ءوز حابارىمىز:  جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ مۋزيكا كونسەرتى 9 - ايدىڭ 29 - كۇنى كەشتە بەيجيڭدە وتكىزىلدى. شي جينپيڭ ، لي چياڭ ، جاۋ لىجي ، ۋاڭ حۋنيڭ ، ساي چي ، ديڭ شۋەشياڭ ، لي شي ، حان جىڭ قاتارلى پارتيا مەن مەملەكەت باسشىلارى 3000نان استام كورەرمەنمەن بىرگە كونسەرت كورىپ ، جاڭا جۇڭگو قۇرىلعان 75 جىلدان بەرگى شۇعىلالى بارىستى بىرگە ەسكە الىپ، ۇلى وتاننىڭ گۇلدەنىپ ـ كوركەيۋىن تىلەدى.

 حالىق سارايىنىڭ 10 مىڭ ادامدىق زالىندا شىراقتار سامالاداي جارقىراپ ، شات مەرەيگە شومدى. ساعات 19 دان 55 مينۋت وتكەندە، ويناقى مۋزيكا ءۇنى ىشىندە شي جينپيڭ قاتارلى باسشى جولداستار زالعا كىرىپ، از ۇلت ۋاكىلدەرىمەن، ساقا جولداستاردىڭ ۋاكىلدەرىمەن ىقىلاستى تۇردە قول الىستى، بۇكىل زالدان قىزۋ قول شاپالاق ءۇنى كوتەرىلدى. 

 زالدا ايبىندى "ەرىكتىلەر مارشى" ورىندالىپ، جينالعان جۇرت جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. 

 "بۇگىن سەنىڭ تۋعان كۇنىڭ، مەنىڭ جۇڭگوم..." اتتى ءان ىرعاعىمەن كونسەرت باستالدى. كونسەرت بەتاشار كۇي جانە 5 مۋزيكا تاراۋىنان قۇرالدى، ادەبيەت ـ كوركەمونەر قىزمەتكەرلەرى تارتىمدى ورىنداۋ ونەرى ، اسەرلى ءان اۋەنى ارقىلى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىق تاريحىن مۋزيكا كەشىنىڭ ءار تاراۋىنا ءسىڭىرىپ، كلاسسيكالىق مۋزيكا تۋىندىلارىنداعى تاريح پەن ءداۋىر ەستەمەسىن ەسكە ءتۇسىردى.

 تۇتىكتى ـ ىشەكتى مۋزيكا اسپاپتار وركەسترى تامىلجىتا ورىنداعان "ءبىرىنشى سيمفونيالىق بەتاشار كۇي" مەن "حۋاڭحى وزەنى حورى" زالدىڭ ءىشىن جاڭعىرتا ايبىندى اسەر بەرىپ، جاڭا دەموكراتيالىق توڭكەرىس كەزىندەگى جۇڭگو حالقىنىڭ قاندى شايقاس جۇرگىزىپ، قايىسپاس قايسارلىق كورسەتىپ، پارتيانىڭ باسشىلىعىندا ۇلى جەڭىسكە قول جەتكىزىپ، جاڭا جۇڭگونى قۇرىپ شىققان شۇعىلالى بارىسىن تولىق ايگىلەدى. "وتانعا ماداق جىرى" اسقاق تا دۋماندى ورىندالسا، "مول ءونىم جىرى" ويناقى دا قۋانىشتى سەزىمگە بولەپ، تۇتىكتى ـ ىشەكتى مۋزيكا اسپاپتارىمەن ورىندالعان 2 كۇي سوتسياليستىك توڭكەرىس پەن قۇرىلىس كەزەڭىندەگى ءوز كۇشىمىزگە سۇيەنىپ ءومىر سۇرگەن، قايراتتانا العا ۇمتىلعان ۇمىتىلماس جىلداردى قايتا ەسكە ءتۇسىرىپ، كورەرمەندەردىڭ كۇشتى اڭىسىن قوزعادى. تۇتىكتى - ىشەكتى مۋزيكا اسپاپتارىمەن ورىندالعان " قۋانىشتى حابار بەيجيڭنەن شەكارا وڭىرلەرگە دەيىن تارالدى"، ۇلتتىق مۋزيكا اسپاپتارىمەن بىرلەستىرىلە ورىندالعان "الۋان سيمفونيا" ءارقايسى ۇلتتاردىڭ، تۇرلىشە ءوڭىردىڭ بوگەنايى بولەك اۋەنىمەن توعىستىرىلا وتانىمىزدىڭ كوركەم وزەن -تاۋلارى مەن حالىقتىڭ باقىتتى تۇرمىسىن اسەم اۋەنمەن ايگىلەدى. سيمفونيالىق حور "ۇمىتكە تولى اتىزدار "، تۇتىكتى ـ ىشەكتى مۋزيكا اسپاپتارىمەن ورىندالعان "جاستار ۆاليسى" اسقاق تا ويناقى بولىپ، رەفورما جاساعاننان، ەسىك اشقاننان بەرگى جۇڭگو حالقىنىڭ يدەيانى ازات ەتىپ ، قايراتتانا العا باسقان رۋحاني بەت ـ بەينەسىن كارتينالادى. 

 75 جىلدان بەرگى بوران ـ شاشىندى جۇڭگو حالقى اسقاق جىگەرمەن جەڭە وتىرىپ ۇدىرە العا تارتتى. مۋزيكا كونسەرتى كەزىندە زالدىڭ ءىشى قىزۋ مەرەيگە شومدى. پيانينو مەن وركەستىر ارقىلى ورىندالعان "جاڭا ءورىس" كۇيى شات مەرەيگە بولەسە، تۇتىكتى ـ ىشەكتى مۋزيكا اسپاپتارىمەن ورىندالعان "كوركەم دالا" كۇيى اسقاق سەزىمگە كەنەلتتى، "جاڭا جورىق" سيمفونياسى حورمەن اسقاقتاتا شىرقالدى، ءداۋىر اندەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ميلليارتتان استام جۇڭحۋا ۇلاندارىنىڭ وزدەرىنە دەگەن سەنىمىن، ءوز ەلىن الۋەتتەندىرۋىن، دۇرىس جولدان تايماي، جاڭالىق اشقان رۋحاني بەت-بەينەسىن ايگىلەپ كورەرمەندەردىڭ قىزۋ القاۋىنا بولەندى. زالداعىلاردىڭ "وتاندى جىرلايمىز" ءانىن اسقاقتاتا شىرقاۋىمەن مۋزيكا كونسەرتى سوڭعى مارەسىنە جەتتى.

 مۋزيكا كونسەرتىنە قاتىناسقانداردان تاعى: يىن لي ، شى تايفىڭ ، ليۋ گوجۇڭ ، لي گانجيە ، لي شۋلەي ، لي حۇڭجۇڭ ، حى ۋيدۇڭ ، حى ليفىڭ ، جاڭ يوۋشيا ، جاڭ گوچيڭ ، چىن ۋىنچيڭ ، جيا چيڭلين ، جاڭ دىجياڭ ، يۇي جىڭشىڭ ، لي جانشۋ ، ۋاڭ ياڭ ، زىڭ چيڭحۇڭ ، لي چاڭچۇن ، حى گوچياڭ ، ليۋ يۇنشان ، ۋاڭ چيشان ، جاڭ گاۋلي ، ج ك پ ورتالىق كوميتەتىنىڭ شۋجيچۋىنداعى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى ، ورتالىق اسكەري ىستەر كوميتەتىندەگى باسشى جولداستار جانە باسشىلىق مىندەتىنەن بوساعان جولداستار بار. 

 ورتالىقتىڭ پارتيا ، ۇكىمەت ، ارميا جانە بۇقارالىق ۇيىم قاتارلى تاراۋلارىنداعى، بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى مەن پارتيادا ، توپتا جوق قايراتكەرلەردىڭ ۋاكىلدەرى ، "رەسپۋبليكا وردەنى" ، "دوستىق وردەنى" ، "1 ـ شىلدە وردەنى" ، "1 ـ تامىز وردەنى" جانە مەملەكەت داڭقى اتاعى يەگەرلەرىنىڭ ۋاكىلدەرى، مەملەكەتتىك وزات ۇلگىلەردىڭ، مەملەكەتتىك ءتۇيىندى قامقورلىق جاسالاتىن وبيەكتىلەردىڭ ۋاكىلدەرى، مەملەكەتتىك از ۇلت ەكسكۋرسيا ۇيىرمەسىنىڭ مۇشەلەرى، ساقا جولداستاردىڭ ۋاكىلدەرى، شياڭگاڭدىق-اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ جانە وتانعا ورالعان چياۋميندەردىڭ، سونداي ـ اق چياۋميندەردىڭ تۋىس ـ تۋعاندارىنىڭ ۋاكىلدەرى ، بەيجيڭدە تۇراتىن ازاتتىق ارمياداعى جانە قارۋلى ساقشى اسكەري بولىمدەرىندەگى كوماندير ـ جاۋىنگەرلەردىڭ ۋاكىلدەرى، استاناداعى ءار سالا قاۋىمىنىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە جۇڭگودا قىزمەت ىستەيتىن شەتەلدىك مامانداردىڭ ۋاكىلدەرى قاتارلىلار كونسەرتتى تاماشالادى.