جالپى حالىقتىق كىتاپ وقۋ جينالىسى كۇنميڭدە وتكىزىلدى
3-كەزەكتى جالپى حالىقتىق كىتاپ وقۋ جينالىسى كۇنميڭدە وتكىزىلدى
ءوز حابارىمىز. 4-ايدىڭ 23-كۇنى 3-كەزەكتى جالپى حالىقتىق كىتاپ وقۋ جينالىسى يۇنناننىڭ كۇنميڭ قالاسىندا اشىلدى.
جينالىستا بىلاي دەپ قارالدى: شي جينپيڭنىڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، جاڭا مادەنيەت بورىشىن ارقالاپ، كىتاپ وقۋدىڭ نەگىزدىك رولىن اناعۇرلىم ويداعىداي ساۋلەلەندىرىپ، كىتاپ وقۋدىڭ قوعامدىق قۇرىلىسىن ىشكەرىلەي ىلگەرىلەتىپ، كىتاپ وقۋدىڭ تەرەڭدىگىن، كەڭدىگىن ۇزدىكسىز كەڭەيتىپ، جالپى حالىقتىڭ كىتاپ وقۋ ساپا دەڭگەيىن جوعارىلاتۋ كەرەك. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن ىلگەرىلەتۋدى كوزدە ۇستاي وتىرىپ، كىتاپ وقۋ ارقىلى جەتەكشىلىك ەتۋدى كۇشەيتىپ، حالىقتى باس شۋجي شي جينپيڭنىڭ شىعارمالارىن ىشكەرىلەي ۇيرەنۋگە جەتەكتەپ، ەرتە جانە قازىرگى زامانعى جۇڭگو مەن شەتەلدىڭ كلاسسيكالىق شىعارمالارىن كوبىرەك وقىپ، ىنتىماقتاسا العا باسۋدىڭ رۋحاني كۇشىن اناعۇرلىم ويداعىداي ۇيىستىرۋ كەرەك.
وسى رەتكى جينالىس «كىتاپ وقۋعا اۋەس قوعام جاراتىپ، وسى زامانعى وركەنيەتتەن بىرگە يگىلىكتەنۋ» دەگەن مازمۇندى نەگىزگى تاقىرىپ ەتىپ، كىتاپ وقۋدى جالپىلاستىرۋ، نەگىزگى تاقىرىپتا جاريالاۋ جينالىسىن وتكىزۋ جانە جالپى حالىقتىق كىتاپ وقۋ زور كلاسىن اشۋ، كىتاپ وقۋ ءدالىزى سياقتى قيمىلداردى وتكىزەدى، مۇنداعى ماقسات جالپى حالىقتىڭ كىتاپ وقۋ قيمىلىن ۇزدىكسىز تەرەڭدەتىپ، تۇتاس قوعامدا دەن قويا كىتاپ وقيتىن، جاقسى كىتاپتاردى وقيتىن، كىتاپ وقۋعا اۋەس بولاتىن تاماشا سالت قالىپتاستىرۋدى جەبەۋ.