بيىل ءبىرىنشى توقساندا ىشكى ءوندىرىس جالپى ءونىم قۇنى وتكەن جىلدىڭ ۇقساس مەزگىلىندەگىدەن %5.3 ارتتى 

ءوز حابارىمىز. مەملەكەتتىك ساناق مەكەمەسى 4-ايدىڭ 16-كۇنى مىنانى جاريالادى: بيىل ءبىرىنشى توقساندا ىشكى ءوندىرىس جالپى ءونىم قۇنى 29 تريلليون 629 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %5.3 ارتقان، حالىق شارۋاشىلىعى ءۇرتىس قايتا جاندانىپ، باستالۋى جاقسى بولدى. 

 ءبىرىنشى توقساندا ىشكى ءوندىرىس جالپى ءونىم قۇنى وتكەن جىلدىڭ ۇقساس مەزگىلىندەگىدەن %5.3 ارتىپ، وتكەن جىلدىڭ 4-توقسانىنداعىدان %1.6 ارتقان، باستىسى ونەركاسىپتىڭ قايتا ارتۋى مەن قىزمەت وتەۋ كاسىبىنىڭ جاقسارۋى تۇرتكىلىك ەتتى. ءبىرىنشى توقساندا قىزمەت وتەۋ كاسىبىنىڭ بولشەك ساتىلۋ سوماسى %10 ارتىپ، توۆارلاردىڭ بولشەك ساتىلۋىنان 6 پايز تەز بولدى؛ بۇكىل ەل بويىنشا كولەمدەنگەن ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن %6.1 ارتتى، ونەركاسىپ پەن قىزمەت وتەۋ كاسىبىنىڭ ىشكى ءوندىرىس جالپى ءونىم قۇنىنىڭ ارتۋىنا قوسقان ۇلەسى %90 تەن استى. مەملەكەتتىك ساناق مەكەمەسىنىڭ ورىنباسار باستىعى شىڭ لاييۇن بىلاي دەدى: ەكونوميكا ءۇرتىس قالپىنا كەلدى، باستالۋى ورنىقتى بولىپ، ورنىقتىلىق بارىسىندا ىلگەرىلەدى. ەكونوميكالىق اينالىمنىڭ ورنىقتىلىعى، سايكەسىمدىلىگى كۇشەيىپ، بازاردىڭ ومىرشەڭدىك كۇشى ارتىپ، بازارداعى تيجارات تۇلعالارىنىڭ سەنىمى ۇزدىكسىز بەكەمدەلدى. 

 

تۇتىنۋ-ەكونوميكانىڭ ارتۋىن جەبەيتىن نەگىزگى قوزعاۋشى كۇش. ءبىرىنشى توقساندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدىڭ ۇقساس مەزگىلىندەگىدەن %4.7 ارتتى. تۇتىنۋدىڭ ىشكى ءوندىرىس جالپى ءونىم قۇنىنىڭ ارتۋىنا قوسقان ۇلەسى %73.7 بولىپ، ەكونوميكانىڭ ارتۋىندا ماڭىزدى تىرەكتىك رول اتقاردى. تۇراقتى مۇلىكتەرگە قوسىلعان قارجى وتكەن جىلدىڭ ۇقساس مەزگىلدەگىدەن %4.5؛ زات يمپورت-ەكسپورتى %5 ارتتى. 

 

شىڭ لاييۇن بىلاي دەدى: ءبىرىنشى توقساندا، ونەركاسىپكە ىستەتىلگەن توك مولشەرى %7.7؛ جۇك تاسىمال مولشەرى %5.3؛ پورتتارداعى زات قابىلداۋ-جونەلتۋ مولشەرى %6.1 ارتتى، ەكسپورت جاعدايىن باقىلاۋدا پورتتارداعى جۇك تاسىمال مولشەرى-توتەنشە تىكە كورسەتكىش. 

جۇمىستانۋ جانە زات باعاسى ورنىقتى بولدى. ءبىرىنشى توقساندا بۇكىل ەلدەگى قالا-قالاشىقتاردا انىقتالعان جۇمىسسىزدىق مولشەرىنىڭ ورتاشا سالىستىرماسى وتكەن جىلدىڭ ۇقساس مەزگىلىندەگىدەن 0.3 پايز تومەندەپ، جۇمىستانۋدى ورنىقتىرۋ ساياساتىنىڭ ونىمدىلىگى اناعۇرلىم كورنەكتىلەندى. 

 

جاڭا ساپالى وندىرگىش كۇشتەردىڭ دامۋى كورنەكتى بولدى. ءبىرىنشى توقساندا كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن %7.5 ارتىپ، وتكەن جىلدىڭ 4-توقسانىنداعىدان 2.6 پايز جوعارىلادى؛ جوعارى تەحنيكالى قىزمەت وتەۋ كاسىبى ءبىرشاما تەز ارتۋ جاعدايىن جالعاستى ساقتاپ، ينفورماتسيا جەتكىزۋ، جۇمساق بولشەك جانە ينفورماتسياعا تەحنيكالىق قىزمەت وتەۋ كاسىبىنىڭ ارتقان قۇنى %13.7 ارتىپ، وتكەن جىلدىڭ 4-توقسانىنداعىدان 2.5 پايز جوعارىلادى. جاڭا ەنەرگيالى اۆتوموبيلدەردىڭ ءونىم مولشەرى الدىڭعى بىرنەشە جىلداعى جوعارى قارقىنمەن ارتۋ نەگىزىندە، بيىل ءبىرىنشى توقساندا %29.2 ارتتى؛ كۇن ەنەرگيالى باتەريا %20.1 ارتتى؛ فوتوۆولتقا قاتىستى كوپ كريستالدى كرەمني مەن جالاڭ كريستالدى كرەمنيدىڭ ارتۋ قارقىنى جالعاستى %50 تەن استى. شىڭ لاييۇن بىلاي دەدى: جاڭا ساپالى وندىرگىش كۇشتەردى ۇزدىكسىز جەدەل جەتىلدىرىپ جانە دامىتىپ، جەرگىلىكتى جاعدايعا قاراي ءىس جۇرگىزىپ، ءداستۇرلى كاسىپتەردى تەحنيكالىق جاقتان قايتا قۇرۋدى، دارەجەسىن جوعارىلاتۋدى ويداعىداي ىستەۋمەن بىرگە، جاڭادان گۇلدەنگەن كاسىپتەر مەن بولاشاق كاسىپتەردى جەدەل جەتىلدىرۋ كەرەك.