قازاقستانداعى تاسقىن اپاتىنان 5 ادام قازا بولدى
قازاقستانداعى تاسقىن اپاتىنان 5 ادام قازا بولىپ، 118مىڭ ادام حاۋىپسىز ورىنعا جوتكەلدى
قازاقستاننىڭ شۇعىل جاعدايعا توتەپ بەرۋ مينيسترلىگىنىڭ 4-ايدىڭ 18-كۇنگى حابارىنا قاراعاندا، قازاقستاننىڭ كوپ جەرىندە تۋىلعان تاسقىن اپاتىنان 5 ادام قازا بولىپ، 118 مىڭ ادام حاۋىپسىز ورىنعا جوتكەلدى. قازىرگە دەيىن 7000 عا جۋىق تۇرعىن ءۇيدى سۋ باسىپ، 60 نەشە قىستاقتىڭ قاتىناسى بوگەلدى. سولتۇستىك قازاقستان وبلىسى، اقمولا وبلىسى، اقتوبە وبلىسى قاتارلى جەرلەردىڭ اپاتتان قۇتقارۋ جاعدايى اۋىر. حابارعا قاراعاندا، قازاقستان بۇكىل ەل بويىنشا 40 مىڭنان استام ادامدى اتتانىسقا كەلتىرىپ، 4000 نان استام ءتۇرلى جابدىق، 18 ۇشاقتى ىسكە قوسىپ، شۇعىل جاعدايداعى قۇتقارۋ مەن تاسقىن اپاتىنان قۇتقارۋ قيمىلىنا كىرىسكەن.