ادامزاتتىڭ تاعدىرلاس ورتاق تۇلعاسىن قۇرۋ−ٴداۋىر سۇراۋىنا بەرىلگەن جۇڭگو جاۋابى

ٴوز حابارىمىز.2017-جىلى 1-ايدىڭ 18-كۇنى، مەملەكەت ٴتوراعاسى شي جينپيڭ ب م  ۇ-نىڭ جەنەۆاداعى باس شتابىندا ٴسوز سويلەپ، ادامزاتتىڭ تاعدىرلاس ورتاق تۇلعاسى تانىمىن تەرەڭ، جان-جاقتى، جۇيەلى بايىمداپ، ادامزاتتىڭ تاعدىرلاس ورتاق تۇلعاسىن قۇرۋ ۇلى اياق الىسىن بىرگە ىلگەرىلەتىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى دۇنيە قۇرۋدى دارىپتەدى. 

بىرنەشە جىلدان بەرى جۇڭگو ادامزاتتىڭ تاعدىرلاس ورتاق تۇلعاسىن قۇرۋ تۋىن بيىك ۇستاپ، دۇنيە ٴجۇزىنىڭ بەيبىتشىلىگى مەن دامۋىنا ۇزدىكسىز جۇڭگو كۇشىن ارنادى. ادامزاتتىڭ تاعدىرلاس ورتاق تۇلعاسى تانىمى حالىقارالىق قوعامدا كۇن سايىن جۇرت جۇرەگىنە تەرەڭ ۇيالاپ، ادامزاتتىڭ ورتاق سايىسقا توتەپ بەرۋگە، اناعۇرلىم گۇلدەنگەن، كوركەم دۇنيە قۇرۋعا ايقىن باعدار كورسەتتى. تومەندە «ادامزاتتىڭ تاعدىرلاس ورتاق تۇلعاسىن قۇرۋ _ ٴداۋىر سۇراۋىنا بەرگەن جۇڭگو جاۋابى» اتتى ارناۋلى حابارىمىزدى ۇسىنامىز.

بۇگىنگى دۇنيە تۇراقسىزدىققا تولى، سىن-سايىستار تولاسسىز تۋىلىپ، حاۋىپ-قاتەرلەر كۇن سايىن كوبەيۋدە. «دۇنيە جۇزىنە نە بولدى، ءبىز قايتەمىز» دەگەن داۋىرلىك سۇراققا، ءتوراعا شي جينپيڭ ب م ۇ-نىڭ جەنەۆاداعى باس شتابىندا «ادامزاتتىڭ تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ ءسوز سويلەگەندە، بۇكىل دۇنيە جۇزىنە جۇڭگونىڭ جاۋابىن بەردى.

شي جينپيڭ بىلاي دەدى: بەيبىتشىلىكتىڭ جالىنىن ۇرپاقتان-ۇرپاققا جالعاستىرىپ، دامۋدىڭ قوزعاۋشى كۇشىن ۇزدىكسىز ارتتىرىپ، وركەنيەتتىڭ نۇر-شۇعىلاسىن شاشتىرۋ _ٴار ەل حالقىنىڭ ٴۇمىتى، سونداي-اق ٴبىزدىڭ وسى ۇرپاق ساياساتكەرلەرىنىڭ ارقالاۋعا ٴتيىستى بورىشى. جۇڭگونىڭ جوباسى: ادامزاتتىڭ تاعدىرلاس ورتاق تۇلعاسىن قۇرىپ، بىرلىكتە يگىلىككە كەنەلۋدى جۇزەگە اسىرۋ. 

ادامزاتتىڭ تاعدىرلاس ورتاق تۇلعاسى تانىمى ٴداۋىر تاقىرىبىنا دەر كەزىندە جاۋاپ قايتاردى، ول جۇڭگونىڭ دۇنيە ٴجۇزى اعىمى مەن ادامزات وركەنيەتىنىڭ العا باسۋ بەتالىسىنا جەتەكشىلىك ەتۋدەگى ايقىن تۋى. 2013-جىلى 3-ايدىڭ 23-كۇنى، مەملەكەت ٴتوراعاسى بولىپ سايلانعاننان كەيىنگى تۇڭعىش ساپار جەرى بولعان موسكۆا قالاسىندا شي جينپيڭ وسى كوزقاراستى تۇڭعىش رەت ٴتۇسىندىرىپ، حالىقارالىق قوعامدى «ٴبىر-بىرىمەن بىتە قايناسقان» تاعدىرلاس ورتاق تۇلعا تانىمىن ورناتۋعا ۇندەدى. وسىدان كەيىن، ٴتوراعا شي جينپيڭ ەل ٴىشى-سىرتىنداعى كوپتەگەن ورىنداردا ادامزاتتىڭ تاعدىرلاس ورتاق تۇلعاسى تانىمىن قايتا-قايتا بايىمداپ، وسى تانىمنىڭ الەمدىك ورتاق تانىمعا اينالۋىن ٴارى ب م ۇ-نىڭ حۇجاتتارىنا كوپ رەت جازىلۋىن ىلگەرىلەتىپ، جۇڭگونىڭ دۇنيە ٴجۇزى ىستەرىن باسقارۋعا قوسقان وراسان زور ۇلەسىن ايگىلەدى. 

2017-جىلى 2-ايدىڭ 10-كۇنى، ب م ۇ قوعامدىق دامۋ كوميتەتىنىڭ 55-كەزەكتى ٴماجىلىسى «افريكانىڭ جاڭا سەرىكتەستىك قاتىناستى دامىتۋداعى قوعامدىق دەڭگەيى» جونىندەگى قاۋلىنى ماقۇلداپ، «ادامزاتتىڭ تاعدىرلاس ورتاق تۇلعاسىن قۇرۋ» تۇڭعىش رەت ب م ۇ-نىڭ قاۋلىسىنا ەنگىزىلدى. سول جىلى 11-ايدا ادامزاتتىڭ تاعدىرلاس ورتاق تۇلعاسى تانىمى ب م ۇ قۇرىلتايىنىڭ قاۋلىسىنا ەنگىزىلىپ، ب م ۇ-نىڭ حالىقارالىق حاۋىپسىزدىك سالاسىنداعى قاۋلىنىڭ بوستىعىن تولتىردى. ب م ۇ-نىڭ ورىنباسار باس حاتشىسى، اسكەري دايىندىقتى قىسقارتۋ ىستەرىنىڭ جوعارى دارەجەلى ۋاكىلى جۇڭ مانچۋان بىلاي دەدى: مەنىڭشە، جالپى تۇلعالىق جاقتان العاندا، ادامزاتتىڭ تاعدىرلاس ورتاق تۇلعاسىن قۇرۋ جۇڭگونىڭ دۇنيە جۇزىندەگى كوپ جاقتىلىققا بەرگەن ۋادەسى. كوپ جاقتىلىق اياسىنداعى حالىقارالىق سەلبەستىكتە جۇڭگو ۇزدىكسىز سىندارلى رول اتقارادى. ب م ۇ كوپ جاقتىلىقتىڭ ماڭىزدى تەكشەسى، سوندىقتان ٴبىز وسىنداي سالتاناتتى ۋادەنى قارسى الامىز.

2020-جىلى 11-ايدا ادامزاتتىڭ تاعدىرلاس ورتاق تۇلعاسى تانىمى ب م ۇ-نىڭ سىرتقى كەڭىستىكتە الدىمەن قارۋ ورنالاستىرماۋ قاۋلىسىنا تاعى ٴبىر رەت ەنگىزىلىپ، ادامزاتتىڭ تاعدىرلاس ورتاق تۇلعاسى تانىمىنىڭ جۇرت جۇرەگىنە تەرەڭ ۇيالاعانىن تاعى ٴبىر رەت دالەلدەدى. سىرتقى ىستەر مينيسترلىگىنىڭ مالىمدەمەشىسى جاۋ ليجيان بىلاي دەدى: ادامزاتتىڭ تاعدىرلاس ورتاق تۇلعاسىن قۇرۋ تانىمىن- جۇڭگو العا قويعان، حالىقارالىق قوعام كەڭ كولەمدە قابىلداعان تانىم. بۇل يدەيا تاريحتىڭ دامۋ اعىمىنا ۇيلەسىپ، قازىرگى دۇنيە جۇزىندەگى ٴتۇرلى ماسەلەلەر مەن سىن-سايىستاردى شەشۋگە ٴتۇبىرلى ارەكەت جوباسىن ازىرلەدى. 

توسىن تۋىلعان ىندەت بۇكىل جەر شارىنىڭ الەۋمەتتىك دەنساۋلىق ساقتاۋ حاۋىپسىزدىگىنە اسا زور سايىس الا كەلىپ، ادامزاتتىڭ تاعدىرلاس ورتاق تۇلعاسى تانىمىنىڭ رەال ٴمانى مەن داۋىرلىك قۇنىن بارعان سايىن ايگىلەدى. 

جۇقپالى اۋرۋ جاعدايى تۋىلعاننان بەرى، جۇڭگو حالىقارالىق بورىشىن بەلسەنە اتقارىپ، ٴار جاقپەن ساقتانۋ جانە ەمدەۋ تاجىريبەلەرىن ٴبولىسىپ، دۇنيە ٴجۇزىنىڭ جۇقپالى اۋرۋدان ساقتانۋ سەلبەستىگىنە پارمەندى قولداۋ كورسەتتى. جۇڭگو جاڭا جۇڭگو قۇرىلعاننان بەرگى كولەمى ەڭ ۇلكەن بۇكىل جەر شارىندىق ادامگەرشىلىك قيمىلىن باستاپ، بۇكىل جەر شارىنداعى ىندەتكە قارسى زاتتىق بۇيىمدارمەن قامداۋ ٴىرى ەلدىك جاۋاپكەرشىلىگىن ۇستىنە الدى. جۇڭگو تاعى ۆاكسينانى الەمدىك الەۋمەتتىك ٴونىم ەتۋ ۋادەسىن بەلسەنە اتقاردى. قازىر كوپتەگەن ەلدەر مەن رايوندار جۇڭگودان ۆاكسينا ساتىپ الۋ كەلىسىمىن جاساسۋدا. وسى ايدان بەرى، جۇڭگونىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى ۆاكسيناسى يندونەزيا، تۇركيا قاتارلى ەلدەردە ەگىلىپ، حالىقارالىق قوعامنىڭ جۇقپالى اۋرۋ جاعدايىن جەڭۋىنە قىمباتتى سەنىم بەردى. جۇڭگونىڭ يندونەزيادا تۇراتىن باس ەلشىسى شياۋ چيان بىلاي دەدى: جۇڭگو مەن يندونەزيانىڭ ىندەتكە قارسى سەلبەستىگى باس شۋجي شي جينپيڭنىڭ جۇڭگو ۆاكسيناسىن بۇكىل ادامزاتتىڭ الەۋمەتتىك ونىمىنە اينالدىرۋ جونىندەگى ايبىندى ۋادەسىن امالياتتا ايگىلەپ، ادامزاتتىڭ دەنساۋلىق ساقتاۋ، سالاماتتىق تاعدىرلاس ورتاق تۇلعاسى قۇرىلىسىن پارمەندى جەبەدى ٴارى ادامزاتتىڭ تاعدىرلاس ورتاق تۇلعاسى يدەياسىنىڭ جاندى امالياتى جانە پارمەندى تۇسىندىرمەسى. ىندەتتىڭ زور سىنىندا، جۇڭگو ٴىس جۇزىندىك ارەكەتى ارقىلى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ شىنايى تىلەگى مەن ٴىرى ەلدىك جاۋاپكەرشىلىگىن ايگىلەدى. ٴبىر جىلدان بەرگى بوران-شاشىندى باستان وتكەرگەن حالىقارالىق قوعام ادامزاتتىڭ تاعدىرلاس ورتاق تۇلعاسىنىڭ ٴمانىن ٴارقانداي كەزدەگىدەن دە تەرەڭ سەزىندى. ٴوزارا بايلانىستى، تاعدىرلاس جەر شارى قىستاعىندا، ٴتۇرلى كۇردەلى دە اۋىر سىن-سايىستار الدىندا، ادامزات سەلبەستىكتى كۇشەيتىپ، قول ۇستاسا العا ىلگەرىلەۋدى ٴتىپتى دە قاجەت ەتەدى. 

来源：中央广播电视总台

编辑：古丽美热