ينفورماتسيا اشكەرەلەۋ: mzjubao@cnr.cn

باس حابار

«ج ك پ ورتالىق كوميتەتىنىڭ، مەملەكەتتىك كەڭەستىڭ تۋىت ساياساتىن ساپالاندىرىپ، جان سانىنىڭ ۇزاق ۋاقىت ٴبىركەلكى دامۋىن جەبەۋ جونىندەگى قاۋلىسى» جاريالاندى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 09:44


    ٴوز حابارىمىز. ج ك پ ورتالىق كوميتەتى مەن مەملەكەتتىك كەڭەستىڭ تۋىت ساياساتىن ساپالاندىرىپ، جان سانىنىڭ ۇزاق ۋاقىت ٴبىركەلكى دامۋىن جەبەۋ جونىندەگى قاۋلىسى» تاياۋدا رەسمي جاريالاندى.

 
    «قاۋلىدا» مىنالار اتاپ كورسەتىلدى: جان سانىنىڭ دامۋى-جۇڭحۋا ۇلتىنىڭ دامۋىنا قاتىستى ٴىرى ٴىس. پارتيا 18-قۇرىلتايىنان بەرى، پارتيا ورتالىق كوميتەتى جان سانى ماسەلەسىنە وسكەلەڭ ٴمان بەرىپ، ەلىمىز جان سانىنىڭ دامۋ، وزگەرۋ جاعدايىنا نەگىزدەلىپ، تۋىت ساياساتىن بىرتىندەپ رەتتەپ كەمەلدەندىرۋ، جان سانىنىڭ ۇزاق ۋاقىت ٴبىركەلكى دامۋىن جەبەۋ جونىندە كەلەلى شەشىم جاساپ، ٴتۇرلى قىزمەتتەردە كورنەكتى ونىمدىلىككە قول جەتكىزدى. كەزەكتە، جان سانى جاعدايىنىڭ جاڭا وزگەرىسىنە جانە جوعارى ساپالى دامۋدى ىلگەرىلەتۋدىڭ جاڭا تالابىنا ونان ارى سايكەسىپ، ٴۇش بالالى بولۋ ساياساتى مەن سايكەستى قولداۋ شارالارىن اتقارۋ-جان سانى قۇرىلىمىن جاقسارتىپ، جان سانىنىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن تياناقتاندىرۋعا؛ ادام كۇشى بايلىعى جاعىنداعى باسىمدىلىقتى ساقتاپ، دۇنيە جۇزىندە ٴجۇز جىلدا بولماعان زور وزگەرىس جاعدايىنا توتەپ بەرۋگە؛ تۋىت مولشەرىنىڭ جالپى تومەندەۋ بەتالىسىن باسەيتىپ، لايىقتى تۋىت دەڭگەيىن جۇزەگە اسىرۋعا ٴتيىمدى؛ جاپپاي دوڭگەلەك داۋلەتتى قوعام قۇرۋدىڭ جەتىستىكتەرىن بەكەمدەۋگە، ادام مەن تابيعاتتىڭ جاراسىمدى قاتار ٴومىر ٴسۇرۋىن جەبەۋگە ٴتيىمدى.


    «قاۋلىدا» مىنالار باسا دارىپتەلدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى، حالىق بۇقاراسىن وزەك، تەپە-تەڭدىكتى نەگىزگى جەلى، رەفورمانى قوزعاۋشى كۇش، زاڭمەن جونگە سالۋدى كەپىل ەتۋگە تاباندى بولىپ، 2025-جىلعا بارعاندا، پەرزەنتتى بولۋدى قولداۋ ساياسات جۇيەسىن نەگىزىنەن ورناتىپ، قىزمەت وتەۋدى باسقارۋ ٴتۇزىمىن نەگىزىنەن كەمەلدەندىرىپ، ساپالى تۋۋعا، ساپالى تاربيەلەۋگە قىزمەت وتەۋ دەڭگەيىن كورنەكتى جوعارىلاتىپ، جالپىعا ٴتيىمدى تاربيەلەۋگە قىزمەت وتەۋ جۇيەسىن جەدەل قۇرىپ، تۋۋ، باعىپ-قاعۋ، تاربيەلەۋ وزىندىك قۇنىن كورنەكتى تومەندەتىپ، تۋىت دەڭگەيىن لايىقتى جوعارىلاتىپ، تۋىلعان بالالاردىڭ جىنىستىق سالىستىرماسىن قالىپتى كۇيگە ٴتۇسىرىپ، جان سانى قۇرىلىمىن بىرتىندەپ ساپالاندىرىپ، جان سانى ساپاسىن اناعۇرلىم جوعارىلاتۋ كەرەك. 2035-جىلعا بارعاندا، جان سانىنىڭ ۇزاق ۋاقىت ٴبىركەلكى دامۋىن جەبەيتىن ساياسات، زاڭ-ەرەجە جۇيەسى اناعۇرلىم كەمەلدەنەدى، قىزمەت وتەۋ، باسقارۋ مەحانيزمىنىڭ اينالىمى اناعۇرلىم ٴونىمدى، تۋىت ورەسى اناعۇرلىم ۇيلەسىمدى بولادى، جان سانى قۇرىلىمى اناعۇرلىم جاقسارادى. ساپالى تۋۋ، ساپالى تاربيەلەۋ، سابيلەردى تاربيەلەۋگە قىزمەت وتەۋ دەڭگەيى حالىق بۇقاراسىنىڭ تاماشا تۇرمىسقا دەگەن قاجەتىنە ۇيلەسىپ، وتباسىنىڭ دامۋ قابىلەتى كورنەكتى جوعارىلاپ، ادامنىڭ جان-جاقتى دامۋىندا اناعۇرلىم كورنەكتى ماندىك ىلگەرىلەۋشىلىككە قول جەتەدى.


    «قاۋلىدا» مىنالار ايقىن بەلگىلەندى: 3 بالالى بولۋ ساياساتىن ويداعىداي اتقارۋعا ۇيىمداستىرىپ، «جۇڭحۋا حالىق رەسپۋبليكاسىنىڭ جان سانى جانە جوسپارلى تۋىت زاڭىنا» وزگەرىس ەنگىزىپ، ۇيلەنۋ، تۋىت جاسىندا ۇيلەنۋ مەن بالالى بولۋدى، ساپالى بالالى بولۋدى دارىپتەۋ كەرەك. قوعامدىق باعىپ-قاعۋ قاراجاتى كۇشىنەن قالدىرىلىپ، قاتىستى جازا بەلگىلەمەلەرى اداقتالادى جانە كۇشىنەن قالدىرىلادى. «قارتتار مەن بالالاردى» ٴتۇيىن ەتىپ، جالپى تىرشىلىك اينالىمىن قامتىعان جان سانىنا قىزمەت وتەۋ جۇيەسى ورناتىلادى جانە كەمەلدەندىرىلەدى. مەملەكەتتىڭ جان سانىن تىزىمدەۋ، باسقارۋ ٴتۇزىمى كەمەلدەندىرىلىپ، جالپى قاۋىمدى، تۇتاس جان سانى اينالىمىن قامتىعان جان سانىن باقىلاۋ-تەكسەرۋ جۇيەسى اقاۋسىزداندىرىلىپ، تۋىت جاعدايى مەن جان سانىنىڭ وزگەرىس بەتالىسى قاداعالاي باقىلاپ تەكسەرىلەدى.


    «قاۋلىدا» مىنالار تالاپ ەتىلدى: جۇكتى ايەلدەر مەن بالالاردىڭ دەنساۋلىعىن قامتاماسىزداندىرىپ، تۋما كەمىستىكتەن جان-جاقتى ساقتانىپ، ادامزاتتىڭ قوسالقى كوبەيۋ تەحنيكاسىنىڭ قولدانىلۋىن ارناعا ءٴتۇسىرىپ، ساپالى تۋۋ، ساپالى تۋۋعا قىزمەت وتەۋ ورەسىن جوعارىلاتۋ كەرەك.


    «قاۋلىدا» مىنالار اتاپ كورسەتىلدى: جالپىعا ٴءتيىمدى تاربيەلەۋ قىزمەت وتەۋ جۇيەسىن دامىتۋدا قولداۋ ساياساتى مەن ولشەمدى ارناعا ءٴتۇسىرۋ جۇيەسىن ورناتۋ، كەمەلدەندىرۋ كەرەك. سابيلەردى كۇتىمدەۋگە قىزمەت وتەۋدى ەكونوميكالىق، قوعامدىق دامۋ جوباسىنا ەنگىزىپ، ساياساتتىق جەتەكتەۋدى كۇشەيتىپ، جەر، تۇرعىن ٴۇي، قازىنا، فينانس، دارىندى سياقتى قولداۋ ساياساتتارىن كەمەلدەندىرۋ ارقىلى، قوعامدىق كۇشتەردى بەلسەنە ات سالىسۋعا جەتەكتەۋ كەرەك. ورتالىقتىڭ مەجە ەسەبىندەگى قارجى قوسۋدىڭ جەتەكتەۋ جانە جەبەۋ رولىن ساۋلەلەندىرىپ، قولايلى، باعاسى لايىقتى، ساپاسى سەنىمدى اماناتتاپ تاربيەلەۋگە قىزمەت وتەۋ قۇرىلىمدارىن قۇرۋدى ىلگەرىلەتۋ ٴارى جالپىلىق باقىلاۋ-باسقارۋدى كۇشەيتۋ كەرەك.


    «قاۋلىدا» «تۋۋ، باعىپ-قاعۋ، تاربيەلەۋ وزىندىك قۇنىن تومەندەتۋ» توڭىرەگىندە مىنالار اتاپ كورسەتىلدى: تۋىت دەمالىسى، بالا ەمىزۋ دەمالىسى سياقتى تۇزىمدەردى قاتاڭ تياناقتاندىرۋ كەرەك. شارت-جاعدايى بار جەرلەردىڭ اتا-انالاردىڭ بالا تاربيەلەۋ دەمالىسىن تۇيىندە سىناق ەتۋىن قولداپ، دەمالىس كەزىندەگى جۇمىسشى ىستەتۋدىڭ وزىندىك قۇنىن ٴبولىپ كوتەرۋ مەحانيزمىن اقاۋسىزداندىرۋ كەرەك. كەلەسى قادامدا جەكەلەر تابىس باجى زاڭىنا وزگەرىس ەنگىزۋمەن ۇشتاستىرىپ، 3 جاستان تومەنگى نارەستەلەردى كۇتىمدەۋ قاراجاتىن جەكەلەر تابىس باجىسىنداعى باجى كەشىرىم ەتىلگەن ارناۋلى قوسىمشا قاراجات كولەمىنە ەنگىزۋ زەرتتەلەدى. جەرگىلىكتى ۇكىمەتتەردىڭ الەۋمەتتىك مايعا بەرىلەتىن ۇيلەردى بولىسكە سالعاندا، سول جەردەگى تۇرعىن ۇيمەن قامتاماسىزداندىرۋ شارتىنا ۇيلەسەتىن، ونىڭ ۇستىنە ازامات جاسىنا تولماعان بالالارى بار وتباسىلارىنا ازامات جاسىنا تولماعان بالالاردىڭ سانىنا قاراي ٴۇي ۇلگىسىن تاڭداۋ سياقتى جاقتاردان لايىقتى قامقورلىق جاساۋىنا بولادى. جەرگىلىكتى ۇكىمەتتەردىڭ ازامات جاسىنا تولماعان بالانى باعىپ-قاعۋ جاعدايىنا قاراي پارىقتى مايعا بەرۋ جانە ٴۇي ساتىپ الۋ ٴتيىمدى ساياساتىن اقىلداسىپ بەلگىلەۋىنە بولادى. قالا-قالاشىقتار مەن شاعىن اۋماقتاردا سايكەستى بالا باقشالاردى جونگە سالۋ ىلگەرىلەتىلىپ، جالپىعا ٴتيىمدى بالا باقشا قامتىمى ۇزدىكسىز جوعارىلاتىلىپ، بالا باقشالاردىڭ اماناتپەن قىزمەت وتەۋ ۋاقىتى لايىقتى ۇزارتىلادى. مىندەتتى وقۋ-اعارتۋدىڭ ساپالى، ٴبىركەلكى دامۋى جانە قالا مەن اۋىلدىڭ ٴبىر تۇلعالانۋى ىلگەرىلەتىلىپ، ”مەكتەپ تاڭداۋ ورلەۋى“ سىندى قيىن ماسەلە ٴونىمدى شەشىلەدى. مەكتەپتىڭ وقۋ-اعارتۋ بايلىعىنا سۇيەنىپ، الەۋمەتكە يگىلىكتى، جالپىعا ٴتيىمدى بولۋدى پرينسيپ ەتىپ، ساباقتان كەيىنگى مادەنيەت، دەنە تاربيە قيمىلدارىن، قوعامدىق اماليات نىساندارىن جانە اماناتپەن باسقارۋ قىزمەتىن جاپپاي ورىستەتىپ، وقۋدان قايتۋ ۋاقىتى مەن اكە-شەشەسىنىڭ جۇمىستان ٴتۇسۋ ۋاقىتىن ۇشتاستىرۋ ىلگەرىلەتىلەدى. وتباسى مەن مەكتەپ تاربيەسىنىڭ اۋىرتپالىعى تەڭشەلىپ، مەكتەپتەن تىس كۋرستار قاتاڭ ارناعا تۇسىرىلەدى. ورگان، كاسىپورىن سىندى ادام ىستەتۋشى ورىنداردىڭ قابىلداۋ، قىزمەتكە الۋ ارەكەتى ارناعا ءٴتۇسىرىلىپ، ايەلدەردىڭ تەڭ تۇرعىدا كاسىپتەنۋى ىلگەرىلەتىلىپ، ايەلدەردىڭ كاسىپتەنۋدەگى زاڭدى ۇقىق-مۇددەسى قامتاماسىزداندىرىلادى.


    «قاۋلىدا» مىنالار تالاپ ەتىلدى: ساياساتتىق رەتتەۋدىڭ ءٴتارتىپتى ۇشتاسۋىن كۇشەيتىپ، جاپپاي ەكى بالالى بولۋ ساياساتى رەتتەلۋدەن بۇرىنعى جالعىز پەرزەنتتى وتباسىلار مەن اۋىل-قىستاقتارداعى جوسپارلى تۋىت اتقارىلعان ەكى قىز بالالى وتباسىلارعا قاراتا، قازىر اتقارىلىپ وتىرعان سيلاۋ، سۇيەمەلدەۋ ءٴتۇزىمى مەن تيىمدىلىك ساياساتىن جالعاستى اتقارۋ كەرەك. جالعىز پەرزەنتتى اتا-انالاردى كۇتىمدەۋ دەمالىسى ءٴتۇزىمىن بەلگىلەۋ جاعىندا ىزدەنىس جاسالادى. جوسپارلى تۋىتتى اتقارعان ەرەكشە وتباسىلارىن جان-جاقتى سۇيەمەلدەۋ، قامتاماسىزداندىرۋ ٴتۇزىمى ورناتىلادى جانە كەمەلدەندىرىلەدى. ۇكىمەت جەتەكشىلىك ەتەتىن، قوعامدىق ۇيىمدار ات سالىساتىن سۇيەمەلدەۋ، قامقورلىق جاساۋ قىزمەت مەحانيزمى ورناتىلادى جانە كەمەلدەندىرىلەدى.


    «قاۋلىدا» «ۇيىمدىق اتقارۋدى، قامتاماسىزداندىرۋدى كۇشەيتۋ» جونىندە بىلاي دەپ اتاپ كورسەتىلدى: پارتيانىڭ باسشىلىعىن كۇشەيتۋ كەرەك. ٴار دارەجەلى پارتكوم مەن ۇكىمەت ساياسي دەڭگەيدى جوعارىلاتىپ، مەملەكەت جاعدايى، مەملەكەت ساياساتى تانىمىن كۇشەيتىپ، ٴبىرىنشى باسشى ٴوزى يگەرۋگە، باس جاۋاپكەرشىلىكتى ارقالاۋعا تاباندى بولىپ، تۋىت قولداۋ بەلسەندى شارالارىن شىعارۋدى ىلگەرىلەتىپ، جاۋاپكەرشىلىكتىڭ تياناقتانۋىنا كەپىلدىك ەتۋ كەرەك.

 

اۋدارعان: گۇلنۇر قابىلقاق قىزى

中央广播电视总台 央广网 版权所有

«ج ك پ ورتالىق كوميتەتىنىڭ، مەملەكەتتىك كەڭەستىڭ تۋىت ساياساتىن ساپالاندىرىپ، جان سانىنىڭ ۇزاق ۋاقىت ٴبىركەلكى دامۋىن جەبەۋ جونىندەگى قاۋلىسى» جاريالاندى

3 بالالى بولۋ ساياساتىن ويداعىداي اتقارۋعا ۇيىمداستىرۋ