ينفورماتسيا اشكەرەلەۋ: mzjubao@cnr.cn

باس حابار

رەفورمانى جالپى بەتتىك تەرەڭدەتۋ كوميتەتىنىڭ ٴماجىلىسى اشىلدى

来源:央广网     |责编:古丽美热·霍孜汗|     发布日期: 2021-11-25 14:31

رەفورمانى جالپى بەتتىك تەرەڭدەتۋ كوميتەتىنىڭ ٴماجىلىسى اشىلدى

شي جينپيڭ ورتالىقتىڭ رەفورمانى جالپى بەتتىك تەرەڭدەتۋ كوميتەتىنىڭ 22-رەتكى ٴماجىلىسىن باسقارىپ اشتى

ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىقتىڭ رەفورمانى جالپى بەتتىك تەرەڭدەتۋ كوميتەتىنىڭ مەڭگەرۋشىسى شي جينپيڭ 11-ايدىڭ 24-كۇنى تۇستەن كەيىن ورتالىقتىڭ رەفورمانى جالپى بەتتىك تەرەڭدەتۋ كوميتەتىنىڭ 22-رەتكى ٴماجىلىسىن باسقارىپ اشتى. ماجىلىستە «2021-جىلدان 2023-جىلعا دەيىنگى عىلىم-تەحنيكا ٴتۇزىلىس رەفورماسىندا قامال الۋ 3 جىلدىق جوسپارى»، «مەملەكەت بويىنشا ٴبىر تۇتاس ەلەكتر قۋات بازار جۇيەسىن جەدەل قۇرۋ جونىندەگى جەتەكشى پىكىر»، «ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتىلىق ٴتۇزىمىن ورناتۋ جونىندەگى پىكىردىڭ سىناق رەتىندە اتقارۋ نۇسقاسى»، «مادەني مۇرالاردى جانداندىرۋ، جۇڭحۋا مادەنيەتىنىڭ حالىقارالىق ىقپالىن ۇلعايتۋ جونىندەگى اتقارۋ پىكىرى»، «جۇڭگۋانسۇن مەملەكەتتىك دەربەس جاڭالىق جاراتۋ ۇلگى رايونىنىڭ جوعارى دەڭگەيلى عىلىم-تەحنيكا ارقىلى الۋەتتەنۋ، الدىمەن سىناق ەتۋ رەفورماسىن ورىستەتۋىن قولداۋ جونىندەگى شارالار» قاراپ ماقۇلداندى. 

 

شي جينپيڭ ٴماجىلىستى باسقارعاندا مىنالاردى باسا دارىپتەدى: عىلىم-تەحنيكا ٴتۇزىلىس رەفورماسىنان قامال الۋدى ورىستەتۋدەگى ماقسات-ٴتۇزىلىس مەحانيزمى جاعىنان عىلىم-تەحنيكادا جاڭالىق جاراتۋ جانە شۇعىل جاعدايعا توتەپ بەرۋ، وزگەرىسكە توتەپ بەرۋ قابىلەتىن كۇشەيتۋ؛ نىسانانى، ماسەلەنى نىشان ەتۋدى كورنەكتەندىرىپ، ٴتۇيىندى يگەرىپ، ولقىلىقتاردى تولىقتاپ، ٴالسىز بۋىنداردى بەكەمدەپ، نىسانانى كوزدەپ، دالمە-ٴدال كۇش سالىپ، ونىمدىلىكتى ەرتە بايقاپ، جوعارى دەڭگەيدەگى عىلىم-تەحنيكادا ٴوز كۇشىنە سۇيەنىپ الۋەتتەنۋدى قامتاماسىزداندىرۋ ٴتۇزىم جۇيەسىن جەدەل ورناتىپ، عىلىم-تەحنيكادا جاڭالىق جاراتۋدىڭ جۇيەلىلەنۋ قابىلەتىن جوعارىلاتۋ بولىپ تابىلادى. ەلەكتر بازارىنىڭ اينالىم زاڭدىلىعى مەن بازار شارۋاشىلىعىنىڭ زاڭدىلىعىنا بويسۇنىپ، ەلەكتر بازارى تۇتاس تۇلعالىق جوسپارلاۋدى ساپالاندىرىپ، ەلەكتر بايلىعىمەن مەملەكەت بويىنشا اناعۇرلىم كەڭ كولەمدە ٴوزارا قامداۋدى جانە ساپالى ورنالاستىرۋدى جۇزەگە اسىرىپ، ٴبىر تۇتاس اشىق ۇستالعان، باسەكەسى ٴتارتىپتى، حاۋىپسىز، جوعارى ٴونىمدى، باسقارۋى كەمەلدى ەلەكتر بازار جۇيەسىن جەدەل قالىپتاستىرۋ كەرەك. پارتيانىڭ وقۋ-اعارتۋ قىزمەتىنە جالپى بەتتىك باسشىلىعىن كۇشەيتۋ-وقۋ-اعارتۋدى ويداعىداي باسقارۋدىڭ ٴتۇبىرلى كەپىلى. ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتىلىق ٴتۇزىمىن ورناتۋ؛ ساياسي ولشەم مەن ساياسي تالاپتى وقۋ-اعارتۋدى باسقارۋدىڭ، مەكتەپ باسقارۋدىڭ، ٴبىلىم بەرىپ، دارىندىلار تاربيەلەۋدىڭ جالپى بارىسىنا، بارلىق جاعىنا ٴسىڭىرۋ؛ پارتيا ىستەرى ٴۇشىن دارىندىلار تاربيەلەۋگە، مەملەكەت ٴۇشىن دارىندىلار تاربيەلەۋگە تاباندى بولۋ؛ پارتيانىڭ وقۋ-اعارتۋ باعىتىنىڭ جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ورتا، باستاۋىش مەكتەپتەردە دايەكتى تياناقتانۋىنا كەپىلدىك ەتۋ كەرەك. مادەني مۇرالاردى قورعاۋ، پايدالانۋدى جانە مادەني مۇرالاردى قورعاۋ، مۇراگەرلىك ەتۋدى كۇشەيتۋ؛ مادەني مۇرالاردى زەرتتەۋ، ٴتۇسىندىرۋ جانە ۇگىتتەپ تاراتۋ ورەسىن جوعارىلاتۋ؛ مادەني مۇرالاردى شىن مانىندە جانداندىرىپ سوتسياليستىك رۋحاني وركەنيەت قۇرىلىسىن كۇشەيتۋدىڭ ۇشان تەڭىز قاينارىنا، جۇڭحۋا مادەنيەتىنىڭ حالىقارالىق ىقپالىن كەڭەيتۋ ماڭىزدى بەلگىسىنە اينالدىرۋ كەرەك. جۇڭگۋانسۇن مەملەكەتتىك دەربەس جاڭالىق جاراتۋ ۇلگى رايونىنىڭ عىلىم-تەحنيكا بايلىعى مەن تۇزىمدە جاڭالىق جاراتۋ ابزالدىلىعىن اناعۇرلىم ويداعىداي ساۋلەلەندىرۋىنە قولداۋ كورسەتىپ، جوعارى دەڭگەيلى عىلىم-تەحنيكادا ٴوز كۇشىنە سۇيەنىپ الۋەتتەنۋ، الدىمەن سىناق ەتۋ رەفورماسىن ورىستەتۋ كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جالپى بەتتىك تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى. 

 

ماجىلىستە مىنالار انىق ايتىلدى: پارتيا 18ـ قۇرىلتايىنان بەرى، پارتيا ورتالىق كوميتەتى عىلىم-تەحنيكا ٴتۇزىلىس رەفورماسىن جۇيەلى ورنالاستىرىپ جانە جالپى تۇلعالىق ىلگەرىلەتىپ، عىلىم-تەحنيكا سالاسىنداعى نەگىزدىك تۇزىمدەردى نەگىزىنەن ورناتىپ، كەيبىر ماڭىزدى سالالار مەن شەشۋشى بۋىندارداعى رەفورمادا ماندىك ىلگەرىلەۋشىلىككە قول جەتكىزىپ، كوپتەگەن قيىن ماسەلەلەردى شەشتى. الايدا جاڭا جاعداي، جاڭا تالاپتارمەن سالىستىرعاندا، ەلىمىزدىڭ عىلىم-تەحنيكا تۇزىلىسىندە ءالى دە كەيبىر كورنەكتى ولقىلىقتار ورىن تەۋىپ وتىر، ءىشىنارا تەرەڭ قاتپارلى تۇزىلىستىك، مەحانيزمدىك كەدەرگىلەر ءالى تۇبەگەيلى الاستالعان جوق. 

 

ماجىلىستە بىلاي دەپ باسا دارىپتەلدى: مەملەكەتتىك ستراتەگيالىق عىلىم-تەحنيكا كۇشتەرىن نىعايتۋ، پارتيا مەن مەملەكەتتىڭ كەلەلى عىلىم-تەحنيكادا جاڭالىق جاراتۋدىڭ باسشىسى، ۇيىمداستىرۋشىسى بولۋ رولىن ساۋلەلەندىرىپ، شەشۋشى، وزەكتى تەحنيكالاردان قامال الۋدىڭ جوعارى ٴونىمدى ۇيىمدىق جۇيەسىن ورناتۋ؛ بورىش ارقىلى دەم بەرەتىن، مىندەت ارقىلى جەتەكشىلىك ەتەتىن مەملەكەتتىك تاجىريبەحانا جۇيەسىن ورناتۋ؛ نەگىزدىك پاندەردى زەرتتەۋ ورتالىعىن قۇرۋ؛ كەلەلى عىلىم-تەحنيكا نىساندارىن جوسپارعا الۋ جانە ۇيىمدىق باسقارۋ تاسىلىنە رەفورما جاساپ، جاڭالىق جاراتىپ، جۇيەلى باسەكە قۋاتىن نىعايتۋ كەرەك. عىلىم-تەحنيكالىق كۇشتەر قۇرىلىمىن ساپالاندىرۋ؛ كاسىپورىنداردىڭ عىلىم-تەحنيكادا جاڭالىق جاراتۋداعى نەگىزگى تۇلعالىق رولىن ساۋلەلەندىرۋ؛ عىلىم-تەحنيكادا، كاسىپتە، فينانستا ۇتىمدى اينالىم قالىپتاستىرۋدى ىلگەرىلەتۋ؛ عىلىم-تەحنيكا جەتىستىكتەرىن كادەگە جاراتۋدى، قولدانۋدى جەدەلدەتۋ كەرەك. عىلىم-تەحنيكا دارىندىلارىن تاربيەلەۋ، ىستەتۋ، باعالاۋ، قىزمەت وتەۋ، قولداۋ، شابىتتاندىرۋ سياقتى ٴتۇزىلىس-مەحانيزمدەردى كەمەلدەندىرۋ؛ مەملەكەتتىڭ ستراتەگيالىق دارىندىلار كۇش-قۋات قوسىنىن قۇرۋدى جەدەلدەتۋ؛ مەملەكەت بورىشىن وتەۋ بارىسىندا دارىندىلاردى جەتىلدىرۋ جانە ولاردىڭ نەگىزگى تۇلعالىق ومىرشەڭدىك كۇشىن قاۋلاتۋ كەرەك. ۇكىمەتتىڭ عىلىم-تەحنيكالىق باسقارۋ فۋنكتسياسىندا بۇرىلىس جاساۋدى اناعۇرلىم باتىلدىقپەن جەدەلدەتۋ؛ ستراتەگيانى مەڭگەرۋ، رەفورمانى مەڭگەرۋ، جوسپاردى مەڭگەرۋ، قىزمەت وتەۋدى مەڭگەرۋ دەڭگەيىندا مىزعىماي تاباندى تۇرۋ ؛ جوسپار، ساياسات ارقىلى جەتەكشىلىك ەتتىرۋدى كۇشەيتۋ؛ كەلەلى عىلمي زەرتتەۋ نىساندارىنا باسشىلىق جانە جەتەكشىلىك ەتۋدى كۇشەيتۋ؛ كاسىپورىندارعا اناعۇرلىم دالمە-ٴدال جەتەكشىلىك ەتۋ جانە قىزمەت وتەۋ كەرەك. مىندەتتىڭ قاجەتى مەن قىزمەتتىڭ ٴىس جۇزىندىك جاعدايىنا قاراي عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنە تولىق ۇقىق بەرۋ؛ جاۋاپكەرشىلىك ٴتۇزىم ورناتۋ؛ «اسكەري بۇيرىق» ٴتۇزىمىن ورناتۋ؛ جاۋاپكەرشىلىك ارقالاناتىن، باسقارۋ جۇرگىزىلەتىن، باقىلاناتىن بولۋدى جۇزەگە اسىرۋ؛ بەرىلگەن ۇقىقتى ويداعىداي جۇرگىزە الماعانداردىڭ، جاۋاپكەرشىلىگىن تولىق اتقارماعانداردىڭ جاۋاپكەرشىلىگىن قۋزاستىرۋ؛ تومەنگە بەرىلگەن ۇقىق شەگىنىڭ ويداعىداي قابىلدانىپ اتقارىلۋىنا، ويداعىداي پايدالانىلۋىنا كەپىلدىك ەتۋ كەرەك. 

 

ماجىلىستە بىلاي دەپ انىق ايتىلدى: سوڭعى جىلداردان بەرى، ەلىمىزدىڭ ەلەكتر بازار قۇرىلىسى ورنىقتى، ٴتارتىپتى ىلگەرىلەپ، بازارلانعان ساۋدا ەلەكتر مولشەر سالىستىرماسى زور دارەجەدە جوعارىلادى. كوپ ساتىلى، ٴبىر تۇتاس ەلەكتر قۋات بازار جۇيەسىن اقاۋسىزداندىرۋ؛ مەملەكەتتىڭ ەلەكتر قۋات بازارىن قۇرۋدى جەدەلدەتۋ؛ بۇكىل مەملەكەتتىڭ، ولكەلەردىڭ، اۆتونوميالى رايون، توتە قاراستى قالا، وڭىرلەردىڭ ٴار جىكتەگى ەلەكتر قۋات بازارىن سايكەستى اينالىمعا سالۋعا، توعىسپالى دامۋعا جەتەكتەۋ؛ ٴبىر تۇتاس ساۋدا ەرەجەسىن جانە تەحنيكالىق ولشەمدى ارناعا ٴتۇسىرۋ؛ كوپ نەگىزدى باسەكەلى ەلەكتر قۋات بازار جاعدايىن قالىپتاستىرۋدى جەبەۋ كەرەك. كومىر، ەلەكتر باعاسىن بازارلاندىرىپ قالىپتاستىرۋ مەحانيزمىنە رەفورما جاساۋ جانە ونى كەمەلدەندىرۋ؛ ەلەكتر باعا جەتەكتەۋ مەحانيزمىن كەمەلدەندىرۋ؛ ەلەكتر ەنەرگياسىمەن قامداۋ جانە قاجەتسىنۋدى ۇتىمدى تەڭگەرۋ كەرەك. ەلەكتر ەنەرگياسىن ٴبىر تۇتاس جوسپارلاۋ؛ ساياسات، زاڭ-ەرەجە، عىلمي باقىلاۋ-تەكسەرۋ سياقتى قىزمەتتەردى كۇشەيتۋ؛ نەگىزگى الەۋمەتتىك قىزمەت وتەۋمەن قامداۋ ەڭ تومەنگى شەگىن ويداعىداي اتقارۋ؛ تۇرعىندار، اۋىل شارۋاشىلىعى، الەۋمەتتىك ىستەر سياقتى جاقتارداعى ەلەكتردەن پايدالانۋ باعاسىنىڭ سالىستىرمالى ورنىقتىلىعىنا كەپىلدىك ەتۋ كەرەك. ەنەرگيا قۇرىلىمىندا تۇتىنۋ تاسىلىنە بۇرىلىس جاساۋعا ۇيلەسەتىن ەلەكتر بازارى مەحانيزمى قۇرىلىسىن ىلگەرىلەتۋ؛ جاڭا ەنەرگيانىڭ بازار ساۋداسىنا قاتىناسۋىن تارتىپپەن ىلگەرىلەتۋ؛ ەلەكتر قۋاتىن جوسپارلاۋعا جانە ٴونىمدى قارجى قوسۋعا عىلمي جەتەكشىلىك ەتۋ؛ ەلەكتر بازارىنىڭ تازا ەنەرگيا، تومەن كومىرتەكتى تۇتىنۋعا بۇرىلىس جاساۋداعى تىرەكتىك رولىن ساۋلەلەندىرۋ كەرەك.

 

ماجىلىستە مىنالار باسا دارىپتەلدى: پارتيانىڭ ورتا، باستاۋىش مەكتەپتەرگە جالپى بەتتىك باسشىلىعىنا تاباندى بولۋدا جانە كۇشەيتۋدە، سىناق ٴتۇيىن قىزمەتىن ىشكەرىلەي قورىتىندىلاۋ نەگىزىندە، ورتا، باستاۋىش مەكتەپ پارتيا ۇيىمدارىنىڭ باسشىلىق رولىن ساۋلەلەندىرەتىن ٴتۇزىلىس مەحانيزمىن اقاۋسىزداندىرۋ؛ پارتيا ۇيىمىنىڭ بەتالىستى مەڭگەرۋ، جالپى جاعدايدى باسقارۋ، شەشىم جاساۋ، باسشىلىق القانى مەڭگەرۋ، قوسىنعا جەتەكشىلىك ەتۋ، تياناقتاندىرۋعا كەپىلدىك ەتۋ سىندى باسشىلىق مىندەتىن ويداعىداي اتقارۋىنا كەپىلدىك ەتۋ كەرەك. پارتيا قۇرىلىسى قىزمەتىن وقۋ-اعارتۋدى باسقارۋدىڭ، مەكتەپ باسقارۋدىڭ ماڭىزدى مىندەتى ەتۋ؛ نەگىزگى ساتى پارتيا ۇيىمدارىنىڭ رولىن ساۋلەلەندىرۋ؛ پارتيا مۇشەلەرى قوسىنى قۇرىلىسىن كۇشەيتۋ؛ نەگىزگى ساتى پارتيا ۇيىمدارىن مەكتەپتەردىڭ ٴبىلىم بەرىپ، دارىندىلار تاربيەلەۋ بەرىك جاۋىنگەرلىك قامالىنا اينالدىرۋ كەرەك. يدەيالىق-ساياسي قىزمەتتى مىقتى يگەرۋ؛ سوتسياليستىك وزەكتى قۇن كوزقاراسى تاربيەسىن ىشكەرىلەي ورىستەتۋ؛ وقۋشىلار ٴمورال تاربيە قىزمەتىن ويداعىداي يگەرۋ؛ توڭكەرىستىك ٴداستۇردى ساۋلەلەندىرۋدى، توڭكەرىستىك گەندى جالعاستىرۋدى مەكتەپ تاربيەسىنە تەرەڭ ٴسىڭىرۋ؛ پارتيانى، وتاندى، حالىقتى، سوتسياليزمدى ٴسۇيۋ سەزىمىن ارتتىرۋ؛ احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزم قۇرىلىسشىلارىن جانە ٴىزباسارلارىن قۇلشىنا جەتىلدىرۋ كەرەك. تۇرگە ٴبولىپ جەتەكشىلىك ەتۋدى، باسقىشقا ٴبولىپ اتقارۋدى كۇشەيتۋ؛ تۇرلىشە تيپتەگى، تۇرلىشە كولەمدەگى مەكتەپتەرگە باعىتتاي وتىرىپ، يدەيالىق دايىندىقتى، ۇيىمدىق دايىندىقتى، قىزمەت دايىندىعىن ويداعىداي ىستەۋ العى شارتىندا، شارت-جاعدايى پىسىپ-جەتىلگەندەرىن تەڭشەۋ، رەفورمانىڭ ناقتى تياناقتانۋىن ىلگەرىلەتۋ كەرەك. 

 

ماجىلىستە بىلاي دەپ انىق ايتىلدى: پارتيا 18-قۇرىلتايىنان بەرى، ەلىمىزدىڭ مادەني مۇرالار ىستەرى بارىنشا دامىپ، مادەني مۇرالاردى قورعاۋ، باسقارۋ جانە پايدالانۋ دەڭگەيى ۇزدىكسىز جوعارىلادى. مادەني مۇرالاردى قورعاۋدى جالپى تۇلعالىق جوسپارلاۋدى كۇشەيتۋ؛ قۇتقارۋ سيپاتتى قورعاۋ مەن الدىن الۋ سيپاتتى قورعاۋدى، وزىندىك قورعاۋ مەن توڭىرەكتىك قورعاۋدى، جەكە ٴتۇيىندى قورعاۋ مەن شوعىرلى قورعاۋدى ٴبىر تۇتاس جوسپارلاۋ؛ مادەني مۇرالار بايلىعىنىڭ تاريحي شىندىعىن، بەت-بەينەسىنىڭ كەمەلدىلىگىن، مادەنيەتىنىڭ ۇلاسپالىلىعىن قورعاپ، مادەني مۇرالار حاۋىپسىزدىگىنىڭ تومەنگى شەگىن بەكەمدەۋ كەرەك. جۇڭحۋا تاڭداۋلى ٴداستۇرلى مادەنيەتىنىڭ رۋحاني بەلگىلەرىن دۇرىس سۇرىپتاۋ جانە ايگىلەۋ؛ مادەني مۇرالاردىڭ تاريحي قۇنىن، مادەنيەت قۇنىن، ەستەتيكالىق قۇنىن، عىلىم-تەحنيكالىق قۇنىن، داۋىرلىك قۇنىن اناعۇرلىم ويداعىداي ايگىلەۋ كەرەك. تاسىلدە جاڭالىق جاراتۋ؛ تەكشە قۇرىلىسىن كۇشەيتۋ؛ دارىندىلار نەگىزىن بەكەمدەۋ؛ ٴتۇزىلىس مەحانيزمىن كەمەلدەندىرۋ؛ كەلەلى نىسانداردى اتقارۋدى جەتەكشى ەتۋ؛ مادەني ەسكەرتكىشتەردىڭ عىلىم-تەحنيكادا جاڭالىق جاراتۋ قابىلەتى مەن ٴتۇرلى قىزمەتتەردى قامتاماسىزداندىرۋ دەڭگەيىن جوعارىلاتۋ كەرەك. جاڭالىق جاراتۋعا قىزمەت وتەۋدى ورىستەتۋ؛ مادەني ەسكەرتكىشتەردى ناقتى ومىرمەن اناعۇرلىم ويداعىداي توعىستىرۋ، حالىققا قىزمەت ەتتىرۋ؛ مادەني ەسكەرتكىشتەردىڭ شەتەلدەرمەن اۋىس-كۇيىس جاساۋ تەكشەسىن بەلسەنە ۇلعلايتۋ؛ جۇڭحۋا مادەنيەتىن حالىقاراعا تاراتۋ قابىلەتىن الۋان ارنالارمەن جوعارىلاتۋ كەرەك.

 

ماجىلىستە مىنالار انىق ايتىلدى: جۇڭگۋانسۇن مەملەكەتتىك دەربەس جاڭالىق جاراتۋ ۇلگى رايونىنىڭ جوعارى دەڭگەيلى عىلىم-تەحنيكادا ٴوز كۇشىنە سۇيەنىپ الۋەتتەنۋ، الدىمەن سىناق ەتۋ رەفورماسىن ورىستەتۋىنە قولداۋ كورسەتۋ؛ جوعارى دەڭگەيلى عىلىم-تەحنيكادا ٴوز كۇشىنە سۇيەنىپ الۋەتتەنۋدەگى ەڭ كورنەكتى ولقىلىقتى تولىقتاۋدى، ەڭ كوكەيتەستى مىندەتتى ورىنداۋدى كوزدەۋ؛ جاڭالىق جاراتۋ نەگىزگى تۇلعالارىن نىعايتۋ؛ جاڭالىق جاراتۋ فاكتورلارىن شوعىرلاندىرۋ؛ جاڭالىق جاراتۋ مەحانيزمىن ساپالاندىرۋ جاعىندا قامال الۋعا، جاڭالىق جاراتۋعا ۇمتىلۋ؛ دۇنيە ٴجۇزى بويىنشا وزىق عىلىم-تەحنيكا باقشا رايونى جانە جاڭالىق جاراتۋ بيىگىن جەدەل قالىپتاستىرۋ كەرەك. رەفورمادا اناعۇرلىم كوپ ناقتى شارالار قولدانۋ؛ سىناق تۇيىندەرىندە قامال الۋ جانە قىسىم تۇسكەن-تۇسپەگەندىگىن تەكسەرۋ رولىن اتقارتۋ؛ قيىن ماسەلەلەردى شەشۋدىڭ رەال جولىن بەلسەنە قاراستىرۋ؛ حاۋىپ-قاتەردەن ساقتانۋ-تىزگىندەۋ تاجىريبەلەرىن توپتاۋعا نازار اۋدارۋ كەرەك. 

 

ورتالىقتىڭ رەفورمانى جالپى بەتتىك تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

 

来源:中央广播电视总台

 

 

 

主播:热德力

视频制作:那扎

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

رەفورمانى جالپى بەتتىك تەرەڭدەتۋ كوميتەتىنىڭ ٴماجىلىسى اشىلدى

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جالپى بەتتىك تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى