ەڭ ۇزاق وقۋ جىل شەگىندە وقۋ تاۋىسۋ شارتىن ورىنداي الماعان 35 اسپيرانتتى نانجيڭ ونەركاسىپ داشۋەسى وقۋدان شەگىندىردى

  جاقىندا، نانجيڭ ونەركاسىپ داشۋەسىنىڭ ۇكىمەت تورابىندا مىناداي حابارلاندىرۋ شىعارىلدى: وسى مەكتەپتەگى 35 اسپيرانت مەكتەپ بەلگىلەگەن ەڭ ۇزاق وقۋ جىل شەگىندە وقۋ تاۋىسۋ شارتىن قاناعاتتاندىرا الماعاندىقتان، مەكتەپ جاق وسى 35 اسپيرانتتى وقۋدان شەگىندىرۋدى ۇيعاردى. 

  حابارلاندىرۋدا بىلاي دەلىنگەن: «جۇڭحۋا حالىق رەسپۋبليكاسىنىڭ جوعارى دارەجەلى وقۋ-اعارتۋ زاڭى» 2-تاراۋىنىڭ 17-تارماعىنا، «ادەتتەگى جوعارى دارەجەلى مەكتەپ وقۋشىلارىن باسقارۋ بەلگىلەمەسىنىڭ» 30-تارماعىنا جانە «نانجيڭ ونەركاسىپ داشۋەسى اسپيرانتتاردىڭ وقۋىن باسقارۋ ٴادىسىنىڭ» 2017-جىلعى 12-ٴنومىرلى بەلگىلەمەسىنە ساي، 2015-جىلى 9-ايدا جانە سودان بۇرىن وقۋعا تۇسكەن چىن فاميليالى قاتارلى 6 دوكتور اسپيرانت، 2018-جىلى 9-ايدا جانە سودان بۇرىن وقۋعا تۇسكەن شىن فاميليالى قاتارلى 29 ماگيستر اسپيرانت، 2024-جىلى 6-ايدىڭ 30-كۇنىنە دەيىن، مەكتەپ بەلگىلەگەن ەڭ ۇزاق وقۋ جىل شەگىندە وقۋ تاۋىسۋ شارتىن قاناعاتتاندىرا الماعان. 2024-جىلى 7-ايدىڭ 11-كۇنى، مەكتەپ باستىقتارى كەڭسە ماجىلىسىندە اقىلداسۋ ارقىلى جوعارىدا اتالعان 35 اسپيرانتتى وقۋدان شەگىندىرۋدى ۇيعارعاندىقتارىن ارناۋلى حابارلاندىردى.