وسى اپتادا وڭتۇستىك جانە سولتۇستىك شينجياڭنىڭ باسىم كوپ ساندى رايوندارىندا ارا-تۇرا بوران سوعىپ جاڭبىر جاۋادى

مەجەمەن 8-ايدىڭ 27-كۇنىنەن 28-كۇنىنە دەيىن سولتۇستىك شينجياڭنىڭ باتىسى، تارباعاتاي ايماعى، شىحىزى قالاسىنىڭ وڭتۇستىك بولەگىنەن سانجى وبلىسىنىڭ شىعىس بولەگىنە دەيىنگى جەرلەردەگى تاۋلى وڭىرلەر، وڭتۇستىك شينجياڭنىڭ باتىسى، بايىنعولين وبلىسىنىڭ تاۋلى وڭىرلەرى، قۇمىل قالاسى سياقتى جەرلەردىڭ ءىشىنارا رايوندارىندا از جاڭبىر جاۋادى، كەيبىر جەرلەردە ورتاشا نەمەسە قالىڭ جاڭبىر جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىداعى كەيبىر جەرلەردە باتىس سولتۇستىكتەن 5 بال اينالاسىندا جەل سوعادى، جەل وتتەرىندەگى جەل كۇشى 8 ~ 9 بالعا جەتەدى.

8-ايدىڭ 28-كۇنى تۇننەن 31-كۇنى كۇندىزگە دەيىن تۇتاس شينجياڭنىڭ باسىم كوپ ساندى رايوندارىندا باتىستان شىعىسقا قاراي ىلگەرىندى-كەيىندى از جاڭبىر جاۋادى؛ قاشقار ايماعى، قىزىلسۋ وبلىسى، اقسۋ ايماعى، بايىنعولين وبلىسىنىڭ تاۋلى وڭىرلەرى قاتارلى جەرلەردىڭ ءىشىنارا وڭىرلەرىندە جانە ىلە وزەنى اڭعارى، بۇراتالا وبلىسى، تارباعاتاي ايماعىنىڭ تاۋلى وڭىرلەرى، شىحىزى قالاسىنىڭ تاۋلى وڭىرلەرى، ءۇرىمجى قالاسىنىڭ تاۋلى وڭىرلەرى، سانجى وبلىسىنىڭ تاۋلى وڭىرلەرى سياقتى جەرلەردىڭ ءىشىنارا رايوندارىندا قالىڭ جاڭبىر نەمەسە نوسەر جاۋادى، ءبىر ءبولىم جەرلەردىڭ كەيبىر وڭىرلەرىندە قاتتى نوسەر جاۋادى، ءارى قىسقا ۋاقىت كۇشتى جاۋىن-شاشىن، ناجاعايلى بوران، بۇرشاق سىندى ناشار اۋا رايى بولادى.

8-ايدىڭ 29-كۇنىنەن 31-كۇنىنە دەيىن سولتۇستىك شينجياڭنىڭ باتىسى مەن سولتۇستىگى، قاشقار ايماعىنىڭ سولتۇستىگى، قىزىلسۋ وبلىسى، حوتان ايماعى، اقسۋ ايماعى، بايىنعولين وبلىسى، تۇرپان قالاسى، قۇمىل قالاسى سياقتى جەرلەردىڭ ءىشىنارا وڭىرلەرىندە ىلگەرىندى-كەيىندى باتىس سولتۇستىكتەن نەمەسە قيىس شىعىستان 6 بال مولشەرىندە جەل سوعادى، جەل وتتەرىندەگى جەل كۇشى 10 ~ 11 بالعا جەتەدى؛ وڭتۇستىك شينجياڭ مەن شىعىس شينجياڭ قاتارلى جەرلەردىڭ كەيبىر وڭىرلەرىندە قىسقا ۋاقىت قۇمدى بوران سوعادى.