【جاڭا يدەيا جاڭا جورىققا جەتەكشىلىك ەتەدى】 بيڭتۋان رۋحىن بارىنشا ساۋلەلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ بارىسىندا ۇزدىكسىز تىڭ تابىستارعا قول جەتكىزىپ، جاڭا بەت-بەينەنى ايگىلەدى

ءوز حابارىمىز. بيىل شينجياڭ ءوندىرىس-قۇرىلىس بيڭتۋانى قۇرىلعاندىعىنىڭ 70 جىلدىعى. باس شۋجي شي جينپيڭ بىلاي دەپ اتاپ كورسەتتى: شينجياڭ ءوندىرىس-قۇرىلىس بيڭتۋانى شينجياڭنىڭ دامۋىن ىلگەرىلەتۋگە، ۇلتتار ىنتىماعىن كۇشەيتۋگە، قوعام ورنىقتىلىعىن قورعاۋعا، مەملەكەتتىڭ شەكارا قورعانىسىن بەكەمدەۋگە وشپەس تاريحي ۇلەس قوستى. جاڭا ساپارعا قادام تاستاعاندا، بيڭتۋاندىقتار باس شۋجي شي جينپيڭنىڭ تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جان-جاقتى دايەكتىلەندىرىپ، «وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن كاسىپ جاراتۋ، ءورىس اشا العا ىلگەرىلەۋ» سىندى بيڭتۋان رۋحىن بارىنشا ساۋلەلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ بارىسىندا ۇزدىكسىز تىڭ تابىستارعا قول جەتكىزىپ، جاڭا بەينەنى ايگىلەدى.

1954-جىلى 10-ايدا پارتيا ورتالىق كوميتەتى شينجياڭ ءوندىرىس-قۇرىلىس بيڭتۋانىن قۇرۋدى ۇيعاردى. «حالىقپەن مۇددەگە تالاسپاۋ، حالىقپەن سۋعا تالاسپاۋ، حالىقپەن جەرگە تالاسپاۋ» پرينسيپى بويىنشا، بيڭتۋاندىقتار تاكلاماكان ءشولىن، قۇربانتۇڭعىت ءشولىن جانە شەكارا سىزىعىن بويلاي قونىستانىپ، تىڭ يگەرىپ، شەكارانى قورعادى. 70 جىل بوران-شاشىندى باستان كەشىرىپ، قاجىرلىلىقپەن يگىلىك جاراتىپ، قۇمدى ءشولدى جاسىل جازيراعا، ءشول دالانى قۇنارلى اتىزعا اينالدىردى.

پارتيا 18-قۇرىلتايىنان بەرى، باس شۋجي شي جينپيڭ وسىناۋ قۇتتى قونىس، شۇرايلى مەكەنگە ايرىقشا ءمان بەرىپ، تەرەڭ سۇيىسپەنشىلىكپەن كوڭىل ءبولىپ، شينجياڭ ءوندىرىس-قۇرىلىس بيڭتۋانىنا تالاي رەت بارىپ قىزمەت تەكسەرىپ، تەكسەرۋ-زەرتتەۋ جۇرگىزدى. ول مىنالاردى باسا دارىپتەدى: بيڭتۋاننىڭ ستراتەگيالىق رولىن ەشنارسە باسا المايدى، بيڭتۋاننىڭ شەكارانى تىنىشتاندىرىپ، شينجياڭدى بەكەمدەۋدەگى ورنىقتىرعىشتىق رولىن، ءار ۇلت بۇقاراسىن ۇيىستىراتىن دومنا پەشتىك رولىن، وزىق وندىرگىش كۇشتەردى جانە وزىق مادەنيەتتەن ۇلگى كورسەتۋ رايونىن دامىتۋداعى يقۋاتىن تولىق ساۋلەلەندىرىپ، جاڭا داۋىردەگى بيڭتۋاننىڭ ورنىقتىلىقتى ساقتاپ، شەكارانى قورعاۋداعى جاڭا باسىمدىلىعىن قۇلشىنا قالىپتاستىرۋ كەرەك.

 

شينجياڭ ءوندىرىس-قۇرىلىس بيڭتۋانى پارتكومى ساياسات زەرتتەۋ كەڭسەسىنىڭ ورىنباسار مەڭگەرۋشىسى سۇن حۇڭنيان بىلاي دەدى: باس شۋجي شي جينپيڭ شينجياڭ جانە بيڭتۋان قىزمەتى جونىندە تالاي رەت ماڭىزدى ءسوز سويلەپ، ماڭىزدى نۇسقاۋ بەرىپ، بەكىتۋ جازىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قالىپتاستىردى. بيڭتۋاننىڭ ءوندىرىس جالپى ءونىم قۇنى 2023-جىلى 369 ميلليارد 658 ميلليون يۋانعا جەتىپ، تۇرعىنداردىڭ جان باسىندىق بولىسكە سالۋعا بولاتىن كىرىسى تۇڭعىش رەت 40 مىڭ يۋاننان اسىپ، ەكونوميكانىڭ دامۋى زور سەكىرىستى جۇزەگە اسىردى. بيڭتۋانداعى ءار ۇلت كادرلارى مەن بۇقاراسى ەرەكشە جەلپىنىپ، بولاشاقتاعى دامۋعا اناعۇرلىم تولىق سەنىم ارتتى.

باس شۋجي نۇسقاعان بەتالىستى بويلاپ، بيڭتۋاندىقتار ۇزدىكسىز قۇلشىنىپ، تىڭعىلىقتى ىستەپ، بيڭتۋان قۇرىلىسىندا ۇزدىكسىز جاڭا جاعداي جاراتتى.

 

اۋىل شارۋاشىلىعى—بيڭتۋاننىڭ نەگىزدىك كاسىبى جانە ابزال كاسىبى. پارتيا 18-قۇرىلتايىنان بەرى، بيڭتۋان ەڭ الدىمەن بۇكىل ەلدەگى ەڭ ۇلكەن ۇنەمدەپ سۋارۋدان ۇلگى كورسەتۋ بازاسىن، اۋىل شارۋاشىلىعىن ماشينالاندىرۋدى جالپىلاستىرۋ بازاسىن جانە وسى زامانعى اۋىل شارۋاشىلىعىنان ۇلگى كورسەتۋ بازاسىن قۇردى. جارعاق استىندا تامشىلاتىپ سۋارۋ جانە سۋ مەن تىڭايتقىشتى ءبىر تۇلعالاندىرۋ سياقتى كەمەلدى جوعارى ءونىمدى تەحنيكا جۇيەسىن جاسامپازدىقپەن قۇردى ءارى شينجياڭدا كەڭ كولەمدە جالپىلاستىرىپ قولداندى. 2023-جىلى بيڭتۋاننىڭ استىق ءونىمى ءبىر ميلليارد 812 ميلليون جىڭ ارتىپ، بۇكىل ەلدەگى استىق جالپى ءونىمىنىڭ 10/1 ىنە ۇلەس قوستى.

قازىر بيڭتۋان ارنايىلانعان، كەمەلدەنگەن، ەرەكشەلەنگەن، جاڭاشالانعان 184 ورتا، شاعىن كاسىپورىندى، مەملەكەت دارەجەلى ارنايىلانعان، كەمەلدەنگەن، ەرەكشەلەنگەن، جاڭاشالانعان 13 «شاعىن قۋاتتى» كاسىپورىندى جەتىلدىردى. جاڭا ەنەرگيا، جاڭا ماتەريال، وسى زامانعى قىزمەت وتەۋ كاسىبى سياقتى 7 ۇلكەن جەتەكشى كاسىپ سالاسىن كۇش سالا دامىتىپ، 5G، ۇلكەن ساندى مالىمەت، زات اينالىم تورابى سياقتى جاڭا تەحنيكالار كەڭىنەن قولدانىلدى، بيڭتۋان باسقاراتىن 12 قالانىڭ كەز كەلگەن جەرىنەن «سەيىل سەرۋەن باقشاسىن»، جاسىل القاپ وزەندەردى كورۋگە بولادى. ءوزارا كىرىككەن قوعامدىق قۇرىلىم ءار ۇلت بۇقاراسىنىڭ كورشىلەس قونىستانۋىنا، ءبىر-بىرىنە قارايلاسۋىنا مۇمكىندىك جاسادى. شينجياڭ شىحىزى قالاسىندا الەۋمەتتىك اۋماق قيمىل الاڭدارىمەن قامداۋىندا، مەملەكەت مەنشىگىندەگى كاسىپورىندار جۇمىس جۇرگىزىپ باسقارۋىندا، بۇقارانىڭ باقىلاۋىندا 71 قارتتار اسحاناسى اشىلىپ، جەرگىلىكتى ورىنداعى 65 جاستان اسقان قارتتارعا ۇلكەن قولايلىلىق جاراتىلدى.

 

شىحىزى قالاسى حۇڭشان كوشەسىنىڭ تۇرعىنى چۋ شاۋحۋا بىلاي دەدى: بابىمەن جاسالعان تاعامدار جۇمساق ءارى ءدامدى بولىپ، قارتتارعا وتە ۇيلەسەدى. جاڭا ءداۋىر، جاڭا جورىقتا بيڭتۋاندىقتار بيڭتۋان رۋحىن ساۋلەلەندىرىپ، امالياتتا ايگىلەپ، قىزمەت جاۋاپكەرشىلىگىن، بورىشىن ادالدىقپەن اتقارىپ، ۇزدىكسىز كۇرەس جۇرگىزىپ، ۇدەرە العا تارتىپ، شينجياڭ قىزمەتىنىڭ باس نىساناسىن جۇزەگە اسىرۋدا اناعۇرلىم زور رول اتقارۋعا قۇلشىندى. شينجياڭ ءوندىرىس-قۇرىلىس بيڭتۋانى دامۋ جانە رەفورما كوميتەتى پارتگرۋپپاسىنىڭ شۋجيى جاڭ چۋانحۇي بىلاي دەدى: ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جانە پارتيا ورتالىق كوميتەتىنىڭ بيڭتۋاننىڭ ورنى جونىندەگى تالابىن تولىق، دۇرىس، جان-جاقتى دايەكتىلەندىرىپ، شينجياڭعا باعىتتامالى كومەكتەسۋ، باتىس بولەكتى قاۋىرت اشۋ، «ءبىر بەلدەۋ، ءبىر جولدى» بىرگە قۇرۋ، شينجياڭ ەركىن ساۋدا سىناق رايونى سياقتى قۇرىلىستاردىڭ تاريحي ورايىن مىقتاپ يگەرىپ، بيڭتۋان ەرەكشەلىگىنە يە وسىزاماندانعان كاسىپ جۇيەسىن كۇش سالا قۇرىپ، جۇڭگو ۇلگىسىندەگى وسىزامانداندىرۋ بارىسىندا بيڭتۋاننىڭ جاڭا جاۋاپكەرشىلىگىن، جاڭا ىسكەرلىگىن كورنەكتىلەندىرۋگە قۇلشىنامىز.