شي جينپيڭ ساياسي كەڭەس ماجىلىسىنە قاتىناسقان ەمدەۋ، ٴدارى-دارمەك، دەنساۋلىق ساقتاۋ سالاسىنداعى، وقۋ-اعارتۋ سالاسىنداعى مۇشەلەرگە امانداسا بارعاندا حالىقتىڭ دەنساۋلىعىن قامتاماسىزداندىرۋدى الدىمەن دامىتىلاتىن ستراتەگيالىق ورىنعا قويىپ، ساپالى، بىركەلكى بولعان نەگىزگى الەۋمەتتىك وقۋ-اعارتۋعا قىزمەت وتەۋ جۇيەسىن كۇش سالا قۇرۋدى باسا دارىپتەدى

ٴوز حابارىمىز.  ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3-ايدىڭ 6-كۇنى تۇستەن كەيىن ساياسي كەڭەس 13-كەزەكتى مەملەكەتتىك كوميتەتىنىڭ 4-ماجىلىسىنە قاتىناسقان ەمدەۋ، ٴدارى-دارمەك، دەنساۋلىق ساقتاۋ سالاسىنداعى، وقۋ-اعارتۋ سالاسىنداعى مۇشەلەرگە امانداسا باردى ٴارى بىرىككەن گرۋپپا ماجىلىسىنە قاتىناسىپ، پىكىر-ۇسىنىستاردى تىڭدادى. ول مىنالاردى باسا دارىپتەدى: حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنا تاباندى بولىپ، نازاردى حالىقتىڭ سالاماتتىعىنا ىقپال جاسايتىن سالماقتى اۋرۋلار مەن باستى ماسەلەلەرگە شوعىرلاندىرىپ، سالاماتتى جۇڭگو ارەكەتىن جەدەل اتقارىپ، مەملەكەتتىڭ الەۋمەتتىك دەنساۋلىق ساقتاۋدان قورعانۋ تورىن بەكەمدەپ، ۇكىمەت باسقارۋىنداعى دوحتىرحانارلاردىڭ جوعارى ساپالى دامۋىن ىلگەرىلەتىپ، حالىققا جان-جاقتى، تولىق پەريودتى سالاماتتىق جاعىنان قىزمەت كورسەتۋ كەرەك. پارتيانىڭ وقۋ-اعارتۋ باعىتىن جاپپاي دايەكتىلەندىرىپ، سوتسياليستىك مەكتەپ باسقارۋ باعىتىنا، وقۋ-اعارتۋدىڭ الەۋمەتتىك يگىلىك پرينسيبىنە تاباندى بولىپ، ساپالى، بىركەلكى بولعان نەگىزگى الەۋمەتتىك وقۋ-اعارتۋعا قىزمەت وتەۋ جۇيەسىن كۇش سالا ورناتىپ، جوعارى ساپالى وقۋ-اعارتۋ جۇيەسىن قۇرىپ، حالىق رازى بولاتىن وقۋ-اعارتۋدى باسقارىپ، احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارىن جەتىلدىرۋ كەرەك.

«8-ناۋرىز» حالىقارالىق ەڭبەكشى ايەلدەر مەرەكەسى قارساڭىندا، شي جينپيڭ ج ك پ ورتالىق كوميتەتى اتىنان مەملەكەتتىك ەكى ماجىلىسكە قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ٴار ۇلت، ٴار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا مەرەكەلىك سالەم جولدادى جانە ىزگى تىلەك ٴبىلدىردى.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ بىرگە باردى جانە تالقىعا قاتىناستى.

بىرىككەن گرۋپپا ماجىلسىندە ۋ حاۋ، حۋاڭ لۋچي، ۋاڭ چىن، يان چۇنحۋا، ۋاڭ حۋان، حۋ يۇي، لين جۇڭچين قاتارلى 7 مۇشە نەگىزگى ساتى دەنساۋلىق ساقتاۋ جۇيەسىن كەمەلدەندىرۋ، جۇڭگوشا ەمدەۋ مەن  جۇڭگوشا ٴدارى-دارمەكتىڭ جوعارى ساپالى دامۋىن جەبەۋ، جاڭا داۋىردەگى مەملەكەتتىڭ مەديتسينالىق وقۋ-اعارتۋى مەن زەرتتەۋ جۇيەسىن ورناتۋ، جوعارى دارەجەلى وقۋ-اعارتۋ قۇرىلىمىن ساپالىلاندىرۋ، نەگىزدىك وقۋ-اعارتۋدىڭ جوعارى ساپالى دامۋىن ىلگەرىلەتۋ، ۇكىمەت باسقارۋىنداعى دوحتىرحانالاردىڭ جوعارى ساپالى دامۋىن ىلگەرىلەتۋ، وقۋ-اعارتۋ وزگەرىسىندە جاڭالىق اشۋدى ىلگەرىلەتۋ سياقتىلار توڭىرەگىندە ٴسوز سويلەدى.

شي جينپيڭ كوپشىلىكتىڭ ٴسوزىن تىڭداعاننان كەيىن ماڭىزدىٴءسوز سويلەپ: مەملەكەتتىك ساياسي كەڭەستىڭ ەمدەۋ، ٴدارى-دارمەك، دەنساۋلىق ساقتاۋ سالاسىنداعى، وقۋ-اعارتۋ سالاسىنداعى مۇشەلەرگە امانداسا كەلىپ، بىرلەسكەن گرۋپپانىڭ تالقىسىنا قاتىناسقانىما توتەنشە قۋانىشتىمىن،-دەدى. ول ج ك پ ورتالىق كوميتەتى اتىنان تالقىعا قاتىناسقان مۇشەلەرگە، بۇكىل ەلدەگى قالىڭ ساياسي كەڭەس مۇشەلەرىنە شىنايى سالەم جولدادى.

شي جينپيڭ مىنالاردى اتاپ كورسەتتى: وتكەن ٴبىر جىل-جاڭا جۇڭگو تاريحىنداعى ەرەكشە ٴبىر جىل بولدى. قىم-قۋىت كۇردەلى حالىقارالىق جاعداي، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى، اسىرەسە، جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ اۋىر سوققىسى الدىندا، ج ك پ ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ٴبىر نيەتپەن سەلبەسىپ، قيىندىقتاردان تايسالماي العا ۇمتىلىپ، جاپالى قۇلشىنىستار ارقىلى جۇقپالى اۋرۋدان ساقتانۋ-تىزگىندەۋدە كەلەلى ستراتەگيالىق تابىستارعا قول جەتكىزىپ، دۇنيە جۇزىندەگى نەگىزگى ەكونوميكالىق تۇلعالار اراسىندا ەكونوميكانىڭ ارتۋىن الدىمەن جۇزەگە اسىرىپ، كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتىپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتكىزىپ، رەفورما جاساپ، ەسىك اشۋدى ىشكەرىلەي ىلگەرىلەتىپ، «13-بەسجىلدىق» جوسپاردى ٴساتتى اياقتاتىپ، «14-بەسجىلدىق» جوسپاردى ٴساتتى جاسادى، بۇل ناتيجەلەر وڭاي-وسپاق قولعا كەلگەن جوق، بۇل بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جاساپ، قايسارلىقپەن ەڭبەك ەتكەندىگىنىڭ ناتيجەسى، سونداي-اق دەموكراتيالىق پارتيا-توپتاردىڭ، مەملەكەتتىك ونەركاسىپ-ساۋدا بىرلەستىگىنىڭ جانە پارتيادا، توپتا جوق قايراتكەرلەردىڭ جاپالى ەڭبەگىنىڭ، ۇدىرە العا تارتۋىنىڭ ناتيجەسى.

شي جينپيڭ مىنالاردى باسا دارىپتەدى: جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە قارسى تۇرۋدىڭ شەشۋشى ساتىندە، قالىڭ ەمدەۋ قىزمەتكەرلەرى پارتيا مەن حالىقتىڭ ماڭىزدى تاپسىرماسىن بۇلجىتپاي ورىنداپ، قيندىققا قارسى اتتانىپ، باسىن ٴباي تىگىپ، قاجىرلىلىقپەن شايقاس جاساپ، ۆيرۋستى توسۋدىڭ جانە الاستاۋدىڭ قۇرىش قورعانىن سوعىپ، ٴىس جۇزىندىك ارەكەتتەرى ارقىلى شيپاگەرلەردىڭ مەيىرباندىعى مەن شەكسىز سۇيىسپەنشىلىگىن ايگىلەدى. قالىڭ وقۋ-اعارتۋ قىزمەتكەرلەرى جۇقپالى اۋرۋعا قارسى تۇرۋ جانە «ساباق توقتاعانمەن، ۇيرەنۋدى توقتاتپاۋ؛ ۇزدىكسىز وقىتۋ» سىندى ەكى شەپتە شايقاس جاساپ، ٴجۇز ميلليونداعان وقۋشىنىڭ اقاۋسىزدىعىن قورعاپ، دۇنيە جۇزىندەگى ەڭ كولەمدى جەلىدە وقىتۋعا تىرەك بولىپ، جۇقپالى اۋرۋعا قارسى تۇرۋ، جالپى بەتتىك، ٴتارتىپتى تۇردە ۇيرەنۋدى، ساباق باستاۋدى قالپىنا كەلتىرۋگە ماڭىزدى ۇلەس قوستى. شي جينپيڭ ج ك پ ورتالىق كوميتەتى اتىنان ەمدەۋ، ٴدارى-دارمەك، دەنساۋلىق ساقتاۋ سالاسىنداعى مۇشەلەردەن، وقۋ-اعارتۋ سالاسىنداعى مۇشەلەردەن، بۇكىل ەلدەگى قالىڭ ەمدەۋ قىزمەتكەرلەرى مەن وقۋ-اعارتۋ قىزمەتكەرلەرىنەن شىنايى حال سۇرادى.

شي جينپيڭ مىنالاردى اتاپ كورسەتتى: حالىقتىڭ سالاماتتىعى-قوعامدىق وركەنيەتتىڭ العا باسۋىنىڭ نەگىزى، ۇلتتىڭ گۇلدەنىپ-كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى. وسى رەتكى جاڭا تيپتى ايدارشا ۆيرۋسپەن جۇعىمدالعان وكپە قابىنۋىنا قارسى تۇرۋداعى اماليات: الدىن الۋ ەڭ ارزان، ەڭ ٴونىمدى دەنساۋلىق ساقتاۋ تاكتيكاسى ەكەندىگىن تاعى ٴبىر رەت دالەلدەدى. تاجىريبەلەردى قورىتىندىلاپ، ساباق قابىلداپ، جۇقپالى اۋرۋدان ساقتانۋ جانە ونى تىزگىندەۋدى ۇدايىلاندىرۋمەن بىرگە، اناعۇرلىم دالمە-ٴدال، اناعۇرلىم ٴونىمدى تۇردە ساقتانۋدى تياناق ەتىپ، ساقتانۋ قامالىن الدىعا جىلجىتىپ، اۋرۋدان ساقتانۋ جانە ونى تىزگىندەۋ جۇيەسىنە رەفورما جاساپ جانە ونى كەمەلدەندىرىپ، الەۋمەتتىك دەنساۋلىق ساقتاۋداعى اۋىر حاۋىپ-قاتەرلەرگە تۇجىرىم جاساۋ، شەشىم جاساۋ مەحانيزمىن كەمەلدەندىرىپ، ەمدەۋ مەن قورعانۋدىڭ سايكەسۋ مەحانيزمىندە جاڭالىق اشىپ، بىرلەسىپ ساقتانۋ، بىرلەسىپ تىزگىندەۋ مەحانيزمى مەن قاتەرلى جۇقپالى اۋرۋلاردان ساقتانۋ جانە ونى ەمدەۋ مەحانيزمىن اقاۋسىزداندىرىپ، ەرتە باقىلاۋ، ساقتاندىرۋ قابىلەتىن، تەز تەكسەرۋ قابىلەتىن، شۇعىل جاعدايعا توتەپ بەرۋ، ٴبىر جاقتى ەتۋ قابىلەتىن، قۇتقارۋ-ەمدەۋ قابىلەتىن كۇشەيتىپ، وتانشىلدىق تازالىق قيمىلىن ىشكەرىلەي ورىستەتىپ، قاتەرلى اۋرۋلاردان تۋ باستان ساقتانۋ جانە ونى تىزگىندەۋ كەرەك.

شي جينپيڭ مىنالاردى باسا دارىپتەدى: وسى رەتكى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە قارسى تۇرۋدا ۇكىمەت باسقارۋىنداعى دوحتىرحانالار ەڭ شۇعىل، ەڭ قاتەرلى، ەڭ جاپالى ەمدەۋ-قۇتقارۋ قىزمەتىن ارقالاپ، نەگىزگى قوسىندىق رولىن ساۋلەلەندىردى. ۇكىمەت باسقارۋىنداعى ەمدەۋ، دەنساۋلىق ساقتاۋ قۇرىلىمدارى قۇرىلىسىنىڭ تەبىنىن ارتتىرىپ، اۋدان كولەمىندەگى ەمدەۋ ورتاق تۇلعاسى قۇرىلىسىن ىلگەرىلەتىپ، نەگىزگى ساتىنىڭ نەگىزدىك قۇرىلعى شارت-جاعدايىن جاقسارتىپ، اۋىل-قىستاق دوحتىرلارىنىڭ مامىلەسىن تياناقتاندىرىپ، نەگىزگى ساتىنىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قابىلەتىن جوعارىلاتۋ كەرەك. ەمدەۋ، ٴدارى-دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، ساتىلار بوينشا ەمدەۋ ٴتۇزىمى، وسى زامانعى دوحتىرحانا باسقارۋ ٴتۇزىمى، جالپى حالىقتىق ەمدەلۋدى قامسىزداندىرۋ ٴتۇزىمى، ٴدارى-دارمەكپەن قامداۋدى قامتاماسىزداندىرۋ ٴتۇزىمى، جالپىلىق باقىلاۋ-باسقارۋ ٴتۇزىمى سياقتى جاقتاردا تىڭ تابىستارعا قول جەتكىزۋگە قۇلشىنۋ كەرەك. جۇڭگوشا ەمدەۋ مەن ٴدارى-دارمەكتى دۇرىس جولدان تايماي جاڭالىق اشۋ، مۇراگەرلىك ەتىپ دامىتۋ قىزمەتىن ويداعىداي ىستەپ، جۇڭگوشا ەمدەۋ مەن ٴدارى-دارمەكتىڭ ەرەكشەلىگىنە ۇيلەسەتىن قىزمەت وتەۋ جۇيەسىن، قىزمەت وتەۋ ۇلگىسىن، باسقارۋ ۇلگىسىن، دارىندىلاردى تاربيەلەۋ ۇلگىسىن ورناتىپ، ٴداستۇرلى جۇڭگوشا ەمدەۋ پەن ٴدارى-دارمەكتىڭ رولىن ساۋلەلەندىرۋگە مۇمكىندىك جاساۋ كەرەك. جۇڭگوشا، باتىسشا دارىلەردىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋىن ەمدەۋ جاعىنداعى ونىمدىلىگىن عىلمي قورىتىندىلاپ جانە باعالاپ، جۇڭگوشا ەمدەۋ دارىلەرىنىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋىن ەمدەۋدەگى شيپالىلىعىن عىلمي ادىسپەن ٴتۇسىندىرۋ كەرەك. شەشۋشى، وزەكتى تەحنيكالاردان قامال الۋدى كۇشتى شوعىرلاندىرا وتىرىپ ورىستەتىپ، ٴدارى-دارمەك، ەمدەۋ اسپاپتارى، مەديتسينالىق جابدىقتار، ۆاكسينا سياقتى سالالارداعى «شەشۋشى» ماسەلەلەردى جەدەل شەشۋ كەرەك. ەمدەۋ قامسىزداندىرۋى رەفورماسىنىڭ تەبىنىن ۇزدىكسىز ارتتىرىپ، ٴدارى-دارمەكتى شوعىرلى، مولشەرلى ساتىپ الۋدى ۇدايىلاندىرىپ، تۇزىمدەندىرىپ ورىستەتىپ، قاتەرلى، ەرەكشە قاتەرلى اۋرۋلاردى ەمدەۋ قامسىزداندىرۋى مەن قۇتقارۋ-كومەك بەرۋ ٴتۇزىمىن اقاۋسىزداندىرىپ، ەمدەۋ قامسىزداندىرۋى قورىن باقىلاۋ-باسقارۋ ٴتۇزىمى رەفورماسىن تەرەڭدەتىپ، حالىق بۇقاراسىنىڭ «ٴومىردى قامسىزداندىرۋ اقشاسىن»، «قۇتقارۋ اقشاسىن» ويداعىداي ساقتاۋ كەرەك.

شي جينپيڭ مىنالاردى اتاپ كورسەتتى: قالىڭ ەمدەۋ قىزمەتكەرلەرى-حالىقتىڭ ٴومىرى مەن دەنساۋلىعىنىڭ قورعاۋشىسى. ىندەتكە قارسى تۇرۋدىڭ ۇلى رۋحىن بارىنشا ساۋلەلەندىرىپ، ىندەتكە قارسى تۇرۋداعى ىزگى ىستەر مەن ٴداۋىر ۇلگىلەرىن ىشكەرىلەي ۇگىتتەپ، تۇتاس قوعامدا شيپاگەرلەردى قۇرمەتتەپ، دەنساۋلىق ساقتاۋعا ٴمان بەرەتىن تاماشا اۋقىم قالىپتاستىرۋ كەرەك. ەمدەۋ قىزمەتكەرلەرىن قورعاۋدى، ولارعا كوڭىل ٴبولۋدى، ولاردى ايالاۋدى كۇشەيتىپ، ەمدەۋ قىزمەتكەرلەرىنىڭ قوعامدىق ورنىن جوعارىلاتىپ، دوحتىرحانانىڭ اماندىق ساقتاۋ قۋاتى مەن قۇرىلعى قۇرىلىسىن كۇشەيتىپ، قاساقانا ەمدەۋ داۋ-شارىن تۋدىرۋ ارقىلى زاڭسىز پايداعا كەنەلۋشىلەر مەن دوحتىرلاردى زورلىقتى كۇشپەن جارالاۋ ارەكەتىنە زاڭ بويىنشا قاتاڭ سوققى بەرۋ كەرەك. قالىڭ ەمدەۋ قىزمەتكەرلەرى شيپاگەرلىك ٴمورال، شيپاگەرلىك ستيل، شيپاگەرلىك جولىنا قاتاڭ بويسۇنىپ، شيپاگەرلىك ٴمورالدى جەتىلدىرىپ، قايىرىمدى بولىپ، جاپا-ماشاقاتقا شىداپ،دەنساۋلىق جاعىنان حالىق بۇقاراسىنا اناعۇرلىم ساپالى، جوعارى ٴونىمدى قىزمەت كورسەتۋگە قۇلشىنۋ كەرەك.

 شي جينپيڭ مىنالاردى باسا دارىپتەدى: وقۋ-اعارتۋ-مەملەكەتتىڭ ۇلى ٴىسى، پارتيانىڭ ۇلى ٴىسى. پارتيا مەن مەملەكەت ىستەرىنىڭ دامۋ جالپى جاعدايى تۇرعىسىنان، پارتيا ٴۇشىن ادام تاربيەلەۋدەن، مەملەكەت ٴۇشىن دارىندى جەتىلدىرۋدەن جازباي، ٴمورال ارقىلى ادام تاربيەلەۋدى يدەيا-ٴمورال تاربيەسىنىڭ، مادەنيەت-بىلىم تاربيەسىنىڭ، قوعامدىق اماليات تاربيەسىنىڭ ٴارقايسى بۋىندارىمەن توعىستىرىپ، نەگىزدىك وقۋ-اعارتۋدىڭ، كاسىپتىك وقۋ-اعارتۋدىڭ، جوعارى دارەجەلى وقۋ-اعارتۋدىڭ ٴار سالاسىمەن ساباقتاستىرىپ، ٴپان جۇيەسى، وقىتۋ جۇيەسى، وقۋلىق جۇيەسى جانە باسقارۋ جۇيەسى قۇرىلىستارىنىڭ ٴار جاعىندا ايگىلەپ، تامىر تارتقىزىپ، رۋح سومداپ، اقىل-پاراساتتى تاسقىنداتۋ كەرەك. ەلىمىزدىڭ رەفورما، دامۋ ٴامالياتىندا جاڭا كوزقاراس العا قويىپ، جاڭا نازاريا قالىپتاستىرىپ، جۇڭگوشا ەرەكشەلىككە، جۇڭگوشا ستيلگە، جۇڭگوشا سالاۋاتقا يە پاندەر جۇيەسىن، عىلمي جۇيەنى جانە ٴسوز سويلەۋ جۇيەسىن قۇلشىنا قۇرۋ كەرەك. جوعارى ساپالى وقۋ-اعارتۋ جۇيەسىن قۇرۋدى وزەك ەتىپ، وقۋ-اعارتۋ ارقىلى رەفورمانى باعالاۋدى باستاما ەتىپ، ادام تاربيەلەۋ ٴتاسىلى، مەكتەپ باسقارۋ ۇلگىسى، باسقارۋ ٴتۇزىلىسى، قامتاماسىزداندىرۋ مەحانيزمى رەفورمالارىن ٴبىر تۇتاس ىلگەرىلەتۋ كەرەك. وقۋ-اعارتۋدىڭ جاڭالىق اشا دامۋعا قىزمەت كورسەتۋ قابىلەتىن كۇشەيتىپ، جوعارى ساپالى دامۋعا ۇيلەسە الاتىن، جوعارى دەڭگەيدە ٴوز كۇشىنە سۇيەنىپ، ٴوزىن الۋەتتەندىرەتىن ٴارسالا دارىندىلارىن كوپتەپ باۋلىپ شىعۋ كەرەك. بۇقارانىڭ اڭىسى كۇشتى بولعان كورنەكتى ماسەلەلەر مەن وقۋ-اعارتۋدى جەلەۋ ەتىپ بۇقارانىڭ مۇددەسىنە زيان جەتكىزگەن ارەكەتتەرگە قاداعالاي نازار اۋدارىپ، باتىل تۇزەتۋ، تۇبىرىنەن وڭاۋ كەرەك.

شي جينپيڭ مىنالاردى اتاپ كورسەتتى: وقىتۋشىلار وقۋ-اعارتۋ قىزمەتىنىڭ تىرەكتى كۇشى. جوعارى ساپالى وقىتۋشىلار بولعاندا عانا جوعارى ساپالى وقۋ-اعارتۋ جۇرگىزىلەتىن بولادى. جاقسى وقىتۋشى بولۋ ٴۇشىن، ٴبىلىم بەرىپ، ادام تاربيەلەۋدەن جالىقپاۋ، وقۋ-اعارتۋدى قىزۋ سۇيەتىن تاباندىلىق، اتاق-ابىرويعا بوي ۇرمايتىن قاراپايىمدىلىق بولۋ، مۇرات-سەنىم، ٴمورالدىق قاسيەت، كاسىپتىك ماعلۇمات جانە مەيىرىم بولۋى كەرەك. يدەيا-ساياسي نازاريا ساباعى وقىتۋشىلارى ساياسيدا مىعىم، سۇيىسپەنشىلىگى تەرەڭ، ويى جاڭا، كوز اياسى كەڭ، ٴوزىن تەجەۋى قاتاڭ، ادامگەرشىلىگى دۇرىس بولۋى كەرەك. وقىتۋشىلىق ٴمورال، ۇستازدىق قاسيەت قۇرىلىسىن ماڭداي الدى ورىنعا قويىپ، قالىڭ وقىتۋشىلاردى اعا بۋىن وقۋ-اعارتۋ قىزمەتكەرلەرىنىڭ «وقۋ اعارتۋ ىستەرىنە ادال بولۋ» رۋحىنا مۇراگەرلىك ەتۋگە، ونى ساۋلەلەندىرۋگە جەتەكتەپ، وقۋ-اعارتۋ ىستەرىنە ادال نيەتپەن، ۇلەس قوسۋ نيەتىمەن، مەيىرباندىقپەن ات سالىسۋ كەرەك. ورتا-باتىس بولەكتەردەگى دامۋدا كەنجە قالعان رايونداردىڭ وقىتۋشىلاردى باعىتتامالى تاربيەلەۋىن جانە دالمە-ٴدال تاربيەلەۋىن كۇشەيتىپ، اۋىل-قىستاق وقىتۋشىلارىن قولداۋ جوسپارىن ىشكەرىلەي اتقارۋ كەرەك. بۇكىل پارتيادا، تۇتاس قوعامدا وقىتۋشىلاردى قۇرمەتتەپ، وقۋ-اعارتۋعا ٴمان بەرەتىن قوعامدىق سالتتى بارىنشا ساۋلەلەندىرىپ، تاڭداۋلى دارىندىلار باسەكەلەسە وقىتۋشىلىقپەن شۇعىلداناتىن، قالىڭ وقىتۋشىلار ٴوز قابىلەتىن ساۋلەلەندىرەتىن، جاقسى وقىتۋشىلار ۇزدىكسىز جارىققا شىعاتىن تاماشا جاعدايدىڭ قالىپتاسۋىن جەبەۋ كەرەك.

شي جينپيڭ مىنالاردى باسا دارىپتەدى: ەلىمىزدىڭ ايەلدەر قاۋىمى جاڭا داۋىردەگى جۇڭگوشا سوتسياليزم ىستەرىنە بەلسەنە ات سالىسىپ، جەلەكتىلەردىڭ اسقاق سۇيىسپەنشىلىك جانە قۇلشىنىسى ارقىلى «جارتى الەمدىك» ماڭىزدى رولدارىن ساۋلەلەندىردى. اسىرەسە، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ، جاڭا تيپتى ايدارشا ۆيرۋسپەن جۇعىمدالعان وكپە قابىنۋىنا توتەپ بەرۋدەي ٴارقايسى شەپتەردە قالىڭ ايەلدەر ەرلىكپەن العا ۇمتىلىپ، قايسارلىقپەن كۇرەس جۇرگىزىپ، جاڭا داۋىردەگى ايەلدەردىڭ كەلبەتىن تولىق ايگىلەدى.

شي جينپيڭ مىنالاردى اتاپ كورسەتتى: پارتيا مەن مەملەكەتتى دامىتۋ ۇلى جوباسىن جۇزەگە اسىرۋ ٴۇشىن ايەلدەر قاۋىمىن قامتىعان بارلىق جۇڭحۋا ۇلاندارى بىرگە كۇرەس جۇرگىزۋى قاجەت. ايەلدەر قاۋىمىنىڭ ۇلى ىستەردىڭ قۇرۋشىسى، وركەنيەتتى سالتتىڭ دارىپتەۋشىسى، ارمانعا تالپىنۋدىڭ كۇرەسكەرى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋلارىن ٴۇمىت ەتەمىن. ٴار دارەجەلى ايەلدەر بىرلەستىگى ۇيىمدارى ايەلدەر قاۋىمىن پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋدەي ساياسي جاۋاپكەرلىكتى ارقالاپ، ايەلدەر قاۋىمىنىڭ تاريحي جاۋاپكەرلىك سەزىمى مەن قوجايىندىق رۋحىن تاسقىنداتىپ، ەلىمىز ايەلدەر ىستەرىنىڭ دامۋىن ىلگەرىلەتۋگە تىڭ ۇلەس قوسۋلارى كەرەك. ٴار دارەجەلى پارتكومدار مەن ۇكىمەتتەر ايەلدەر ٴىسىن دامىتۋدىڭ، ايەلدەر قىزمەتىن ويداعىداي ىستەۋدىڭ كەلەلى ٴمانىن جەتە تانىپ، ٴمان بەرۋ، كوڭىل ٴبولۋ، قولداۋ تەبىنىن ارتتىرىپ، ايەلدەردىڭ ۇقىق-مۇددەسىنە زيان جەتكىزەتىن زاڭعا قايشى قىلمىستى ارەكەتتەرگە قاتاڭ سوققى بەرىپ، ايەلدەردىڭ ۇقىق-مۇددەسىن زاڭ بويىنشا قورعاۋلارى ٴتيس.

ديڭ شۋەشياڭ، جاڭ چيڭلي، ۋان گاڭ، لۋ جانگۇڭ، لي بين قاتارلىلار بىرىككەن گرۋپپا ماجىلىسىنە قاتىناستى.

来源：中央广播电视总台

微信制作：古丽美热