ينفورماتسيا اشكەرەلەۋ: mzjubao@cnr.cn

باس حابار

ج ك پ ورتالىق كوميتەتىنىڭ ساياسي بيۋروسى ءماجىلىس اشتى

来源:央广网     |责编:达吾力别克|     发布日期: 2020-07-31 17:35

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، پارتيا 19 -كەزەكتى ورتالىق كوميتەتىنىڭ بەسىنشى جالپى ءماجىلىسىن اشۋدى ۇيعاردى، كەزەكتەگى ەكونوميكالىق جاعدايعا جانە ەكونوميكالىق قىزمەتكە تالداۋ جاساپ زەرتتەۋ جۇرگىزدى، ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى

ءوز حابارىمىز. ج ك پ ورتالىق كوميتەتىنىڭ ساياسي بيۋروسى 7-ايدىڭ 30-كۇنى ءماجىلىس اشىپ، 10-ايدا بەيجيڭ قالاسىندا جۇڭگو كوممۋنيستىك پارتياسى 19-كەزەكتى ورتالىق كوميتەتىنىڭ بەسىنشى جالپى ءماجىلىسىن اشۋدى ۇيعاردى، ونىڭ باستى كۇن ءتارتىبى مىناداي: ج ك پ ورتالىق كوميتەتىنىڭ ساياسي بيۋروسى ورتالىق كوميتەتكە قىزمەتىنەن بايانداما جاساپ، حالىق شارۋاشىلىعى مەن قوعامدىق دامۋدىڭ 14-بەسجىلدىق پلانىن جانە 2035-جىلعا دەيىنگى بولاشاقتىق نىساناسىن جاساۋ جونىندەگى ۇسىنىستى اقىلداسادى. ماجىلىستە كەزەكتەگى ەكونوميكالىق جاعدايعا تالداۋ جاساپ، اقىلداسىپ، سوڭعى جارىم جىلداعى ەكونوميكالىق قىزمەتكە ورنالاستىرۋ جاسادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى. 

 

ماجىلىستە بىلاي دەپ قارالدى: «14-بەسجىلدىق» جوسپار مەزگىلى— ەلىمىز دوڭگەلەك داۋلەتتى قوعامدى جالپى بەتتىك قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، وسى ورايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىنا جورىق جاساعان ءبىرىنشى 5 جىل. كەزەكتەگى جانە بۇدان بىلايعى ءبىر مەزگىلدە ەلىمىزدىڭ دامۋى ءالى دە ستراتەگيالىق وراي مەزگىلىندە بولادى، ءبىراق وراي مەن سىن-سايىستاردىڭ بارىندە جاڭا دامۋ وزگەرىسى بار. قازىرگى دۇنيە ءجۇز جىلدا بولماعان ۇلكەن وزگەرىستەردى باستان كەشىرۋدە، بەيبىتشىلىك پەن دامۋ ءالى دە ءداۋىردىڭ باستى تاقىرىبى، سونىمەن بىرگە حالىقارالىق ورتا كۇن سايىن كۇردەلەسىپ، ورنىقسىزدىق پەن تۇراقسىزدىق ءالى دە اۋىر بولىپ وتىر. ەلىمىز جوعارى ساپالى دامۋ ساتىسىنا قادام تاستادى، دامۋ كوپ جاقتىلى باسىمدىلىققا جانە شارت-جاعدايعا يە، سونىمەن بىرگە دامۋدىڭ بىركەلكى، تولىق بولماۋ ماسەلەسى ءالى دە كورنەكتى. ەلىمىز قوعامىنداعى باستى قايشىلىقتىڭ دامۋى مەن وزگەرىسىنەن تۋىنداعان جاڭا ەرەكشەلىكتى، جاڭا تالاپتى جىعا تانىپ، وراي تانىمى مەن حاۋىپ-قاتەر تانىمىن كۇشەيتىپ، دامۋ زاڭدىلىعىن يگەرىپ، كۇرەس رۋحىن ساۋلەلەندىرىپ، داعدارىس بارىسىندا جاڭا وراي جاراتىپ، وزگەرىس بارىسىندا جاڭا جاعداي جاراتۋعا شەبەر بولىپ، ورايدى مىقتى يگەرىپ، سايىسقا توتەپ بەرىپ، جاقسىلىققا ۇمتىلىپ، زيانىنان ساقتانىپ، ەرلىكپەن العا باسۋ كەرەك. 

 

ماجىلىستە مىنالار باسا دارىپتەلدى: «14-بەسجىلدىق» جوسپار مەزگىلىندە ەلىمىزدىڭ ەكونوميكالىق، قوعامدىق دامۋىن ىلگەرىلەتۋدە ءسوز جوق جۇڭگوشا سوتسياليزم ۇلى تۋىن بيىك ۇستاپ، پارتيا 19 -قۇرىلتايىنىڭ جانە پارتيا 19 -كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم -لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جان-جاقتىلى دايەكتىلەندىرىپ، جاڭا دامۋ تانىمىن بۇلجىتپاي تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى جەبەپ، ەكونوميكانىڭ ورنىقتى، باياندى دامۋىن، قوعامنىڭ جاراسىمدى ورنىقتىلىعىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا تاماشا باستاما جاراتىپ، نىق قادام تاستاۋ كەرەك. 

 

ماجىلىستە مىنالار اتاپ كورسەتىلدى: «14-بەسجىلدىق» جوسپار مەزگىلىندەگى ەكونوميكالىق، قوعامدىق دامۋدى ىلگەرىلەتۋدە، ءسوز جوق، پارتيانىڭ ەكونوميكالىق، قوعامدىق دامۋعا باسشىلىق ەتۋ ءتۇزىلىس مەحانيزمىنە تاباندى بولىپ جانە ونى كەمەلدەندىرىپ، جوعارى ساپالى دامۋدى جۇزەگە اسىرۋدى كەپىلدەندىرۋ كەرەك. حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى ورتاق تەڭ يگىلىكتەندىرۋگە باستان-اياق تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ كەرەك. جاڭا دامۋ تانىمىن، ءسوز جوق، دامۋدىڭ تۇتاس بارىسىمەن جانە ءار سالاسىمەن ساباقتاستىرىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋ كەرەك. رەفورمانى تاباندىلىقپەن ىلگەرىلەتىپ، ەسىكتى ۇزدىكسىز ايقارا اشىپ، دامۋدىڭ قوزعاۋشى كۇشى مەن ومىرشەڭدىگىن ۇزدىكسىز كۇشەيتۋ كەرەك. بولجامپازدىقپەن وي جۇگىرتۋدى، جالپى جاعدايلىق جوسپارلاۋدى، ستراتەگيالىق ورنالاستىرۋدى، جالپى تۇلعالىق جاقتان ىلگەرىلەتۋدى كۇشەيتىپ، كولەمى، قارقىنى، ساپاسى، قۇرىلىمى، ونىمدىلىگى، حاۋىپسىزدىگى ءوزارا ۇشتاسقان دامۋدى جۇزەگە اسىرۋ كەرەك. 

 

ماجىلىستە مىنالار باسا دارىپتەلدى: بيىل جىل باسىنان بەرى جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ اۋىر سوققىسىنا قاراتا بىز حالىقتىڭ باس اماندىعى مەن دەنساۋلىق اقاۋسىزدىعىن ماڭداي الدى ورىنعا قويۋعا تاباندى بولىپ، ماكرولىق ساياساتتىڭ توتەپ بەرۋ تەبىنىن ارتتىرىپ، التىنى ورنىقتىرۋ قىزمەتىن تىڭعىلىقتى ىستەپ، التىنى قامتاماسىزداندىرۋ مىندەتىن جاپپاي تياناقتاندىرىپ، جۇقپالى اۋرۋدان ساقتانۋ، تىزگىندەۋ مەن ەكونوميكالىق، قوعامدىق دامۋدى بىر تۇتاس جوسپارلاۋ قىزمەتىندە كەلەلى جەتىستىكتەرگە قول جەتكىزدىك. ەكونوميكا ورنىقتى قالپىنا كەلدى. جۇمىستى، ءوندىرىستى قالىپنا كەلتىرۋ اي سايىن جاقسارۋدا، 2-توقساندا ەكونوميكانىڭ ارتۋى مەجەدەگىدەن كورنەكتى جاقسى بولدى، ءۇش ۇلكەن قامال الۋ شايقاسى تىڭعىلىقتى ىلگەرىلەدى، ەكونوميكالىق قۇرىلىم ۇزدىكسىز ساپالانىپ، كاسىپتى سيفىرلاندىرۋ، زەيىندەستىرۋ كورنەكتى تەزدەدى. رەفورما جاساۋ، ەسىك اشۋ ۇزدىكسىز ىشكەرلەپ، حالىق تۇرمىسى پارمەندى قامتاماسىزداندىرىلدى. بۇل پارتيا ورتالىق كوميتەتىنىڭ شەشىم، ورنالاستىرۋلارىنىڭ دۇرىس، پارتيا باسشىلىعىنىڭ پارمەندى، ەلىمىزدىڭ ەكونوميكاسى تەبىندى ەكەندىگىن، جۇڭگو حالقىنىڭ ۇلى جاسامپازدىق قۋاتقا يە، جۇڭگوشا سوتسياليستىك ءتۇزىمنىڭ قۇدىرەتتى ومىرشەڭدىك كۇشكە يە ەكەندىگىن تولىق كورنەكتىلەندىردى. 

 

ماجىلىستە مىنالار اتاپ كورسەتىلدى: قازىر ەكونوميكالىق جاعداي ءالى دە كۇردەلى، قيىن بولۋدا، ورنىقسىزدىق، تۇراقسىزدىق ءبىرشاما زور بولىپ وتىر، ءبىز جولىققان ماسەلەلەردىڭ كوبى ۇزاق ۋاقىتقا سوزىلادى، سوندىقتان ۇزاق ۋاقىتقا سوزىلاتىن سوعىس تۇرعىسىنان تانىمدى تەرەڭدەتىپ، ىشكى ءىرى اينالىمدى نەگىزگى تۇلعا ەتكەن، ىشكى جانە حالىقارالىق قوس اينالىم ءبىرىن-ءبىرى جەبەيتىن جاڭا دامۋ جاعدايىن جەدەل قالىپتاستىرىپ، جۇقپالى اۋرۋدان ساقتانۋ، تىزگىندەۋ مەن ەكونوميكالىق، قوعامدىق دامۋ قىزمەتىن ورتا، ۇزاق مەرزىمدىك سايكەستىرۋ مەحانيزمىن ورناتىپ، قۇرىلىمدى رەتتەۋدىڭ ستراتەگيالىق باعىتىنا تاباندى بولىپ، عىلىم-تەحنيكادا جاڭالىق جاراتۋعا سۇيەنىپ، ماكرولىق تىزگىندەۋدىڭ مەرزىمدىك جوباسى مەن رەتتەۋىن كەمەلدەندىرىپ، ورنىقتى ارتۋ مەن حاۋىپ-قاتەردەن ساقتانۋدىڭ ۇزاق ۋاقىتتىق تەپە-تەڭدىگىن جۇزەگە اسىرۋ كەرەك. 

 

ماجىلىستە مىنالار باسا دارىپتەلدى: سوڭعى جارتى جىلداعى ەكونوميكالىق قىزمەتتى جاقسى ىستەپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىنا تاباندى بولىپ، ىندەتتىڭ الدىن الۋ- مەڭگەرۋ جانە ەكونوميكالىق، قوعامدىق دامۋ قىزمەتىن جاقسى ءبىر تۇتاس جوسپارلاپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە، رەفورما جاساپ، ەسىك اشۋدى تەرەڭدەتۋگە تاباندى بولىپ، ىشكى سۇرانىمدى كەڭەيتۋ سىندى ستراتەگيالىق نەگىزگى ءتۇيىندى مىقتى يگەرىپ، بازار تۇلعالارىنىڭ ومىرشەڭدىك كۇشىن بار كۇشپەن قورعاپ جانە جانداندىرىپ، «التىنى ورنىقتىرۋ» قىزمەتىن تىڭعىلىقتى ىستەپ، «التىنى قامتاماسىزداندىرۋ» مىندەتىن جاپپاي تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى جالپى جاعدايىن قورعاپ، تۇتاس جىلداعى ەكونوميكالىق، قوعامدىق دامۋدىڭ نىسانالىق مىندەتتەرىن قۇلشىنا ورىنداۋ كەرەك. 

 

ماجىلىستە بىلاي دەلىندى: ماكرولىق ساياساتتىڭ تياناقتانۋىنا شىنايى كەپىلدىك ەتۋ كەرەك. قازىنا ساياساتى اناعۇرلىم بەلسەندى، ۇتىمدى بولۋى، ناقتى ونىمدىلىككە ءمان بەرۋى كەرەك. كەلەلى نىساندار قۇرىلىسى قارجىسىن قامتاماسىزداندىرىپ، ساپا مەن ونىمدىلىككە ءمان بەرۋ كەرەك. اقشا ساياساتىندا اناعۇرلىم يكەمدى، ۇيلەسىمدى، دالمە-ءدال بەتالىس بولۋى قاجەت. اقشامەن قامداۋ مولشەرى مەن قوعامدىق قارجى قۇراۋ كولەمىنىڭ ۇيلەسىمدى ارتۋىن ساقتاپ، جالپىلىق قارجى قۇراۋدىڭ وزىندىك قۇنىنىڭ كورنەكتى تومەندەۋىن ىلگەرىلەتۋ كەرەك. تىڭنان قوسىلعان قارجىنىڭ جاساۋ كاسىبى، ورتا، شاعىن، ۇساق كاسىپورىنداردىڭ قولىنا جەتۋىنە شىنايى كەپىلدىك ەتۋ كەرەك. ماكرولىق شارۋاشىلىق ساياساتىندا سايكەسۋدى، سەلبەسۋدى كۇشەيتىپ، قازىنا، اقشا ساياساتىنىڭ جۇمىستانۋ، شارۋاشىلىق، وڭىرلىك قاتارلى ساياساتتارمەن شوعىرلى بىرىككەن كۇشىن قالىپتاستىرۋدى جەبەۋ كەرەك. 

 

ماجىلىستە مىنالار تالاپ ەتىلدى: جۇقپالى اۋرۋدان ساقتانۋ جانە ونى تىزگىندەۋدى تيتتەي دە بوساڭسىتپاي مىقتى يگەرىپ، جۇقپالى اۋرۋدان ساقتانۋ جانە ونى تىزگىندەۋ مەحانيزمىن اقاۋسىزداندىرىپ، ەمدەۋ، دەنساۋلىق ساقتاۋ زاتتىق ماتەريالدار زاپاسىن كۇشەيتىپ، جۇقپالى اۋرۋدان ساقتانۋ جانە ونى تىزگىندەۋ جونىندەگى حالىقارالىق سەلبەستىكتى كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ءىس جۇزىندىك ارەكەتتەرى ارقىلى ىلگەرىلەتۋ كەرەك. ىشكى سۇرانىمدى ۇزدىكسىز كەڭەيتىپ، جۇقپالى اۋرۋدىڭ ىقپالىن جويىپ، تۇتىنۋدى ارتتىرىپ، تۇرعىنداردىڭ تۇتىنۋ دارەجەسىنىڭ جوعارىلاۋىنا شارت -جاعداي ازىرلەۋ كەرەك. ۇزاق بولاشاقتى كوزدە ۇستاپ، ۇتىمدى قارجى قوسۋدى بەلسەنە كەڭەيتىپ، قوعامدىق كاپيتالدىڭ ات سالىسۋىنا دەم بەرۋ كەرەك. جاڭاشا نەگىزدىك قۇرىلعى قۇرىلىسىن جەدەلدەتىپ، ماڭىزدى وڭىرلىك دامۋ ستراتەگياسىن ىشكەرىلەي ىلگەرىلەتىپ، مەملەكەتتىڭ كەلەلى ستراتەگيالىق نىساندارىن اتقارۋ اياق الىسىن جەدەلدەتۋ كەرەك. جاڭاشا قالا -قالاشىقتاندىرۋ ارقىلى قارجى قوسۋ مەن تۇتىنۋ سۇرانىسىنا جەتەكشىلىك ەتىپ، قالا شوعىرىن، قالا شەڭبەرىنىڭ ءبىر تۇلعالانعان دامۋ ءتۇزىلىس -مەحانيزمىندە جاڭالىق اشۋدى ىلگەرىلەتۋ كەرەك. كاسىپ تىزبەگىمەن قامداۋ تىزبەگىنىڭ ورنىقتىلىعى مەن باسەكەلىك قۋاتىن جوعارىلاتىپ، ولقىلىقتاردى تولىقتاۋعا جانە ارتىقشىلىعىن اسىرۋعا اناعۇرلىم ءمان بەرۋ كەرەك. اۋىل شارۋاشىلىعىنىڭ نەگىزدىك ورنىن بار كۇشپەن بەكەمدەۋ كەرەك. رەفورما جاساۋدى، ەسىك اشۋدى اناعۇرلىم زور تەبىنمەن ىلگەرىلەتىپ، رەفورمانى تەرەڭدەتۋ ءادىسى ارقىلى ساۋدا ورتاسىن ساپالىلاندىرىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن ويداعىداي اتقارىپ، ەسىكتى ۇزدىكسىز ايقارا اشۋ كەرەك. كاپيتال بازارىنىڭ نەگىزدىك ءتۇزىم قۇرىلىسىن ىلگەرىلەتىپ، اكتسيا زاڭىنا قايشى ارەكەتتەرگە زاڭ بويىنشا قاتاڭ سوققى بەرىپ، كاپيتال بازارىنىڭ ورنىقتى، اقاۋسىز دامۋىن جەبەۋ كەرەك. ءۇي ساۋدالاۋعا ەمەس، تۇرۋعا ارنالعان دەگەن ۇستانىمعا تاباندى بولىپ، ءۇي -جاي بازارىنىڭ ورنىقتى، اقاۋسىز دامۋىن ىلگەرلەتۋ كەرەك. حالىق تۇرمىسىن قامتاماسىزداندىرۋ قىزمەتىن جاقسى ىستەپ، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ قىزمەتىن جاقسى ىستەپ، ءونىمدى شارالار قولدانىپ، جۇقپالى اۋرۋدىڭ جۇمىستانۋعا بولعان ىقپالىن باسەڭدەتىپ، سىرتقا شىعىپ جۇمىس ىستەگەن ديقان جۇمىسكەرلەردىڭ جۇمىستانۋىنا قىزمەت وتەۋدى كۇشەيتۋ كەرەك. اۋىلىنا قايتقان ديقان جۇمىسكەرلەردى جاقىن ماڭدا جۇمىستانۋعا جەتەكتەۋ قاجەت، كەدەيلىكتەن قۇتىلدىرۋدان قامال الۋ سەرپىنىن ارتتىرىپ، اۋىل -قىستاق ولشەمىندەگى كەدەيلەردى تۇگەلدەي كەدەيلىكتەن قۇتىلدىرۋعا، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا شىنايى كەپىلدىك ەتۋ كەرەك. لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، چاڭجياڭ، حۋاڭحى وزەندەرىنىڭ ەكولوگياسىن قورعاۋدىڭ ءبىر توپ كەلەلى ينجەنەرياسىن اتقارۋدى ىلگەرىلەتىپ، چاڭجياڭ وزەنىنىڭ 10 جىلدىق بالىق اۋلاۋعا تيىم سالۋ شاراسىن ويداعىداي تياناقتاندىرۋ كەرەك. شۇعىل جاعدايعا توتەپ بەرۋدى ويداعىداي يگەرىپ، ءوندىرىس حاۋىپسىزدىگىن كۇشەيتۋ كەرەك. تاسقىننان ساقتانىپ، اپاتتان قۇتقارۋعا پارمەندى ۇيىمداستىرىپ، وڭتۇستىك پەن سولتۇستىك رايوندارداعى وزەندەردىڭ تاسقىننان حاۋىپسىز ءوتۋىن ءبىر تۇتاس جوسپارلاپ، ويداعىداي يگەرۋ كەرەك. اپاتتان كەيىنگى قالپىنا كەلتىرۋ، قايتا قۇرۋ قىزمەتىن دەن قويا جوسپارلاپ جانە اتقارىپ، حالىقتىڭ ءومىرى مەن مال-مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك. ماجىلىستە تاعى دا باسقا دا ىستەر زەرتتەلدى. 

 

اۋدارعاندار: كۇلان ىرىسباي قىزى، نازار ءارىپ ۇلى

 

    中央广播电视总台 央广网 版权所有

    ج ك پ ورتالىق كوميتەتىنىڭ ساياسي بيۋروسى ءماجىلىس اشتى

    ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، پارتيا 19 -كەزەكتى ورتالىق كوميتەتىنىڭ بەسىنشى جالپى ءماجىلىسىن اشۋدى ۇيعاردى، كەزەكتەگى ەكونوميكالىق جاعدايعا جانە ەكونوميكالىق قىزمەتكە تالداۋ جاساپ زەرتتەۋ جۇرگىزدى، ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى