يزرايل زۇڭليى: گازا وڭىرىندەگى حاماستىڭ باسىم كوپ ساندى سوعىس جۇرگىزۋ لاگەرىن تالقاندادىق، -دەدى 

ءوز  حابارىمىز. جەرگىلىكتى ۋاقىت 4-ايدىڭ 23-كۇنى پالەستين ءىسلام قارسىلىق قوزعالىسى (حاماسقا) قاراستى قارۋلى توپ-حاسان بريگاداسىنىڭ مالىمدەمەشىسى ابۋ ۋبايدا ءبىر كەسكىن تاسپاسىندا يزرايلدىڭ زۇڭليى نيتانياحۋدىڭ اتالمىش «گازا وڭىرىندەگى حاماستىڭ باسىم كوپ ساندى سوعىس جۇرگىزۋ لاگەرىن تالقاندادىق» دەگەن سوزىنە تويتارىس بەرىپ، ونىڭ سوزدەرى «بۇكىلدەي وتىرىك» ،-دەدى. 

ابۋ ۋبايدا بىلاي دەدى: نيتانياحۋ يزرايل بۇقاراسى مەن حالىقارالىق قوعامدى الداپ، يزرايلدىڭ رافاحقا شابۋىل جاساۋى ءۇشىن زاڭدى سەبەپ تاۋىپ، يزرايلدىڭ وسىدان بۇرىن گازانىڭ باسقا جەرلەرىندە كورسەتكەن زورلىق-زومبىلىعىن قايتالاماقشى بولدى. يزرايل ارمياسى الىگە دەيىن گازادا ارەكەت جۇرگىزۋدە، پالەستين مەن يزرايلدىڭ وسى رەتكى قاقتىعىسىنان بەرى يزرايل ارمياسىنىڭ ارەكەتىنەن «ەشقانداي ناتيجە» شىقپادى، تەك بەيكۇنا جاي بۇقارا ءولىپ، گازا ءوڭىرى كەڭ كولەمدە ويراندالدى. 

ول تاعى بىلاي دەدى: حاماس وتكىزىلىپ جاتقان سوعىس توقتاتۋ كەلىسسوزىندە ءوز ارىز-ارمانىنا تاباندى بولادى، مۇنىڭ ىشىندە يزرايل ارمياسىنىڭ شابۋىلدى توقتاتۋى جانە گازادان شەگىنىپ شىعۋى، گازا قاۋىمىنىڭ گازانىڭ سولتۇستىگىنە قايتۋىنا رۇحسات ەتۋ ءارى قۇرساۋلاۋدى كۇشىنەن قالدىرۋ قامتىلعان. ول بىلاي دەپ اتاپ كورسەتتى: يزرايل ۇكىمەتى بارىمتالاردى اۋىستىرۋ كەلىسىمىنىڭ جاسالۋىن كەشەۋىلدەتۋدە، سونداي-اق جاراستىرۋشى تاراپتاردىڭ سوعىس توقتاتۋ كەلىسىمىن جاساسۋىنا كەسە كولدەنەڭ بولماقشى.

حاسان بريگاداسىنىڭ بۇل سوزدەرىنە يزرايل جاق قازىرشە اڭىس قايتارمادى.