ينفورماتسيا اشكەرەلەۋ: mzjubao@cnr.cn

باس حابار

شي جينپيڭ ۋنيۆەرسيتەت بىتىرگەن وقۋشىلارعا جاۋاپ حات جازدى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-07-09 22:18

شي جينپيڭ جاۋاپ حات جولداپ، قالىڭ جوعارى مەكتەپ بىتىرگەن وقۋشىلاردان جەكە مۇرات تالپىنىسىن پارتيانىڭ، مەملەكەتتىڭ ىستەرىمەن توعىستىرىپ، پارتياعا، وتانعا، حالىققا كوپتەپ ۇلەس قوسۋدى ٴۇمىت ەتتى 

ءوز حابارىمىز.  ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 7-ايدىڭ 7-كۇنى  جۇڭگو مۇناي ۋنيۆەرسيتەتىنىڭ  بەيجيڭدەگى  قارامايلى مەكتەپ رايونىنداعى مەكتەپ بىتىرەتىن وقۋشىلارعا جاۋاپ حات جازىپ، ولاردىڭ شەكاراداعى نەگىزگى ساتىعا بارىپ قىزمەت ىستەگەندىكتەرىن قۇپتاپ تۇراقتاندىرۋمەن بىرگە، قالىڭ جوعارى مەكتەپ بىتىرگەن ستۋدەنتتەرگە شىنايى ٴۇمىت ارتتى. 

 

شي جينپيڭ جاۋاپ حاتىندا بىلاي دەدى: سىزدەردىڭ مەكتەپتەگى 118 ساباقتاستىڭ وقۋ تاۋىسقاننان كەيىن شينجياڭنىڭ نەگىزگى ساتىلارىنا بارىپ قىزمەت ىستەپ، ٴار ۇلت بۇقاراسىمەن بىرگە كۇرەس جاساپ، زور ىسكە جارايتىن، اۋىر مىندەت ارقالاي الاتىن باتىس بولەكتىڭ قۇرۋشىسى بولۋعا قۇلشىنۋعا بەل بايلاعاندىقتارڭىزدان حاباردار بولدىم، مەن سىزدەردىڭ وسىنداي ءومىر تالعامدارىڭىزدى قولدايمىن. 

 

شي جينپيڭ مىنالاردى ايتتى: جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى بۇل مايدان قاتال شايقاستا، سىزدەردەي وسى كەزەكتى جوعارى مەكتەپ بىتىرگەن وقۋشىلار شىنىعۋدان ٴوتىپ، ەسەيىپ-ەرجەتتىڭىزدەر، سونداي-اق «ارماننىڭ اسقاعىن، جۇمىستىڭ جاپالىسىن تالداۋدىڭ» ءمانىن تىكەلەي سەزىندىڭىزدەر. العا باسۋ جولى ەجەلدەن ٴساتتى بولا بەرمەيدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن ۇرپاقتان-ۇرپاققا قاجىماي-تالماي كۇرەس جۇرگىزۋگە تۋرا كەلەدى. ساباقتاستار وسىنداي وتە ورايلى كەزگە تۋرا كەلىپ، اۋىر مىندەت ارقالاپ وتىرسىزدار. بۇكىل ەلدەگى جوعارى مەكتەپ بىتىرگەن وقۋشىلاردىڭ اسقاق ارمان جولىندا نىق قاداممەن العا باسىپ، جاپا-ماشاقاتتان تايسالماي، حاۋىپ-قاتەردەن قورىقپاي، ٴداۋىر جۇكتەگەن بورىشتى ەرلىكپەن ارقالاپ، جەكە باستىق مۇرات تالپىنىسىن پارتيانىڭ، مەملەكەتتىڭ ىستەرىمەن توعىستىرىپ، پارتيا ٴۇشىن، وتان ٴۇشىن، حالىق ٴۇشىن كوپتەپ ۇلەس قوسۋعا قۇلشىنۋلارىڭىزدى ءۇمىت ەتەمىن.

 

شي جينپيڭ مىنالاردى باسا دارىپتەدى: ٴار دارەجەلى پارتكومدار، ۇكىمەتتەر جانە قوعامداعى ٴار سالا جوعارى مەكتەپ بىتىرگەن وقۋشىلاردىڭ جۇمىسقا ورنالاسۋ قىزمەتىن شىنايى ويداعىداي ىستەۋ، ٴونىمدى شارالار قولدانىپ، جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ ٴتيىمسىز ىقپالىن جەڭىپ، جوعارى مەكتەپ بىتىرگەن وقۋشىلاردىڭ كاسىپتەنۋىنە امالدىڭ بارىنشا كومەكتەسۋ، جوعارى مەكتەپ بىتىرگەن وقۋشىلاردىڭ ٴوز قىزمەت ورىندارىندا پارتيا مەن حالىق ٴۇشىن ۇلەس قوسۋىن ىستىق ىنتامەن قولداۋ كەرەك. 

 

باس شۋجي شي جينپيڭ جوعارى مەكتەپ بىتىرگەن وقۋشىلاردىڭ جۇمىستانۋ قىزمەتىنە باستان-اياق ايرىقشا كوڭىل ٴبولىپ، تالاي رەت ماڭىزدى نۇسقاۋ بەردى. جۇڭگو مۇناي ۋنيۆەرسيتەتىنىڭ   بەيجيڭدەگى    قارامايلى مەكتەپ رايونى 2016-جىلدان باستاپ وقۋشى قابىلدادى، تۇڭعىش كەزەكتى وقۋ تاۋىسقان 435 وقۋشى بۇكىل ەلدەگى 16 ولكەدەن قابىلداندى، قازىر جالپى كاسىپتەنۋ مولشەرى %85 كە تايادى. مۇنىڭ ىشىندە 118 ادام شينجياڭنىڭ نەگىزگى ساتىلارىنا بارىپ قىزمەت ىستەۋدى تاڭدادى. تاياۋدا وسى 118 وقۋشى باس شۋجي شي جينپيڭگە حات جازىپ، ۋنيۆەرسيتەتتەگى 4 جىلدىق وقۋ جانە يدەيالىق جاقتاعى جەتىستىكتەرىن بايانداپ، باتىس وڭىرگە تامىر تارتىپ، شەكارا ٴوڭىردى گۇلدەندىرۋ بەرىك بەكىمدەرىن ءبىلدىردى.

 

 

 

来源:中央广播电视总台

编辑:古丽美热

 

 

 

中央广播电视总台 央广网 版权所有

شي جينپيڭ ۋنيۆەرسيتەت بىتىرگەن وقۋشىلارعا جاۋاپ حات جازدى

تاياۋدا وسى 118 وقۋشى باس شۋجي شي جينپيڭگە حات جازىپ، ۋنيۆەرسيتەتتەگى 4 جىلدىق وقۋ جانە يدەيالىق جاقتاعى جەتىستىكتەرىن بايانداپ، باتىس وڭىرگە تامىر تارتىپ، شەكارا ٴوڭىردى گۇلدەندىرۋ بەرىك بەكىمدەرىن ءبىلدىردى