يزرايل ارمياسىنىڭ يوردان وزەنىنىڭ باتىس جاعالاۋىنداعى اسكەري ارەكەتىندە پالەستيندىك 29 ادام قازا بولدى 

ءوز حابارىمىز. پالەستين دەنساۋلىق ساقتاۋ مينيسترلىگى 9-ايدىڭ 2-كۇنى مالىمدەمە جاريالاپ بىلاي دەدى: يزرايل ارمياسىنىڭ 8-ايدىڭ 28-كۇنىنەن بەرگى يوردان وزەنىنىڭ باتىس جاعالاۋىندا جۇرگىزگەن اسكەري ارەكەتىنەن پالەستيندىك 29 ادام قازا بولىپ، 121 ادام جارالاندى. پالەستين جاق بىلاي دەدى: يزرايل ارمياسىنىڭ ارەكەتى سۋ تورابىن، ەلەكتر تورابىن قامتىعان الەۋمەتتىك نەگىزدىك قۇرىلعىلاردى، سونداي-اق جەكەلەردىڭ مال-مۇلكىن زور كولەمدە ءبۇلدىردى. 

يزرايل ارمياسىنىڭ مالىمدەمەشىسى 9-ايدىڭ 2-كۇنى مالىمدەمە جاريالاپ بىلاي دەدى: يزرايل ارمياسى 9-ايدىڭ 1-كۇنى كەشتە جەنيندە قارۋلى ءبىر شاعىن توپتىڭ وزدەرىنە پارتىلاتقىش قارۋ اتقاندىعىن بايقادى، سوڭىنان يزرايل ارمياسى وسى قارۋلى توپتاعىلاردى اتقىلادى. 

پالەستين مەن يزرايلدىڭ وسى رەتكى قاقتىعىسى باستالعاننان بەرى، يزرايل ءبىر جاعىنان گازا وڭىرىندە اسكەري ارەكەت جۇرگىزىپ، ەندى ءبىر جاعىنان يوردان وزەنىنىڭ باتىس جاعالاۋىندا كوپ رەت تۇتقيىل شابۋىل جاساپ، پالەستيندىكتەردى تۇتقىنداپ، بوسقىندار لاگەرىندەگى اتالمىس پالەستين قارۋلىلارىنىڭ جاسىرىنعانىن جەرلەرىن بومبىلادى. 

انگليانىڭ سىرتقى ىستەر ءۋازىرى لاممي 9-ايدىڭ 2-كۇنى بىلاي دەدى: انگليا يزرايلعا 30 ءتۇرلى قارۋ-جاراق ەكسپورت ەتۋ رۇقسات كۋالىگىن تاراتۋدى دەرەۋ ۋاقىتشا توقتاتادى، وسى قارۋ-جاراقتاردىڭ ىشىندە سوعىس ايروپلاندارى، تىك ۇشاق جانە ۇشقىشسىز ۇشاق سياقتى اسكەري ۇشاقتاردىڭ بولشەكتەرى بار. انگليا جاقتىڭ مەجەلەۋىنشە، يزرايلعا كەيبىر اسكەري ونىمدەردى ەكسپورت ەتۋدىڭ حاۋىپ-قاتەرى كورنەكتى، وسى قارۋ-جاراقتار حالىقارالىق ادامگەرشىلىك زاڭىنا اۋىر دارەجەدە قايشى كەلەتىن قيمىلدارعا ىستەتىلۋى نەمەسە سايكەستىرىلۋى مۇمكىن.