جەر-جەر پارتيا ءتارتىبىن ۇيرەنۋ تاربيەسىن تىڭعىلىقتى ورىستەتتى

ءوز حابارىمىز. بۇكىل پارتيادا پارتيا ءتارتىبىن ۇيرەنۋ تاربيەسىن ورىستەتۋ − پارتيانىڭ ءتارتىپ قۇرىلىسىن كۇشەيتىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەۋدىڭ ماڭىزدى شاراسى. 

 

بىرنەشە كۇننەن بەرى جەر-جەر، تاراۋلار، ورىندار باس شۋجي شي جينپيڭنىڭ پارتيانىڭ ءتارتىپ قۇرىلىسىن كۇشەيتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، دەن قويا جوسپارلاپ جانە ورنالاستىرۋ جاساپ، ۇيرەنۋ ءتۇيىنىن مىقتى يگەرىپ، پارتيا ءتارتىبىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى. 

 

جىجياڭ ي-ۋ قالاسىنىڭ چىڭشي كوشەسىندە ءبىر مايدان توپتىق ۇيرەنۋ جۇرگىزىلۋدە. ءبىر توقىما كاسىپورنى پارتيا ياچەيكاسىنىڭ شۋجيى ليۋ يۋانكۋ بىلاي دەدى: جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» ءبىر-بىرلەپ ىشكەرىلەي ۇيرەنىپ، كوپشىلىكتىڭ ءتارتىپ تانىمى مەن يمەنۋ سەزىمى كۇشەيتىلدى. 

 

پارتيا ءتارتىبىن ۇيرەنۋ تاربيەسى ورىستەتىلگەننەن بەرى، جىجياڭ ولكەلىك پارتكومنىڭ تۇراقتى كوميتەتى 9 ءتۇرلى ءتۇيىندى شارانى العا قويىپ، «ەرەجەنى» ۇيرەنۋدى تىعىز ارقاۋ ەتىپ، پارتيا ورتالىق كوميتەتىنىڭ كەلەلى ورنالاستىرۋلارىنىڭ ناقتى، ەگجەي-تەگجەيلى تياناقتانۋىنا، ناقتى ونىمدىلىككە قول جەتكىزىلۋىنە كەپىلدىك ەتتى. جىجياڭ ولكەلىك باقىلاۋ-تەكسەرۋ كوميتەتىنىڭ مۇشەسى يە چياڭ بىلاي دەدى: نازاريا ۇيرەنۋ وزەكتى گرۋپپاسىنىڭ ۇيرەنۋى، كىتاپ وقۋ كلاسى، شوعىرلى تۇردە وزدىگىنەن ۇيرەنۋ سياقتى فورمالاردى قولدانىپ، «ەرەجەنى» تاراۋ، تارماق بويىنشا ويداعىداي ۇيرەندىك. دەلو ارقىلى ءمورالدى دارىپتەۋ، دەلو ارقىلى ءتارتىپتى قاتايتۋ، دەلو ارقىلى ءتۇسىندىرۋ، دەلو ارقىلى جاۋاپكەرشىلىكتى ايقىنداۋ قىزمەتىن ورىستەتىپ، قالىڭ پارتيا مۇشەلەرىنىڭ، اسىرەسە، باسشى كادرلاردىڭ ساباق قابىلداپ، ءوزىن-ءوزى تارتىپكە شاقىرۋىن جەبەۋ كەرەك. ءار دارەجەلى پارتيا مەكتەپ (اكىمشىلىك شۋەيۋاندار) تىڭنان باي مازمۇندى كلاستار اشىپ، «ەرەجە» بويىنشا تاربيەلەۋ، تۇسىنىك جاساۋ قىزمەتىن ورىستەتىپ، تۇسىنىك بەرۋ كۋرسىنىڭ قامتۋ كولەمىن كەڭەيتتى.

 

حيلۇڭجياڭ ولكەسىندەگى ءار دارەجەلى پارتيا ۇيىمدارى پارتيا ءتارتىبىن ۇيرەنۋ تاربيەسىن نەگىزگى تاقىرىپتىق تاربيەنىڭ جەتىستىكتەرىن بەكەمدەۋ جانە كەڭەيتۋمەن، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى تۇزەتۋ جانە فورماشىلدىقتى وڭاۋ ارقىلى نەگىزگى ساتىنىڭ اۋىرتپالىعىن جەڭىلدەتۋمەن، قابىلەت، ستيل قۇرىلىسىن تەرەڭدەتۋمەن ساباقتاستىرىپ جانە ءبىر تۇلعالاندىرىپ ىلگەرىلەتىپ، ءتارتىپ تاربيەسىنىڭ ۇدايىلانۋىن، باياندىلىعىن جەبەدى. حيلۇڭجياڭ ولكەلىك پارتكوم ۇيىمداستىرۋ ءبولىمى 1-باسقارماسىنىڭ باستىعى باۋ ۋييۇي بىلاي دەدى: ارناۋلى تاقىرىپتىق كىتاپ وقۋ كلاسى، نازاريا وزەكتى گرۋپپاسىنىڭ ۇيرەنۋى، ساقتاندىرۋ تاربيەسى، ءتۇسىندىرۋ، باۋلۋ سياقتىلاردى تارتىپپەن ۇيىمداستىرىپ، بۇكىل ولكەدەگى پارتيالى كادرلاردى پارتيا ءتارتىبىن ىشكەرىلەي، جەتە ۇيرەنۋگە جەتەكتەپ، پارتيا ءتارتىبىن ۇيرەنۋ تاربيەسىن باستان-اياق سوڭىنا دەيىن جاپپاي قامتۋىن ىلگەرىلەتۋ كەرەك.

 

چيڭحاي ولكەسى «ەرەجەنى» ۇيرەنۋدى تىعىز ارقاۋ ەتىپ، پارتيا ءتارتىبىن ۇيرەنۋ تاربيەسىن جوعارى ولشەممەن، جوعارى ساپامەن ورىستەتتى. چيڭحاي ولكەلىك پارتكوم ۇيىمداستىرۋ ءبولىمىنىڭ باستىعى شۋە چىڭلۇڭ بىلاي دەدى: ولكەنىڭ ءىس جۇزىندىك جاعدايىمەن تىعىز ۇشتاستىرىپ، پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، پارتيانىڭ ساياسي ءتارتىبىن، ساياسي قاعيداسىن ماڭداي الدى ورىنعا قويىپ، پارتيانىڭ ءتۇرلى ءتارتىبىنىڭ چيڭحايدا قاتايۋىن، ناقتىلانۋىن ىلگەرىلەتۋدى ايقىن العا قويۋ كەرەك.