ينفورماتسيا اشكەرەلەۋ: mzjubao@cnr.cn

باس حابار

شي جينپيڭ قارتتار مەرەكەسى قارساڭىندا بۇكىل ەلدەگى قارتتارعا مەرەكەلىك سالەم جولدادى

来源:جۇڭگو قازاق راديو تورابى     |责编:阿依娜古丽|     发布日期: 2021-10-14 09:26

 

ٴوز حابارىمىز. جۇڭگونىڭ ٴداستۇرلى مەرەكەسى قارتتار مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قارتتار قىزمەتى جونىندە ماڭىزدى نۇسقاۋ بەرىپ، پارتيا ورتالىق كوميتەتى اتىنان بۇكىل ەلدەگى قارتتاردىڭ دەندەرىنىڭ ساۋ، ومىرلەرىنىڭ ۇزاق، تۇرمىستارىنىڭ باقىتتى بولۋىن تىلەدى.


    شي جينپيڭ مىنالاردى انىق ايتتى: ٴار دارەجەلى پارتكومدار مەن ۇكىمەتتەر قارتتار قىزمەتىنە وسكەلەڭ ٴمان بەرۋ جانە شىنايى جاقسى ىستەۋ؛ جان سانىنىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن دايەكتى تياناقتاندىرۋ؛ قارتتار جونىندەگى بەلسەندى كوزقاراستى، قارتتار سالاماتتىعى تانىمىن ەكونوميكالىق، قوعامدىق دامۋدىڭ تۇتاس بارىسىنا ٴسىڭىرۋ؛ تۇزىمدە جاڭالىق جاراتۋ، ساياساتتىق دەمەۋ، قازىنالىق ۇسىنىلىم تەبىنىن ارتتىرۋ ارقىلى قارتتار قىزمەتى جۇيەسىن اقاۋسىزداندىرۋ جانە كەمەلدەندىرۋ؛ نەگىزگى ساتىنى كۇش ـ قۋاتپەن تولىقتاۋدى كۇشەيتۋ؛ قوعامدىق قامتاماسىزداندىرۋ جۇيەسىن، زەينەتكەرلىك، قىزمەت وتەۋ جۇيەسىن، سالاماتتىق تىرەك جۇيەسىن كەمەلدەندىرۋدى جەدەلدەتۋ كەرەك.


    شي جينپيڭ بىلاي دەپ باسا دارىپتەدى: تۋىس ـ تۋعاندارعا وپالى بولۋ، قارتتاردى قۇرمەتتەۋ ٴداستۇرلى تاماشا ٴمورالىن بارىنشا ساۋلەلەندىرۋ؛ قارتتارعا قامقورلىق جاساۋ ساياساتتارىن ويداعىداي تياناقتاندىرۋ؛ قارتتاردىڭ زاڭدى ۇقىق-مۇددەسىن ويداعىداي قورعاپ، قارتتاردىڭ بەلسەندى رولىن ويداعىداي ساۋلەلەندىرىپ، قارتتاردى رەفورما، دامۋ جەتىستىكتەرىنەن ورتاق يگىلىكتەندىرۋ، باقىتتى ٴومىردىڭ سوڭعى شاقتارىن الاڭسىز وتكىزەتىن ەتۋ كەرەك.

اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ قارتتار مەرەكەسى قارساڭىندا بۇكىل ەلدەگى قارتتارعا مەرەكەلىك سالەم جولدادى

ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قارتتار قىزمەتى جونىندە ماڭىزدى نۇسقاۋ بەرىپ، پارتيا ورتالىق كوميتەتى اتىنان بۇكىل ەلدەگى قارتتاردىڭ دەندەرىنىڭ ساۋ، ومىرلەرىنىڭ ۇزاق، تۇرمىستارىنىڭ باقىتتى بولۋىن تىلەدى.