«ىزدەنۋ» جۋرنالىندا باس شۋجي شي جينپيڭنىڭ «تاريحتى اينا ەتۋ، تاريح ارقىلى مۇراتتى ايقىنداۋ، تاريحتى ٴبىلىپ پارتيانى ٴسۇيۋ، تاريحتى ٴبىلىپ وتاندى ٴسۇيۋ كەرەك» دەگەن تاقىرىپتاعى ماڭىزدى ماقالاسى جاريالاندى 

ٴوز حابارىمىز. 6-ايدىڭ 16-كۇنى باسپادان شىققان «ىزدەنۋ» جۋرنالىنىڭ 12-سانىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «تاريحتى اينا ەتۋ، تاريح ارقىلى مۇراتتى ايقىنداۋ، تاريحتى ٴبىلىپ پارتيانى ٴسۇيۋ، تاريحتى ٴبىلىپ وتاندى ٴسۇيۋ كەرەك» دەگەن تاقىرىپتا ماڭىزدى ماقالاسى جاريالاندى. 

ماقالادا بىلاي دەپ باسا دارىپتەلدى: تاريح−ەڭ جاقسى وقۋلىق. پارتيامىز بەن مەملەكەتىمىز ىستەرىنىڭ ٴمان-جايىن ٴتۇسىنۋ، پارتيامىز بەن مەملەكەتىمىزدىڭ تاريحي تاجىريبەلەرىن قابىلداۋ ارقىلى پارتيا مەن مەملەكەت تاريحىنداعى كەلەلى ىستەر مەن ماڭىزدى ادامداردى دۇرىس ٴتۇسىنۋ كەرەك. بۇل پارتيانىڭ جاعدايىن، مەملەكەتتىڭ جاعدايىن دۇرىس تانۋ جونىنەن توتەنشە قاجەتتى، بولاشاق قۇرۋ جونىنەن دە توتەنشە قاجەتتى. جۇڭگو كوممۋنيستىك پارتياسىنىڭ نە ٴۇشىن «كەلەلى ىستەردى ىستەي الۋى»، ماركسيزمنىڭ نە ٴۇشىن جۇڭگودا جالپىلاسا الۋى، جۇڭگوشا سوتسياليزمنىڭ نە ٴۇشىن ابزال بولۋى سياقتى كەلەلى ماسەلەلەردى توڭىرەكتەي، ۇگىت-تاربيەنى كەڭ كولەمدە ورىستەتۋ؛ يدەيالىق قوعامدىق پىكىرگە جەتەكشىلىك ەتۋدى كۇشەيتۋ؛ قالىڭ كادرلار مەن بۇقارانىڭ جۇڭگوشا سوتسياليستىك جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەۋ؛ جالپى حالىقتىڭ پارتيانى سۇيەتىن، وتاندى سۇيەتىن، سوتسياليزمدى سۇيەتىن وراسان زور ىنتاسىن اناعۇرلىم تاسقىنداتۋ كەرەك.

ماقالادا بىلاي دەپ انىق ايتىلدى: جۇڭگودا جۇڭگو كوممۋنيستىك پارتياسىنىڭ بيلىك جۇرگىزۋى −جۇڭگو، جۇڭگو حالقى، جۇڭحۋا ۇلتى جونىنەن اسا زور باقىتتى ٴىس بولدى. جۇڭگونىڭ تاياۋ زامان تاريحىن، جۇڭگونىڭ قازىرگى زامان تاريحىن، جۇڭگو توڭكەرىسىنىڭ تاريحىن ىشكەرىلەي تۇسىنەتىن بولساق بولعانى، ەگەر جۇڭگو كوممۋنيستىك پارتياسىنىڭ باسشىلىعى بولماسا، مەملەكەتىمىزدىڭ، ۇلتىمىزدىڭ بۇگىنگىدەي تابىستارعا قول جەتكىزە المايتىندىعىن، بۇگىنگىدەي حالىقارالىق ورىنعا يە بولا المايتىندىعىن بايقاۋ قيىن ەمەس. پارتيا باسىپ وتكەن اۋمالى-توكپەلى تاريحتان، پارتيا قۇرعان جانە ۇزدىكسىز ىلگەرىلەتكەن ۇلى ىستەردەن، پارتيانىڭ بۇكىل ىنتا-پەيىلىمەن حالىق ٴۇشىن قىزمەت ىستەۋ ٴتۇبىرلى ماقساتىنان جانە ۇزاق ۋاقىتتىق امالياتىنان كوز جىبەرۋ ارقىلى پارتياعا دەگەن سەنىمدى تەرەڭدەتۋ، پارتيانىڭ باسشىلىعىنا دەگەن سەنىمدى بەكەمدەۋ كەرەك. پارتيانىڭ باسشىلىعىنا تاباندى بولۋ سىندى كەلەلى پرينسيپتىك ماسەلەدە وي-سانامىز ەرەكشە سەرگەك بولۋى، كوزىمىز ەرەكشە كورەگەن بولۋى، تۇرعىمىز ەرەكشە بەرىك بولۋى كەرەك، ٴار قانداي ٴدۇدامالدىق جانە سولقىلداقتىق ىستەۋگە استە بولمايدى. 

ماقالادا مىنالار انىق ايتىلدى: وتانشىلدىق تاربيەنى كەڭ كولەمدە ورىستەتىپ، ادامدارعا تاريح پەن حالىقتىڭ نە ٴۇشىن جۇڭگو كوممۋنيستىك پارتياسىن تاڭداعانىن، نە ٴۇشىن، ٴسوز جوق، جۇڭگوشا سوتسياليزم جولىمەن جۇرۋگە تاباندى بولىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋ كەرەكتىگىن تەرەڭ ۇعىندىرۋ كەرەك. قالىڭ پارتيا مۇشەلەرى، كادرلار جانە حالىق بۇقاراسى پارتيا تاريحىن، جاڭا جۇڭگو تاريحىن ويداعىداي ۇيرەنۋ، ٴتۇسىنۋ؛ پارتيانىڭ حالىققا باسشىلىق ەتىپ قۇرعان سوتسياليزم ۇلى ىستەرىن تاباندىلىقپەن قورعاۋ، ۇرپاقتان-ۇرپاققا جالعاستىرۋ كەرەك.

来源：中央广播电视总台

主播：努尔孜亚

视频制作： 那扎尔

微信制作：古丽美热