ينفورماتسيا اشكەرەلەۋ: mzjubao@cnr.cn

باس حابار

شي جينپيڭ چيڭحايدا مىنالاردى باسا دارىپتەدى

来源:جۇڭگو قازاق راديو تورابى     |责编:阿依娜古丽|     发布日期: 2021-06-10 17:16



    ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىردا چيڭحايدا قىزمەت تەكسەرگەندە مىنالاردى باسا دارىپتەدى: پارتيا ورتالىق كوميتەتىنىڭ شەشىم ورنالاستىرۋلارىن باتىل دايەكتىلەندىرىپ، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، رەفورما جاساپ، ەسىك اشۋدى تەرەڭدەتىپ، ىندەتتەن ساقتانۋ-تىزگىندەۋدى جانە ەكونوميكالىق، قوعامدىق دامۋدى، دامۋ مەن حاۋىپسىزدىكتى ٴبىر تۇتاس جوسپارلاپ، قيىنشىلىقتاردى جەڭىپ، ٴورىس اشا جاڭالىق جاراتىپ، چيڭحاي-شيزاڭ ٴۇستىرتىنىڭ ەكولوگياسىن قورعاۋ مەن جوعارى ساپالى دامۋدى ىلگەرىلەتۋدە ۇزدىكسىز تىڭ تابىستارعا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ چيڭحاي پاراعىن قۇلشىنا جازۋ كەرەك.


    شي جينپيڭ 6-ايدىڭ 7-كۇنىنەن 9-كۇنىنە دەيىن، چيڭحاي ولكەلىك پارتكومنىڭ شۋجيى ۋاڭ جيانجۇن مەن ولكە باستىعى شين چاڭشيڭنىڭ سەرىك بولۋىندا ىلگەرىندى ـ كەيىندى شينيڭ قالاسى، حايبي زاڭزۋ اۆتونوميالى وبلىسى قاتارلى جەرلەرگە بارىپ، كاسىپورىن، الەۋمەتتىك اۋماق، جاراتىلىستىق قورىق، اۋىل-قىستاقتاردى ارالاپ، تەكسەرۋ-زەرتتەۋ جۇرگىزدى.


    6-ايدىڭ 7-كۇنى تۇستەن كەيىن، شي جينپيڭ شينيڭ قالاسى چىڭجۇڭ رايونىنداعى چيڭحاي شىڭيۋان كىلەم توبى شەكتى سەرىكتىگىندە تەكسەرۋ-زەرتتەۋ جۇرگىزدى. ٴوندىرىس سەحىندا، شي جينپيڭ شيكىزات ـ ماتەريال، ٴوندىرىس بارىسى، ٴونىم كورمەسىن كوزدەن كەشىرىپ، مەملەكەت دارەجەلى بەيزاتتىق مادەني مۇرا بولعان جيايا تيبەت كىلەمىن توقۋ ونەرىن قورعاۋ، جالعاستىرۋ جاعدايىن ۇعىسىپ، كاسىپورىننىڭ جەرگىلىكتى بۇقارانى جۇمىسقا ورنالاستىرىپ، كىرىستى ارتتىرۋعا جەتەكتەگەن ناتيجەلەرىن تۇراقتاندىردى. كاسىپورىننىڭ تەكسەرۋ، جوبالاۋ بولىمدەرىندە تەكسەرۋ جۇرگىزۋ بارىسىندا، شي جينپيڭ ٴونىمنىڭ ۇيكەلىسكە توزىمدىلىگىن سىناقتان وتكىزۋ بارىسىن جانە ٴونىم جوبالاۋ سىزبالارىن مۇقيات كورىپ، ونىمدەردىڭ ساتىلۋ جولى مەن كاسىپورىنداردىڭ جاڭالىق اشا دامۋ جاعدايىن ۇعىستى. شي جينپيڭ مىنالاردى باسا دارىپتەدى: جوعارى ساپالى دامۋدى ىلگەرىلەتۋدە، ەرەكشەلىگى كورنەكتى كاسىپ سالاسىن جانە ومىرشەڭدىك كۇشكە يە كاسىپورىندى باسقارۋ-يگەرۋگە شەبەر بولىپ، ەرەكشە كاسىپ سالاسى ارقىلى ساپالى كاسىپورىنداردى جەتىلدىرىپ، كاسىپورىننىڭ دامۋى ارقىلى كاسىپ سالاسىنىڭ جوعارىلاۋىنا جەتەكشىلىك ەتۋ كەرەك. چيڭحايدىڭ ەرەكشە كاسىپ سالاسىن دامىتۋىنىڭ بولاشاعى زور، حالىقتىق كاسىپورىنداردىڭ دامۋىنا دەم بەرەتىن جانە وعان قولداۋ كورسەتىپ، جەتەكشىلىك ەتەتىن ساياساتتىق ورتانى بەلسەنە قالىپتاستىرۋ كەرەك. كاسىپورىنداردىڭ جاڭالىق اشۋىنا قىزمەت وتەۋ جۇيەسىن جەدەل كەمەلدەندىرىپ، كاسىپورىنداردى عىلىم ـ تەحنيكادا جاڭالىق اشۋ جاعىندا ۇسىنىلىمدى ارتتىرۋعا شابىتتاندىرىپ، ٴداستۇرلى تەحنولوگيا مەن وسى زامانعى تەحنيكانىڭ ورگانيكالى ۇشتاسۋىن جەبەپ، كاسىپورىنداردىڭ وزەكتى باسەكەلىك قۋاتىن كۇشەيتۋ كەرەك. كاسىپ سالاسىن جەتىلدىرۋدى، كاسىپورىنداردىڭ دامۋىن كاسىپتەندىرۋمەن، اۋىل-قىستاقتى گۇلدەندىرۋمەن جانە ۇلتتار ىنتىماعىن كۇشەيتۋمەن اناعۇرلىم ويداعىداي ٴبىر تۇتاس جوسپارلاپ، ٴوزارا جەبەپ، ٴوزارا سايكەستىرۋعا كۇش سالۋ كەرەك.


    شي جينپيڭ شينيڭ قالاسى چىڭشي رايونى ۋىنحۇي جولى ٴمالى باسقارماسى ۋىنتيڭ كوشەسى الەۋمەتتىك اۋماعىنا كەلىپ، نەگىزگى ساتى پارتيا قۇرىلىسىن كۇشەيتۋ، نەگىزگى ساتىنى باسقارۋدى كەمەلدەندىرۋ، ۇلتتار ىنتىماعى العاباسارلىعىن ىلگەرىلەتۋ قىزمەتى جونىندەگى مالىمەتتى تىڭداپ، الەۋمەتتىك اۋماققا ٴىس بىتىرۋگە كەلگەن بۇقارالارمەن اڭگىمەلەستى. شي جينپيڭ ىلگەرىندى ـ كەيىندى الەۋمەتتىك اۋماقتىڭ حاتكەرلىك ـ سۋرەت بولمەسى، اسحانا، ساۋىقتىرۋ ٴۇيى، ٴبي بولمەسى، وقۋ بولمەسى سىياقتى ورىندارىن ارالاپ، زەينەتكەرلەردىڭ حاتكەرلىك ـ سۋرەت جاتتىعۋىن، ٴان جاتتىعۋىن كورىپ، الەۋمەتتىك اۋماقتىڭ قارتتارعا تاماق، دەنساۋلىق جاعىنان قىزمەت كورسەتۋ، وقۋدان قايتقان بالالارعا قارايلاسۋ، ساباق پىسىقتاتۋ سىياقتى قىزمەت وتەۋ جاعدايلارىن ۇعىستى. الەۋمەتتىك اۋماق الاڭىندا شي جينپيڭ قاۋمالاي كەلگەن بۇقارامەن ىقىلاستى اڭگىمەلەستى. ول مىنالاردى اتاپ كورسەتتى: الەۋمەتتىك اۋماقتى ۇلتتار ىنتىماعى العاباسارلىعىندا وزات ورىن قۇرۋدىڭ ماڭىزدى بازاسى ەتىپ، ٴار ۇلت حالقى قول ۇستاسىپ، جۇرەكتەس بولۋداي تاماشا ٴداستۇردى ساۋلەلەندىرىپ، ۇلتتار ىنتىماعىنىڭ بەرەكەلى شاڭىراعى سىندى جاراسىمدى مەكەندى بىرگە قۇرۋ كەرەك. الەۋمەتتىك اۋماقتى جاقسى باسقارۋدىڭ تەتىگى نەگىزگى ساتى پارتيا ۇيىمدارىندا جانە قالىڭ پارتيا مۇشەلەرىندە. نەگىزگى ساتى پارتيا ۇيىمى سىندى جاۋىنگەر قامالدى اناعۇرلىم كۇشەيتىپ، الەۋمەتتىك اۋماقتاعى پارتيا مۇشەلەرى مەن كادرلاردىڭ اۆانگارد ۇلگىلىك رولىن ساۋلەلەندىرىپ، نەگىزگى ساتى پارتيا ۇيىمى باسشىلىعىنداعى نەگىزگى ساتى بۇقاراسىنىڭ ٴوزىن ـ ٴوزى باسقارۋ مەحانيزمىن اقاۋسىزداندىرىپ، الەۋمەتتىك اۋماق قىزمەتىن تىڭعىلىقتى ىستەپ، بۇقارانى الاڭداتاتىن، مازاسىزداندىراتىن ىستەردى ويداعىداي تىندىرۋ ارقىلى بۇقارانىڭ تابىس سەزىمىن، باقىت سەزىمىن، حاۋپسىزدىك سەزىمىن جوعارىلاتۋ كەرەك.


    6-ايدىڭ 8-كۇنى، شي جينپيڭ حايبي زاڭزۋ اۆتونوميالى وبلىسىنىڭ گاڭچا ۋدانىنا بارىپ تەكسەرۋ ـ زەرتتەۋ جۇرگىزدى. ول الدىمەن چيڭحاي كولىنىڭ شياننۇي-ۋان دەگەن جەرىنە بارىپ، چيڭحاي ولكەسىنىڭ چيليانشان تاۋلى رايونى مەن چيڭحاي كولىنىڭ ەكولوگيالىق ورتاسىن قورعاۋ جاعدايى جونىندەگى تانىستىرۋدى تىڭدادى. وسىدان كەيىن، ول جاياۋ اياڭداپ، توڭىرەكتى كوزدەن كەشىردى. چيڭحاي كولىنىڭ شالقار ايدىنىن، تۇنىق سۋىن، كولدەگى قۇستاردى كورىپ ىرازى بولعان شي جينپيڭ مىنالاردى باسا دارىپتەدى: چيڭحاي كولىنىڭ ەكولوگياسىن قورعاۋدا جانە قورشاعان ورتانى جونگە سالۋدا قول جەتكەن تابىستار وڭاي ـ وسپاق قولعا كەلگەن جوق، ونى بارىنشا قاستەرلەپ، ۇزدىكسىز بەكەمدەۋ جانە كەڭەيتۋ كەرەك. ەكولوگيا − ءبىزدىڭ قىمباتتى بايلىعىمىز. مەملەكەتتىڭ ەكولوگيالىق ستراتەگياسىن ويداعىداي تياناقتاندىرىپ، ٴۇش وزەن قاينارى سياقتى مەملەكەتتىك باقشا ٴتۇزىلىسىن تۇيىندە سىناق ەتۋ تاجىريبەلەرىن قورىتىندىلاپ، مەملەكەتتىك باقشانى نەگىزگى تۇلعا، جاراتىلىستىق قورىقتاردى نەگىز، ٴتۇرلى جاراتىلىستىق باقشالاردى تولىقتاما ەتكەن جاراتىلىستىق قورىق جۇيەسىن جەدەل ورناتىپ، جاراتىلىستىق ەكولوگيانى، جاراتىلىستىق بايلىقتى، ورگانيزمدەردىڭ الۋان تۇرلىلىگىن ويداعىداي قورعاۋ كەرەك.


    مالشىلار شوعىرلى ورنالاستىرىلعان جاڭا قىستاق- شاليۋحى قالاشىعى گولو زاڭ گۇنما قىستاعى 2017-جىلى سيىر، قوي باعىمشىلىعى سياقتى كاسىپتەرگە سۇيەنىپ تۇتاس قىستاق بويىنشا كەدەيلىكتەن قۇتىلدى. شي جينپيڭ وسى اراعا كەلگەندە، زاڭزۋ مالشى سو نانساي راڭ وتباسى باس شۋجيدى ۇيىنە قوناققا شاقىردى ٴارى حادا ۇسىندى. شي جينپيڭ ۇيگە كىرىپ، ٴۇيدىڭ ٴىشى-سىرتىن تاپتەشتەي كورىپ، وتباسىنداعىلارمەن بىرگە قوناق بولمەسىندە اڭگىمە دۇكەنىن قۇردى. سونانساي راڭ تەبىرەنە بىلاي دەدى: پارتيانىڭ ابىزال ساياساتىنىڭ ارقاسىندا، مالشىلاردىڭ تۇرمىسى باياشات وتۋدە. كوممۋنيستىك پارتياعا، باس شۋجيگە شىن جۇرەكتەن العىس ايتامىز. شي جينپيڭ مىنالاردى اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، پارتيامىزدىڭ دامىپ زورايۋى، اكىمياتتى قولعا الۋى، جاڭا جۇڭگو قۇرۋى وڭاي وسپاق قولعا كەلگەن جوق. بۇقارانىڭ جۇڭگو كوممۋنيستىك پارتياسىن شىن جۇرەكتەن قولداۋىنىڭ سەبەبى، جۇڭگو كوممۋنيستىك پارتياسىنىڭ باستان ـ اياق بۇكىل ىنتا ـ پەيىلىمەن حالىق ٴۇشىن قىزمەت ىستەپ، ٴار ۇلتتىڭ باقىتىن كوزدەگەندىگىندە.


    سونانساي راڭنىڭ ۇيىنەن شىققان باس شۋجيدى كورگەن قىستاق تۇرعىندارى ىستىق ىقىلاسپەن جينالىپ، باس شۋجيگە الاقايلاپ امانداستى. شي جينپيڭ تەبىرەنە بىلاي دەدى: اۋىلداستاردىڭ باقىتتى تۇرمىس كەشىرگەنىن كورىپ قاتتى قۋاندىم. ٴبىز ۇزدىكسىز كۇرەس جۇرگىزۋىمىز كەرەك، جاڭا جۇڭگو قۇرىلعاندىعىنىڭ 100 جىلدىعى كەزىندە جۇڭحۋا ۇلتى، ٴسوز جوق، دۇنيە جۇزىندەگى ۇلتتار قاتارىندا ەڭسە كوتەرىپ تۇرا الادى. جاپپاي سوتسياليستىك وسىزاماندانعان مەملەكەت قۇرۋدا بىردە ـ ٴبىر ۇلتتىڭ قاعىس قالۋىنا بولمايدى. جۇڭحۋا ۇلتى ۇلى شاڭىراعىندا، كوپشىلىك اناردىڭ دانىندەي تىعىز ۇيىسىپ، اعا ـ باۋىرداي ەتەنە بولىپ، ٴبىر ـ بىرىنە قارايلاسقاندا عانا، ۇلتتىڭ گۇلدەنۋى سىندى ۇلى ارماندى جۇزەگە اسىرۋعا بولادى، ۇلتتار ىنتىماعى العاباسارلىعى گۇلى ماڭگى قاۋاشاق جاياتىن بولادى. شي جينپيڭ كوپشىلىككە «زاشيدەلە» دەپ ىزگى تىلەك ٴبىلدىردى.


    6-ايدىڭ 9-كۇنى تۇستەن بۇرىن، شي جينپيڭ چيڭحاي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، چيڭحايدىڭ ٴتۇرلى قىزمەتتە قول جەتكىزگەن تابىستارىن تۇراقتاندىرىپ، چيڭحايداعى ٴار ۇلت كادرلارى مەن بۇقاراسىنان ٴورىس اشا جاڭالىق جاراتىپ، جاۋاپكەرشىلىك ارقالاپ، ناقتى ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋىن ٴۇمىت ەتتى.


    شي جينپيڭ مىنالاردى اتاپ كورسەتتى: جاڭا دامۋ كەزەڭىنە قادام تاستاپ، جاڭا دامۋ تانىمىن دايەكتىلەندىرىپ، جاڭا دامۋ جاعدايىن قالىپتاستىرۋدا چيڭحايدىڭ ەكولوگيالىق حاۋىپسىزدىك ورنى، مەملەكەت تەرريتورياسىنداعى حاۋىپسىزدىك ورنى، بايلىق، ەنەرگيا حاۋىپسىزدىگى ورنى اناعۇرلىم ماڭىزدى. مەملەكەت جەرى كەڭىستىگىن اشۋ، قورعاۋ جۇيەسىن ساپالاندىرىپ، جاسىل، تومەن كومىرتەكتى دامۋدان جازباي، ٴىس جۇزىندىك جاعدايمەن ۇشتاستىرىپ، ارتىقشىلىقتى ساۋلەلەندىرىپ، ولقىلىقتى تولىقتاپ، جەرگىلىكتى ەرەكشەلىككە يە جوعارى ساپالى دامۋ جولىن اشۋ كەرەك. ۇستىرتتەگى ەرەكشە بايلىق ابىزالدىلىعىن تياناق ەتىپ، جاڭادان گۇلدەنگەن كاسىپتەردى بەلسەنە جەتىلدىرىپ، دۇنيەلىك دەڭگەيدەگى تۇزدى كول كاسىپ بازاسىن جەدەل قۇرىپ، مەملەكەتتىڭ تازا ەنەرگيا كاسىبى تۇعىرىن، حالىقارالىق ەكولوگيالىق ساياحات نىسانالى جەرىن، جاسىل، ورگانيكالى اۋىل شارۋاشىلىق، مال شارۋاشىلىق ونىمدەرىن شىعاراتىن قايناردى قالىپتاستىرۋ كەرەك. عىلىم-تەحنيكا ٴتۇزىلىس مەحانيزمى رەفورماسىن جەدەلدەتىپ، عىلىم-تەحنيكادا جاڭالىق اشۋدى قولداۋ جانە جەتىستىكتەردى كادەگە جاراتۋ تەبىنىن ارتتىرىپ، جاسامپاز دارىندىلاردى باۋلۋدى جەدەلدەتىپ، جاڭالىق اشۋدىڭ ومىرشەڭدىك كۇشىن تاسقىنداتۋ كەرەك. پارتيا ورتالىق كوميتەتىنىڭ جاڭا داۋىردە باتىس بولەكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن ىلگەرىلەتۋ جونىندەگى ستراتەگيالىق ورنالاستىرۋىن دايەكتى تياناقتاندىرىپ، چاڭجياڭ ەكونوميكالىق بەلدەۋىنىڭ دامۋى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ سياقتى وڭىرلىك كەلەلى ستراتەگيالارمەن ىرىقتى ۇشتاستىرىپ، ەكونوميكالىق دامۋدىڭ ىشكى قوزعاۋشى كۇشىن نىعايتۋ كەرەك. ٴار دارەجەلى پارتكومدار، اسىرەسە، نەگىزگى جاۋاپتى جولداستار ساياسي جاۋاپكەرشىلىكتى ارقالاپ، قازىنا، باجى، قازىنالىق باقىلاۋ سياقتى قىزمەتتەردى ٴبىر تۇتاس ويداعىداي يگەرىپ، قازىنا-ەكونوميكا ٴتارتىبىن قاتايتىپ، ٴار جاقتاعى قارجىنى ويداعىداي باسقارىپ، ويداعىداي پايدالانىپ، فينانس حاۋىپ-قاتەرىنەن شىنايى ساقتانىپ، پارتيا ورتالىق كوميتەتىنىڭ قازىنا-ەكونوميكا قىزمەتى جونىندەگى باعىت-ساياساتتارى مەن قىزمەت ورنالاستىرۋلارىن قاتاڭ اتقارىپ، ۇنەمشىلدىكپەن تۇرمىس كەشىرۋ تالابىن ناقتى تياناقتاندىرۋ كەرەك.


    شي جينپيڭ مىنالاردى باسا دارىپتەدى: چيڭحايدىڭ ەكولوگيالىق ورتاسىن ويداعىداي قورعاۋ-مەملەكەتتىڭ كەلەلى شاراسى. تۇنىق سۋ، جاسىل تاۋ-باعالى بايلىق ۇستانىمىن بەرىك ورناتىپ، جەر شارىنىڭ 3-ۇيەك ەكولوگياسىن شىن مانىندە ويداعىداي قورعاۋ كەرەك. ٴۇش وزەن قاينارىن قورعاۋدى چيڭحايدىڭ ەكولوگيالىق وركەنيەت قۇرىلىسىنداعى ەڭ ماڭىزدى ٴتۇيىن ەتىپ، ەكولوگيالىق حاۋىپسىزدىكتى قورعاۋ، ٴۇش وزەن قاينارىن قورعاۋ، «جۇڭحۋانىڭ سۋ مۇناراسىن» قورعاۋ سىندى كەلەلى بورىشتى ويداعىداي ارقالاۋ كەرەك. مەملەكەتتىك باقشا قۇرىلىسىن ۇزدىكسىز ىلگەرىلەتىپ، باسقارۋ ٴتۇزىلىسىن جونگە سالىپ، اينالىم مەحانيزمىندە جاڭالىق اشىپ، باقىلاپ-باسقارۋدى كۇشەيتىپ، ساياساتتىق قولداۋدى ارتتىرىپ، قولدانۋعا، جالپىلاستىرۋعا بولاتىن اناعۇرلىم كوپ تاجىريبەلەردى قاراستىرۋ كەرەك. قارلى تاۋ مۇزدىعى، وزەن قاينارى الابى، كول، سازدىق، جايىلىم، قۇمدى جەر، ٴشول سياقتى ەكولوگيانى جونگە سالۋدى، قالپىنا كەلتىرۋدى كۇشەيتىپ، چيڭحاي-شيزاڭ ۇستىرتىندەگى ورگانيزمدەرىنىڭ الۋان تۇرلىلىگىن قورعاۋدى بار كۇشپەن ىلگەرىلەتۋ كەرەك. حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامىتۋدى بەلسەنە ىلگەرىلەتىپ، توپىراقتىڭ شايىلۋىن جان-جاقتى جونگە سالىپ، سۋ قاينارىن ساقتاۋ قابىلەتىن ورنىقتى جوعارىلاتىپ، سۋ بايلىعىنان ۇنەمدى، شوعىرلى، جوعارى ٴونىمدى پايدالانۋدى جەبەۋ كەرەك. شي جينپيڭ مىنالاردى اتاپ كورسەتتى: حالىقتى كوكەيدە ساقتاپ، حالىققا سۇيەنىپ، حالىقتى ۇزدىكسىز باقىتقا كەنەلتىپ، بىرگە اۋقاتتانۋدى تىڭعىلىقتى ىلگەرىلەتۋ كەرەك. ٴونىمدى شارالار ارقىلى حالىقتى وزەك ەتكەن دامۋ يدەياسىن تياناقتاندىرىپ، جۇمىسقا ورنالاستىرۋ، كىرىس ٴبولىسى، وقۋ-اعارتۋ، قوعامدىق قامتاماسىزداندىرۋ، ەمدەۋ، تۇرعىن ٴۇي، زەينەتكەرلىك، اماناتتاپ تاربيەلەۋ، ازىق-تۇلىك حاۋىپسىزدىگى، قوعام اماندىعى سياقتى ماسەلەلەردى ٴبىر تۇتاس ويداعىداي شەشىپ، ەكولوگيا مەن حالىق تۇرمىسىنىڭ قاتىناسىن ۇيلەسىمدى ٴبىر جاقتى ەتىپ، ەكولوگيانى قورعاۋ مەن حالىق تۇرمىسىن قامتاماسىز ەتۋدىڭ ٴوزارا سايكەسۋىن جۇزەگە اسىرۋ كەرەك. كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل-قىستاقتى گۇلدەندىرۋمەن ٴونىمدى ۇشتاستىرىپ، ەگىن، مال شارۋاشىلىق ونىمدەرىنىڭ ولشەمدەنۋىن، جاسىلدانۋىن كۇشەيتىپ، ورگانيكالىق ەرەكشە كاسىپتەردى بارىنشا دامىتىپ، اۋىل-قىستاق قۇرىلىسى شاراسىن اتقارىپ، اۋىل-قىستاقتىڭ قونىس ورتاسىن جاقسارتىپ، ەگىنشى-مالشىلاردىڭ ساپاسىن جوعارىلاتىپ، ەگىن، مال شارۋاشىلىق رايوندارىنىڭ مادەنيەتىن گۇلدەندىرۋ كەرەك. شي جينپيڭ چيڭحاي ولكەلىك پارتكوم مەن ولكەلىك ۇكىمەتتەن ما دو جەر سىلكىنىس اپاتى تۋىلعان رايونداعى ٴار ۇلت بۇقاراسىنان شىنايى حال سۇراۋىن جەتكىزۋدى تاپسىردى، اپاتتان كەيىنگى قالپىنا كەلتىرۋدى، قايتا قۇرۋدى شىن مانىندە ويداعىداي يگەرىپ، بۇقارانىڭ قيىنشىلىعىن شەشىپ، بۇقارانىڭ كوڭىلىن ورنىقتىرىپ، بۇقارانىڭ كوڭىلىن جىلىتىپ، باقىتتى، تاماشا تۇرمىستى بىرگە جاراتۋدى تالاپ ەتتى.


    شي جينپيڭ مىنالاردى باسا دارىپتەدى: چيڭحاي------- شينجياڭدى ورنىقتىرۋدىڭ، شيزاڭدى بەكەمدەۋدىڭ ستراتەگيالىق ماڭىزدى جەرى، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، تۇلعالىق جاۋاپكەرشىلىكتى ارقالاۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى العاباسارلىعىنداعى ۇلگىلى ولكە قۇرىلىسىن تەرەڭدەتۋ كەرەك. پارتيانىڭ ٴدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ەلىمىزدەگى دىندەردىڭ جۇڭگوشالانۋ بەتالىسىنا تاباندى بولىپ، ٴدىندى سوتسياليستىك قوعامعا سايكەسترۋگە بەلسەنە جەتەكتەۋ كەرەك. جالپىلىق مەملەكەت حاۋىپسىزدىگى كوزقاراسىنا تاباندى بولىپ، تومەنگى شەكتە ويلاۋدان جازباي، مەملەكەت حاۋىپسىزدىگىن باتىل قورعاۋ كەرەك. جۇقپالى اۋرۋلاردان ساقتانۋدى جانە ونى تىزگىندەۋدى تيتتەي دە بوساڭسىماي مىقتى يگەرىپ، اۋىر، ەرەكشە اۋىر ٴوندىرىس شىرعالاڭدارىن ٴونىمدى تەجەپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، ساياسي-زاڭ قوسىنىن تاربيەلەۋدى، رەتتەۋدى تەرەڭدەتىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن ساقتاۋ كەرەك.


    شي جينپيڭ مىنالاردى اتاپ كورسەتتى: پارتيامىز 100 جىلدىق كۇرەس بارىسىندا وزىندىك ەرەكشەلىككە يە ٴبىر قىدىرۋ توڭكەرىستىك رۋحتى جەتىلدىرىپ، قالىپتاستىرىپ، پارتيانىڭ بەرىك سەنىمىن، ٴتۇبىرلى ماقساتىن، تاڭداۋلى ستيلىن شوعىرلى ايگىلەدى، ول ٴبىزدى قاجىماي-تالماي كۇرەس جۇرگىزۋگە ىنتالاندىراتىن باعالى رۋحاني بايلىق. پارتيا تاريحىن ۇيرەنۋ تاربيەسىندە تاريحتى ۇيرەنىپ، ٴمورالدى قاستەرلەۋ-قالىڭ پارتيا مۇشەلەرىن، كادرلاردى قىزىل گەندى جالعاستىرىپ، وسكەلەڭ ٴمورالدىق قاسيەتتى جەتىلدىرۋگە باستاۋ بولىپ تابىلادى. ٴبىرىنشى، پارتياعا ادال بولۋ ۇلى ٴمورالىن قاستەرلەۋ كەرەك. قالىڭ پارتيا مۇشەلەرى، كادرلار پارتياعا كىرگەن كەزدە جاساعان پارتياعا ادال بولۋ، پارتياعا ماڭگى وپاسىزدىق جاساماۋ سەرتىن باستان-اقىر ەستەن شىعارماۋى، پارتياعا، پارتيا ىستەرىنە قاي-قاشان دا ادال بولۋى، پارتياعا باتىل ىلەسۋى، ولە-ولگەنشە وكىنبەۋى كەرەك. ەكىنشى، حالىقتى باقىتقا كەنەلتەتىن الەۋمەتتىك ٴمورالدى قاستەرلەۋ كەرەك. قالىڭ پارتيا مۇشەلەرى، كادرلار حالىقتىق مايداندا بەرىك تۇرىپ، جاپا-ماشاقاتتا حالىقپەن باستان-اياق بىرگە بولىپ، اششى-تۇششىنى بىرگە تاتىپ، جاۋاپكەرشىلىكتى باتىلدىقپەن ارقالاپ، بەلسەنە ٴىس تىندىرىپ، حالىققا باقىت جاراتۋدى شىن مانىندە ەڭ ٴتۇبىرلى مىندەت ەتۋ كەرەك. ٴۇشىنشى، تارتىپكە قاتاڭ بويسۇناتىن ٴمورالدى قاستەرلەۋ كەرەك. قالىڭ پارتيا مۇشەلەرى، كادرلار بارلىق ىستە توتەنشە سەرگەك بولىپ، كىرشىكسىزدىكتى ساقتاپ، كىرشىكسىز ٴىس ىستەپ، وسكەلەڭ، شىنايى، ٴمورالدى، ارزان قىزىققا بوي ۇرمايتىن، حالىققا پايدالى ادام بولۋعا قۇلشىنۋ كەرەك. ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇرىپ، پارتيا ستيلى، پاكتىك قۇرىلىسىن ۇزدىكسىز كۇشەيتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ٴبىر تۇتاس ىلگەرىلەتىپ، پارتيا تۇلعاسىنىڭ اقاۋسىزدىعىنا كەپىلدىك ەتۋ كەرەك.


    ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى.

中央广播电视总台 央广网 版权所有

شي جينپيڭ چيڭحايدا مىنالاردى باسا دارىپتەدى

شي جينپيڭ چيڭحايدا قىزمەت تەكسەرگەندە: حالىقتى وزەك ەتۋگە تاباندى بولىپ، رەفورما جاساپ، ەسىك اشۋدى تەرەڭدەتىپ، چيڭحاي-شيزاڭ ٴۇستىرتىنىڭ ەكولوگياسىن قورعاۋ مەن جوعارى ساپالى دامۋدى ىشكەرىلەي ىلگەرىلەتۋدى باسا دارىپتەدى