ينفورماتسيا اشكەرەلەۋ: mzjubao@cnr.cn

باس حابار

شي جينپيڭ شاڭحاي سەلبەستىك ۇيىمىنىڭ21-رەتكى ماجىلىسىنە قاتىناستى

来源:央广网     |责编:古丽美热·霍孜汗|     发布日期: 2021-09-18 10:45

شي جينپيڭ شاڭحاي سەلبەستىك ۇيىمىنىڭ21-رەتكى ماجىلىسىنە قاتىناستى

شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21-رەتكى ماجىلىسىنە قاتىناستى ٴارى ماڭىزدى ٴسوز سويلەدى 

ٴوز حابارىمىز. مەملەكەت ٴتوراعاسى شي جينپيڭ 9-ايدىڭ 17-كۇنى تۇستەن كەيىن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21-رەتكى ماجىلىسىنە بەيجيڭدە بەينە ەكران تاسىلىمەن قاتىناستى ٴارى «اۋەلگى ماقساتتى ۇمىتپاي، ۇدەرە العا تارتىپ، شاڭحاي سەلبەستىك ۇيىمى دامۋىنىڭ جاڭا جورىعىن باستايىق» دەگەن تاقىرىپتا ماڭىزدى ٴسوز سويلەدى. 

 

شي جينپيڭ بىلاي دەپ انىق ايتتى: شاڭحاي سەلبەستىك ۇيىمى قۇرىلعان 20 جىلدان بەرى، باستان-اياق «ٴوزارا سەنۋ، ٴوزارا تيىمدىلىك جاساۋ، تەڭدىك، كەڭەسۋ، وركەنيەت الۋاندىعىنا قۇرمەت ەتۋ، ورتاق دامۋعا ۇمتىلۋ» سىندى «شاڭحاي رۋحىنا» بويسۇنىپ، دۇنيە ٴجۇزىنىڭ بەيبىتشىلىگى مەن دامۋىنا جانە ادامزاتتىڭ العا باسۋ ىستەرىنە كۇش سالىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋ ٴۇشىن ماڭىزدى نازاريالىق جانە امالياتتىق ىزدەنىس جاسادى. ٴبىز ساياسي سەنىمدىلىكتى ورتاق جەبەپ، «سەرىكتەسۋدى دارىپتەۋ، وداقتاسپاۋ؛ سۇحپاتتاسۋدى دارىپتەۋ، قارسىلاسپاۋ» سىندى شىت جاڭا ۇلگى ورناتتىق؛ حاۋىپسىزدىك پەن ورنىقتىلىقتى ورتاق قورعاپ، ەسىرتكى اتكەزشىلىگىنىڭ، ينتەرنەت قىلمىستارىنىڭ، ەل اتتاعان ۇيىمدىق قىلمىستاردىڭ ٴورشۋ جاعدايىن باتىل تەجەدىك؛ گۇلدەنىپ-كوركەيۋدى، دامۋدى بىرلىكتە جوسپارلاپ، وڭىرلىك ناقتى سەلبەستىكتىڭ ىشكەرىلەي دامۋىن جەبەدىك؛ حالىقارالىق ادىلەتتىلىكتى قورعاۋ جاۋاپكەرشىلىگىن ورتاق ارقالاپ، كوپ جاقتىلىقتى جانە بۇكىل ادامزاتتىق ورتاق قۇندى ساۋلەلەندىرۋ دەگەن اسقاق ٴۇن قاتىپ، زورەكەرلىككە جانە وكتەمدىك ساياسيعا قارسى تۇرۋ جالپىلىق مايدانىن ايگىلەدىك. 

 

شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى جاڭا تاريحي باستامادا تۇر. ٴبىز «شاڭحاي رۋحى» تۋىن بيىك ۇستاپ، حالىقارالىق قاتىناستىڭ دەموكراتيالانۋ تاريحي اعىمىندا العا باسۋ بەتالىسىن يگەرىپ، ادامزاتتىڭ ورتاق دامۋىنىڭ ۇلى جاعدايىندا وزىندىك دامۋدى جەبەپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قۇرىپ، دۇنيە ٴجۇزىنىڭ باياندى بەيبىتشىلىگى مەن ورتاق كوركەيۋ ىستەرىنە اناعۇرلىم زور ۇلەس قوسۋىمىز كەرەك. شي جينپيڭ مىناداي 5 ٴتۇرلى ۇسىنىستى ورتاعا قويدى. 

 

ٴبىرىنشى، ىنتىماق، سەلبەستىك جولىمەن ٴجۇرۋ. ساياساتتىق سۇحپاتتى جانە تۇسىنىستىكتى، سايكەستىكتى كۇشەيتۋ؛ ٴبىر-ٴبىرىنىڭ قاداعالاپ وتىرعان ۇيلەسىمدى ماسەلەلەرىنە قۇرمەت ەتۋ؛ جارىققا شىققان ماسەلەلەردى سەلبەستىك بارىسىندا دەر كەزىندە شەشىپ، شاڭحاي سەلبەستىك ۇيىمىنىڭ دامۋ بەتالىسىن ورتاق كۇش سالا ورنىقتى يگەرۋ كەرەك. ٴتۇزىم سەنىمىن بەكەمدەۋ؛ «اعا شونەلىك» ايبار جاسالعان ٴار قانداي سىلتەمەلەردى استە قابىلداماۋ؛ ٴار ەلدىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولى مەن باسقارۋ ۇلگىسىن قاراستىرۋىن باتىل قولداۋ؛ سىرتقى كۇشتەردىڭ ٴارقانداي سىلتاۋمەن وڭىرلىك ەلدەردىڭ ىشكى ىسىنە كيلىگۋىنە استە جول بەرمەۋ؛ ٴوز ەلىنىڭ دامۋ، العا باسۋ بولاشاعى مەن تاعدىرىن ٴوز قولىندا مىعىم ۇستاۋ كەرەك.

 

حالىقتى بارىنەن جوعارى قويۋ، ٴومىردى بارىنەن جوعارى قويۋ تانىمىنان كوزجازباي، عىلمي رۋحتى ساۋلەلەندىرىپ، جۇقپالى اۋرۋرعا قارسى تۇرۋداعى حالىقارالىق سەلبەستىكتى ىشكەرىلەي ورىستەتۋ؛ ۆاكسينانىڭ ٴادىل، ۇيلەسىمدى ٴبولىسىن جەبەۋ؛ ۆيرۋستىڭ توركىنىن ىزدەۋدى ساياسيلاندىرۋدى باتىل تەجەۋ كەرەك. جۇڭگو قازىرگە دەيىن 100 دەن استام مەملەكەت پەن حالىقارالىق ۇيىمعا ٴبىر ميلليارد 200 ميلليون داناعا جۋىق ۆاكسينا جانە اۋەلگى ەرتىندى ٴدارى بەردى، تۇتاس جىلدا دۇنيە جۇزىنە 2 ميلليارد ۆاكسينا بەرۋ جوسپارىن جەدەل ورىندايدى؛ دامۋ جولىنداعى ەلدەرمەن بولعان جۇقپالى اۋرۋعا قارسى تۇرۋ سەلبەستىگىن تەرەڭدەتەدى؛ «جاڭا تيپتى ايدارشا ۆيرۋسقا قارسى ۆاكسينا اتقارۋ جوسپارىنان» ويداعىداي پايدالانىپ، 100 ميلليون امەريكا دوللارى جىلۋ اتاپ، ادامزاتتىڭ جۇقپالى اۋرۋدى تۇبەگەيلى جەڭۋىنە ٴتيىستى ۇلەس قوسادى. 

 

ەكىنشى، حاۋىپ-قاتەردى ورتاق ارقالاۋ جولىمەن ٴجۇرۋ. ورتاقتىق، ۋنيۆەرسالدىق، سەلبەستىك، باياندىلىق حاۋىپسىزدىك كوزقاراسىنا تاباندى بولۋ؛ «شىعىس تۇركستان ٴىسلام قوزعالىسى» سياقتى «ٴۇش ٴتۇرلى كەرى كۇشكە» قاتاڭ سوققى بەرۋ؛ ەسىرتكىگە تيىم سالۋ، شەكارا قورعانىسى، كولەمدى قيمىلداردىڭ حاۋىپسىزدىگىن قورعاۋ جاقتارىنداعى سەلبەستىكتى ىشكەرىلەتۋ؛ وسى ۇيىمنىڭ حاۋىپسىزدىك سەلبەستىك مەحانيزمىن جەدەل كەمەلدەندىرۋ؛ ٴار ەلدىڭ باسقارۋشى تاراۋلارىنىڭ ورنىقتىلىقتى قورعاۋ، توسىن ۋاقيعالاردى ٴبىر جاقتى ەتۋ قابىلەتى قۇرىلىسىن كۇشەيتۋ كەرەك. مۇشە ەلدەر اراسىنداعى سەلبەستىكتى كۇشەيتۋ؛ افعانستان جاعدايىنىڭ ورنىقتىلىققا ٴوتۋىن جەبەپ، بەيبىتشىلىك، ورنىقتىلىق، دامۋ جولىنا شىن مانىندە ٴتۇسىرۋ كەرەك. 

 

ٴۇشىنشى، ەسىك اشۋ، توعىسۋ جولىمەن ٴجۇرۋ. ساۋدا جانە قارجى قوسۋدىڭ ەركىن، قولايلى بولۋىن ۇزدىكسىز ىلگەرىلەتۋ؛ ادامداردىڭ، زاتتاردىڭ، قارجىنىڭ، ساندى مالىمەتتەردىڭ حاۋىپسىز، ٴتارتىپتى اعىلۋىن قامتاماسىزداندىرۋ؛ سيفرلى ەكونوميكا، جاسىل ەنەرگيا، وسىزامانعى اۋىل شارۋاشىلىعى سەلبەستىگىنىڭ ارتۋ تۇيىندەرىن قالىپتاستىرۋ كەرەك. «ٴبىر بەلدەۋ، ٴبىر جولدى» ورتاق قۇرۋ دارىپتەمەسىنىڭ ٴار ەلدىڭ دامۋ ستراتەگياسىمەن، سونداي-اق ەۆروپا-ازيا ەكونوميكالىق وداعى سياقتى وڭىرلىك سەلبەستىك دارىپتەمەسىمەن ىشكەرىلەي ۇشتاسۋىن جەبەۋ؛ كاسىپ تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قورعاۋ؛ ٴار ەل ەكونوميكاسىنىڭ توعىسۋىن، دامۋى ىقپالداستىعىن، تابىستان ورتاق يگىلىكتەنۋىن جەبەۋ كەرەك. 

 

جۇڭگو بازار ورايىنان ۇزدىكسىز يگىلىكتەنىپ، الداعى 5 جىلدا وسى ۇيىمداعى ەلدەرمەن بولعان جالپى ساۋدا سوماسىن 2 تريلليون 300 ميلليارد امەريكا دوللارىنا جەتكىزۋ نىساناسىن جۇزەگە اسىرۋعا كۇش سالۋدى قالايدى. جۇڭگو جاق جۇڭگو-شاڭحاي سەلبەستىك ۇيىمى ەكونوميكا-ساۋدا ينستيتۋتىن قۇرىپ، 2-مەرزىمدىك ارناۋلى قارىز اقشانى «ٴبىر بەلدەۋ، ٴبىر جولدى» ورتاق قۇرۋ سەلبەستىگىنە پايدالانۋدى اتقارا باستاپ، وسىزاماندانعان ٴوزارا بايلانىس، نەگىزدىك قۇرىلعى قۇرىلىسى، جاسىل، تومەن كومىرتەكتى، باياندى دامۋ سياقتى نىسانداردى ٴتۇيىندى تۇردە قولدايدى.

 

ٴتورتىنشى، ٴوزارا ۇيرەنۋ، ٴوزارا ۇلگى الۋ جولىمەن ٴجۇرۋ. تۇرلىشە وركەنيەتتەردىڭ اۋىس-كۇيىس سۇحپاتىن، جاراسىمدى ورتاق ٴومىر ٴسۇرۋىن دارىپتەۋ؛ عىلىم-تەحنيكا، وقۋ-اعارتۋ، مادەنيەت، دەنساۋلىق ساقتاۋ، كەدەيلەردى سۇيەمەلدەۋ سياقتى سالالاردا جەرلىك جاعدايعا ۇيلەسەتىن، جۇرت تىلەگىن توعىستىراتىن اناعۇرلىم كوپ نىسانداردى قالىپتاستىرۋ كەرەك. الداعى 3 جىلدا جۇڭگو شاڭحاي سەلبەستىك ۇيىمىنا مۇشە ەلدەرگە كەدەيلەردى سۇيەمەلدەۋ نىسانى بويىنشا 1000 ادامدىق كۋرس اشىپ، لۋبان شەبەرحاناسىنان 10 شەبەرحانا قۇرادى؛ «جىبەك جولى بەرەكە شاڭىراعى» ارەكەت جۇلگەسىندە دەنساۋلىق ساقتاۋ، سالاماتتىق، كەدەيلەردى سۇيەمەلدەۋ، قۇتقارۋ، مادەنيەت، وقۋ-اعارتۋ سياقتى سالالارداعى 30 ٴتۇرلى سەلبەستىك نىسانىن ورىستەتەدى. جۇڭگو كەلەر جىلى وسى ۇيىمنىڭ جاستاردىڭ عىلىم-تەحنيكادا جاڭالىق جاراتۋ تالقىسىن وتكىزەدى؛ وسى ۇيىمنىڭ ٴداستۇرلى ٴدارى-دارمەك كاسىبى وداعىن قۇرۋدى دارىپتەيدى. ٴار قايسى جاقتاردىڭ 2022-جىلعى بەيجيڭ قىسقى وليمپيك سپورت جارىسىنا، مۇگەدەكتەر قىسقى وليمپيك ىسپورت جارىسىنا قاتىناسۋىن، قاراپايىم، حاۋىپسىز، تارتىمدى بولعان وليمپيك سپورت جارىسىن وتكىزۋگە ورتاق كۇش سالۋىن قارسى الامىز. 

 

بەسىنشى، تەڭدىك، ادىلدىك جولىمەن ٴجۇرۋ. «مەزەتتىك كۇشتى-السىزدىكتى بىلەك كۇشى بەلگىلەيدى، ماڭگىلىك جەڭۋ-جەڭىلىستى ادىلەت كۇشى بەلگىلەيدى». حالىقاراداعى ىستەردى شەشۋدە اتالمىش «كۇشىلەردىڭ ايتقانىنا كونىپ ايداعانىنا جۇرۋگە»، زورەكەرلىك، وكتەمدىك ىستەۋگە بولمايدى، ب م ۇ ۋستاۆىنىڭ نەگىزگى ماقساتى مەن پرينسيبىن ولشەم ەتۋ؛ ورتاق اقىلداسۋعا، ورتاق قۇرۋعا، ورتاق يگىلىكتەنۋگە تاباندى بولۋ؛ ناعىز كوپ جاقتىلىقتى ٴامالياتتا ايگىلەۋ؛ اتالمىش «ەرەجەنى» جەلەۋ ەتىپ، حالىقارالىق ٴتارتىپتى بۇلدىرەتىن، قارسىلاسۋ جانە بولشەكتەۋشىلىك تۋدىراتىن ارەكەتتەرگە قارسى تۇرۋ كەرەك. ٴوزارا تيىمدىلىك جەتكىزە ورتاق يگىلىكتەنەتىن سەلبەستىك كوزقاراسىنا تاباندى بولۋ؛ سيىسىمدى، جالپىعا ٴتيىمدى دامۋ بولاشاعىن قالىپتاستىرۋ كەرەك. 

 

شي جينپيڭ بىلاي دەپ انىق ايتتى: ۇزدىكسىز زورايعان «شاڭحاي سەلبەستىك ۇيىمى ۇلى شاڭىراعىنىڭ» دۇنيە جۇزىندەگى بارلىق العاباسار كۇشتەرمەن قول ۇستاسا العا باسىپ، دۇنيە ٴجۇزى بەيبىتشىلىگىنىڭ قۇرۋشىسى، دۇنيە ٴجۇزى دامۋىنىڭ ۇلەس قوسۋشىسى، حالىقارالىق ٴتارتىپتىڭ قورعاۋشىسى بولاتىندىعىنا سەنەمىن. 

 

شي جينپيڭ ٴسوزىنىڭ سوڭىندا بىلاي دەدى: ٴبىز «شاڭحاي رۋحى» تۋىن بيىك ۇستاپ، اۋەلگى ماقساتتى ۇمىتپاي، ۇدەرە العا تارتىپ، ادامزاتتىڭ تاعدىرلاس ورتاق تۇلعاسىن قۇرۋ دۇرىس جولىن بويلاپ، شاڭحاي سەلبەستىك ۇيىمى دامۋىنىڭ جاڭا جورىعىن باستايىق! 

 

شاڭحاي سەلبەستىك ۇيىمىنا كەزەكتى ٴتوراعا ەل تاجىكستاننىڭ پرەزيدەنتى راحمان ٴماجىلىستى باسقاردى، قازاقستاننىڭ پرەزيدەنتى توقايەۆ، قىرعىزستاننىڭ پرەزيدەنتى زاپاروۆ، پاكيستاننىڭ زۇڭليى يمرانحان، وزبەكستاننىڭ پرەزيدەنتى ميرزيويەۆ قاتارلى مۇشە ەلدەردىڭ باسشىلارى، شاڭحاي سەلبەستىك ۇيىمىنىڭ باس حاتشىسى نوروۆ، شاڭحاي سەلبەستىك ۇيىمى وڭىرلىك تەررورلىققا قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى گيوسوۆ قاتارلى تۇراقتى قۇرىلىمداردىڭ جاۋاپتىلارى، سونداي-اق بەلورۋسسيانىڭ پرەزيدەنتى لۋكاشەنكو، يراننىڭ پرەزيدەنتى رايسي قاتارلى باقىلاۋشى ەلدەردىڭ باسشىلارى مەن ٴتوراعا ەلدىڭ قوناعى تۇركىمەنستاننىڭ پرەزيدەنتى بەردىمۇحامەتوۆ ماجىلىسكە قاتىناستى. رەسەيدىڭ پرەزيدەنتى پۋتين، ينديانىڭ زۇڭليى مودي، موڭعۇليانىڭ پرەزيدەنتى حۇرسۋح، ب م ۇ-نىڭ باس حاتشىسى گۋتتەرەس كەسكىن تاسىلىمەن ماجىلىسكە قاتىناستى.

 

ماجىلىسكە قاتىناسقان باسشىلار شاڭحاي سەلبەستىك ۇيىمى قۇرىلعان 20 جىلدان بەرى ساياسي، ەكونوميكا، حاۋىپسىزدىك، گۋمانيتارلىق سياقتى سالالاردا قول جەتكىزگەن وراسان زور تابىستاردى جان-جاقتى ەسكە الدى جانە بەلسەندى باعا بەردى، «شاڭحاي رۋحىن» ۇزدىكسىز نەگىز ەتىپ، ٴوزارا قۇرمەتتەۋ جانە ٴوزارا قولداۋ؛ تەڭدىك، ٴوزارا تيىمدىلىك سەرىكتەستىك قاتىناسىن ورناتىپ، ورتاق مۇددەنى قورعاپ، جاڭا جاعداي، جاڭا سىن-سايىستارعا سەلبەسە توتەپ بەرۋ؛ شاڭحاي سەلبەستىك ۇيىمىنىڭ باياندى، اقاۋسىز، ورنىقتى دامۋىن ىلگەرىلەتۋ؛ ٴوڭىردىڭ جالپى بەتتىك حاۋىپسىزدىگى مەن ورتاق كوركەيۋىن جەبەۋ؛ جاڭاشا حالىقارالىق قاتىناس جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك دەگەندى ٴبىلدىردى. ماجىلىسكە قاتىناسقان ٴار قايسى جاقتار بىلاي دەدى: ىنتىماقتى كۇشەيتىپ، جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا سەلبەسە قارسى تۇرۋ؛ ۆاكسينا سەلبەستىگىن كۇشەيتۋ؛ ۆيرۋس توركىنىن ىزدەۋدى ساياسيلاندىرۋعا قارسى تۇرۋ كەرەك. ەكونوميكا-ساۋدا، ەنەرگيا، جاڭالىق جاراتۋ، جالپى جۇزدىك قارىم-قاتىناس، سيفرلى ەكونوميكا، ورتا قورعاۋ سياقتى سالالارداعى سەلبەستىكتى تەرەڭدەتۋ؛ ادامدى نەگىز ەتۋگە تاباندى بولىپ، گۋمانيتارلىق اۋىس-كۇيىستى كۇشەيتىپ، باياندى دامۋدى جۇزەگە اسىرىپ، وڭىردەگى مەملەكەت حالقىنا ٴتىپتى دە زور باقىت جاراتۋ كەرەك. كوپ جاقتىلىقتى قولداۋ؛ ب م ۇ ەرەجەسىنىڭ ماقساتى مەن پرينسيبىن قورعاۋ؛ حالىقارالىق قاتىناستىڭ دەموكراتيالانۋىن جەبەپ، زورەكەرلىككە، سىڭار جاقتىلىققا قارسى تۇرۋ؛ دەموكراتيانى، ادامدىق ۇقىقتى سىلتاۋ ەتە باسقا ەلدەردىڭ ىشكى ىسىنە كيلىگۋگە قارسى تۇرۋ؛ ٴار ەلدىڭ دامۋ جولىن دەربەس تاڭداۋىن قولداۋ كەرەك. تەررورلىققا قارسى تۇرۋ سەلبەستىگىن اناعۇرلىم كۇشەيتۋ؛ «ٴۇش ٴتۇرلى كۇشكە» جانە ەل اتتاعان قىلمىستارعا تىزە قوسا سوققى بەرىپ، ٴوڭىردىڭ حاۋىپسىزدىگى مەن ورنىقتىلىعىن ورتاق قورعاۋ كەرەك. «ٴبىر بەلدەۋ، ٴبىر جول» دارىپتەمەسىنىڭ ەۆروپا-ازيا ەكونوميكالىق وداعى قۇرىلىسىمەن ۇشتاسۋىن ىلگەرىلەتۋگە قولداۋ كورسەتۋ كەرەك. ٴار قايسى جاقتار بىلاي دەستى: دەنە تاربيە قيمىلىن ساياسيلاندىرۋعا قارسى تۇرۋ؛ جۇڭگونىڭ بەيجيڭ قىسقى وليمپيك ىسپورت جارىسىن، مۇگەدەكتەر قىسقى وليمپيك ىسپورت جارىسىن ٴساتتى وتكىزۋىن قولداۋ كەرەك. ٴار قايسى جاقتار افعانستان جاعدايىنا ايرىقشا نازار اۋدارىپ، افعانستاننىڭ تەررورلىق قاتەردى جويۋىن، بەيبىتشىلىك پەن قايتا قۇرۋدى جۇزەگە اسىرۋىن قولدايتىندىقتارىن، شاڭحاي سەلبەستىك ۇيىمىنىڭ بۇل جاعىندا بەلسەندى رول اتقارۋى كەرەكتىگىن ٴبىلدىردى. 

 

ماجىلىستە يراندى مۇشە ەل ەتىپ قابىلداۋ ٴتارتىبى باستالدى، ساۋد ارابيا، ەگيپەت، كاتار جاڭا سۇحپات سەرىگى دەپ قابىلداندى. 

 

ماجىلىستە وزبەكستاندى شاڭحاي سەلبەستىك ۇيىمىنا كەزەكتى ٴتوراعا ەل ەتىپ تاعايىنداۋ ۇيعارىلدى. 

 

مۇشە ەلدەردىڭ باسشىلارى «شاڭحاي سەلبەستىك ۇيىمىنىڭ 20 جىلدىعى دۋشانبە جارناماسىنا» قول قويدى ٴارى ٴبىر قىدىرۋ قارارلاردى بەكىتتى. ماجىلىستە عىلىم-تەحنيكادا جاڭالىق جاراتۋ، استىق حاۋىپسىزدىگى سياقتى سالالارداعى سەلبەستىككە قاتىستى مالىمدەمەلەر جاريالاندى. 

 

ديڭ شۋەشياڭ، ياڭ جيەچى، حى ليفىڭ قاتارلىلار بەيجيڭدە ماجىلىسكە بەينە ەكران فورماسىندا قاتىناستى. 

 

ۋاڭ ي ٴتوراعا شي جينپيڭنىڭ ەرەكشە ۋاكىلى رەتىندە تاجىكستاندا ماجىلىسكە قاتىناستى.

来源:中央广播电视总台

 

 

 

视频制作:夏力哈尔

主播:巴拉番

微信制作:古丽美热

تومەندەگى  阅读原文  جالعانىمىن باسىپ حاباردىڭ تۇنىق كەسكىنىن كورىڭىزدەر 

↓↓↓

 

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

شي جينپيڭ شاڭحاي سەلبەستىك ۇيىمىنىڭ21-رەتكى ماجىلىسىنە قاتىناستى

ماجىلىستە وزبەكستاندى شاڭحاي سەلبەستىك ۇيىمىنا كەزەكتى ٴتوراعا ەل ەتىپ تاعايىنداۋ ۇيعارىلدى