رەسەي جاق كۋرسكي يادرو ەلەكتر ستانسياسىن باسقارۋدى كۇشەيتتى، وتكەن ءبىر كۇن ىشىندە رەسەي مەن ۋكراينا اراسىندا 184 رەت شايقاس بولدى

ءوز حابارىمىز. رەسەيدىڭ كۋرسكي وبلىستىق ۇكىمەتى 8-ايدىڭ 28-كۇنى كۋرسكي يادرو ەلەكتر ستانسياسىنا قالىپتان تىس حاۋىپسىزدىك شاراسى قولدانىلاتىندىعىن، ونداعى قىزمەتكەرلەردىڭ كۋرچاتوۆ قالاسىنا كىرۋى شەكتەلگەندىگىن جاريالادى.

رەسەي ازاماتتىق گۆاردياسى 8-ايدىڭ 28-كۇنى بىلاي دەپ حابارلادى: كۋرسكي يادرو ەلەكتر ستانسياسى ماڭايىندا ۋكراينا ارمياسى اتقان راكەتا دەر كەزىندە بايقالدى اتىپ ءتۇسىرىلدى.

ۋكراينا قارۋلى كۇشتەرىنىڭ باس اقىلشىلار شتابى 8-ايدىڭ 28-كۇنى بىلاي دەپ حابارلادى: وتكەن ءبىر كۇن ىشىندە ۋكراينا مەن رەسەي اراسىندا 184 رەت سوعىس بولدى، تەك پوكروۆسكي جاقتىڭ وزىندە 55 رەت قاقتىعىس تۋىلدى.