2024-جىلعى جۇڭگو-افريكا سەلبەستىك تالقىسى باسشىلار ءماجىلىسىنىڭ اقپارات ورتالىعى ىسكە قوسىلدى

ءوز حابارىمىز. 2024-جىلعى جۇڭگو-افريكا سەلبەستىك تالقىسى باسشىلار ءماجىلىسىنىڭ اقپارات ورتالىعى 9-ايدىڭ 2-كۇنى ىسكە قوسىلدى. باسشىلار ءماجىلىسىنىڭ اقپارات ورتالىعى اقپارات جاريالاۋ، الەۋمەتتىك قىزمەت، راديو-تەلەۆيزيا تەحنيكالىق قىزمەت وتەۋى، عىلىم-تەحنيكا، مادەنيەت ىقپالداستىق كورمەسى سياقتى كوپتەگەن فۋنكتسيالىق رايونداردى قامتيدى، جۇڭگو مەن شەتەل اقپارات قۇرالدارىنا راديو-تەلەۆيزيا، سۋرەت، ءماجىلىس حابار-وشارى سياقتى جاقتاردان قىزمەت وتەۋدەن سىرت، تىلشىلىك لەنيالارىن ۇيىمداستىرىپ، بەيجيڭ قالا قۇرىلىسى، جۇڭگونىڭ جاڭالىق اشا دامۋى سياقتى نەگىزگى تاقىرىپتارعا نازار اۋدارادى. وسى رەتكى باسشىلار ماجىلىسىنە 3000 نان استام جۇڭگولىق، شەتەلدىك ءتىلشى تىركەۋگە الىنىپ، تىڭ رەكورد جاراتىلدى. 9-ايدىڭ 2-كۇنى تۇستەن كەيىن اقپارات ورتالىعى تۇڭعىش رەت اقپارات جاريالاۋ ءماجىلىسىن اشىپ، قاتىستى مينيسترلىك، كوميتەتتەردىڭ جاۋاپتىلارىن جۇڭگو مەن افريكانىڭ «ءبىر بەلدەۋ، ءبىر جولدى» بىرگە قۇرۋ سەلبەستىك جاعدايىن تانىستىرۋعا ۇسىنىس ەتتى.