڭشىلىق جاعدايى اۋىرلاسا ءتۇسۋى مۇمكىن.

قىس، كوكتەم ماۋسىمىندا ەلىمىزدىڭ ورتا، شىعىس بولەكتەرىندەگى اتموسفەرانىڭ لاستاۋى كەڭەيۋ شارت-جاعدايىنداعى جالپى تۇلعالىق پارىققا نازار اۋدارىپ، سۋىق اۋانىڭ تولاستاۋ مەزگىلىندەگى تىنىش، ورنىقتى اۋا رايىنىڭ بەيجيڭ-تيانجين-حىبەيدىڭ جانە ونىڭ توڭىرەگىندەگى رايونداردىڭ، حۋاڭحى وزەنى اعارىنداعى فىنحى-ۋيحى جازىعىنىڭ جانە ونىڭ توڭىرەگىندەگى تاۋلى ءۇستىرتتى باسپالداق ءتارىزدى ءوڭىردىڭ قاتىناسى مەن ادام دەنساۋلىعىنا جاسايتىن ىقپالىنان ساقتانۋدى ۇسىنىس ەتەمىز.

اۋدارعان: ساعىنبەك رابات ۇلى 

来源：人民网

翻译：萨恒别克

审稿、制作：古丽美热