ينفورماتسيا اشكەرەلەۋ: mzjubao@cnr.cn

باس حابار

شي جينپيڭ گەرمانيا، ەۆروپا وداعى باسشىلارىمەن كەڭەس وتكىزدى

来源:جۇڭگو قازاق راديو تورابى     |责编:古丽美热·霍孜汗|     发布日期: 2020-09-15 11:17

شي جينپيڭ گەرمانيا، ەۆروپا وداعى باسشىلارىمەن بىرلىكتە كەڭەس وتكىزدى

ءوز حابارىمىز. مەملەكەت ٴتوراعاسى شي جينپيڭ 9-ايدىڭ 14-كۇنى كەشتە بەيجيڭدە ەۆروپا وداعىنا كەزەكتى ٴتوراعا ەل گەرمانيانىڭ زۇڭليى مەركەلمەن، ەۆروپا القالار كەڭەسىنىڭ ٴتوراعاسى ميچەلمەن، ەۆروپا وداعى كوميتەتىنىڭ ٴتوراعاسى فوندىرايىنمەن بىرلىكتە كەڭەس وتكىزدى. كەڭەس بەينە ەكران فورماسىندا وتكىزىلدى. جۇڭگو گەرمانيا، ەۆروپا باسشىلارى جۇڭگو-ەۆروپا قاتىناسى جونىندە تەرەڭ پىكىر الماستىرىپ، جۇڭگو-ەۆروپا قاتىناسىنىڭ كەلەسى ساتىداعى باعىتىن جوسپارلاپ، ٴتۇيىندى سالاسىن تۇراقتاندىرىپ، سايكەستىكپەن سەلبەسۋدى كۇشەيتىپ، الداعى جەردە جۇڭگو مەن ەۆروپا اراسىنداعى ٴبىر قىدىرۋ كەلەلى ساياسي كۇن تارتىپتەردىڭ تابىستى بولۋىنا كەپىلدىك ەتىپ، ٴوزارا سەنىمدىلىكتى تەرەڭدەتىپ، ٴوزارا تيىمدىلىك جەتكىزە ورتاق يگىلىكتەنۋدى جۇزەگە اسىرىپ، كوپ جاقتىلىقتى قورعاۋعا تاباندى بولىپ، الەمدىك سايىستارعا ورتاق توتەپ بەرىپ، جۇڭگو-ەۆروپا قاتىناسىنىڭ اناعۇرلىم جوعارى دەڭگەيگە دامۋىن جەبۋگە ءبىر اۋىزدان قوسىلدى. جۇڭگو-ەۆروپا تاراپتارى «جۇڭگو-ەۆروپا جاعراپيالىق بەلگى كەلىسىمىنە» قول قويعاندىعىن جاريالادى، جۇڭگو-ەۆروپا قارجى قوسۋ كەلىسىمى كەلىسسوزىن جەدەلدەتىپ، كەلىسسوز نىساناسىن وسى جىل ىشىندە ورىنداۋدى تۇراقتاندىردى. جۇڭگو-ەۆروپا ورتا جانە كليمات جوعارى جىكتەگىلەر سۇحپاتىن جانە سيفرلى سالاداعى جوعارى جىكتەگىلەر سۇحپاتىن ورناتىپ، جۇڭگو-ەۆروپا جاسىل سەلبەستىك سەرىكتەستىك، سيفرلى سالاداعى سەلبەستىك سەرىكتەستىك قاتىناسىن ورناتۋدى بەلگىلەدى.

 

شي جينپيڭ بىلاي دەپ انىق ايتتى: قازىر جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ بۇكىل جەر شارىندا كەڭ تارالۋى 100 جىلدا بولماعان زور وزگەرىستى تەزدەتتى. ادامزات كوپتەگەن ورتاق سايىسقا ءدوپ كەلىپ، جاڭا ءتورت كوشە تۇيىلىسىنە تىرەلدى. جۇڭگو مەن ەۆروپا دۇنيە جۇزىندەگى ەكى ءىرى كۇش تۇلعاسى، ەكى ءىرى بازار، ەكى ءىرى مادەنيەت تۇلعاسى. وسىنداي جاعدايعا ءدوپ كەلگەن سايىن، جالپى باعىتتى مىقتى يگەرۋ، جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قاتىناسىنىڭ اقاۋسىز، ورنىقتى دامۋىن تاباندىلىقپەن ىلگەرىلەتۋ، حالىقارالىق قوعامنىڭ جۇقپالى اۋرۋعا قارسى تۇرۋىنا، ەكونوميكانى قالپىنا كەلتىرۋگە، ادىلەتتىلىكتى قورعاۋعا اناعۇرلىم كوپ وڭ ەنەرگيا قوسۋ كەرەك.

شي جينپيڭ مىنالاردى باسا دارىپتەدى: جۇڭگو مەن ەۆروپا «تورتكە تاباندى بولۋدى» ورىنداۋ كەرەك. ٴبىرىنشى، بەيبىت قاتار تۇرۋعا تاباندى بولۋ. دۇنيە جۇزىندە بۇكىلدەي ۇقساپ كەتەتىن ساياسي ٴتۇزىم ۇلگىسى جوق، تۇرلىشە وركەنيەت، مادەنيەتتىڭ كوپ نەگىزدىلىگى عانا قالىپتى جاعداي سانالادى. جۇڭگو مەن ەۆروپانىڭ بەيبىت قاتار تۇرۋ كۇشى قانشالىق بەرىك بولسا، دۇنيە ٴجۇزىنىڭ بەيبىتشىلىگى مەن گۇلدەنىپ-كوركەيۋى سونشالىق مىعىم قامتاماسىز ەتىلەدى. ەكىنشى، ەسىك اشۋ سەلبەستىگىنە تاباندى بولۋ. جۇڭگو ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن-ءبىرى جەبەيتىن جاڭا دامۋ جاعدايىن بىرتىندەپ قالىپتاستىرۋعا كۇش سالۋدا. جۇڭگو ىشكى سۇرانىمنىڭ كومەسكى كۇشىن ۇزدىكسىز اشۋ ارقىلى جۇڭگو مەن ەۆروپانىڭ ەكى ۇلكەن بازارىنىڭ، ەكى جاق بايلىعىنىڭ اناعۇرلىم جاقسى تۇتاسۋىن، اناعۇرلىم زور ونىمدىلىگىن جۇزەگە اسىرىپ، جۇڭگو مەن ەۆروپانىڭ ورتاق دامۋىنىڭ اناعۇرلىم پارمەندى، اناعۇرلىم باياندى بولۋىن جەبەيدى. ٴۇشىنشى، كوپ جاقتىلىققا تاباندى بولۋ. جۇڭگو ەۆروپامەن ەكى جاقتى، وڭىرلىك، دۇنيە جۇزىلىك دەڭگەيدە سۇحپاتتاسۋ جانە سەلبەسۋدى كۇشەيتۋدى قالايدى. ورتاق اقىلداسۋ، ورتاق قۇرۋ، ورتاق يگىلىكتەنۋ سىندى جەر شارىندىق باسقارۋ كوزقاراسىنا تاباندى بولادى، بىرلەسكەن مەملەكەتتەر ۇيىمىن وزەك ەتكەن حالىقارالىق ٴتارتىپ پەن حالىقارالىق جۇيەنى قورعاپ، حالىقارالىق جانە وڭىرلىك ماسەلەلەردى ساياسي جولمەن شەشۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى. ٴتورتىنشى، سۇحپاتتاسۋعا، كەڭەسۋگە تاباندى بولۋ. جۇڭگو مەن ەۆروپا جۇڭگو-ەۆروپا قاتىناسىنىڭ سەلبەسىپ دامۋ نەگىزگى اعىمىن مىقتى يگەرۋى، قاتە تۇسىنىكتەردى سۇحپاتتاسۋ ارقىلى ارىلتۋ، دامۋ ارقىلى قيىن ماسەلەلەردى شەشۋ، الاۋىزدىقتاردى ۇيلەسىمدى تىزگىندەۋ كەرەك.

شي جينپيڭ مىنالاردى باسا دارىپتەدى: جۇڭگو مەن ەۆروپا  ٴوزارا ماڭىزدى ساۋدا جانە قارجى قوسۋ سەرىگى. ەكى جاق ماكرولىق ساياساتتاردى سايكەستىرۋدى كۇشەيتۋ، اناعۇرلىم كوپ شارا قولدانىپ، اناعۇرلىم كوپ سەلبەستىك ورايىن جاراتۋ كەرەك. بۇگىن ەكى جاق «جۇڭگو-ەۆروپا جاعراپيالىق بەلگى كەلىسىمىنە» رەسمي قول قويدى. ەكى جاق بەلسەندى، ناقتى پوزيتسيادا بولىپ، جۇڭگو مەن ەۆروپانىڭ قارجى قوسۋ كەلىسىمى كەلىسسوزىن جەدەلدەتۋ، وسى جىل ىشىندە كەلىسسوز وتكىزۋ نىساناسىن ورىنداۋ، سەلبەستىكتىڭ ساپاسىن جوعارىلاتىپ، ءمانىن ارتتىرۋ، جۇقپالى اۋرۋدان كەيىن دۇنيە ٴجۇزى ەكونوميكاسىنىڭ قالپىنا كەلۋىنە دەم بەرۋ، اشىق ۇستالعان ساۋدا جانە قارجى قوسۋ ورتاسىن ورتاق قورعاۋ كەرەك. جۇڭگو بازارى ەۆروپاعا ەسىك اشۋ كۇيىن ساقتاي بەرەدى، ەۆروپا وداعىنىڭ اناعۇرلىم ساپالى، حاۋىپسىز اۋىل شارۋاشىلىق ونىمدەرىنىڭ جۇڭگوعا كىرۋىن قارسى الادى. جۇڭگو مەن ەۆروپا جاسىل سەلبەستىك سەرىكتەستىك قۇرىپ، جەر شارى كليمات وزگەرىسىنە توتەپ بەرۋ جانە بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋدىڭ كوپ جاقتىلى اياق الىسىنا بەلسەندى قاتىناسۋ، قارسى جاقتىڭ كەلەر جىلى بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى گلاسگو ءماجىلىسى مەن «ورگانيزمدەردىڭ الۋان تۇرلىلىگى شارتىنا» 15-رەت شارتتاساتىن كۇنميڭ ءماجىلىسىنىڭ ويداعىداي وتكىزىلىپ بەلسەندى تابىستارعا قول جەتكىزۋىنە ءوزارا قولداۋ كورسەتىپ، دۇنيە ٴجۇزىنىڭ باياندى دامۋىن ىلگەرىلەتۋگە ۇلەس قوسۋ كەرەك. جۇڭگو مەن ەۆروپا سيفرلى سالادا سەلبەستىك سەرىكتەستىك قۇرۋ كەرەك. جۇڭگو «جەر شارى ساندى مالىمەت حاۋىپسىزدىگى دارىپتەمەسىن» ورتاعا قويدى، ەۆروپا جاقتىڭ جۇڭگومەن بىرلىكتە قۇلشىنىپ، بۇكىل جەر شارى سيفر سالاسىنىڭ ولشەمى مەن ەرەجەسىن بەلگىلەۋدى ىلگەرىلەتىپ، الەمدىك سيفرلى ەكونوميكانىڭ تاماشا اينالىممەن دامۋىن جەبەۋدى ٴۇمىت ەتەمىز. ەكى جاق ٴبىر-ٴبىرىنىڭ كوكەيتەستى ماسەلەلەرىن ۇيلەسىمدى ءبىر جايلى ەتۋ كەرەك. جۇڭگو تاياۋدان بەرى ەۆروپانىڭ 5G، شەتەل قارجىسىن تەكسەرۋ، ۇكىمەتتىك ساتىپ الۋ، باسەكە ساياساتى سياقتى جاقتارداعى كەيبىر اۋقىمىنا قاداعالاي نازار اۋدارۋدا، ەۆروپا جاقتىڭ ساۋدا جانە قارجى قوسۋ بازارىن اشىق ۇستاۋىن، اشىق ۇستالعان، ٴادىل، تەڭ دارەجەلى، كەمسىتپەيتىن تيجارات-ساۋدا ورتاسىن قالىپتاستىرىپ، جۇڭگو كاسىپورىندارىنىڭ زاڭدى ۇقىق-مۇددەسىن قامتاماسىزداندىرۋدى ءۇمىت ەتەمىز.

 

شي جينپيڭ مىنالاردى انىق ايتتى: جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، جۇڭگو مەن ەۆروپا ىندەتكە قارسى تۇرۋ جانە الەمدىك دەنساۋلىق ساقتاۋ سەلبەستىگىن تىعىز بايلانىستىرىپ، جۇڭگو مەن ەۆروپانىڭ جان-جاقتى ستراتەگيالىق سەرىكتەستىك قاتىناسىنىڭ داۋىرلىك ٴمانى مەن الەمدىك ىقپالىن ايگىلەدى. كەلەسى قادامدا ەكى جاق ماكرولىق ەكونوميكا ساياساتىن سايكەستىرۋ مەن سەلبەستىرۋدى كۇشەيتۋ، الەمدىك كاسىپ تىزبەگىمەن قامداۋ تىزبەگىنىڭ ورنىقتىلىعىن قورعاۋ، دۇنيە ٴجۇزى ەكونوميكاسىنىڭ قالپىنا كەلۋىن ورتاق جەبەۋ كەرەك. ۆاكسينا زەرتتەپ تاپقىرلاۋ سەلبەستىگىن كۇشەيتۋ، ۆاكسينانى جەر شارىندىق الەۋمەتتىك ونىمگە اينالدىرۋعا كۇش سالۋ، ۆاكسينانىڭ قالىڭ دامۋ ۇستىندەگى ەلدەردە قولدانىلۋى مەن سول ەلدەردىڭ اۋىرتپالىق كوتەرىمدىلىگىنە تولىق ٴمان بەرۋ كەرەك. ادامداردىڭ بارىس-كەلىسىن تارتىپپەن قالپىنا كەلتىرۋ، زاتتاردىڭ شەكارا اتتاعان اۋىس-كۇيىسىنە قولايلىلىق تۋدىرۋ كەرەك. افريكا ەلدەرىنىڭ تىلەگىنە تولىق قۇرمەت ەتۋ نەگىزىندە، افريكامەن ٴۇش جاق سەلبەستىگىن بەلسەنە ورىستەتۋ كەرەك. جۇڭگو حالىقارالىق قوعامدى، اسىرەسە، كوپ جاقتى فينانس قۇرىلىمدارى مەن ساۋدا الاشاق يەلەرىن افريكانىڭ قارىزىن جەڭىلدەتۋ ماسەلەسىندە اناعۇرلىم پارمەندى ارەكەت قولدانۋعا ۇندەيدى.

 

شي جينپيڭ جوعارىداعىلاردان تىس تاعى دا جۇڭگونىڭ شياڭگاڭعا، شينجياڭعا ساياتىن ماسەلەلەردەگى پرينسيپتىك مايدانىن بايىمداپ، شياڭگاڭعا، شينجياڭعا ساياتىن ماسەلەلەردىڭ ٴمانى جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن جانە تۇتاستىعىن، ءار ۇلت حالقىنىڭ الاڭسىز ءومىر وتكىزۋ ۇقىعىن قورعاۋ ەكەنىن، جۇڭگو  ٴارقانداي ادامنىڭ، ٴارقانداي كۇشتىڭ جۇڭگودا ورنىقسىزدىق، بولشەكتەۋشىلىك جانە بىلىقپالىق تۋدىرۋىنا باتىل قارسى تۇراتىندىعىن،  ٴارقانداي ەلدىڭ جۇڭگونىڭ ىشكى ىسىنە كيلىگۋىنە باتىل قارسى تۇراتىندىعىن اشىق ايتتى.

 

ادامدىق ۇقىق ماسەلەسى جونىندە شي جينپيڭ مىنالاردى باسا دارىپتەدى: دۇنيە جۇزىندە بارلىق جەرگە دالمە-ءدال ۇيلەسەتىن ادامدىق ۇقىقتى دامىتۋ جولى تابىلا بەرمەيدى، ادامدىق ۇقىقتى قامتاماسىزداندىرۋدا ەڭ جاقسى جول دەگەن ءسوز بولمايدى، تەك اناعۇرلىم جاقسى جول جول دەگەن ءسوز عانا بولادى. ٴار ەل الدىمەن ٴوز ٴىسىن ويداعىداي ىستەۋى كەرەك. ەۆروپا جاقتىڭ وزىندە  ٴومىر ٴسۇرىپ وتىرعان ادامدىق ۇقىق ماسەلەسىن ويداعىداي شەشە الاتىندىعىنا سەنەمىن. جۇڭگو ادامدىق ۇقىق «ايعايشىسىن» قابىلدامايدى، «قوس ولشەم» قولدانۋعا قارسى تۇرادى. جۇڭگو ەۆروپا جاقپەن  ٴوزارا قۇرمەت ەتۋ پرينسيبى بويىنشا اۋىس-كۇيىستى كۇشەيتىپ، ورتاق العا باسۋدى قالايدى.

مەركەل، ميچەل، فوندىرايىندار بىلاي دەستى: جۇڭگو ەۆروپا قۇرمەتتەيتىن ماڭىزدى ستراتەگيالىق سەلبەستىك سەرىگى. قازىر دۇنيە ٴجۇزى ەۆروپا مەن جۇڭگونىڭ ىنتىماقتى، سەلبەستىكتى كۇشەيتىپ، كوپ جاقتىلىقتى ورتاق قورعاۋىن، سىڭار جاقتىلىق پەن قورعامپازدىقتى تەجەپ، ٴتۇرلى الەمدىك سايىستارعا  ٴتىپتى دە ٴونىمدى توتەپ بەرۋىن قاجەت ەتەدى، بۇل ەۆروپانىڭ، جۇڭگونىڭ جانە حالىقارالىق قوعامنىڭ ورتاق مۇددەسىنە ۇيلەسەدى. ەۆروپا جۇڭگومەن سۇحپاتتاسۋدى كۇشەيتىپ، ٴوزارا سەنىمدىلىكتى ارتتىرىپ، ەكونوميكا-ساۋدا، قارجى قوسۋ، جاسىل ەكونوميكا، كليمات وزگەرىسى، ورگانيزمدەردىڭ الۋان تۇرلىلىگى، باياندى دامۋ سياقتى سالالارداعى سەلبەستىكتە ٴتىپتى دە كوپ جەتىستىكتەرگە قول جەتكىزۋدى قالايدى. ەۆروپا ەلدەرى ەۆروپا-جۇڭگو جاعراپيالىق بەلگى كەلىسىمىنە قول قويىلعاندىعىنان شابىت الدى. جۇڭگونىڭ بازارعا كىرۋ رۇقساتىن جەڭىلدەتىپ، ەسىكتى ايقارا اشۋىن، بيىل ەۆروپا مەن جۇڭگونىڭ قارجى قوسۋ كەلىسىمى كەلىسسوزىن ورىنداۋعا كۇش سالىپ، ەۆروپا-جۇڭگو قاتىناسىنا تىڭ كۇش قوسۋىن قارسى الامىز. ەۆروپا جۇڭگومەن دۇنيە جۇزىلىك دەنساۋلىق ساقتاۋ ۇيىمى، دۇنيە جۇزىلىك ساۋدا ۇيىمى سياقتى حالىقارالىق ۇيىمدارداعى سەلبەستىكتى كۇشەيتۋدى، ىندەتكە قارسى تۇرۋ حالىقارالىق سەلبەستىگىن ىلگەرىلەتۋدى، ەركىن ساۋدانى قورعاپ، ەۆروپا مەن جۇڭگونىڭ جانە دۇنيە ٴجۇزى ەكونوميكاسىنىڭ ەرتەرەك قالپىنا كەلۋىن جەبەۋدى قالايدى. ادامدىق ۇقىق ماسەلەسىندە ەۆروپا وزىندە ساقتالىپ وتىرعان ماسەلەلەردى مويىندايدى، جۇڭگومەن تەڭدىك جانە ٴوزارا قۇرمەتتەۋ پرينسيپى بويىنشا سۇحپاتتاسۋدى كۇشەيتىپ، پارىق پەن الاۋىزدىقتى ۇيلەسىمدى شەشۋدى ءۇمىت ەتەدى.

 

جۇڭگو، گەرمانيا، ەۆروپا وداعى باسشىلارى افعانستان ماسەلەسى، يران يادرو ماسەلەسى قاتارلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر الماستىرىپ، سۇحپاتتاسۋدى، سايكەسۋدى كۇشەيتىپ، حالىقارالىق جانە وڭىرلىك حاۋىپسىزدىكتى، ورنىقتىلىقتى قورعاۋعا ورتاق كۇش سالۋعا ءبىر اۋىزدىلىقپەن قوسىلدى.

 

 

来源:中央广播电视总台

 

 

 

编辑:古丽美热

 

 

中央广播电视总台 央广网 版权所有

شي جينپيڭ گەرمانيا، ەۆروپا وداعى باسشىلارىمەن كەڭەس وتكىزدى

ٴارقانداي ەلدىڭ جۇڭگونىڭ ىشكى ىسىنە كيلىگۋىنە باتىل قارسى تۇراتىندىعىن اشىق ايتتى