ينفورماتسيا اشكەرەلەۋ: mzjubao@cnr.cn

وزەكتى ماقالالار

چاڭ ـ ى 6 ـ ءنومىرلى ۇشۋ جابدىعى دۇنيە ءجۇزى بويىنشا ايدىڭ ارعى بەتىنەن ۇلگى الۋ جانە ۇشۋ مىندەتتەرىن تۇڭعىش رەت ورىندادى

来源:央广网     |责编:巴特勒·努尔兰|     发布日期: 2024-06-05 15:25

 

ءوز حابارىمىز. چاڭ ـ ى 6 ـ ءنومىرلى ۇشۋ جابدىعى 6-ايدىڭ 4 ـ كۇنى ساعات 7 دەن 38 مينۋت وتكەندە اي شارىنىڭ ۇلگىسىن الىپ ايدىڭ ارعى بەتىنەن ۇشتى، سوڭىنان اي شارىن اينالۋ وربيتاسىنا ءساتتى ەنىپ، دۇنيە ءجۇزى بويىنشا ايدىڭ ارعى بەتىنەن ۇلگى الۋ جانە ۇشۋ مىندەتتەرىن تۇڭعىش رەت ورىندادى.

 چاڭ - ى 6 - ءنومىرلى ۇشۋ جابدىعى ۇشقاننان كەيىن، ىلگەرىندى - كەيىندى تىك كوتەرىلۋ، تۇرعىسىن رەتتەۋ جانە وربيتاعا ەنۋدەي ءۇش ساتىنى ورىنداپ، الدىن الا كوزدەلگەن اي شارىن اينالا ۇشۋ وربيتاسىنا ءساتتى ەندى. جۇڭگو عارىش عىلىم ـ تەحنيكا توبىنداعى چياۋ دىجى بىلاي دەپ تانىستىردى: 6-ايدىڭ 2-، 3-كۇندەرى چاڭ ـ ى 6 ـ ءنومىرلى ۇشۋ جابدىعى اي شارىنىڭ ارعى بەتىندەگى وڭتۇستىك ۇيەگى بولعان ايتكەن ويپاتىنان زەردەلى تۇردە تەز ۇلگى الۋدى ءساتتى ورىنداپ، وسى عارىش دارەجەلى جەدەل جولدامانىڭ قوراپتالۋىن جۇزەگە اسىردى، سوڭىنان كوتەرىلىپ ۇشتى. 

 چياۋ دىجى بىلاي دەدى: ءبىز دەربەس ۇشىرۋدىڭ وسىنداي ءبىر تۇردەگى قالىبىن جاڭادان جوبالادىق، بەلگىلەنگەن ۋاقىتقا جەتكەندە جەرشارىنان وعان بۇيرىق بەرۋىمىزدىڭ قاجەتى جوق، ول دەربەس تۇجىرىم جاساپ شارت - جاعداي پىسىپ جەتىلگەن كەزدە وزدىگىنەن ۇشىپ وربيتاعا ەنەدى. 

 جۇڭگو عارىش عىلىم ـ تەحنيكا توبىنداعى شۇي باۋبي بىلاي دەدى: بارلاۋ جابدىعى ايدىڭ ارعى بەتىندەگى تەمپەراتۋرا پارقىنىڭ سىنىنان ءوتىپ، ولشەۋ ـ مەڭگەرۋ، جارىق ، ەلەكتر كوزى سياقتى جاقتارداعى قيىندىقتاردى جەڭىپ، اي شارى جەرىن بۇرعىلاپ ىشكى جاعىنان ۇلگى الۋ جانە مەحانيكالىق بىلەككە سۇيەنىپ اي بەتىنەن ۇلگى الۋداي ەكى ءتۇرلى ءتاسىل ارقىلى اي شارى ۇلگىلەرىن جيناپ، كوپ جەردەن الۋان ءتۇرلى اۆتوماتتى ۇلگى الۋدى ورىندادى. الدىن الا كوزدەلگەن نىسانا بويىنشا قاتىستى ورنالاستىرۋ مەن مەڭگەرۋدى تامامدادى، تۇتاس بارىس ءبىرشاما ءساتتى بولدى. 

 چاڭ - ى 6 - ءنومىرلى قونۋ اسپابىنا ورناتىلعان قونۋ فوتو اپپاراتى، جالپى كورىنىستىك فوتو اپپارات، اي شارى توپىراق قۇرىلىمىن بارلاۋ اسپابى، اي شارى مينەرال سپەكترىنە تالداۋ جاساۋ اسپابى سياقتى كوپ ءتۇرلى جابدىقتار ءونىمدى ىسكە قوسىلىپ، جوسپار بويىنشا عىلمي بارلاۋ جاسالىپ، ۇلگى الۋدى ساندى مالىمەتپەن قامدادى. 

 ۇلگى الىنىپ بولعاننان كەيىن، چاڭ ـ ى 6 ـ ءنومىرلى قونۋ اسپابىنا تيەلگەن بەس جۇلدىزدى قىزىل تۋ ايدىڭ ارعى بەتىندە ءساتتى اشىلدى، بۇل ەلىمىزدىڭ ايدىڭ ارعى بەتىندە مەملەكەت تۋىن تۇڭعىش رەت دەربەس جىلجىمالى ايگىلەۋى. جۇڭگو عارىش عىلىم ـ تەحنيكا توبىنداعى چىڭ چاڭ بىلاي دەدى: وسى مەملەكەت تۋى جانارتاۋ شاعىلىن بالقىتىپ سىم تارتۋ تەحنيكاسى ارقىلى جاسالعان، شىرۋگە، جوعارى تەمپەراتۋراعا، تومەن تەمپەراتۋراعا ءتوزىمدى بولۋداي ەرەكشەلىككە يە. بولاشاقتا ونى عارىشكەرلەردىڭ جوعارى، تومەن تەمپەراتۋراعا ءتوزىمدى عارىش كيىمى مەن عارىش بولمەسى ونىمدەرىن جاساۋعا پايدالانامىز. 

مەملەكەتتىك عارىش مەكەمەسى 6-ايدىڭ 4-كۇنى چاڭ ـ ى 6 ـ ءنومىرلى قونۋ جابدىعىنىڭ ايدىڭ ارعى بەتىنە قونىپ تارتقان جەلىلەس سۋرەتتەرىن جاريالادى. وسىدان كەيىن كوتەرىلۋ جابدىعى اي شارىن اينالۋ وربيتاسىندا كۇتىپ تۇرعان وربيتا جابدىعىمەن جانە قايتىمدى جابدىقتىڭ قۇراماسىمەن اي شارى وربيتاسىندا جالعانادى ءارى اي شارى ۇلگىلەرىن قايتىمدى جابدىققا جوتكەيدى، قايتىمدى جابدىق ۇلگىلەردى جەر شارىنا الىپ كەلەدى. مەملەكەتتىك عارىش مەكەمەسىندەگى اي شارىن بارلاۋ جانە عارىش ينجەنەرياسى ورتالىعىنىڭ ورىنباسار مەڭگەرۋشىسى گى پيڭ بىلاي دەدى: چاڭ - ى 6 - ءنومىرلى جابدىق مىندەتىنىڭ اتقارىلۋى ايدىڭ ارعى بەتىندە قونۋعا جانە اي شارىنان ۇلگى الۋعا تاجىريبە توپتايدى، كەيىن كەلە عارىشتىڭ ارعى جاعىن بارلاۋ مىندەتىنە ءتىپتى دە بەرىك نەگىز قالايدى.

 

中央广播电视总台 央广网 版权所有

چاڭ ـ ى 6 ـ ءنومىرلى ۇشۋ جابدىعى دۇنيە ءجۇزى بويىنشا ايدىڭ ارعى بەتىنەن ۇلگى الۋ جانە ۇشۋ مىندەتتەرىن تۇڭعىش رەت ورىندادى