التىن كۇز مەزگىلىندە، جەر - جەرلەر «جۇڭگو شارۋالار مول ءونىم مەرەكەسىن» قۇتتىقتاپ، اۋىل - قىستاقتىڭ جاپپاي گۇلدەنۋ ومىرشەڭدىك كۇشىن ايگىلەدى

ءوز حابارىمىز: 22- قىركۇيەك - 7-رەتكى جۇڭگو شارۋالار مول ءونىم مەرەكەسى. جەمىس ـ جيدەكتىڭ حوش ءيىسى اڭقىپ، قامبا استىققا تولدى. جەر - جەر باي مازمۇندى قۇتتىقتاۋ قيمىلدارىن وتكىزىپ، مول ءونىم شاتتىعىنان بىرگە يگىلىكتەندى.

جۇرتشىلىق بارابان سوعىپ، ياڭگى ءبيىن بيلەپ، مەرەكە دۋمانىن اسىردى. 2024 - جىلعى جۇڭگو شارۋالار مول ءونىم مەرەكەسىنىڭ مەملەكەتتىك نەگىزگى ءماجىلىس الاڭى قيمىلى 9-ايدىڭ 22-كۇنى حىنان ولكەسى لانكاۋ اۋدانى دايجۋاڭ قىستاعىندا وتكىزىلدى. حىنان، جيلين، جىجياڭ، سىچۋان، شينجياڭ سياقتى جەرلەردەن كەلگەن شارۋالار ۋاكىلدەرى قيمىلعا قاتىناستى. حىنان ولكەسى شاڭشۇي اۋدانى بەلگىلى ەگىمشىلىك كاسىپتىك سەلبەستىك كووپەراتيۆىنىڭ جاۋاپتىسى ليۋ تيانحۋا بىلاي دەدى: مەملەكەتتىڭ اۋىل شارۋاشىلىعىنا تيىمدىلىك جاساۋ ساياساتى وتە جاقسى، ءبىزدىڭ سەنىمىمىز مىعىم. بۇگىن شارۋالاردىڭ مەرەكەسى تويلانىپ جاتىر، ءبىز داڭىقتى دا ماقتانىشتى سەزىمدەمىز.

شاندۇڭنىڭ الماسى، جياڭشيدىڭ شايى، گۇيجوۋدىڭ قىزىل كەندىرى سياقتى جەر - جەردىڭ ەرەكشە اۋىل شارۋاشىلىق ونىمدەرى ناق مايداندا شوعىرلى كورسەتىلدى. گۋاڭدۇڭ ولكەسى يۇينان اۋداندىق پارتكومنىڭ شۋجيى لياڭ شىجۇن جەرگىلىكتى ءونىم سارى قابىقتى المانى تانىستىرىپ بىلاي دەدى: اۋدانىمىزدا سۇيەكسىز سارى قابىقتى المانىڭ ەگىلگەن جەر اۋدانى 195 مىڭ مۋ بولىپ، ءونىم قۇنى 6 ميلليارد 300 ميلليون يۋاننان استى، بۇرىن تەك جەمىس قاعىن عانا جاساپ ساتاتىبىز، قازىرگى تاڭدا 36 ءتۇرلى ءونىم شىعارامىز.

كۇزگى استىق تۇتاس جىلداعى استىق ءونىمىنىڭ نەگىزى. اۋىل شارۋاشىلىعى، اۋىل - قىستاق مينيسترلىگىنىڭ حابارىنا قاراعاندا، قازىر قوس ماۋسىمدىق جاي پىساتىن كۇرىشتەن سىرت، باسىم كوپ ساندى كۇزگى استىق داقىلدارى پىسىپ - جەتىلۋ مەزگىلىنە وتكەن، جىيناپ الىنعان استىق باتىس وڭتۇستىك رايونداردا 60 پرانسەنتتەن، بۇكىل ەل بويىنشا ءبىر جارىم پايىزدان اسقان. بيىل كۇزگى استىق ەگىلگەننەن بەرى، جۇگەرى، سويا بۇرشاق، ورتا، كەش پىساتىن كۇرىش سياقتى داقىلداردىڭ ءوسۋ جاعدايى جالپى جاقتان قالىپتى بولىپ، بۇكىل ەل بويىنشا كۇزگى استىقتان جالعاستى مول ءونىم الۋدان ءۇمىت بار.

حيلۇڭجياڭ ولكەسىنىڭ چيڭ-ان اۋدانىندا ءبىر ميلليون 300 مىڭ مۋ جەردەگى كۇرىش ورىلا باستادى. چيڭ ـ ان اۋداندىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ مەڭگەرۋشىسى فان جۇن بىلاي دەدى: ءبىز نەگىزىنەن جوعارى ءونىمدى تۇقىم ەگەمىز. كەيبىر وزىق تەحنيكالاردى جالپىلاستىرۋ ارقىلى مۋ باسىندىق ءونىم شامامەن %5 اينالاسىندا ارتتى.

كوزالدا، جىجياڭ ولكەسىنىڭ چاڭشيڭ اۋدانىندا وندىرىلگەن ۇلكەن قىسقىش شايان كوپتەپ بازارعا سالىنۋدا. بيىل تۇڭعىش رەت ەركەك جانە ۇرعاشى قىسقىش شاياندى ءبولىپ باعۋ ۇلگىسىن قولدانۋ شاراسىنىڭ اتقارىلۋىمەن، حۇڭچياۋ قالاشىعىنداعى سۋ شايانى باعىمشىلىعىمەن شۇعىلداناتىن شيە گۋاڭنىڭ قىسقىش شايان ونىمدەرى بۇرىنعىدان كەمىندە ون كۇن بازارعا شىعارىلىپ، كىرىسى جوعارىلادى.

حۋبي ولكەسىنىڭ شياۋچاڭ اۋدانى جاقىندا مول ءونىمدى قۇتتىقتاۋ قيمىلىن وتكىزدى. وسى رەتكى قيمىلدىڭ ماڭىزدى تاقىرىپتارىنىڭ ءبىرى رەتىندە، «جاڭا داۋىردەگى شارۋالاردى اۋقاتتاندىرۋدىڭ باستاماشىلارىنا» ەرەكشە سيلىقتار بەرىلدى، 1 ـ دارەجەلىگە سيىر، 2 ـ دارەجەلىگە قوي، 3 ـ دارەجەلىگە قاز سيلىققا بەرىلدى. استىق وندىرىسىندەگى مەملەكەتتىك وزات جەكە، شياۋچاڭ اۋدانى بەلگىلى وتباسىلىق ەگىس الاڭىنىڭ جاۋاپتىسى فۋ پىڭچىڭ بىلاي دەدى: سەلبەستىك كووپەراتيۆىمىز بيىل 4000 مۋدان استام جەرگە "حانزادا كۇرىشى" مايساسىن جەتىلدىردى، ءبىز ءوزىمىزدىڭ كاسىبىزدى دامىتىپ قانا قويماي، توڭىرەكتەگى شارۋا وتباسىلارىنا دا ويداعىداي قىزمەت وتەپ، ءتىپتى دە كوپ بۇقارانىڭ كىرىسىن ارتتىرىپ، اۋقاتتانۋىنا جەتەكشىلىك ەتەمىز.