ينفورماتسيا اشكەرەلەۋ: mzjubao@cnr.cn

باس حابار

شي جينپيڭ چيڭحۋا ۋنيۆەرسيتەتىندە قىزمەت تەكسەردى

来源:央广网     |责编:古丽美热·霍孜汗|     发布日期: 2021-04-20 11:23

شي جينپيڭ چيڭحۋا ۋنيۆەرسيتەتىندە قىزمەت تەكسەرگەندە جۇڭگوشا ەرەكشەلىككە يە دۇنيە بويىنشا ۇزدىك ۋنيۆەرسيتەت قۇرۋ نىساناسى مەن باعىتىنا تاباندى بولىپ، مەملەكەتتىڭ باي، قۇدىرەتتى بولۋى، ۇلتتىڭ كوركەيۋى، حالىقتىڭ باقىتى ٴۇشىن قىزمەت وتەۋگە ۇلەس قوسۋ كەرەك،-دەپ باسا دارىپتەدى، ۋاڭ حۋنيڭ قىزمەت تەكسەرۋدە بىرگە بولدى

ٴوز حابارىمىز. چيڭحۋا ۋنيۆەرسيتەتى قۇرىلعاندىعىنىڭ 110 جىلدىعى قارساڭىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چيڭحۋا ۋنيۆەرسيتەتىندە قىزمەت تەكسەردى. شي جينپيڭ پارتيا ورتالىق كوميتەتى اتىنان چيڭحۋا ۋنيۆەرسيتەتىندەگى بارلىق وقىتۋشى-وقۋشىلارعا، جۇمىسشى-قىزمەتكەرلەرگە جانە ەل ٴىشى-سىرتىنداعى مەكتەپتەستەرگە مەرەكەلىك ىزگى تىلەك، بۇكىل ەلدەگى قالىڭ جاس وقۋشىلارعا شىنايى سالەم جولدادى. 

شي جينپيڭ مىنالاردى باسا دارىپتەدى: عاسىرلىق ۇلى جوسپار وقۋ-اعارتۋدى نەگىز ەتەدى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ەلىمىز جالپى بەتتىك سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. پارتيا مەن مەملەكەت ىستەرىنىڭ دامۋىنىڭ جوعارى دارەجەلى وقۋ-اعارتۋعا بولعان قاجەتى، عىلمي بىلىمدەر مەن تاڭداۋلى دارىندىلارعا بولعان قاجەتى بۇرىنعى ٴارقانداي كەزدەگىدەن دە كوكەيتەستى بولا ٴتۇستى. ٴبىز قۇراتىن دۇنيە بويىنشا ۇزدىك ۋنيۆەرسيتەت-جۇڭگوشا سوتسياليزمدىك ۋنيۆەرسيتەت بولادى، ەلىمىزدىڭ سوتسياليستىك وقۋ-اعارتۋى-احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارىن جەتىلدىرەدى. ەلىمىزدىڭ جوعارى دارەجەلى وقۋ-اعارتۋىندا جۇڭحۋا ۇلتىنىڭ ۇلى كوركەيۋى ستراتەگياسىنىڭ جالپى جاعدايىن جانە دۇنيە جۇزىندە ٴجۇز جىلدان بەرى بولماعان زور وزگەرىس جاعدايىن تياناق ەتۋ؛ «مەملەكەتتىڭ زور ٴىسىن» كوكەيگە ٴتۇيۋ؛ اۋقىمدى يگەرىپ، جاۋاپكەرشىلىكتى باتىلدىقپەن ارقالاپ، شەبەرلىكپەن ناتيجە جاراتىپ، مەملەكەتتىڭ بايىپ-قۇدىرەتتەنۋى، ۇلتتىڭ كوركەيۋى، حالىقتىڭ باقىتى ٴۇشىن قىزمەت ەتۋگە ۇلەس قوسۋ كەرەك. قالىڭ جاستار تاريحي بورىشتى ارقالاۋ، العا باسۋ سەنىمىن بەكەمدەۋ، ۇلى مۇرات ورناتۋ، ۇلى ٴمورالدى ايقىنداۋ، ەگەي دارىندى بولىپ، اۋىر مىندەتتى ۇستىگە الۋ؛ ۇلتتىڭ كوركەيۋى سىندى ۇلى مىندەتتىڭ ۇدەسىنەن شىعا الاتىن ٴداۋىردىڭ جاڭا ادامدارى بولۋعا قۇلشىنۋ؛ جاستىق كوكتەمدەرىن وتان ٴۇشىن، ۇلت ٴۇشىن، حالىق ٴۇشىن، ادامزات ٴۇشىن قاجىماي-تالماي كۇرەس جۇرگىزۋ بارىسىندا قۇلپىرتا ٴتۇسۋى كەرەك.

 

تۇستەن بۇرىن ساعات 9 دان 30 مينۋت وتكەندە، شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭنىڭ، چيڭحۋا ۋنيۆەرسيتەتى پارتكومىنىڭ شۋجيى چىن شۇي جانە مەكتەپ باستىعى چيۋ يۇڭنىڭ سەرىك بولۋىندا، الدىمەن اسەمونەر ينستيتۋتىنا كەلىپ، اسەمونەر ينستيتۋتىنىڭ مەكتەپ مەرەكەسىندىك ەرەكشە كورمەسىن تاماشالادى. اسەمونەر كورمە سارايىنداعى كورمە تاقتاسىندا سۋرەتتەر مەن قۇسنيحاتتار جايناتا تىزىلگەن، كورمەگە قويىلعان ٴار ٴبىر اسەمونەر تۋىندىسى بولەك بوگەنايلى وزىندىك ەرەكشەلىكتەرىمەن كوز تارتادى. شي جينپيڭ ماڭىزدى تاقىرىپتار جونىندەگى جانە مەملەكەت وبرازى جوبالانعان تۋىندىلار جاراتۋ، كورمەگە قويۋ سياقتى جاعدايلار جونىندەگى تانىستىرۋلاردى ەگجەي-تەگجەيلى ۇعىسىپ، كورمە بۇيىمدارىن زەر سالا كوردى. شي جينپيڭ مىنالاردى انىق ايتتى: اسەمونەر، كوركەمونەر، عىلىم، تەحنيكا ٴبىرىن-ٴبىرى تولىقتاپ، ٴبىرىن-ٴبىرى جەبەپ وتىرادى. اسەمونەردىڭ ەكونوميكالىق، قوعامدىق دامۋعا قىزمەت وتەۋدەگى ماڭىزدى رولىن ساۋلەلەندىرۋ؛ ٴتىپتى دە مول اسەمونەر فاكتورلارىن، كوركەمونەر فاكتورلارىن قالا مەن اۋىلدىڭ جوبا قۇرىلىسىنا قولدانا ٴبىلۋ؛ قالا مەن اۋىلدىڭ ەستەتيكالىق ەرەكشەلىگىن، مادەنيەت تارتىمدىلىعىن ارتتىرۋ ارقىلى اسەمونەر جەتىستىكتەرىن حالىق بۇقاراسىنىڭ جوعارى ساپالى تۇرمىس قاجەتىنە اناعۇرلىم ويداعىداي قىزمەت ەتتىرۋ كەرەك. مادەنيەت سەنىمىن نىعايتۋ، اسەمونەردى دانەكەر ەتە حالىقارالىق مادەنيەت اۋىس-كۇيىسىن كۇشەيتۋ كەرەك. 

چيڭحۋا ۋنيۆەرسيتەتىنىڭ كەسكىندەۋ جانە زەيىندەستىرۋ تەحنيكا تاجىريبەحاناسى 2001-جىلى قۇرىلعان، نەگىزىنەن ەسەپتەۋ، كەسكىنگە الۋ، مي زەرتتەۋ عىلىمى جانە جاساندى زەيىن حالىقارالىق وزىق ايقاسپالى عىلىمى سياقتى نەگىزدىك نازاريالار مەن شەشۋشى تەحنيكالاردى زەرتتەۋدى ورىستەتەدى. شي جينپيڭ وسى اراعا كەلىپ، كورمە تاقتاسىنان، ەلەكتروندىق ەكراننان تاجىريبەحانانىڭ كومپيۋتەر لازەر عىلىمى، مي زەرتتەۋ عىلىمى جانە جاساندى زەيىن ايقاسپالى عىلمي تاجىريبەسىن زەرتتەۋ، سونداي-اق جاڭا عىلىم-تەحنيكالاردى تاپقىرلاۋ، قولدانۋ جاعدايى جونىندەگى كورمەلىك ورنالاستىرۋلاردى كوردى، تاجىريبەحانانىڭ نازاريالىق زەرتتەۋ، تەحنيكالىق قامال الۋ، جەتىستىكتەردى كادەگە جاراتۋ، قولدانۋ سياقتى جاعدايلارى جونىندەگى تانىستىرۋدى تىڭدادى. شي جينپيڭ مىنالاردى انىق ايتتى: جۇڭگونىڭ وقۋ-اعارتۋى ۇلى ۇستازداردى تاربيەلەپ شىعا الادى. بىزدە وسىنداي سەنىم بولۋى، كوز ايانى كەڭەيتىپ، بارلىق ٴبىلىمدى قابىلداپ، ٴبىلىم قوردى مولىقتىرىپ، جۇڭگو وقۋ-اعارتۋىن تىڭعىلىقتى جۇرگىزۋىمىز كەرەك. كەلەلى ٴتول جاڭالىق جەتىستىكتەرى كوبىنەسە قالىڭ قاتپارلى نەگىزدىك زەرتتەۋدەن، توعىسپالى پاندەر سالاسىنان باستاۋ الادى. ۋنيۆەرسيتەت وسى ەكى جاقتا تابيعي ابزالدىلىققا يە. نەگىزدىك زەرتتەۋگە ۇسىنىلىمدى ۇدەتكەن ارىندى ٴۇرتىس ساقتاۋ؛ ەمىن-ەركىن ىزدەنىس جاساۋعا شابىتتاندىرۋ، قازىرگى نازاريالارعا سىن كوزبەن قاراۋعا، جاڭا بەتالىس اشۋعا باتىل بولۋ كەرەك.

 

چيڭحۋا ۋنيۆەرسيتەتى نەگىزگى عيماراتىنىڭ 2-قاباتىندا مەكتەپتىڭ تاياۋ جىلداردان بەرگى ٴتۇيىندى وقىتۋ عىلمي زەرتتەۋ جەتىستىكتەرى كورمەگە قويىلعان. شي جينپيڭ دەربەس جاڭالىق جاراتۋ قابىلەتىن كۇشەيتۋ، دۇنيە جۇزىلىك نەگىزگى عىلىم ورتالىعىن جانە جاڭالىق جاراتۋ بيىك بەلەسىن قالىپتاستىرۋ قۇرىلىسىنا دەم بەرۋ، گۋمانيتارلىق سوتسيولوگيا عىلىمى وقۋ-اعارتۋىن زەرتتەۋ دەڭگەيىن جوعارىلاتۋ سياقتى جاعدايلار جونىندەگى تانىستىرۋدى تىڭداپ، چيڭحۋا ۋنيۆەرسيتەتىنىڭ قول جەتكىزگەن تابىستارىن تولىق تۇراقتاندىردى. شي جينپيڭ مىنالاردى انىق ايتتى: جۇڭگوشا سوتسياليستىك وقۋ-اعارتۋدى دامىتۋ جولىنا تاباندى بولۋ؛ عىلمي زەرتتەۋ ابزالدىلىعىن تولىق ساۋلەلەندىرۋ؛ پاندەردى ورنالاستىرۋ باعىتتامالىلىعىن كۇشەيتۋ؛ نەگىزدىك زەرتتەۋگە كۇش سالۋ؛ دەربەس جاڭالىق جاراتۋ تەبىنىن ارتتىرۋ ٴارى ەلىمىزدىڭ رەفورما، دامۋ امالياتى بارىسىندا جاڭا كوزقاراستى العا قويۋ، جاڭا نازاريا ورناتۋ ارقىلى جۇڭگوشا ەرەكشەلىككە، جۇڭگوشا ستيلگە، جۇڭگوشا جىگەرگە تولى پاندەر جۇيەسىن، عىلمي جۇيەنى، ٴسوز سويلەۋ جۇيەسىن قۇلشىنا ورناتۋ كەرەك. 

 

نەگىزگى عيماراتتىڭ 2-قاباتىنداعى زالدا شي جينپيڭ ٴبىر ٴبولىم ساقا پروفەسسورلاردىڭ، ورتا جاس جانە جاس تىرەكتى وقىتۋشىلاردىڭ ۋاكىلدەرىمەن امانداستى ٴارى ولارمەن ىقىلاستى اڭگىمەلەستى. شي جينپيڭ وقىتۋ، عىلمي زەرتتەۋ ورىندارىندا جاپاكەشتىكپەن ەڭبەكتەنىپ، قاجىرلىلىقپەن ۇلەس قوسىپ، ەلەۋلى ەڭبەك سىڭىرگەن وقىتۋشىلارعا العىس ايتتى، ساقا پروفەسسورلارعا قۇرمەت ٴبىلدىردى، ورتا جاستاعى-جاس وقىتۋشىلارعا دەم بەرىپ، ولاردى دارىندى تاربيەلەۋ جانە عىلمي زەرتتەۋ، جاڭالىق جاراتۋ جاعىندا ۇزدىكسىز تىڭ ىلگەرىلەۋشىلىككە قول جەتكىزۋگە شابىتتاندىردى. ول مىنالاردى باسا دارىپتەدى: چيڭحۋا ۋنيۆەرسيتەتى تالىقپاي تالپىنا الۋەتتەنۋ، ٴمورالدى دا دارىندى تۇلعالاردى جەتىلدىرۋدەي مەكتەپ ٴتالىمىن ۇستانىپ، رەفورمانى تەرەڭدەتىپ، جاڭالىق جاراتۋدى جەدەلدەتىپ، ٴتۇرلى وقىتۋ-زەرتتەۋ ىستەرىن قارىشتاتا دامىتىپ، عىلمي زەرتتەۋدە جاڭالىق جاراتۋ جەتىستىكتەرى مەن مەملەكەتتىڭ دامۋ قاجەتىن ٴوزارا قابىستىرىپ، چيڭحۋالىقتاردىڭ باتىلدىعى مەن جاۋاپكەرشىلىگىن ايگىلەدى. بولاشاققا بەت العاندا، چيڭحۋا ۋنيۆەرسيتەتى ٴمورال ارقىلى دارىندى تاربيەلەۋدى ٴتۇبىرلى مىندەت ەتۋگە تاباندى بولۋ؛ مەملەكەتكە قىزمەت ەتۋدى ەڭ جوعارى تالپىنىس، ٴپان قۇرىلىسىن دامۋدىڭ نەگىزى، رەفورمانى تەرەڭدەتۋدى قۇدىرەتتى قوزعاۋشى كۇش، پارتيا قۇرىلىسىن كۇشەيتۋدى پارمەندى كەپىل ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا مەن مەملەكەت ىستەرىنىڭ دامۋى ٴۇشىن دارىندى تاربيەلەپ، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋعا، ادامزات وركەنيەتىنىڭ العا باسۋىن ىلگەرىلەتۋگە تىڭ دا اناعۇرلىم زور ۇلەس قوسۋى كەرەك. 

 

مەكتەپ اۋلاسىنىڭ باتىس سولتۇستىگىندەگى باتىس دەنە تاربيە سارايى چيڭحۋا ۋنيۆەرسيتەتىنىڭ العاشقى كەزدەگى ٴتورت ۇلكەن قۇرىلىسىنىڭ ٴبىرى. دەنە تاربيە سارايىنىڭ ىشىندەگى باسكەتبول الاڭىندا مەكتەپتىڭ باسكەتبول سپورتشىلارى جاتتىعۋ جاساپ جاتىر. شي جينپيڭ دەنە تاربيە سارايىنا كىرىپ، ولارمەن ىقىلاستى اڭگىمەلەستى. شي جينپيڭ بىلاي دەدى: دەنە تاربيەگە ٴمان بەرۋ-چيڭحۋا ۋنيۆەرسيتەتىنىڭ داڭقتى ٴداستۇرى، ساباقتاستاردىڭ چيڭحۋا ۋنيۆەرسيتەتىنىڭ تاماشا ۇيرەنۋ ستيلى مەن دەنە تاربيە ٴداستۇرىن ويداعىداي ساۋلەلەندىرىپ، ٴمورال، اقىل-وي، دەنە، ەستەتيكا، ەڭبەك جاعىنان جان-جاقتى دامۋعا تاباندى بولىپ، وتان قۇرىلىسىنىڭ تىرەكتى دارىندىلارى بولۋعا قۇلشىنۋىن ٴۇمىت ەتەمىن. وسىدان كەيىن شي جينپيڭ دەنە تاربيە داڭق بولمەسىندە تاريحي سۋرەتتەر مەن ناقتى زاتتار كورمەسىن كورىپ، دەنە تاربيە سارايىن قورعاۋ، پايدالانۋ، مەكتەپتىڭ تاڭداۋلى داستۇرىنە مۇراگەرلىك ەتۋ، ساۋلەلەندىرۋ، دەنە تاربيە وقىتۋىن ورىستەتۋ سياقتى جاعدايلاردى ۇعىستى.

ساعات 11 دەن 20 مينۋت وتكەندە، شي جينپيڭ چيڭحۋا ۋنيۆەرسيتەتى باتىس دەنە-تاربيە سارايىنىڭ ارتقى سارايىنا كەلىپ، وقىتۋشى-وقۋشىلار ۋاكىلدەرىنىڭ اڭگىمە ماجىلىسىنە قاتىناستى. چيڭحۋا ۋنيۆەرسيتەتى پارتكومىنىڭ شۋجيى چىن شۇي، مەكتەپ باستىعى چيۋ يۇڭ، قۇرىلىس فاكۋلتەتىنىڭ وقىتۋشىسى نيە جيانگو، الەۋمەتتىك باسقارۋ ينستيتۋتىنىڭ وقىتۋشىسى مەي سىشي، ونەركاسىپ-فيزيكا فاكۋلتەتىنەن بيىل بىتىرەتىن دوكتور سۇن چيميڭ، گۋمانيتارلىق ينستيتۋتتىڭ 2-جىلدىق تولىق كۋرس وقۋشىسى لي رۇنفىڭ جەكە-جەكە ٴسوز سويلەدى. شي جينپيڭ ولاردىڭ ٴسوزىن مۇقيات تىڭدادى، ناق مايدان كوڭىلدى، دۋماندى بەينەگە شومدى. 

 

سوڭىندا شي جينپيڭ ماڭىزدى ٴسوز سويلەدى. ول مىنالاردى اتاپ كورسەتتى: چيڭحۋا ۋنيۆەرسيتەتى مەملەكەت پەن ۇلتتىڭ قيىن-قىستاۋ ساتىندە دۇنيەگە كەلگەن، مەملەكەت پەن ۇلتتىڭ ەكپىندەي ىلگەرىلەۋى بارىسىندا ەسەيىپ-ەرجەتكەن، مەملەكەت پەن ۇلتتىڭ گۇلدەنۋى كەزىندە دامىعان. 110 جىلدان بەرى، چيڭحۋا ۋنيۆەرسيتەتى جۇڭگونىڭ بايتاق دالاسىنا تەرەڭ تامىر تارتىپ، وتاندى ٴسۇيۋ، ۇلەس قوسۋ، ۇزدىك بولۋعا ۇمتىلۋ سىندى داڭقتى ٴداستۇردى جەتىلدىرىپ، ٴارى قىزىل، ٴارى ماماندانعان، جاپپاي دامىعان ٴبىلىم بەرىپ، ادام تاربيەلەۋ ەرەكشەلىگىن قالىپتاستىرىپ، مەملەكەتكە، ۇلتقا، حالىققا ۇلكەن مىندەت وتەيتىن قىرۋار ۇزدىك دارىندىلار تاربيەلەپ بەردى. بۇل چيڭحۋالىقتاردىڭ ۇرپاقتان-ۇرپاققا جالعاسقان قاجىرلىلىقپەن كۇرەس جۇرگىزىپ، بيىك شىڭعا ەرلىكپەن شىعىپ، ۇزدىك بولۋعا تالپىنۋىنىڭ ناتيجەسى. 

 

شي جينپيڭ مىنالاردى باسا دارىپتەدى: چيڭحۋا ۋنيۆەرسيتەتىنىڭ دامۋ بارىسى-ەلىمىزدىڭ جوعارى دارەجەلى وقۋ-اعارتۋى دامۋىنىڭ جاندى دا ىقشام كورىنىسى. جاڭا جۇڭگو قۇرىلعاننان بەرى، ەلىمىزدىڭ جوعارى دارەجەلى وقۋ-اعارتۋى كىشكەنەدەن ۇلكەيۋ، السىزدەن كۇشەيۋ سىندى ەرەكشە بارىستى باسىپ ٴوتىپ، وقىتۋ كولەمى، تاربيەلەۋ ساپاسى، قىزمەت وتەۋ قابىلەتى تاريحي سەكىرىستى جۇزەگە اسىردى. اسىرەسە، پارتيانىڭ 18-قۇرىلتايىنان بەرى، ەلىمىزدىڭ جوعارى دارەجەلى وقۋ-اعارتۋى وتانمەن، داۋىرمەن بىرگە العا باسىپ، دۇنيەنى جالت قاراتقان دامۋ جەتىستىكتەرىن جاراتتى. 

 

شي جينپيڭ مىنالاردى اتاپ كورسەتتى: ٴبىر مەملەكەتتىڭ جوعارى دارەجەلى وقۋ-اعارتۋ جۇيەسى ۇزدىك ۋنيۆەرسيتەت شوعىرىنىڭ پارمەندى تىرەگىن قاجەت ەتەدى، ۇزدىك ۋنيۆەرسيتەت شوعىرىنىڭ دەڭگەيى مەن ساپاسى جوعارى دارەجەلى وقۋ-اعارتۋ جۇيەسىنىڭ دەڭگەيى مەن ساپاسىن بەلگىلەيدى. ۇزدىك ۋنيۆەرسيتەت قۇرىلىسىندا پارتيانىڭ باسشىلىعىنا، ماركسيزمنىڭ جەتەكشىلىك ورنىنا، پارتيانىڭ وقۋ-اعارتۋ باعىتىن جاپپاي دايەكتىلەندىرىپ، سوتسياليستىك مەكتەپ باسقارۋ باعىتىنا تاباندى بولىپ، تاريحي ورايدى مىقتى يگەرىپ، ٴداۋىردىڭ تامىرىن مىقتاپ ارقاۋ ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرۋعا قىزمەت ەتىپ، عىلىم-تەحنيكا سىندى ٴبىرىنشى وندىرگىش كۇشتى دامىتۋدى، دارىندىلار سىندى ٴبىرىنشى بايلىقتى جەتىلدىرۋدى، جاڭالىق اشۋ سىندى قوزعاۋشى كۇشتى كۇشەيتۋدى اناعۇرلىم ويداعىداي ۇشتاستىرىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنا اناعۇرلىم ويداعىداي قىزمەت ەتۋ كەرەك. 

 

شي جينپيڭ مىنالاردى باسا دارىپتەدى: ۇزدىك بولۋعا تالپىنۋ-ماڭگى شەك بولمايتىن، ۇزدىكسىز قامال الاتىن بارىس، بەتالىستى ايقىنداپ، ٴتۇيىندى كورنەكتىلەندىرۋ كەرەك. ۇزدىك دارىندىلار قوسىنىن جەتىلدىرۋ كەرەك. ۇزدىك ۋنيۆەرسيتەت قۇرۋدىڭ تەتىگى دارىندىلاردى تاربيەلەۋ ساپاسىن ۇزدىكسىز جوعارىلاتۋدا. مەملەكەتتىڭ ويلاعانىن ويلاپ، مەملەكەتتىڭ اسىققانىنا اسىعىپ، مەملەكەتتىڭ قاجەتىنە ساي، دارىندىلاردى تاربيەلەۋ قابىلەتىن جاپپاي جوعارىلاتۋ سىندى ٴتۇيىندى مىقتى يگەرىپ، ٴمورال ارقىلى ادام تاربيەلەۋدى ٴتۇبىرلى مىندەت ەتۋگە تاباندى بولىپ، ۇلتتىڭ گۇلدەنۋى سىندى ۇلى مىندەتتى ارقالايتىن ٴداۋىردىڭ جاڭا ادامدارىن كۇش سالا جەتىلدىرۋ كەرەك. ۇزدىك ۋنيۆەرسيتەت جۇيەسىن ورناتۋ كەرەك. جوعارى دارەجەلى وقۋ-اعارتۋ جۇيەسى ورگانيكالى تۇتاس تۇلعا، ونىڭ ىشكى بولەگىندە ٴبىر-بىرىنە سۇيەنىپ ٴومىر ٴسۇرۋ قاتىناسى بولادى. پاندەردى ٴوزارا توعىستىراتىن قوزعاۋشى كۇشتەن ويداعىداي پايدالانىپ، نەگىزدىك پاندەردى جەتىلدىرۋ قابىلەتىن كۇشەيتىپ، پاندەردىڭ كاسىپتىك قامالىن بۇزىپ، قازىرگى پاندەردىڭ كاسىپتىك جۇيەسىن رەتتەپ، دارەجەسىن جوعارىلاتىپ، عىلىم-تەحنيكانىڭ الدىڭعى لەگىن جانە شەشۋشى سالاسىن كوزدەپ، جاڭا ونەركاسىپ سالاسى، جاڭا مەديتسينا سالاسى، جاڭا اۋىل شارۋاشىلىق سالاسى، جاڭا مادەنيەت سالاسى قۇرىلىسىن ىلگەرىلەتىپ، تاپشى دارىندىلاردى جەدەل باۋلۋ كەرەك. العاشقى جاڭالىق اشۋ قابىلەتىن جوعارىلاتۋ كەرەك. ۇزدىك ۋنيۆەرسيتەت-نەگىزدىك زەرتتەۋدىڭ نەگىزگى كۇشى جانە كەلەلى عىلىم-تەحنيكادا قامال الۋدىڭ قاينار كوزى، كەمەلدى عىلم ورتاسىن نەگىز، ٴونىمدى عىلمي جونگە سالۋدى كەپىل، ۇزدىك عىلىم جەتىستىكتەرىن جارىققا شىعارۋدى جانە ۇزدىك دارىندىلاردى جەتىلدىرۋدى نىسانا ەتكەن ۋنيۆەرسيتەت جاڭالىق اشۋ جۇيەسىن كەمەلدەندىرىپ، شەشۋشى، وزەكتى تەحنيكالاردان باتىلدىقپەن قامال الىپ، ٴوندىرۋ، وقىتۋ، زەرتتەۋدىڭ ىشكەرىلەي توعىسۋىن كۇشەيتىپ، عىلىم-تەحنيكا جەتىستىكتەرىنىڭ كادەگە جاراۋىن جەبەۋ كەرەك. اشىق سەلبەستىككە تاباندى بولۋ كەرەك. حالىقارالىق اۋىس-كۇيىس پەن سەلبەستىكتى كۇشەيتىپ، جۇڭگو مەن شەتەلدىڭ وقۋ-اعارتۋ، مادەنيەت، دوستىق بارىس-كەلىس سىندى سەلبەستىك تۇعىرىن ىرىقتىلىقپەن قۇرىپ، الەمدىك سايىستارعا بىرگە توتەپ بەرىپ، ادامزاتتىڭ ورتاق باقىتىن جەبەۋ كەرەك. شي جينپيڭ مىنالاردى اتاپ كورسەتتى: زامانىمىزداعى جۇڭگو جاستارى-جاڭا داۋىرمەن بىرگە العا باسىپ، بىرگە داميتىن ۇرپاق، گۇلدەنىپ-كوركەيگەن داۋىرگە ٴدوپ كەلىپ، اۋىر مىندەت ارقالاپ وتىر. 

شي جينپيڭ مىنالاردى باسا دارىپتەدى: قالىڭ جاستار وتاندى، حالىقتى ٴسۇيىپ، پارتيا تاريحىن ۇيرەنۋ بارىسىندا سەنىمدى نىعايتىپ، شابىت، كۇش-قۋات الىپ، «ٴتورت سەنىمدى» ۇزدىكسىز بەكەمدەپ، جۇڭگولىق بولۋ جىگەرىن، ار-نامىسىن، تالابىن ۇزدىكسىز كۇشەيتىپ، وتان ٴۇشىن، حالىق ٴۇشىن ماڭگى كۇرەس جاسايتىن، قالتقىسىز ۇلەس قوساتىن بەرىك مۇرات ورناتۋ كەرەك. ٴمورالدى شىڭداپ، سوتسياليستىك وزەكتى قۇن كوزقاراسىن سانالىلىقپەن ورناتىپ جانە امالياتتا ايگىلەپ، جۇڭحۋانىڭ تاڭداۋلى ٴداستۇرلى مادەنيەتىنەن، توڭكەرىستىك مادەنيەتىنەن، سوتسياليستىك وزىق مادەنيەتىنەن سانالى پايدالانىپ، رۋحتى سومداپ، اقىل-پاراساتتى سەرپىلتىپ، ٴمورالدىق تاربيەلەنۋدى كۇشەيتىپ، دۇرىس پەن بۇرىستى ايقىن ايىرىپ، وزىندىك تۇراقتىلىقتى كۇشەيتىپ، اناعۇرلىم وسكەلەڭ، اناعۇرلىم ورەلى، اناعۇرلىم سالاۋاتتى ومىرگە تالپىنۋعا بەل بايلاۋ كەرەك. باتىلدىقپەن جاڭالىق اشىپ، ٴداۋىر اعىمى مەن مەملەكەتتىڭ قاجەتىن تەرەڭ ٴتۇسىنىپ، يگەرىپ، باتىلدىقپەن الدا ٴجۇرىپ، جۇرەكتىلىكپەن قامال الىپ، اقىل-پاراساتپەن مەملەكەتكە ۇلەس قوسىپ، ٴورىس اشا العا ىلگەرىلەپ، قوعامعا قىزمەت ەتۋ كەرەك. شىنايى ۇيرەنىپ، ناقتى ىستەردى تىڭعىلىقتى، قاجىرلىلىقپەن ىستەپ، قاجىماي-تالماي، بەرىلە تالپىنىپ، ٴبىلىم شىڭىنا شىعۋ بارىسىندا ۇزدىك بولۋعا ۇمتىلىپ، ٴداۋىردىڭ اۋىر مىندەتىن ارقالاعان كەزدە ناقتى اماليات ارقىلى بەينەلەپ، شىنايى ىستەۋ بارىسىندا تابىسقا جەتۋ كەرەك. 

 

شي جينپيڭ مىنالاردى باسا دارىپتەدى: وقىتۋشىلار-وقۋ-اعارتۋ قىزمەتىندەگى تىرەكتى كۇش، جوعارى دەڭگەيلى وقىتۋشىلار قوسىنى بولماسا، جوعارى دەڭگەيلى جاڭالىق اشۋ دارىندىلارىن جەتىلدىرۋ قيىنعا سوعادى، جوعارى دەڭگەيلى جاڭالىق اشۋ جەتىستىكتەرىن جارىققا شىعارۋ دا قيىنعا سوعادى. جوعارى مەكتەپ وقىتۋشىلارى ستۋدەنتتەرگە ٴبىلىم بەرۋ، قابىلەت جەتىلدىرۋ، ومىرگە دۇرىس كوزقاراس ورناتۋ مىندەتىن ارقالاپ وتىر. وقىتۋشىلار مول ٴبىلىمدى بولۋى، وقۋشىلارعا ۇيرەنۋ، ىستەۋ جانە ادام بولۋ جاعىندا ۇلگى كورسەتۋى، وقۋشىلاردىڭ جان-جاقتى جەتىلۋىن جەبەۋى كەرەك. ناقتى ماسەلەلەردى زەرتتەپ، دۇنيە ٴجۇزى عىلىمىنىڭ الدىڭعى لەگىن جانە مەملەكەتتىڭ كەلەلى قاجەتىن كوزدە ۇستاپ، ٴىس جۇزىندىك ماسەلەلەردى شەشۋگە كۇش سالىپ، جاڭا بىلىمدەردى، جاڭا تەحنيكالاردى، جاڭا نازاريالاردى ۇيرەنۋگە شەبەر بولۋى كەرەك. سەنىمدى بەكەمدەپ، قاشاندا پارتيا مەن حالىقپەن بىرگە بولىپ، سانالى تۇردە جۇڭگوشا سوتسياليزمنىڭ مىزعىماس سەنۋشىلەرى جانە ادال اتقارۋشىلارى بولۋى كەرەك. 

 

شي جينپيڭ مەكتەپتەن اتتاناردا، الاڭ مەن جول بويى وقىتۋشى-وقۋشىلارعا لىق تولدى، كوپشىلىك باس شۋجيگە جاپا-تارماعاي امانداستى. شي جينپيڭ كوپشىلىككە تەرەڭ سۇيىسپەنشىلىكپەن قول بۇلعاپ قۇرمەت ٴبىلدىردى، شاپالاق ٴۇنى مەن سالەمدەسكەن ۇندەر مەكتەپ اۋلاسىندا كوپكە دەيىن جاڭعىرىپ تۇردى.

来源:中央广播电视总台

 

 

 

微信制作:古丽美热

 

 

中央广播电视总台 央广网 版权所有

شي جينپيڭ چيڭحۋا ۋنيۆەرسيتەتىندە قىزمەت تەكسەردى

شي جينپيڭ مەكتەپتەن اتتاناردا، الاڭ مەن جول بويى وقىتۋشى-وقۋشىلارعا لىق تولدى، كوپشىلىك باس شۋجيگە جاپا-تارماعاي امانداستى. شي جينپيڭ كوپشىلىككە تەرەڭ سۇيىسپەنشىلىكپەن قول بۇلعاپ قۇرمەت ٴبىلدىردى، شاپالاق ٴۇنى مەن سالەمدەسكەن ۇندەر مەكتەپ اۋلاسىندا كوپكە دەيىن جاڭعىرىپ تۇردى