ءولىم جازاسىنا ۇكىم ەتىلدى

4-ايدىڭ 25-كۇنى، گۋاڭجوۋ قالالىق ورتا دارەجەلى حالىق سوت مەكەمەسى جاۋاپكەر جاۋ ليۋچاۋدىڭ قاساقانا ادام ءولتىرۋ دەلوسىنا زاڭ بويىنشا ءبىرىنشى سوتتا اشىق ۇكىم شىعارىپ، قاساقانا ادام ءولتىرۋ قىلمىسى بويىنشا جاۋ ليۋچاۋدى ءولىم جازاسىنا ۇكىم ەتىپ، ساياسي ۇقىعىنان ومىرلىك ماقۇرىم ەتتى.

سوت مەكەمەسى مىنالاردى تەكسەرىپ انىقتادى: جاۋاپكەر جاۋ ليۋچاۋ، زيانكەستىككە ۇشىراۋشى جوۋ فاميليالىمەن 2011-جىلى ۇيلەنەدى، ءدام ءتۇزى جاراسپاعاندىقتان، 2023-جىلى 7-ايدىڭ 7-كۇنى حىنان ولكەسى پيڭيۇي اۋداندىق حالىق ىستەرى مەكەمەسىنىڭ ۇيلەنۋگە تىزىمدەلۋ باسقارماسىنا كەلىسىم بويىنشا اجىراسۋدى ءوتىنىش ەتەدى.

2023-جىلى 7-ايدىڭ 20-كۇنى كەشتە، ايەلى تۋىس-تۋعان، دوس-جاراندارىنان 6 ادامدى ەرتىپ جاۋ ليۋچاۋمەن گۋاڭجوۋ قالاسىنداعى بەلگىلى ونەركاسىپ باقشاسىنىڭ الدىندا كەزدەسۋگە كەلىسەدى. جاۋ ليۋچاۋ كەزىگە سالا ايەلىنە تاپ بەرەدى، جوۋ فاميليالى قاتارلىلار ونى توسىپ قالادى، جاۋ ليۋچاۋ ايەلىن جانە جوۋ فاميليالى قاتارلىلاردى اياۋسىز پىشاقتاپ، ايەلىن ولتىرەدى، جوۋ فاميليالىنى قامتىعان 4 ادام جارالانادى.

سوت مەكەمەسى بىلاي دەپ قارادى: جاۋاپكەر جاۋ ليۋچاۋ قاساقانا ادام ولتىرۋگە ۇرىنىپ، ءبىر ادامدى ءولتىرىپ، ءتورت ادامدى جارالاعان، ونىڭ ارەكەتى قاساقانا ادام ءولتىرۋ قىلمىسىنا جاتادى. جاۋ ليۋچاۋدىڭ سۋبيەكتيۆ قاتەرى زور، قىلمىس وتكىزۋ ءتاسىلى راقىمسىز، زاردابى اۋىر، ونى قاتاڭ جازالاۋ كەرەك، سوت مەكەمەسى زاڭ بويىنشا جوعارىداعى ۇكىمدى شىعاردى.