ينفورماتسيا اشكەرەلەۋ: mzjubao@cnr.cn

باس حابار

شي جينپيڭ قازاقستان قاتارلى 3 ەلدىڭ پرەزيدەنتىمەن تەلەفونداستى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-03-25 15:19

شي جينپيڭ برازيليانىڭ پرەزيدەنتىمەن تەلەفوندا سويلەستى

ٴوز حابارىمىز. مەملەكەت ٴتوراعاسى شي جينپيڭ 3-ايدىڭ 24-كۇنى كەشتە ۋادە بويىنشا برازيليانىڭ پرەزيدەنتى بوسونارومەن تەلەفوندا سويلەستى. 

شي جينپيڭ جۇڭگو ۇكىمەتى مەن جۇڭگو حالقى اتىنان برازيليا ۇكىمەتى مەن برازيليا حالقىنان جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى جاعدايى جونىندە شىنايى حال سۇرادى جانە باتىل قولدايتىندىعىن ءبىلدىردى. شي جينپيڭ بىلاي دەدى: تاياۋدان بەرى، جۇقپالى اۋرۋ بۇكىل جەر شارىندا كوپ جەردە توسىن تارالىپ، تەز ءورشىدى. ٴار ەلدىڭ سەلبەستىكتى كۇشەيتۋى كوز الداعى كەزەك كۇتتىرمەيتىن مىندەتكە اينالدى. جۇڭگو باستان-اياق ادامزاتتىڭ تاعدىرلاس ورتاق تۇلعاسى تانىمىن ۇستانىپ، اشىق ۇستاۋ، جاريا بولۋ، جاۋاپتى بولۋ پوزيتسياسىندا بولىپ، جۇقپالى اۋرۋ جاعدايى جونىندەگى ينفورماتسيالاردى دەركەزىندە جاريالاپ، دۇنيە دەنساۋلىق ساقتاۋ ۇيىمىمەن جانە حالىقارالىق قوعاممەن ساقتانۋ-تىزگىندەۋ، ەمدەۋ تاجىريبەلەرىن ەشقانداي جاسىرىپ جاپپاي ورتاق يگىلىكتەندى ٴارى ٴار جاققا مۇمكىندىكتىڭ بارىنشا كومەك كورسەتتى. مەن برازيلياداعى جۇقپالى اۋرۋ جاعدايىنا ەرەكشە نازار اۋدارۋدامىن، برازيليا جاقتىڭ جۇقپالى اۋرۋدىڭ تارالۋىن ەرتەرەك تىزگىندەۋىن ٴۇمىت ەتەمىن. بۇگىن جۇڭگو برازيليانى قامتىعان لاتىن امەريكا جانە كارايب تەڭىزى ەلدەرىمەن بەينە ەكران قىزمەتى ٴماجىلىسىن اشىپ، جۇقپالى اۋرۋدان ساقتانۋ-تىزگىندەۋ جونىندە پىكىر الماستىردى. جۇڭگو برازيلياعا شاماسىنىڭ كەلىسىنشە كومەكتەسىپ، جۇقپالى اۋرۋدىڭ دۇنيە ٴجۇزى كولەمىندە تارالۋىنىڭ الدىن الۋعا ۇلەس قوسۋدى قالايدى.

 

شي جينپيڭ مىنالاردى باسا دارىپتەدى: جۇڭگو جۇقپالى اۋرۋدى جەڭۋ ٴۇشىن وراسان زور بوداۋ بەردى، حالىقارالىق قوعام ٴۇشىن قىمباتتى ۋاقىتتى ۇتىمداپ بەردى، حالىقارالىق قوعام بۇل جونىندە جالپىلىق باعا بەرىپ وتىر. جۇڭگو مەن برازيليا جالپى بەتتىك ستراتەگيالىق سەرىكتەر. ەكى جاق ستراتەگيالىق تاباندىلىقتى ساقتاۋ، ٴبىر-ٴبىرىنىڭ وزەكتى مۇددەسى مەن قاداعالاي نازار اۋدارىپ وتىرعان كەلەلى ىستەردە قولداۋ كورسەتۋ، حالىقارالىق قوعامعا ىنتىماقتى ءبىر اۋىزدىلىق جاۋاپ بەرىپ، جۇقپالى اۋرۋعا تىزە قوسا توتەپ بەرۋ بەلسەندى اڭىسىن جەتكىزۋ، سونىمەن بىرگە، ٴار سالاداعى ناقتى سەلبەستىكتى ىلگەرىلەتۋ، 20 ەل توبى، تەبىندى ەلدەر توبى قاتارلى كوپ جاقتى جۇلگەدەگى قارىم ـ قاتىناس پەن سەلبەستىكتى كۇشەيتۋ، جۇڭگو مەن برازيليانىڭ جان-جاقتى ستراتەگيالىق سەرىكتەستىك قاتىناسىن ويداعىداي ورتاق قورعاۋ، ويداعىداي دامىتۋ كەرەك. مەن جۇڭگو-برازيليا ەلدەرىنىڭ جۇقپالى اۋرۋدى، ٴسوز جوق، تىزە قوسا شايقاس جاساپ جەڭەتىندىگىنە ٴارى جۇڭگو-برزيليا جالپى جۇزدىك سەلبەستىگىنىڭ ۇزدىكسىز تىڭ ساتىعا كوتەرىلۋىن ىلگەرىلەتە الاتىندىعىنا سەنەمىن. 

 

بوسونارو بىلاي دەدى: قازىر جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى برازيليادا ءورشىپ بارادى. برازيليا جۇڭگونىڭ برازيليانىڭ جۇڭگودان قاجەتتى ەمدەۋ بۇيىمدارىن ساتىپ الۋىنا قولايلىلىق تۋدىرعاندىعىنا العىس ايتادى، جۇڭگومەن تاجىريبە اۋىستىرۋدى كۇشەيتىپ، جۇقپالى اۋرۋدان بىرلىكتە ساقتانىپ، ەل ىشىندە جۇقپالى اۋرۋ تارالۋىن تەز ارادا تىزگىندەۋدى ٴۇمىت ەتەدى. مەن ۇلى جۇڭگو حالقىنا قۇرمەت بىلدىرەمىن، سونداي-اق برازيليا-جۇڭگو دوستىعىنىڭ جانە برازيليا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ مىزعىماس بەرىك ەكەنىن قايتالاي دارىپتەيمىن. برازيليا جۇڭگومەن ەكى جاقتى سەلبەستىكتى كۇشەيتۋدى ٴارى 20 ەل توبى قاتارلى كوپ جاقتى جۇلگەدەگى قارىم-قاتىناستى، سايكەسۋدى كۇشەيتىپ، جۇقپالى اۋرۋدى جەڭۋدە جانە ەكونوميكانى قالپىنا كەلتىرۋدە ٴتيىستى رولىن ساۋلەلەندىرۋدى قالايدى.

 

 شي جينپيڭ قازاقستاننىڭ پرەزيدەنتىمەن تەلەفوندا سويلەستى 

 

ٴوز حابارىمىز. مەملەكەت ٴتوراعاسى شي جينپيڭ 3-ايدىڭ 24-كۇنى كەشتە قازاقستاننىڭ پرەزيدەنتى توقايەۆپەن تەلەفوندا سويلەستى. 

 شي جينپيڭ بىلاي دەدى: وسى رەتكى جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى قاتەر توندىرە تۇتقيىل تاپ بەردى، مۇنىڭ ءوزى ءار ەل جونىنەن ءبىر رەتكى زور سىن بولدى. جۇڭگونىڭ جۇقپالى اۋرۋدان ساقتانۋ-تىزگىندەۋ جاعدايىنىڭ ەڭ قيىن-قىستاۋ كەزىندە قازاقستان ۇكىمەتى مەن ٴار سالاسى جۇڭگوعا پارمەندى كومەك كورسەتتى. قازىر قازاقستاندا دا جۇقپالى اۋرۋ تارالۋ جاعدايى جارىققا شىقتى. پرەزيدەنت مىرزانىڭ باستاۋىندا، قازاقستان جەدەل باتىل شارا قولدانىپ، جالپى حالىققا جاۋاپتى بولۋ پوزيتسياسىن ايگىلەدى، جۇڭگو مۇنى جوعارى باعالايدى. دوس كورشى ەل جانە ماڭگىلىك جالپى بەتتىك ستراتەگيالىق سەرىك رەتىندە، جۇڭگو قازاقستاننىڭ كوز الداعى جاعدايىن ابدەن تۇسىنەدى ءارى بەلسەنە قولداۋ كورسەتەدى جانە كومەكتەسەدى. جۇڭگو مەن قازاقستاننىڭ ءوزارا قولداۋى ەكى ەل قاتىناسىنىڭ جوعارى دەڭگەيدە ەكەندىگىن جانە ەرەكشە سيپات الاتىندىعىن ايگىلەپ كورسەتىپ، حالىقارالىق قوعامنىڭ جۇقپالى اۋرۋعا سەلبەسە قارسى تۇرۋىنا ۇلگى بولادى. 

 

شي جينپيڭ مىنالاردى باسا دارىپتەدى: ۆيرۋستا مەملەكەت شەكاراسى بولمايدى، جۇقپالى اۋرۋ ناسىلگە، ۇلتقا بولىنبەيدى. وسىناۋ ءبىر مايدان جەر شارىندىق الەۋمەتتىك دەنساۋلىق ساقتاۋ داعدارىسىنا توتەپ بەرۋ بارىسىندا، ادامزاتتىڭ تاعدىرلاس ورتاق تۇلعاسىن قۇرۋدىڭ كوكەيتەستىلىگى مەن ماڭىزدىلىعى اناعۇرلىم كورنەكتىلەندى. ىنتىماقتاسا سەلبەسىپ، تىزە قوسا توتەپ بەرگەندە عانا، حالىقارالىق قوعام جۇقپالى اۋرۋدى جەڭىپ، ادامزاتتىڭ ورتاق مەكەنىن قورعاي الادى. جۇڭگو قازاقستاندى قامتىعان دۇنيە جۇزىندەگى ءار ەلمەن بىرلىكتە جۇقپالى اۋرۋعا قارسى تۇرۋ حالىقارالىق سەلبەستىگىن كۇشەيتىپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن ورتاق قورعاۋدى قالايدى. جۇقپالى اۋرۋ جاعدايى ۋاقىتتىق، سەلبەستىك ۇزاق ۋاقىتتىق ەكەندىگى ءشۇباسىز. جۇقپالى اۋرۋ جاعدايى سەلبەستىككە سىن-سايىس اكەلدى، سونداي-اق جاڭا وراي دا جوق ەمەس. ساياسيداعى ٴوزارا سەنىمدىلىكتى بۇلجىماستان تەرەڭدەتىپ، سيفرلى ەكونوميكا، ەمدەۋ-دەنساۋلىق ساقتاۋ قاتارلى سالالارداعى سەلبەستىكتى كەڭەيتىپ، جۇڭگو مەن قازاقستان قاتىناستىڭ جاڭا دامۋ تۇيىندەرىن قالىپتاستىرۋ كەرەك. جۇقپالى اۋرۋ باسىلعاننان كەيىن، جۇڭگو مەن قازاقستاننىڭ «ٴبىر بەلدەۋ، ٴبىر جولدى» ورتاق قۇرۋىندا، ٴسوز جوق، اناعۇرلىم مول ناتيجەگە قول جەتەتىندىگىنە سەنەمىن. 

 

توقايەۆ بىلاي دەدى: ٴتوراعا مىرزانىڭ دانىشپان باسشىلىعىندا، جۇڭگو حالقى جۇقپالى اۋرۋدان ساقتانۋ-تىزگىندەۋ جاعىندا كورنەكتى ناتيجەگە قول جەتكىزىپ، دۇنيە جۇزىندەگى ٴار ەل حالقىنا سەنىم جانە ٴۇمىت سيلادى. بۇكىل دۇنيە ٴجۇزى جۇڭگونىڭ ەمدەۋ جۇيەسىنىڭ ەرەكشە جوعارى ورەسىنە جانە جۇڭگونىڭ ەمدەۋ قىزمەتكەرلەرىنىڭ كاسىپتى ارداقتايتىن وسكەلەڭ ءمورالعا يە ەكەندىگىن ٴوز كوزىمەن كوردى، جۇڭگو كۇردەلى قيىنشىلىقتار مەن سىن-سايىستارعا توتەپ بەرۋدەگى ٴونىمدى باسقارۋ قابىلەتىن تاعى ٴبىر رەت ايگىلەدى. قازاقستان مۇنى وسكەلەڭ جوعارى باعالايدى. كەزەكتە، جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى دۇنيە ٴجۇزى كولەمىندە تارالۋدا، قازاقستاننىڭ ءوز قامىن عانا كۇيىتتەۋىنە بولمايدى. قازاقستان جۇڭگومەن سەلبەستىكتى كۇشەيتىپ، جۇقپالى اۋرۋدى تەزىرەك جەڭۋدى ٴۇمىت ەتەدى. قازاقستان بولاشاقتا قازاقستان مەن جۇڭگونىڭ ماڭگىلىك جالپى بەتتىك ستراتەگيالىق سەرىكتەستىك قاتىناسىن تەرەڭدەتۋگە، «ٴبىر بەلدەۋ، ٴبىر جولدى» ورتاق قۇرۋدى ىلگەرىلەتۋگە كۇش سالادى، بۇل ەكى ەل حالقىنىڭ ورتاق مۇددەسىنە بۇكىلدەي ۇيلەسەدى. قازاقستان جۇڭگومەن ب م ۇ، شاڭحاي سەلبەستىك ۇيىمى جۇلگەسىندەگى تۇسىنىستىك پەن سەلبەستىكتى كۇشەيتۋدى قالايدى. 

 

شي جينپيڭ پولشانىڭ پرەزيدەنتىمەن تەلەفوندا سويلەستى 

 

ٴوز حابارىمىز. مەملەكەت ٴتوراعاسى شي جينپيڭ 3-ايدىڭ 24-كۇنى كەشتە پولشانىڭ پرەزيدەنتى دۋدامەن تەلەفوندا سويلەستى. 

 

شي جينپيڭ مىنالاردى انىق ايتتى: جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالۋ جاعدايى تۋىلعاننان كەيىن پولشا ۇكىمەتى مەن قوعام ءار سالاسى جۇڭگودان حال سۇرادى جانە جۇڭگونى قولدادى، جۇڭگو حالقى مۇنى ەستە بەرىك ساقتايدى. ناعىز دوس قيىن قىستاۋ كەزدە تابىلادى. جۇڭگو پولشا ۇكىمەتىنىڭ جانە پولشا حالقىنىڭ جۇقپالى اۋرۋعا قارسى كۇرەسىن باتىل قولدايدى. جۇڭگو پولشانى قامتىعان ورتا، شىعىس ەۆروپاداعى 17 ەلمەن دەنساۋلىق ساقتاۋ ماماندارىنىڭ بەينە ەكران ٴماجىلىسىن اشىپ، جۇقپالى اۋرۋدان ساقتانۋ-تىزگىندەۋ ينفورماتسيالارى مەن قاتىستى ەمدەۋ ادىستەرىنەن دەر كەزىندە ورتاق يگىلىكتەندى. جۇڭگو ادامزاتتىڭ تاعدىرلاس ورتاق تۇلعاسى تانىمىن ۇستانىپ، پولشانى قامتىعان دۇنيە جۇزىندەگى ٴار ەلمەن جۇقپالى اۋرۋعا قارسى تۇرۋ سەلبەستىگىن كۇشەيتىپ، دۇنيە ٴجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن ورتاق قورعاۋدى قالايدى. 

 

شي جينپيڭ مىنالاردى باسا دارىپتەدى: جۇڭگو حالقى وسى رەتكى جۇقپالى اۋرۋدى جەڭۋدە تەڭدەسسىز كۇش-قۋات جانە مىعىم سەنىم تىرەك بولدى. جۇڭگونىڭ ءبىر ميلليارد 400 ميلليون حالقى تاعدىرلاس-تىنىستاس بولا، جۇدىرىقتاي جۇمىلىپ، سەنىمدى بەكەمدەپ، جۇقپالى اۋرۋعا قارسى قايسارلىقپەن كۇرەس جۇرگىزدى. جۇڭگونىڭ قالىڭ ەمدەۋ قىزمەتكەرلەرى جانقيارلىقپەن باسىن ٴباي تىكتى، مەن مۇنداي وسكەلەڭ رۋحتان اسا تەرەڭ اسەرگە يە بولدىم. حالىق قانا ناعىز قاھارمان. حالىققا بەرىك سۇيەنسەك بولعانى، ٴبىز، ٴسوز جوق، بارلىق تار جول، تايعاق كەشۋلەردى جەڭىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الامىز. 

 

شي جينپيڭ مىنالاردى باسا دارىپتەدى: پولشا-جۇڭگونىڭ ەۆروپا وداعى مەن ورتا، شىعىس ەۆروپا ەلدەرىندەگى ماڭىزدى سەلبەستىك سەرىگى، جۇڭگو پولشامەن بىرلىكتە جوعارى جىكتەگىلەردىڭ بارىس-كەلىسىن كۇشەيتىپ، ستراتەگيالىق ٴوزارا سەنىمدىلىكتى نىعايتىپ، جۇڭگو-پولشا قاتىناسىن ۇزدىكسىز العا ىلگەرىلەتىپ، جۇڭگو-ورتا، شىعىس ەۆروپا ەلدەرى سەلبەستىگى مەن جۇڭگو-ەۆروپا قاتىناسىنىڭ دامۋىنا بىرلىكتە ماڭىزدى ۇلەس قوسۋدى قالايدى.

 

دۋدا بىلاي دەدى: جۇڭگو دەر كەزىندە باتىل دا پارمەندى شارا قولدانىپ، جۇقپالى اۋرۋدىڭ تارالۋىن ٴونىمدى تۇردە تەجەدى، مەن جۇڭگو حالقىنا جانە جۇقپالى اۋرۋعا كۇرەس جاساعان جۇڭگو ەمدەۋ قىزمەتكەرلەرىنە سۇيىنەمىن. جۇڭگونىڭ قاتىستى تاجىريبەلەرى پولشانىڭ ۇلگى ەتۋىنە تاتيدى. پولشا قازىر جۇقپالى اۋرۋ جاعدايىنىڭ قاتاڭ سىناعىنا ءدوپ كەلىپ، ەمدەۋ، قورعانۋ بۇيىمدارىن شۇعىل قاجەت ەتىپ وتىر. جۇڭگونىڭ دەر كەزىندە قىمباتتى كومەك كورسەتكەنىنە العىس ايتامىن، مۇنى پولشا مەن جۇڭگونىڭ تەرەڭ دوستىعىنىڭ بەينەسى دەۋ كەرەك. جۇڭگونىڭ ەكونوميكالىق نەگىزى مىعىم، مەن جۇڭگونىڭ جۇقپالى اۋرۋدى جەڭىپ، ٴتىپتى دە جاقسى دامۋدى جۇزەگە اسىرا الاتىندىعىن تولىق سەنەمىن. پولشا جۇڭگومەن ٴار سالاداعى سەلبەستىكتى كۇشەيتىپ، ورتا، شىعىس ەۆروپا ەلدەرى مەن جۇڭگو اراسىنداعى سەلبەستىكتى جەبەۋگە ورتاق كۇش سالۋدى ٴۇمىت ەتەدى. مەن ٴتوراعا شي جينپيڭمەن دوستىقتى قاستەرلەيمىن، جۇقپالى اۋرۋ باسىلعاننان كەيىن جۇڭگوعا ەرتەرەك ساپارلاي بارۋدى كۇتەمىن. 

 

 

 اۋدارعان: قاناتبەك جۇماباي ۇلى

جاۋاپتى رەداكتور: گۇلميرا قوزىقان قىزى

 

 

 

中央广播电视总台 央广网 版权所有

شي جينپيڭ قازاقستان قاتارلى 3 ەلدىڭ پرەزيدەنتىمەن تەلەفونداستى

جۇقپالى اۋرۋ باسىلعاننان كەيىن، جۇڭگو مەن قازاقستاننىڭ «ٴبىر بەلدەۋ، ٴبىر جولدى» ورتاق قۇرۋىندا، ٴسوز جوق، اناعۇرلىم مول ناتيجەگە قول جەتەتىندىگىنە سەنەمىن